اشمعنى أنا !!! ربنا ما هدانيش !!!

[امة الرحمن/فاطمة]

عمرك ما سألت نفسك السؤال دا

إنت بالذات

اشمعنى ربنا ماهداكش !

فاكر الجروب بتاعك

كان فيه صاحبك دا

يا سبحان الله دلوقتي بقى شيخ

لحيته منورة وشه

الخمس فروض في الجامع

ساب الحاجات اللي كنا بنسمعها

و بقى بيحفظ كتاب ربنا

اشمعنى انتِ

لسة كدا و لبسك عامل كدا

فاكرة صاحبتك اللي كانت زيك كدا بالظبط

دلوقتي لبسها واسع و سابت فلان اللي كانت بتحبه

و بقت تحفظ قرآن و بقت تكلم الناس عن ربنا

اشمعنى انت و انتِ لسة كدا

عايز تعرف السبب ؟؟

يبقى نكمل كلام و خاليك معاي للآخر

عشان تعرف إشمعنى إنت



سمعت الحديث دا قبل كدا

قال رسول الله صلى الله عليه وسلم :

ضرب الله تعالى مثلا صراطا مستقيما ، وعلى جنبتي الصراط سوران ، فيهما أبواب مفتحة ، وعلى الأبواب ستور مرخاة ، وعلى باب الصراط داع يقول : يا أيها الناس ! ادخلوا الصراط جميعا ولا تتعوجوا ، وداع يدعو من فوق الصراط ، فإذا أراد الإنسان أن يفتح شيئا من تلك الأبواب قال : ويحك لا تفتحه ، فإنك إن تفتحه تلجه ، فالصراط الإسلام ، والسوران حدود الله ، والأبواب المفتحة محارم الله تعالى ، وذلك الداعي على رأس الصراط كتاب الله ، والداعي من فوق واعظ الله في قلب كل مسلم

صححه الألباني

الطريق دا هو الإسلام

و الحمد لله ممكن نسبة 99.9 في المية من اللي بيقروا الموضوع دلوقتي مسلمين

السورين اللي على جانبي الطريق دول حدود الله

الأبواب المفتوحة محارم الله تعالي اللي ما ينفعش تدخلها أو تتخطاها

و رأس الصراط هو القرآن اللي بيناديك و يقولك كمل على الطريق

ما تبعدش ماتحيدش يمين و شمال

و في داعي من قلبك اللي بيعظك هتلاقي نفسك بتسمعه و انت جاي تعصي لأن ربنا رزقك الإسلام

طيب ما انا و صاحبي مسلمين يعني برضه اشمعنى هو ربنا هداه
!!

قولنا خاليك معايا للآخر

الطريق اللي هو الإسلام المفروض ان آخره الجنة

و القرآن هو الواعظ اللي طول الطريق بيرشدك عشان تدخل الجنة

و في سورة في القرآن تعدل القرآن كله

و هي سورة الفاتحة

الفرق بينك و بين صاحبك هي سورة الفاتحة



إنت أكيد بتهزر ! الفرق بيني و بين صاحبي سورة الفاتحة !
دانا حافظها من و انا طفل صغير


برضه خاليك معايا للآخر عشان تعرف الفرق الحقيقي اللي كان بينك و بين صاحبك في سورة الفاتحة


سورة الفاتحة من السور العظيمة في القرآن


أقل حد انت بتقرأها في اليوم 17 مرة دا إذا انت بتصلي الفروض بس


يعني بتقولها أكتر من اسمك


و مع ذلك صاحبك فرق عنك في ازاي بيقرأ سورة الفاتحة


سؤال


عارف سورة الفاتحة معناها ايه ؟؟


آه طبعا دا حتى كلماتها سهلة وواضحة


يا راجل

طيب يعني ايه الحمد ؟؟ و إيه الفرق بين الحمد و الشكر ؟؟


و يعني ايه رب ؟؟


و يعني ايه العالمين ؟؟


بس برضه مش فاهم ايه علاقة دا بسبب هدايتي


هقولك ايه العلاقة و بعدين نبدأ نتكلم ليه لازم تبقى فاهم معنى سورة الفاتحة


و ركز في الحديث دا بقلبك


عن عبد الله بن عباس قال :

بينما رسول الله صلى الله عليه وسلم وعنده جبريل عليه السلام ، إذ سمع نقيضا فوقه ، فرفع جبريل عليه السلام بصره إلى السماء ، فقال : هذا باب قد فتح من السماء ما فتح قط ، قال : فنزل منه ملك ، فأتى النبي صلى الله عليه وسلم فقال : أبشر بنورين أوتيتهما ، لم يؤتهما نبي قبلك ؛ فاتحة الكتاب ، وخواتيم سورة البقرة ، لم تقرأ حرفا منهما إلا أعطيته


صححه الألباني


الشاهد هنا لم تقرأ حرفا منهما إلا أعطيته


طيب ما كلنا بنقرأ سورة الفاتحة و زي ما قولنا أقلها 17 مرة في اليوم


و بنقول كل مرة اهدنا الصراط المستقيم


ليه في مسلم طائع ع الطريق و في حد تاني عايش حياته مصاحب فلانة و بيسمع أغاني فلان و هي لسة لبسها ضيق

و بيصلوا !


طيب إزاي و احنا وعدنا بالإجابة

هو دا بقى الفرق بينا كلنا

في حد و هو بيصلي فاهم سورة الفاتحة و في حد تاني تحولت صلاته إلى عادة و ليست عبادة

بيقول و مش حاسس هو بيقول ايه

إن كان فاهم أصلا هو بيقول ايه

و فاكرين كلام النبي صلى الله عليه وسلم :

ادعوا الله وأنتم موقنون بالإجابة واعلموا أن الله لا يستجيب دعاء من قلب غافل لاه


هو دا الفرق الإحساس - الفهم - و اليقين


لذلك ان شاء الله هنعيش مع سورة الفاتحة كلمة بكلمة في الموضوع دا


و نعيش مع معانيها حتى نكون على الصراط المستقيم بجد

تابعونا....



منقول من منتدي أحلي حياة في طاعة الله

[أماكن]

رد: اشمعنى أنا !!! ربنا ما هدانيش !!!

جميل جدا
وايضا اريد ان اضيف شيء مهم وهو الاخذ بالاسباب
يعني كثير من المسلمين يقول ربنا يهديني وهو لايجاهد نفسه ولايترك المعاصي ولاحتى يستنجد بالله ويدعوه بالهداية
ولا حتى يريد ان يسمع من الواعظين ولايريد ان يتعلم
مثل هذا لايعينه الله على الهداية
الله يعين الصادق والذي يأخذ بالاسباب ومن ضمنها الفهم والتعلم ماذا يقرأ في الصلاة
لعلي اتذكر قول الله
من كان يريد حرث الاخرة نزد له في حرثها

وقوله
والذين جاهدوا فينا لنهدينهم سبلنا

متابعة ان شاء الله
وجزاكم الله كل الخير

[امة الرحمن/فاطمة]

رد: اشمعنى أنا !!! ربنا ما هدانيش !!!

صدقتم

جزانا الله وإياكم كل خير

[امة الرحمن/فاطمة]

رد: اشمعنى أنا !!! ربنا ما هدانيش !!!

