أجمل رحلة ممكن تتخيلوها عااااااااااالم من الإبداع ◘college of medicien◘

[امة الرحمن/فاطمة]

رحلة مع عالم من الإبداااااااااع

آه بإذن الله
رحلة جميلة أوووووووووي هتكون في جسم الإنسان بإذن الله

بصراحة انا عمري ما هتخيل رحلة أجمل من الرحلة دي
رحلة هتكون خلال عااااااااااااالم من الإبدااااااااع بإذن الله والتنظيم

تخلي كتير دموعك تنزل من عظمة ربنا ومن فضله عليك ومن رحمته بيك

وأهم حاجة حبه ليك


وإزاي دنيا شغالة ومش بتقف ده لو وقفت وقت صغير تموت ساعتها
سبحان الله
وإزاي حتي لو إنت نايم العوالم دي مش بتنام



علشان كده هننطلق في الرحلة الجميلة دي
الرحلة دي هنخليها في هيئة مواقف أو ظروف معينة بيتعرض ليها الإنسان
ومنها نعرف إيه اللي بيحصل في الموقف ده وإزاي الخلايا بتتغير من الوضع
الطبيعي

لوضع الدفاع أو إنها تحمي نفسه وتحافظ علي جسم الإنسانأو إنها تمرض أو ممكن
تنقلب لعدو للإنسان !!!
ونشوف أد إيه لطف ربنا بينافي حاجات كتير أوي





الموضوع هيكون تأمل في خلق الله وإستفادات بإذن الله
ومتنسوش إنها عبادة عظيمة أووووي
قال بشر الحافى(لو تفكر الناس فى عظمة الله تعالى ما عصوه)
وقال عمر ابن عبد العزيز(التامل فى نعم الله افضل عبادة)
وقال ابو الحسن(تفكر ساعة خير من قيام ليلة)
وقال يوسف بن اسباط(ان الدنيا لم تخلق لينظر اليها بل لينظر بها الى الاخرة)

وهنبدأ من المشاركة الجاية بإذن الله


ابقوا معنــــــا

[امة الرحمن/فاطمة]

رد: أجمل رحلة ممكن تتخيلوها عااااااااااالم من الإبداع ◘college of medicien◘

أول حاجة نتكلم فيها

موقف بسيط أوي ممكن يتعرض ليه أي إنسان وممكن موقف صعب برده
بس في النهاية بيأدي الموقفين لحاجة إسمها إلتهابات(inflammations)




الموقف ده إن لو الإنسان ده تعرض لمثير بيأثر علي خلايا الجسم

ناخد مثال في البداية للتوضيح وهو لو الإنسان تعرض لشك الدبوس او إيدك
إتجرحت بسكين
ياتري إيه اللي بيحصل معانا؟؟

ياااااه ده بيحصل حاجات كتير

هيحصل حاجة إسمها inflammation يعني إلتهابات
ممكن تفتكر إن دي حاجات عشوائية

لأ دي برمجة متكاملة بتحصل
الإلتهابات دي عبارة عن تفاعلات متمركزة في الأوعية الدموية والجهاز
الليمفاوي وخلايا الجسم
ودي بتكون رد الفعل وعملية الدفاع للجسم
أول حاجة لما الدبوس هيشكنا هيحصل إيه ؟؟
هيحصل تدمير لبعض الخلايا الموجودة في المنطقة المصابة






فلما يحصل كده
تروح في مواد مهمة جدااا إسمها وسائط كيميائية بتروح تجري للأوعية الدموية

والخلايا تقولها لازم تحصلك تغييرات تدافعي بيها عن الجسم
الوسائط الكيميائية دي زي مادة إسمها هستامين ومجموعة مواد إسمهم عوامل جذب


فأول حاجة تجري الأوعية الدموية تعمل شوية تغييرات علشان تعالج كل اللي حصل ده
فأول حاجة تعملها تعمل إنقباض للجدار بتاعها لمدة بسيطة جداااا ده رد فعل لشك الدبوس المثال اللي قولنا عليه
تاني حاجة بقي تبدأ بعد الإنقباض تعمل توسيع للجدار بتاعها
زي كده
vasodilatation يعني توسيع







وتخلي البلازما اللي موجودة فيها تتسرب للمنطقة المصابة

زي كده





وتخلي كرات دم بيضا ء كتيرة اوي تهاجر للمنطقة المصابة علشان تقتل الميكروبات
لأن أي حاجة بتدخل الجسم يعني سن الدبوس أكيد مليان سموم وبكتريا ووو

وفي الحالة دي تبدأ المنطقة تحمر أوي وتبقي سخنة شوية أكيد شوفنا المنظر ده ممكن مش يبقي ظاهر

أوي مع شك الدبوس بس ممكن لو حاجة أكبر مثلا مسمار أو أي حاجة تانية

تالت حاجة بقي يبدأ الدم مساره يبطأ يبقي بطئ بدل ما كان سريع

رابع حاجة يعملي حاجة إسمها مستخلص الإلتهابات
كل التغييرات دي بتحصل علشان تعالج الجرح اللي حصل
وفي الوقت ده بيحصل إنتفاخ ف المنطقة دي وبتشعر بألم وتغيير في الوظيفة لخلايا جسم لأن حصل أمر طارئ ليها



كل ده بسبب عن البلازما تسربت من الأوعية الدموية للمنطقة المجروحة
بعد كده هيحصصل حاجة مهمة جداا
في خلايا في الصورة اللي فوق إسمها neutrophiles
الخلايا دي بتدافع عن الجسم ضد السموم



