الاخوات من المنصورة ؟

[اللهم ثبتنى]

السلام عليكم يا اخواتى , انا من المنصورة و كنت عاوزة اسأل الاخوات من المنصورة عن اكتر من حاجه اولا عن الدروس فى المساجد مواعيدها ايه و فين و مين الشيوخ اللى بيدوها؟ و يا ترى ممكن اخواتنا اللى بيحضروا الدروس يفرغوها هنا فى المنتدى علشان نستفيد منها؟ و عن اماكن محتاجه تبرعات , و كنت عاوزة اعرف لو انا عاوزة اتعلم التغسيل اروح فين و اجيب الادوات المستخدمه منين؟ و لو بافكر اعمل مشروع صغير او افتح محل جنب البيت تفتكروا ممكن يكون ايه نشاطه يعنى ابيع فيه ايه؟و ياريت اى اخت عندها اى فكره لعمل خير تقترحه و جعله الله فى ميزان حسناتها.

[dr_karmen]

رد: الاخوات من المنصورة ؟

جزاك الله خيرا وبارك الله فيك أخيتى
إن شاء الله الأخوات يفيدوكى بهذا الشأن
ولو عايزة تعرفى مجال خير ففى كتير ولله الحمد:
فى جمعية البر والإحسان وهى جمعية خيرية زكاها د- حازم شومان وبتعمل مشاريع خير زى كفالة اليتيم تزويج الشباب والحاجات دى وفيها اقسام يعنى الدعم المادى او الدعم الفنى زى ماتحبى
وممكن تشاركى فى كفالة يتيم شهريا 50 جنيه اقل وهما بيوصلوهاله وبتكونى واخدة استمارة للطفل ده ولو بتحبى تدفعى سنويا يبقى خير
ولو تحبى تدفعى شهر بشهر زى ما تشوفى المناسب ليكى
وفى اعمال خير تانية زى الدعوة يعنى شرايط وسيديهات واوراق مطبوعة وكدة
وبالنسبة لتعليم التغسيل اعتقد ممكن تلاقيه فى الجمعية الشرعية
وبالنسبة للمحل فده هيكون على حسب المنطقى اللى انتى فيها يعنى مثلا انتى ساكنة فى منطقة مليئة بالسوبر ماركت يبقى ملهاش لازمة
منطقة فيها مكتبات كتيرة يبقى مش هينفع
وهكذا فانظرى الى المنطقة وانظرى لاحتياجاتها وان شاء الله تجدى مايناسب
وجزاك الله خيرا ولو افتكرت شئ تانى هكتبه لكى

[غفرانك ربي]

رد: الاخوات من المنصورة ؟

بالنسبه للدروس كل الي فاكراه الوقتي درس للحجه نفيسه يوم الاربعاء بعد الظهر في السلاب

درس للدكتورة سميه يوم الثلاثاء الساعه 12 تقريبا في النور

درس لد/عبد الرحمن الصاوي السبت بعد المغرب الجمعيه الشرعيه

درس لد/حازم يوم الاربعاء بعد العصر (مش فاكره اسم المسجد الله المستعان)

بس هرجعلك تاني كل مفتكر حاجه

[اللهم ثبتنى]

رد: الاخوات من المنصورة ؟

جزاكم الله خيرا يا اخواتى فى الله , و انتظر المزيد , جعله الله فى ميزان حسناتكم

[اللهم ثبتنى]

رد: الاخوات من المنصورة ؟

هاضيفه دلوقتى ان شاء الله .

[طالبة الهدايه]

رد: الاخوات من المنصورة ؟

درس لد/حازم يوم الاربعاء بعد العصر (مش فاكره اسم المسجد الله المستعان)

مسجد الصالح العسوى او مسجد حى الجامعه امام سوبر ماركت الجمل لو انتى بتروحى الجامعه اخرجى من بوابه الاستاد هو قريب من هناك لو فيه اى توضيح بلغينى

[اللهم ثبتنى]

رد: الاخوات من المنصورة ؟

شكرا يا اختى على التوضيح و بارك الله فيكى . ولو حد يقدر يفيدنى فى تعلم التغسيل .

[all_4w]

رد: الاخوات من المنصورة ؟

السلام عليكم ورحمة الله وبركاته
بالنسبة لتغسيل الميت في دورة على الإنترنت عن تغسيل الميت والدورة للأخوات فقط


الرابط
..........................

[ترجو التوبة]

رد: الاخوات من المنصورة ؟

اهلا بكى اختى ......
اعرف فى محاضره فى مسجد النور هناك فى دروس كثيره والمواعيد مختلفه وهتلاقيها متعلقه فى جدول .......
وفى كمان فى طلخا لو تعرفيها دروس فى مسجد الرحمه والكفان وانا بحضرهم......
وجمعية البر والاحسان كما اشارت الاختdr_karmen
ويارب نستفيد كلنا ......
اختكم فى الله.........

[all_4w]

رد: الاخوات من المنصورة ؟

حبيبتي كتبت عنوان لموقع يعطي دورة في تعلم التغسيل ولكن المشاركة يبدو انها الغيت لا اعلم لماذا
المشكلة إني مش عارفة في موضوع المنتديات اوي
الظاهر في حاجة غلط
ربنا يصبرهم على الي مثلي