السلام عليكم و رحمة الله و بركاته

ازيكم يا شباب

اتكلمنا المرة اللي فاتت عن سبب خفي جدا

ليه في ناس حياتها بتتغير و ناس لأ

و توصلنا إلى أنه ممكن تكون سورة الفاتحة

اذا لسة في ناس مش مصدقة أو مش مقتنعة

نقنعهم !

قال الله تعالى في الحديث القدسي

يا عبادي كلكم ضال إلا من هديته فاستهدوني أهدكم

و دا بالظبط اللي انت بتعمله في سورة الفاتحة

17 مرة في اليوم بتقول للملك

اهدنا الصراط المستقيم

يعني بتستهدي الله فيهدك الله

و اذا قلتها بقلبك تيقن بأنك مجاب

غير كدا و الأعظم انك و انت بتقرأ سورة الفاتحة في حوار بينك و بين ربنا

قال تعالى في الحديق القدسي

قسمت الصلاة بيني وبين عبدي نصفين . ولعبدي ما سأل . فإذا قال العبد : الحمد لله رب العالمين ، قال الله تعالى : حمدني عبدي . وإذا قال ؛ الرحمن الرحيم . قال الله تعالى ؛ أثنى علي عبدي . وإذا قال مالك يوم الدين . قال : مجدني عبدي ( وقال مرة : فوض إلي عبدي ) فإذا قال : إياك نعبد وإياك نستعين . قال : هذا بيني وبين عبدي ولعبدي ما سأل . فإذا قال : اهدنا الصراط المستقيم صراط الذين أنعمت عليهم غير المغضوب عليهم ولا الضالين . قال : هذا لعبدي ولعبدي ما سأل

و الحديث في صحيح مسلم

ركز هنا لما قلت إياك نعبد و إياك نعبد

قال الله بيني و بين عبدي
و لعبدي ما سأل

لما قولت اهدنا الصراط المستقيم صراط الذي أنعمت عليهم غير المغضوب عليهم و لا الضالين

يقول تعالى : هذا لعبدي و لعبدي ما سأل

سبحان الله شرف و الله ربنا بيرد علينا




طيب احنا كنا قولنا ليه طيب في ناس بتمشي في الطريق و بتنتكس ! أو حتى - نعوذ بالله- يخرج من الإسلام حتى

مش هنروح بعيد ليه في ناس مش عارفة تلتزم بتعاليم ربنا طالما كل الفوائد دي من إجابة الدعاء في هذه السورة

قولنا الحل كان في 3 حاجات

الإحساس - الفهم - اليقين

و الإحساس و اليقين مش هييجوا غير بالفهم

لازم تبقى فاهم كل كلمة بتقولها

تعالوا نتكلم عن فضل هذه السورة العظيمة

طبعا غير اللي قولناه فوق

حديث أبو سعيد بن المعلى

أبو سعيد بن المعلى كان واقف بيصلي

فدعاه النبي صلى الله عليه وسلم و هو بيصلي

فأبو سعيد لم يجب النبي صلى الله عليه وسلم

و بعد لما خلص صلاة راح للنبي صلى الله عليه وسلم

فقال له رسول الله صلى الله عليه وسلم : ما منعك أن تأتي

فقال أبو سعيد كنت أصلي

فقال رسول الله صلى الله عليه وسلم :

ألم يقل الله : {يَاأَيُّهَا الَّذِينَ آمَنُوا اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُمْ...(24) الأنفال } .

ثم قال : ( ألا أعلمك أعظم سورة في القرآن قبل أن أخرج من المسجد ) .

فذهب النبي صلى الله عليه وسلم ليخرج من المسجد فذكرته ، فقال : {الْحَمْدُ لِلَّهِ رَبِّ الْعَالَمِينَ } . هي السبع المثاني ، والقرآن العظيم الذي أوتيته ) .

و الحديث في صحيح البخاري

ركز في الآية

إذا دعاكم لما يحييكم

هو أبو سعيد مكانش عايش !

لأ كان جسديا عايش

و لكن الحياة هنا حياة القلب و حياة الروح

حياة الإيمان اللي هي أهم من حياة الجسد

و الحل عشان نعيشها كما في الآية

استجيبوا لله و لرسوله صلى الله عليه وسلم

في الأوامر و النواهي



المهم وضح له النبي صلى الله عليه وسلم في الحديث أن أعظم سورة في القرآن

هي الفاتحة

فياللا بينا نعيش سوى مع أعظم سورة في القرآن الكريم



قبل ما بنبدأ نقرأ القرآن عامة

أول حاجة بنعملها

الاستعاذة

يعني بتقول : أعوذ بالله من الشيطان الرجيم

يعني ايه ؟؟

أي ألجأ و أستجير و استعصم بالله من الشيطان الرجيم

فانت و انت بتقولها لازم تحس المعنى دا بقلبك

يا رب بلجأ و أستجير بك من وساوس الشيطان

حكم انك تقول أعوذ بالله من الشيطان الرجيم قبل القراءة هو سنة و الا فرض

عليها خلاف و لكن الأكثرية على انها سنة

بس شايف هي مهمة قد ايه

انك بتلجأ إلى الله من الشيطان الرجيم

اللي هيحاول أكيد يخليك ماتركزش في القراءة و يشغلك بحاجات تانية

بل و ممكن تلاقي نفسك بتوصل لحلول لمشاكلك و انت بتصلي أو بتقرأ قرءان

و دا طبعا لأن الشيطان يكره و يمقت أنك تعيش مع القرآن

فمن هنا ورايح و انت بتقولها

تحس بمعناها

اللهم إني ألجأ و أحتمي و أستجير بك من الشيطان الرجيم

اتفقنا ؟



بعد كدا بتقول

بسم الله الرحمن الرحيم

شوف المعاني اللي ممكن نطلع منها من البسملة

أولا البركة بذكر اسم الله

عموما في الاسلام من السنة انك تقول باسم الله قبل أي عمل تقوم به

ليه بقى

أولا دا بيذكرك بالنية بل و يصلح نيتك في العمل اللي هتقوم بيه

يعني مثلا ممكن واحد جاي يولع سيجارة يقول باسم الله ؟؟

أكيد لأ

لأن ذكر الله هيمنعه و هيحسسه بأن اللي بيعمله دا غلط

فيتوقف عنه

تاني حاجة مهمة انها هتحول عاداتك إلى عبادات

لأنك ذكرت اسم الله

البسملة عامة فيها صيغة الحصر

يعني مثلا بتقول باسم الله قبل الأكل

معناها اللغوي

لا آكل باسم أحد متبركاً به، ومستعيناً به، إلا باسم الله عزّ وجلّ

معنى جميل أوي

فدلوقتي المطلوب مننا بعد ما اتعلمنا معنى البسملة

أولا هتاخد أجر على ذكرك اسم الله
ثانيا : انك فعلا مش مستعين إلا بالله في العمل اللي ذكرت اسم الله عليه
ثالثا: هتحول العادة إلى عبادة
رابعا: هيذكرك بنيتك فإن نويت معصية مثلا ذكرك لله هيوقفك عنها

اتفقنا ؟



نبدأ مع أول آية من سورة الفاتحة

{الْحَمْدُ لِلَّهِ رَبِّ الْعَالَمِينَ}

يعني ايه الحمد ؟؟؟

أولا حتة لغة عربية كدا (معلش استحملني )

ال التعريف اللي في بداية الحمد

يعني قمة الحمد

الحد الأقصى

معنى الحمد :

وصف المحمود بالكمال مع المحبة، والتعظيم؛ الكمال الذاتي، والوصفي، والفعلي؛ فهو كامل في ذاته، وصفاته، وأفعاله

مش فاهم حاجة !!

