Tweet
السلام عليكم ورحمه الله وبركاته
عمرك جربت
..
..
...
..
..
جربت تعمل حاجات لاول مرة تعملها
افتح شابتر عمرك ما ذاكرته .. اتحدي نفسك انك لازم تخلصه .. خلصه وحس قد ايه انك عندك اراده
اتحدي نفسك السنه دي انك تبدأ بدايه جديده انك تكون احسن حاجه تقدر تكونها .
حب كل حاجه بتعملها في الكليه واستمتع بيها .. فكر في انطباعها علي حياتك بعد كده. وابتغي بيها وجه ربنا
جرب تساعد حد اصغر منك .. اشرحله حاجه فهمه الوضع ازاي اديله امل في بكره
جرب تذاكر موضوع حلو اوي وتشرحه لأصحابك ..خليهم يسألوك وجاوبهم بكل ثقه .. حس انك فعلا قد المسؤليه..
ابدأ بنيه جديده حط اهدافك للسنه دي واكتبها وتابعها كل شويه ولو احتاجت عدلها وشوف وصلت لايه وايه الي لسه معملتوش .
راجع نفسك كل يوم اكتب الحاجات الكويسه الي عملتها واكتب غلط في ايه .. وايه عايزه بكره يكون احسن ..
اعمل ثوره علي نفسك
غيرها وانتصر عليها.. حطم خوفك
اغلب كسلك.. وابدأ كون احسن حاجه
...
امشى على رجليك ساعة
ف مكان واسع وانت هتستريح.
امشى لحد ماتتكسر رجليك
وانزل من بيتك وقول انا هروح اى مكان
هيخطر ع بالى {بس حلال}ومن غير ما
ارتبله علشان لو خططت مش هيكمل
المشوار
دور فى سجل
الاسماء وطلع صاحب استندلت معاه
ومبقتش تسأل عنه وقوله سامحنى
لو قصرت ف السؤال.انت واحشنى.
لسة فى حاجات تانية كتير تقدر تعملها.
بس لو لسة شايفها سودا قوم اتوضأ
وصلى ركعتين وقول يارب متسبنيش لوحدى
تعليق