بالراحة كدا

الحمد يعني انك بتوصف ربنا بالكمال

كمال في ذاته و أفعاله و صفاته

ليس كمثله شيء

لكن بشرط

مع المحبة و التعظيم

لأن الفرق اني أوصف حد بالكمال من غير حب دا اسمه مدح

لكن احنا بنحمد ربنا على كماله بحب

طيب ايه الفرق بينه و بين الشكر :

العلماء قالوا ان الشكر يتطلب النعمة

يعني ربنا رزقك نعمة فتشكره

لكن الحمد انك بتوصف ربنا بالكمال لأن ليس كمثله شيء

نوضح أكتر

ممكن صاحبك يوصلك مثلا البيت بالعربية يعملك خدمه انت محتاجها
هنا هتشكره

لكن مثلا كنت قاعد في مكان فجبتم سيرة خالد صاحبكم و بدأتوا تقوله آه ما شاء الله دا انسان طيب جدا و أخلاقه عالية سواء كان خالد عملك خدمة أو لأ
هنا انت مدحته

فالحمد بقى زي المدح لكن مع الحب و التعظيم

الله : لفظ الجلالة
و اسم الله لا يطلق إلا على الله

و معناه المألوه أي المعبود حبا و تعظيما

و المعنى دا يحقق في قلبك الإخلاص
اللي شرط أساسي في قبول العمل
يعني انا ما بعبدش غيرك يا رب
حبا و تعظيما لك

يعني دلوقتي و انت بتقول الحمد لله

كأنك بتمدح ربنا على كماله و كمال ذاته و صفاته و أفعاله مع الحب و التعظيم
فهو إلهك الذي تعبده و تعظمه و توجه أعمالك كلها إليه

معنى جميل جداا حاول تستشعره و انت بتقرؤه كل مرة

رب العالمين

كلمة رب باللغة العربية ( و قولتلك استحملني :) )
معناه
مالك

زي مثلا رب البيت
أو رب العمل

و لكن الرب بأل التعريف
تطلق على الله فقط

خالي بالك من المعنى دا

و الرب هو من اجتمع فيه ثلاث صفات
الخلق
الملك
التدبير

يا سبحان الله لما تيجي نقرأ الآية و تقول رب العالمين
يعني يا خالقي و مالكي و مدبر أمري

و هتلاقي مثلا في القرآن ان الرسل لما كانوا بيدعوا ربنا سبحانه و تعالى بيقولوا

ربِ

قال تعالى

{وَإِذْ قَالَ إِبْرَاهِيمُ رَبِّ اجْعَلْ هَـٰذَا بَلَدًا آمِنًا

هُنَالِكَ دَعَا زَكَرِيَّا رَبَّهُ قَالَ رَبِّ هَبْ لِي مِن لَّدُنكَ ذُرِّيَّةً طَيِّبَةً إِنَّكَ سَمِيعُ الدُّعَاءِ

رَبِّ هَبْ لِي حُكْمًا وَأَلْحِقْنِي بِالصَّالِحِينَ} ﴿الشعراء: ٨٣﴾

و آيات كتير جدا اذا بحثت في القرآن عن صيغة دعاء الأنبياء

ركز فيها من هنا و رايح في وردك

فانت بعد كدا و انت بتدعي ربنا سبحانه و تعالى

استشعر معنى الربوبية

يا خالقي و يا مالكي و يا مدبر أمري

فدعاءك يزيد يقين ان ربنا هيصلحلك أمرك لأنه يعلم ضعفك لأنه خالقك و انه هيدبرلك أمرك لأنه ربك

و الربوبية بتنقسم قسمين

ربوبية عامة و دي للخلق جميعا

و ربوبية خاصة و دي للمؤمنين

انه يصطفيهم و يحميهم و دي لعباده الطائعين

ربنا يجعلنا منهم

العالمين :

حتة عربي تاني

جاية من كلم علم

قال العلماء: كل ما سوى الله فهو من العالَم

يعني أي شيء سوى الله فهو يندرج تحت كلمة العالمين

سبحان الله شوف كمية المعاني اللي طلعنا منها من آية واحدة بس

الحمد لله رب العالمين

و عشان مانتوهش

ايه المفروض أحسه بعد كدا و انا بقرأ الحمد لله رب العالمين

يا رب انا أثني عليك لكمالك و كمال صفاتك و أفعالك و قلبي يملؤه حبا و تعظيما لك يا مدبر أمري و مالكي و خالقي و رب كل شيء

و استشعر جدا معنى كلمة ربي بعد كدا و انت بتسأله

و الله لن تجد إلا خيرا

نكمل المرة الجاية ان شاء الله

[امة الرحمن/فاطمة]

رد: اشمعنى أنا !!! ربنا ما هدانيش !!!

ازيكم يا شباب

اتكلمنا المرة اللي فاتت عن الحمد

و نبشركم بأجر الحمد


قال رسول الله صلى الله عليه وسلم

إسباغ الوضوء شطر الإيمان و الحمد لله تملأ الميزان ، و سبحان الله و الحمد لله تملآن أو تملأ ما بين السماء و الأرض ، و الصلاة نور ، و الصدقة برهان ، و الصبر ضياء ، و القرآن حجة لك أو عليك ، كل الناس يغدو ، فبائع نفسه ، فمعتقها أو موبقها

صححه الألباني


فاستشعر أجر ان ميزان حسناتك يمتلأ بمجرد قولك الحمد لله

بس استشعر معها المعنى القلبي



النهاردة ان شاء الله هنتكلم عن

الرحمن الرحيم


الرحمن الرحيم اسمين مشتقين


من الرحمة


و سبحان الله رحمة ربنا وسعت كل شيء


الكون كله


قال رسول الله صلى الله عليه وسلم


إن لله مائة رحمة . أنزل منها رحمة واحدة بين الجن والإنس والبهائم والهوام . فبها يتعاطفون . وبها يتراحمون . وبها تعطف الوحش على ولدها . وأخر الله تسعا وتسعين رحمة . يرحم بها عباده يوم القيامة

صحيح مسلم

يعني متخيل ان رحمة والدتك بيك دي جزء من جزء من مئة جزء من رحمة الله سبحانه و تعالى

سبحان الله وسعت رحمته كل شيء

لذلك من أحد أقوال السلف انه يفضل أن يحاسبه الله و ليس أمه

ليقينه برحمة ربنا سبحانه و تعالى

قدم على رسول الله صلى الله عليه وسلم بسبي . فإذا امرأة من السبي ، تبتغي ، إذا وجدت صبيا في السبي ، أخذته فألصقته ببطنها وأرضعته . فقال لنا رسول الله صلى الله عليه وسلم " أترون هذه المرأة طارحة ولدها في النار ؟ " قلنا : لا . والله ! وهي تقدر على أن لا تطرحه . فقال رسول الله صلى الله عليه وسلم " لله أرحم بعباده من هذه بولدها " .

صحيح مسلم

سبحان الله مهما اتكلمنا عن رحمة ربنا سبحانه و تعالى

سواء كانت رحمته فقدر لهم أرزاقهم بما ينفعهم

أو رحمته بهم فعلم اللي يقدروا عليه و اللي لأ

و رحمته حتى في التشريع

قال تعالى

لَا يُكَلِّفُ اللَّـهُ نَفْسًا إِلَّا وُسْعَهَا

فانت لازم تكون على يقين ان التكاليف اللي ربنا أمرك بيها

انك تقدر و تستطيع أن تقوم بيها

لأنه من رحمته جل و علا علم ما تقدر و ما لا تقدر عليه

اوعى تقول مش قادر أبطل سجاير أو مش قادر أسيب البنت اللي بحبها

لا بالعكس تقدر

و الدليل ان ربنا لم يكلف نفسا الا وسعها

رحمة ربنا سبحانه و تعالى منقسمة لنوعين

رحمة واسعة

و هي تشمل جمييييييييييع الخلق

و الكائنات

قال تعالى:
{رَبَّنَا وَسِعْتَ كُلَّ شَيْءٍ رَّحْمَةً وَعِلْمًا}
غافر7

و رحمة خاصة لعباده الطائعين المقبلين عليه

و هي رحمة ايمانية دنيوية أخروية بالتوفيق للطاعة و التيسير للخير و التثبيت على الإيمان و الهداية على الصراط و الإكرام بدخول الجنة و الخروج من النار

و من رحمة الله بعباده

ان باب التوبة مفتوح مهما بلغت ذنوبك

قال تعالى

{قُلْ يَا عِبَادِيَ الَّذِينَ أَسْرَفُواعَلَىٰ أَنفُسِهِمْ لَا تَقْنَطُوا مِن رَّحْمَةِ اللَّـهِ إِنَّ اللَّـهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ} ﴿الزمر: ٥٣﴾

اوعى ذنب يجعلك تفقد الثقة في رحمة الله و تقول انا مش نافع للطريق

و مش هقدر أكمل

لازم تكون عندك ثقة بالله

انه يغفر و لا يبالي مهما كانت ذنوبك و مهما عملت

و الدليل قاتل المئة نفس

عارفين قصته؟

دا واحد قتل 99 نفس

و أراد أن يتوب

اقرأ الحديث بقلبك


كان فيمن كان قبلكم رجل قتل تسعة وتسعين نفسا . فسأل عن أعلم أهل الأرض فدل على راهب فأتاه فقال : إنه قتل تسعة وتسعين نفسا . فهل له من توبة ؟ فقال : لا . فقتله . فكمل به مائة . ثم سأل عن أعلم أهل الأرض فدل على رجل عالم . فقال : إنه قتل مائة نفس . فهل له من توبة ؟ فقال : نعم . ومن يحول بينه وبين التوبة ؟ انطلق إلى أرض كذا وكذا . فإن بها أناسا يعبدون الله فاعبد الله معهم . ولا ترجع إلى أرضك فإنها أرض سوء . فانطلق حتى إذا نصف الطريق أتاه الموت . فاختصمت فيهملائكةالرحمة وملائكة العذاب . فقالت ملائكةالرحمة : جاء تائبا مقبلا بقلبه إلى الله . وقالت ملائكةالعذاب : إنه لم يعمل خيرا قط . فأتاه ملك في صورة آدمي . فجعلوه بينهم . فقال : قيسوا ما بين الأرضين . فإلى أيتهما كان أدنى ، فهو له . فقاسوه فوجدوه أدنى إلى الأرض التي أراد . فقبضتهملائكةالرحمة . قال قتادة : فقال الحسن : ذكر لنا ؛ أنه لما أتاه الموت نأى بصدره .

صحيح مسلم



فمهما عملت رحمة ربنا واسعة و لسة أمامك الفرصه و ترجع

لكن احذر أن تغتر برحمة الله

يعني ما تقولش مش هعمل كذا و كذا و هعمل ذنوب و ربنا غفور رحيم

لأ

تذكر قول الله تعالى

{نَبِّئْ عِبَادِي أَنِّي أَنَا الْغَفُورُ الرَّحِيمُ ﴿٤٩﴾وَأَنَّ عَذَابِي هُوَ الْعَذَابُ الْأَلِيمُ ﴿٥٠﴾}


يعني زي ما في رحمة فيه عذاب

و من صور رحمة الله تعالى بنا

الجنة

محدش فينا هيدخل الجنة الا برحمة الله جل و علا

حتى النبي صل الله عليه وسلم

أشرف و أعلم و أعبد الخلق لله تعالى

قال رسول الله صلى الله عليه وسلم

لن يدخل أحدا عمله الجنة . قالوا : ولا أنت يا رسول الله ؟ قال : لا ، ولا أنا ، إلا أن يتغمدني الله بفضل ورحمة

سبحان الله

فليس بعملك و لا بأي حاجة غير برحمة الله عز و جل



طيب ايه الفرق بين الرحمن و الرحيم

الرحمن هو ذو الرحمة الواسعة

قال تعالى

{الرَّحْمَـٰنُ عَلَى الْعَرْشِ اسْتَوَىٰ }﴿طه: ٥﴾

فزي ما قولنا رحمة ربنا تشمل جميع الخلق

الرحيم هي خاصة بعباده الطائعين المؤمنين

قال تعالى

{هُوَ الَّذِي يُصَلِّي عَلَيْكُمْ وَمَلَائِكَتُهُ لِيُخْرِجَكُم مِّنَ الظُّلُمَاتِ إِلَى النُّورِ وَكَانَ بِالْمُؤْمِنِينَ رَحِيمًا}﴿الأحزاب: ٤٣﴾

نسأل الله أن يجعلنا من عباده المؤمنين و أن يرحما برحمته

عايزين نأكد على معنى قبل ما نخلص

هو اليأس اللي ممكن يكون بيصيب ناس منا

لما بيفتر أو يذنب

و ينسى يأكد في نفسه معنى الرحمة

و يتذكر ان من رحمة الله به أولا أنه جعله مسلم

و لازم يتيقن ان الله أرحم به من أقرب المقربين إليه

و ألا ييأس من رحمة الله أبدا

قال رسول الله صلى الله عليه وسلم

لو يعلم المؤمن ماعندالله من العقوبة ، ما طمع بجنته أحد . ولو يعلم الكافر ماعند الله من الرحمة ، ماقنط من جنته أحد

صحيح مسلم

و دا الميزان اللي عايزين نمشي عليه عشان ما نقولش خلاص ربنا غفور و رحيم و مانطعش و في نفس الوقت نخاف لدرجة اليأس من رحمة الله

تذكر أنك كالطائر

رأسك هو حب الله و جناحيك

الخوف و الرجاء

خايف من العقاب

و ترجو رحمة الله

لما تقبل على ذنب رجح جناح الخوف و تتذكر

دي ممكن تكون سوء خاتمة

انا ربنا مطلع علي

انا الذنب دا ممكن يدخلني النار

فتترك الذنب و تتوب إلى الله

و لما تقبل على طاعة زي التوبة مثلا

ترجح جناح الرجاء

ان رحمة الله ستصلك و انه هيتوب عليك و يرحمك و يتقبل منك

هتعيش أحلى حياة في طاعة الله

[فاطمة سعد]

رد: اشمعنى أنا !!! ربنا ما هدانيش !!!

السلام عليكم ورحمة الله وبركاته
ماشاء الله موضوع رااائع

ان رحمة الله ستصلك و انه هيتوب عليك و يرحمك و يتقبل منك

هتعيش أحلى حياة في طاعة الله

اللهم اهدنى لما تحبه وترضاه

[امة الرحمن/فاطمة]

رد: اشمعنى أنا !!! ربنا ما هدانيش !!!

وعليكم السلام ورحمة الله وبركاته

أنتي الأروع بمرورك

بارك الله فيكِ

وجزاكِ الله خيرا

[امة الرحمن/فاطمة]

رد: اشمعنى أنا !!! ربنا ما هدانيش !!!

إزيكم يا شباب عاملين ايه

المرة اللي فاتت اتكلمنا عن

الرحمن الرحيم

و جاء بعد ذكر الرحمة

مالك يوم الدين

كأن الرحمة جاءت ترغيبا لنا

و مالك يوم الدين للترهيب

عشان نتذكر يوم القيامة

تعالوا نعيش النهاردة مع

مالك يوم الدين



الحاجة الجديدة اللي ممكن ناس ما تعرفهاش

ان لها قراءتين

مالك يوم الدين

و ملك يوم الدين

هنعرف دلوقتي الفرق بين الاتنين و فايدة الجمع بينهم

ملك يوم الدين

الله سبحانه و تعالى هو ملك الملوك

و الله هو ملك يوم القيامة

الدنيا يمكن يكون فيها ملوك كتير جدا

و لهم ثروات كبيرة جدا

لكن يوم القيامة هو ملك واحد فقط

هو الله ملك يوم الدين

و كله هيأتي إلى الله عبيد

متساوي

الفلاح زي العامل زي الملك

مفيش فرق

قال تعالى :

{يَوْمَ هُم بَارِزُونَ لَا يَخْفَىٰ عَلَى اللَّـهِ مِنْهُمْ شَيْءٌ لِّمَنِ الْمُلْكُ الْيَوْمَ لِلَّـهِ الْوَاحِدِ الْقَهَّارِ } ﴿غافر: ١٦﴾

و قال رسول الله صلى الله عليه وسلم

يطوي الله عز وجل السماوات يوم القيامة . ثم يأخذهن بيده اليمنى . ثم يقول : أنا الملك . أين الجبارون ؟ أين المتكبرون ؟ ثم يطوي الأرضين بشماله . ثم يقول : أنا الملك . أين الجبارون ؟ أين المتكبرون ؟

صحيح مسلم



عايزين نستشعر معنى جميل جدا من الآية دي

إياك أن تتكبر

بملكك أو منصبك أو حتى علمك

لأن يوم القيامة و الله لن ينفعك

إلا عملك الصالح

إوعى تعامل حد أقل منك مالا أو علما أو جاها لأن ربنا رزقك حاجة زيادة عنه

لأنك لا تعلم هذا العبد الفقير ممكن تكون منزلته ايه عند ربنا سبحانه و تعالى

و لعله عبد مستجاب الدعوة

فتظلمه فتصيبك دعوته

لذلك عايزين مهما بلغنا من النعم

اننا نسخرها بحيث تكون لينا أجر فيها يوم القيامة و دا يكون بشكر النعمة

يعني مثلا واحد ربنا رزقه أموال

و متيقن ان يوم القيامة الأموال دي لن تغنيه شيئا

ممكن يستغل نعمة ربنا سبحانه و تعالى دي و يؤجر عليها

أولا بالشكر و انك تبقى متيقن انه رزق من الملك و أنت لا تملك لنفسك حولا و لا قوة

و الشكر سبحان الله بيزيد و يبارك في النعمة

قال تعالى :

{وَإِذْ تَأَذَّنَ رَبُّكُمْ لَئِن شَكَرْتُمْ لَأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ} ﴿ابراهيم: ٧﴾

الحاجة التانية انك تتصدق مثلا

كدا انت ضمنت انه باقي لك يوم القيامة

بل هتجده أضعاف مضاعفة يوم الحساب

اقرأ الحديث دا و الله من أجمل الأحاديث اللي ممكن تسمعها في فضل الصدقة و تحس بكرم ربنا سبحانه و تعالى

قال رسول الله صلى الله عليه وسلم :

إن الله يقبل الصدقة ، ويأخذها بيمينه ، فيربيها لأحدكم ، كما يربي أحدكم مهره ، حتى إن اللقمة لتصير مثل أحد . وتصديق ذلك في كتاب الله - عز وجل - : { ألم يعلموا أن الله هو يقبل
التوبة عن عباده ويأخذ الصدقات } و { يمحق الله الربا ويربي الصدقات }


سبحان الله اللقمة تكون مثل جبل أحد !

ماتستهينش بأي معروف ممكن تعمله أبدا

ممكن تلاقيه يوم القيامة جبااااااااااال من الحسنات

فاحتسب حتى اللقمة اللتي تضعها في فيه أخيك المسلم صدقة

و أبشر بالأجر



حاجة تانية نطلع بيها و دي لازم تبقى قواعد و أساسيات عندنا

قال تعالى :

{وَكُلُّهُمْ آتِيهِ يَوْمَ الْقِيَامَةِ فَرْدًا} ﴿مريم: ٩٥﴾

انت رايح لوحدك

معكش لا فلوس و لا صحاب و لا عيلتك و لا زوجتك و لا ولادك

ففي الدنيا اذا اتحطيت في موقف

ارضي ربنا و الا أهلي و الا صحابي و الا زمايلي و الا المنصب

لازم تختار ربنا

ماينفعش يبقى فيه اختيار تاني

الأب و الأم لازم عليك الطاعة ما لم يتجاوز الفروض

يعني طيعهم في أي حاجة طالما لم تصل إلى أوامر و نواهي

يعني ماما و بابا و الا الحجاب (الصح) مش أي حجاب

يبقى حجابي طبعا

لكن السنن تسمع كلام والديك

و لما نخلص سورة الفاتحة ان شاء الله هنذكر موقف

بيستدلوا عليه انك اذا والدتك ندهت عليك و انت بتصلي (السنة) تخرج من الصلاة و ترد عليها

عايزين الضابط دا يكون موجود في حياتنا

و تيقن أن من أرضى الله بسخط الناس رضي الله عنه و أرضى عنه الناس

كما وعدنا رسول الله صلى الله عليه وسلم



تعالوا نتكلم على معنى (مالك)

مالك من يملك

يعني الله يمتلك يوم القيامة

طيب سؤال

مش ربنا يمتلك الدنيا أيضا ؟؟

طبعا الله يملك الدنيا و الآخرة

يوم القيامة و اليوم و غدا و الأمس

لكن التخصيص هنا لأن يوم القيامة محدش هييجي يمتلك شيء

اللي كان عنده عقارات و أموال و بيوت و عربيات

هييجي يوم القيامة معهوش أي حاجة

كلنا رايحين عبيد

قال رسول الله صلى الله عليه وسلم:

إنكم محشورون حفاة عراة غرلا

الفايدة من الجمع من القراءتين كما وضحها الشيخ ابن عثيمين :

في الجمع بين القراءتين فائدة عظيمة؛ وهي أن ملكه جلّ وعلا ملك حقيقي؛ لأن مِن الخلق مَن يكون ملكاً، ولكن ليس بمالك: يسمى ملكاً اسماً وليس له من التدبير شيء؛ ومِن الناس مَن يكون مالكاً، ولا يكون ملكاً: كعامة الناس؛ ولكن الرب عزّ وجلّ مالكٌ ملِك..



نيجي لمعنى يوم الدين

يوم قد تعني يوم أو فترة معينة من الزمن

زي مثلا قول الله

{تَعْرُجُ الْمَلَائِكَةُ وَالرُّوحُ إِلَيْهِ فِي يَوْمٍ كَانَ مِقْدَارُهُ خَمْسِينَ أَلْفَ سَنَةٍ }﴿المعارج: ٤﴾

فاليوم هنا كان مقداره خمسين ألف سنة

فالله أعلم بمقدار هذا اليوم

و في بعض الروايات خمسين ألف سنة

خمسين ألف سنة الناس بتغرق في عرقها لغاية ما النبي صلى الله عليه وسلم
يشفع لبدء الحساب

و طول اليوم أو قصره بيعتمد على أعمالنا

ربنا يرحمنا في هذا اليوم جميعا

يوم الدين

هو يوم القيامة أو بمعنى أصح يوح الحساب

اليوم اللي كل إنسان هيجزى بعمله

عشان كدا لازم نتعلم نحاسب نفسنا

و أهديكم هذا الموضوع في كيفية المحاسبة عشان مانقعش في أخطاء فنفرط أو نيأس و احنا بنحاسب نفسنا

(حاسب نفسك صح)

عايزين نتعلم من الآية الجميلة دي

إننا ما نغترش و نقعد نأجل في التوبة و نأجل في التوبة

لأن يوم القيامة قريب

قال رسول الله صلى الله عليه وسلم

بعثت أنا و الساعة كهاتين

و جمع النبي صلى الله عليه وسلم اصبعيه

يعني ما بين بعثة النبي صلى الله عليه وسلم و يوم القيامة وقت قليل جداااا

و عموما يبدأ الحساب مع اليوم اللي هنموت فيه

فماتأخرش التوبة أكتر من كدا



أذنبت توب على طول و ارجع لربنا سبحانه و تعالى و ستجده غفورا توابا

نشوفكم المرة الجاية ان شاء الله

[أميرة بإسلامي2]

رد: اشمعنى أنا !!! ربنا ما هدانيش !!!

السلام عليكم ورحمة الله وبركاته

جزاكم الله خيرا

[امة الرحمن/فاطمة]

رد: اشمعنى أنا !!! ربنا ما هدانيش !!!

اللهم آمين وإياكم

جزانا الله وإياكم كل خير جميعا

[امة الرحمن/فاطمة]

رد: اشمعنى أنا !!! ربنا ما هدانيش !!!

نكمل مع أسرار سورة الفاتحة

نأتي لاعتراف الحب من العبد إلى الملك

(( إياك نعبد و إياك نستعين ))



حتة عربي

تقديم المفعول به على الفعل

دا معناه ان الفعل مرتبط فقط بالمفعول به

يعني احنا بنعبد ربنا بس

و بنستعين بربنا بس

قال تعالى :

{وَاسْأَلْ مَنْ أَرْسَلْنَا مِن قَبْلِكَ مِن رُّسُلِنَا أَجَعَلْنَا مِن دُونِ الرَّحْمَـٰنِ آلِهَةً يُعْبَدُونَ}
﴿الزخرف: ٤٥﴾

طيب يعني ايه عبادة ؟؟

عرفها شيخ الاسلام ابن تيمية :

هي اسم جامع لكل ما يحب الله و يرضا من القول و العمل ظاهرا و باطنا

و اذا وقفنا على المعنى دا

هنلاقيه ان دا من يسر الاسلام

ان حتى بسمتك عبادة

و صدقة

الكلمة الطيبة عبادة و صدقة

بل الحب في الله عبادة

كلمة عبادة جاية من الفعل عبد

يعني نحن عبيد لله

و اذا أمر الملك أطاع العبد

و يبتغي بالعمل اللي قام بيه الملك فقط

لذلك أهم حاجة نطلع منها من إياك نعبد :

1- أنك لا تعبد إلا الله

2- العبادة مش بس صلاة و صوم و زكاة بل حياتك كلها عبادة حتى حركاتك اذا احتسبت فيها النية الصح هتكون عبادة ان شاء الله و الدليل البسمة

( تبسمك لأخيك المسلم مش لأختك المسلمة )

3- العبادة ما ينفعش تكون ظاهرية بس و لا باطنة بس

يعني لازم الاتنين سوى

ما ينفعش تعمل عمل لا تبتغي به وجه الملك لأن للأسف هيكون حسرة عليك يوم القيامة

قال تعالى :

{إِذْ تَبَرَّأَ الَّذِينَ اتُّبِعُوا مِنَ الَّذِينَ اتَّبَعُوا وَرَأَوُا الْعَذَابَ وَتَقَطَّعَتْ بِهِمُ الْأَسْبَابُ ﴿١٦٦﴾ وَقَالَ الَّذِينَ اتَّبَعُوا لَوْ أَنَّ لَنَا كَرَّةً فَنَتَبَرَّأَ مِنْهُمْ كَمَا تَبَرَّءُوا مِنَّا ۗ كَذَٰلِكَ يُرِيهِمُ اللَّـهُ أَعْمَالَهُمْ حَسَرَاتٍ عَلَيْهِمْ ۖ وَمَا هُم بِخَارِجِينَ مِنَ النَّارِ ﴿١٦٧﴾}

الناس اللي اتخذت ناس و أحبتهم كحب الله و بقوا يسمعوا كلامهم و يرجو رضاهم على رضا الله

الناس دي تبرأت من بعضها يوم القيامة

و يريهم الله أعمالهم حسرة و مستقرهم النار

إوعى تقدم ( حبيبتك ) على ربنا هتكونوا أول اتنين بتتبرؤوا من بعض يوم القيامة

فظبط نيتك و توكل على الله في العمل و اترك ما يقف في طريقك إلى الله

و ما ينفعش تكون عبادة باطنية من غير ما يظهر العمل

يعني ما ينفعش واحد خايف من النار و مش بيشتغل لله انه ينجيه منها

و لا عايز يدخل الجنة و مش بيسعى وراها

مثال : انا مسلمة و بحب ربنا و مش مقتنعة بالحجاب أو لما أتجوز

أنت أمة أي عبد لله

و إذا أمر الله يبقى لازم تطيعي

و تأكدي تماما إن الأمر دا لمصلحتك أنتِ و كوني على يقين أن

من ترك شيئا لله عوضه الله خيرا منه

النقطة التانية المهمة عشان عبادتنا تكون مقبولة انه يكون موافق لفعل النبي صلى الله عليه وسلم و زي ما اتفقنا اننا عبيد

يعني ربنا أمرنا نعبده بطريقة معينة يبقى نعبده كما أمر و كما أراد

مش بكيفنا يعني



إياك نستعين

يعني احنا لا نطلب العون و التأييد إلا من الله سبحانه و تعالى

و المعنى دا النبي صلى الله عليه وسلم أكدهولنا في الحديث

قال صلى الله عليه وسلم :

إذا سألت فاسأل الله ، وإذا استعنت فاستعن بالله ، واعلم أن الأمة لو اجتمعت على أن ينفعوك بشيء ، لم ينفعوك إلا بشيء قد كتبه الله لك ، وإن اجتمعوا على أن يضروك بشيء لم يضروك إلا بشيء قد كتبه الله عليك
( رفعت الأقلام وجفت الصحف )

أجمل حاجة في معنى الاستعانة انها بتزرع في قلوبنا التوكل

و انك تبقى عارف ان الأمر كله بيد الملك أراد بك خير فهو رازقه

و ان تعسر عليك أمر أو فلان مستقصدك أو حد واقف في طريقك

تيقن ان دا بأمر الملك و ان من يعينك على حياتك هو الملك

فلن تسأل إلا الله و لن تستعين إلا بالله

طيب دا معناه اني ماطلبش من صاحبي حاجة ؟؟

الأصل انك تستعين بالله على قضاء حوائجك

و ممكن تستعين ببشر لكن إياك أن يتعلق قلبك انه هو من سيعينك

هو أيضا عبد لا يملك نفعا و لا ضرا إنما جعله الله سبب في قضاء حاجتك

فقلبك يفضل متعلق بالله انه من يملك الأمر كله و تسأله و تدعي كتير و لن يردك ربك أبدا



إياك نستعين مرتبطة جدا بإياك نعبد

لأن انت مش هتقدر تعبد ربنا إلا بإنك تستعين بيه

عارف يعني ايه لا حول و لا قوة إلا بالله

يعني لا مانع و لا معطي القوة إلا الله

العبادة و الطاعة رزق

و اللي يقدر على رزقك الطاعة و العبادة هو الله وحده و هو اللي هيدبرلك أمرك

قال تعالى في الحديث القدسي :

يا عبادي كلكم ضال إلا من هديته . فاستهدوني أهدكم

تخيل نفسك تسأل الله الهداية 17 مرة في اليوم

و امتى و أنت واقف في مقابلة الملك !

لازم تبقى متيقن بالإجابة و لازم تبقى مستشعر عظمة ما تطلب و عِظم من تسأل

و بعدين توكل عليه في أمرك كله و أنه هيرزقك الطريق الصح و تعيش أحلى حياة

قال تعالى :

وَتَوَكَّلْ عَلَى الْحَيِّ الَّذِي لَا يَمُوتُ وَسَبِّحْ بِحَمْدِهِ وَكَفَىٰ بِهِ بِذُنُوبِ عِبَادِهِ خَبِيرًا ﴿الفرقان: ٥٨﴾



فكما قال أهل العلم

الفاتحة سر من أسرار القرآن

إياك نعبد و إياك نستعين سر من أسرار الفاتحة

نشوفكم المرة الجاية ان شاء الله

[امة الرحمن/فاطمة]

رد: اشمعنى أنا !!! ربنا ما هدانيش !!!

نكمل يا شباب كلام في سورة الفاتحة

النهاردة هنتكلم عن

اهدنا الصراط المستقيم



يعني ايه هداية ؟؟

الهداية 3 أنواع

أول واحدة هداية اسمها: هداية الإرشاد

يعني ايه ؟؟

مثلا واحد جاي يقولك مثلا هو الشارع الفلاني أروحه ازاي

هتوصفله امشي يمين بعدين خش شمال

إياك تدخل الشارع دا هتمشي غلط

هي دي يا شباب هداية الإرشاد

و ربنا سبحانه و تعالى قال لسيدنا محمد صلى الله عليه وسلم

{وَإِنَّكَ لَتَهْدِي إِلَىٰ صِرَاطٍ مُّسْتَقِيمٍ}
﴿الشورى: ٥٢﴾


لذلك لازم تبقى متيقن ان طريق النبي صلى الله عليه وسلم

هو الطريق الصح

ما ينفعش تحود يمين أو شمال

هو طريق واحد هتمشي عليه في الدنيا هتمشي صح على الطريق المستقيم

لازم تتبعه هو و بس

مش الممثل الفلاني و لا الممثلة الفلانية و الله هيكونوا أول من يتبرأ منك يوم القيامة

لكن النبي صلى الله عليه وسلم هيشفع لنا و يبقى همه أمته

إوعى تخسر اللحظة اللي هتقابل النبي صلى الله عليه وسلم على الحوض و بدل ما تشرب من يده الشريفة يقولك سحقا سحقا لمن غير بعدي

ناوي تكون مع أي فريق ؟؟

و من رحمة ربنا بعباده انه أنزل الرسل و الكتب السماوية عشان احنا نبقى عارفين نمشي ازاي

و هي دي هداية الإرشاد

التعاليم اللي جت في القرآن و السنة الصحيحة

الأوامر و النواهي

قال تعالى :

{وَمَا كَانَ اللَّـهُ لِيُضِلَّ قَوْمًا بَعْدَ إِذْ هَدَاهُمْ حَتَّىٰ يُبَيِّنَ لَهُم مَّا يَتَّقُونَ إِنَّ اللَّـهَ بِكُلِّ شَيْءٍ عَلِيمٌ} ﴿التوبة: ١١٥﴾

خلاص مالناش حجة !



النوع التاني من الهداية

هي هداية التوفيق

و القادر على هذه الهداية هو الله جل و علا

قال تعالى :

{إِنَّكَ لَا تَهْدِي مَنْ أَحْبَبْتَ وَلَـٰكِنَّ اللَّـهَ يَهْدِي مَن يَشَاءُ وَهُوَ أَعْلَمُ بِالْمُهْتَدِينَ }﴿القصص: ٥٦﴾

و هداية التوفيق يعني أن يشرح الله صدرك للحق

في ناس مهما تقعد تكلمهم و تقولهم كذا حرام و ما ينفعش

ما يقتنعوش

ناخد مثال : البنات اللي بترقق حواجبها مثلا تقولها حرام النبي صلى الله عليه وسلم لعن النامصة و المتنمصة و برضه تقول شكلي و مظهري دا تنضيف بس و تجادل في الحق

و في بنت تانية تسمع أمر ربها توقف على طول

دا لأن ربنا سبحانه و تعالى هداها ( هداية التوفيق )

شرح صدرها للحق

حاجة كمان لازم نتعلمها من المعنى دا انك اذا على الحق و معاك دليل صحيح و بتحاول تقنع اللي قدامك بيه و ما اقتنعش

دا لا يعني فشلك و لكن لم يهده الله

و أيضا اذا اهتدى حد بكلامك فلازم تكون متيقن انك انت سبب بس في الهداية و ان دا أمر من الملك أن شرح صدره إلى الحق

الدليل على الكلام دا ان حتى عم النبي صلى الله عليه وسلم أبو طالب لم يدخل الإسلام

الهداية دي في يد الملك فقط



النوع التالت من الهداية

هي الهداية على الصراط المستقيم يوم القيامة

المعادلة بمنتهى البساطة

عايز تمشي ع الصراط المستقيم يوم القيامة صح لازم تمشي من دلوقتي صح

خد قرار من دلوقتي انك تمشي صح ثابت

هتمشي ثابت يوم القيامة ان شاء الله



طيب انت عمال تقولنا بإيد ربنا و ربنا بيهدي من يشاء و بقينا دلوقتي نسمع عن فرق كتير الشيعة المعتزلة القرآنيين الصوفيين

ايه الصح ايه الغلط مش عارف أروح فين


طيب ازاي أبقى من اللي ربنا يشاء أن يهديهم ازاي أمشي صح أعرف الحق مع مين ؟؟

أبشر

هو دا اللي انت بتعمله 17 مرة في اليوم

تسأل الله أن تكون على الصراط المستقيم في الدنيا و الآخرة

بتسأل ربنا الهداية حتى و انت مسلم

الهداية انك تفضل على الاسلام

الهداية انك تتعلم تعاليم الإسلام

الهداية ان قلبك يفضل ثابت

الهداية تعرف انت تبع مين و ماشي ازاي

طريقك طريق واحد هو القرآن و ما صح عن النبي صلى الله عليه وسلم

الحل العملي موجود في سورة الفاتحة

أن تسأل من بيده الهداية أن يهديك

عن مطرّف ابن عبد الله ابن الشّخير قال :

" تذكرت ما جماع الخير فإذا الخير كثير: الصوم و الصلاة و إذا هو في يد الله عز و جل و إذا أنت لا تقدر على ما في يد الله عز و جل إلا أن تسأله فيعطيك فإذا جماع الخير الدعاء"

هو حل واحد

عايز حاجة

تسأل من يملكها

و لا يقدر على الهداية إلا الله

أكيد من حسن التعامل مع الله انك ما تبقاش واقف في مقابلة مع الملك و أي ملك ! أعظم ملك و بتسأله النجاة و برضه تبقى واقف سرحان !

عشان كدا في ناس بتصلي كل يوم و محافظة على الصلاة و مع ذلك مفيش أثر الهداية في حياتهم

دا لأن الصلاة تحولت إلى عادة مش حاسس بالقرآن اللي بيقوله

مش فاهم بقى يقول ايه و بقت مجرد روتين في حياته

لازم تسأل و تلح على الله و تتيقن من الإجابة


و قرر ان صلاتك هتختلف من الآن بإذن الله

نسأل الله أن يهدينا و إياكم إلى و على الصراط المستقيم

[امة الرحمن/فاطمة]

رد: اشمعنى أنا !!! ربنا ما هدانيش !!!

اللهم آمين وإياكم

جزاكم الله خيرا

وبارك الله فيكم

[امة الرحمن/فاطمة]

رد: اشمعنى أنا !!! ربنا ما هدانيش !!!

اللهم آمين وإياكم

جزانا الله وإياكم كل خير

وبارك الله فيكم

[امة الرحمن/فاطمة]

رد: اشمعنى أنا !!! ربنا ما هدانيش !!!

نكمل إن شاء الله ما تبقى من أعظم سورة في كتاب الله

سورة الفاتحة



اتكلمنا المرة اللي فاتت عن سؤال الله الهداية

لنكن و نبقى على الصراط المستقيم

هو ايه الصراط المستقيم

؟؟

قال تعالى :

{صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ }

من هم الذين أنعم الله عليهم ؟؟

و من هم الغضوب عليهم ؟؟؟

و من هم الضالين ؟؟؟؟



الذين أنعم الله عليهم مذكورين في موضع آخر من القرآن

قال تعالى :

{وَمَن يُطِعِ اللَّـهَ وَالرَّسُولَ فَأُولَـٰئِكَ مَعَ الَّذِينَ أَنْعَمَ اللَّـهُ عَلَيْهِم مِّنَ النَّبِيِّينَ وَالصِّدِّيقِينَ وَالشُّهَدَاءِ وَالصَّالِحِينَ وَحَسُنَ أُولَـٰئِكَ رَفِيقًا}
﴿النساء: ٦٩﴾

عشان تكون من الفئة دي اللي أنعم الله عليهم بالصراط المستقيم

كل اللي عليك تعمله

1- طاعة الله
2- طاعة النبي صلى الله عليه وسلم

تكون مع فئة النبيين و الصديقين زي أبو بكر الصديق و السيدة مريم الصديقة و الشهداء

و الشهداء هم الذين استشهدوا في سبيل الله
أو العلماء

الآية وضعت أعظم خطة لينا نعيش بيها عشان نعيش على الصراط المستقيم

طاعة ربنا سبحانه و تعالى

و اتباع النبي صلى الله عليه وسلم

مهما طلع شيخ و قال الموسيقي مش حرام

ندور النبي صلى الله عليه وسلم قال ايه ؟؟

مهما طلع واحد يقول الاختلاط حلال

ندور النبي صلى الله عليه وسلم قال ايه ؟؟؟

تعيش ورا النبي صلى الله عليه وسلم

يرزقك الله الصراط المستقيم



و ربنا سبحانه و تعالى علمنا في الآية أي فريق احنا عايزين نكون معاه

و هو الذين أنعم الله عليهم زي ما قولنا

و لكن ربنا علمنا أيضا مين اللي (مش) عايزين نكون معاهم

و هم المغضوب عليهم و الضالين

مين دول ؟؟



المغضوب عليهم هم اليهود

اليهود ربنا سبحانه و تعالى آتاهم العلم يعني كانوا (عارفين) الحلال من الحرام لكنهم لم يعملوا به

أما الضالين فهم النصارى
لأنهم جهلوا الحق فضاعوا !

لازم نطلع بمعنى مهم جدا من الآية عشان (نفضل) على الصراط المستقيم

1- العلم :

لازم تتعلم أمر دينك صح من مصدر صح

لازم تعرف عقيدتك صح

تعرف مين هو ربك

تعرف مين نبيك صلى الله عليه وسلم

تعرف إزاي تعبد ربنا

عشان لما حد يلقي عليك شبهة تبقى واقف ثابت لأنك عارف دينك

2- العمل بما تعلمت :

بعد ما تتعلم لازم تشتغل على قد ما تقدر باللي تعلمته

و حاول و جاهد نفسك

و ادعي " رب زدني علما "

لازم تتعلم تعبد ربنا " بالدليل "

معاك دليل صح يبقى توكل على الله و اعبد ربنا



كدا بفضل الله عدينا على أهم معاني في سورة الفاتحة

أعظم سورة في القرآن الكريم

و يتبقى

على هامش سورة الفاتحة المرة الجاية ان شاء الله

نسأل الله أن يهدينا و إياكم إلى و على الصراط المستقيم