في الصورة شايفين الدبوس داخل وموضح إنه معاه أجسام غريبة
الأجسام الغريبة دي ممكن تضر الإنسان بالتأكيد
فتروح خلايا الـ neutrophiles تحيط بيها وتاكلها
زي الصورة دي كده






يا تري كده الموضوع إنتهي
لاااااااا
ده لسة في حاجات كتير
فتابعونا علشان نعرف هيحصل إيه تاني بعد كده

وياريت تقولوا طريقة الشرح كويسة ولا إيه ؟؟

[فاطمة سعد]

رد: أجمل رحلة ممكن تتخيلوها عااااااااااالم من الإبداع ◘college of medicien◘

ماشاء الله يا فاطمة لىعودة لتكملة طبعاا

[فاطمة سعد]

رد: أجمل رحلة ممكن تتخيلوها عااااااااااالم من الإبداع ◘college of medicien◘

اللهم بارك اللهم بارك


ايه ده ماشاء الله حاجات جميلة جدا
وكمان طبيبة جدااا


وانا دلوقتى فهمت ليه لما السكين عورتنى ايه اللى حصل علشان الحرج ليم تانى والاصبع يرجع زى ما كان بالضبط


بارك الله فيك يا فاطمة منتظرة من مقدار اقل شوية من كده علشان اقدرافهم المصطلحات الطبيبة دى ممكن :))))))


بارك الله فيك وجعله خالص لوجهه وطريقة الشرح ممتاز كانى بسمعك بالضبط


يلا بقا لا تحرمينى من جديدك وكمان


تقولي المصدر للمعلومات دى ممكن :))))*


ولا ده من مجال تخصصك يكونا فضل فعلا

[طريقي لربي]

رد: أجمل رحلة ممكن تتخيلوها عااااااااااالم من الإبداع ◘college of medicien◘

ما شاء الله
جميل جداا
وشرحك حلو ... احسن من الدكتور اللى بيدينا !!
والصور احلى
حاسة انى قاعدة فى
محاضرة فسيولوجى
بارك الله فيكِ
متا بعة ...
ان شاء الله

[~باغية الجنان العلى~]

رد: أجمل رحلة ممكن تتخيلوها عااااااااااالم من الإبداع ◘college of medicien◘

رااااااااائع يا فاطمة
ما شاء الله عليكِ شرحك جميل وينفع الكل

بس سؤال صغير
انتي ما تخصصك ؟؟

عاشقة خديجة
ربما يكون شرح فاطمة احسن من الدكتور
لأن فاطمة تريد ايصال المعلمومة للكل
اما الدكتور فاللي عنده من الطلبه
يعني المستوى اللي يفهمون به ربما اكثر
اقصد هنا يجب ان يكون بحساباتنا كل احد حتى الصغار مثلا من طلاب المتوسطة وكده

[Dr.hala]

رد: أجمل رحلة ممكن تتخيلوها عااااااااااالم من الإبداع ◘college of medicien◘

رااااااااااائع يا فاطمة ما شاء الله

متابعين معاكِ بإذن الله

[امة الرحمن/فاطمة]

رد: أجمل رحلة ممكن تتخيلوها عااااااااااالم من الإبداع ◘college of medicien◘

اللهم بارك اللهم بارك


ايه ده ماشاء الله حاجات جميلة جدا
وكمان طبيبة جدااا
ربنا يكرمك يارب

وانا دلوقتى فهمت ليه لما السكين عورتنى ايه اللى حصل علشان الحرج ليم تانى والاصبع يرجع زى ما كان بالضبط


بارك الله فيك يا فاطمة منتظرة من مقدار اقل شوية من كده علشان اقدرافهم المصطلحات الطبيبة دى ممكن :))))))
ممكن طبعا بإذن الله

بارك الله فيك وجعله خالص لوجهه وطريقة الشرح ممتاز كانى بسمعك بالضبط

اللهم آمين ربنا يعزك يارب
يلا بقا لا تحرمينى من جديدك وكمان


تقولي المصدر للمعلومات دى ممكن :))))*


ولا ده من مجال تخصصك يكونا فضل فعلا

اه مجال دراستي

انا لسة بدرس ومش تخصصت يعني بدرس الحاجات دي دلوقتي

لسة صغيرة ..

بارك الله فيكِ علي تعليقك الجميل

ما شاء الله
جميل جداا
وشرحك حلو ... احسن من الدكتور اللى بيدينا !!
والصور احلى
حاسة انى قاعدة فى
محاضرة فسيولوجى
بارك الله فيكِ
متا بعة ...
ان شاء الله

ربنا يكرمك يارب بس ده باثولوجي

شوية كده ممكن ندخل فسيولوجي إن شاء الله

بارك الله فيكِ

رااااااااائع يا فاطمة
ما شاء الله عليكِ شرحك جميل وينفع الكل

بس سؤال صغير
انتي ما تخصصك ؟؟
مش تخصص ولا حاجة

انا أدك يا باغية

ربنا يكرمك يارب

عاشقة خديجة
ربما يكون شرح فاطمة احسن من الدكتور
لأن فاطمة تريد ايصال المعلمومة للكل
اما الدكتور فاللي عنده من الطلبه
يعني المستوى اللي يفهمون به ربما اكثر
اقصد هنا يجب ان يكون بحساباتنا كل احد حتى الصغار مثلا من طلاب المتوسطة وكده

أيوة بالظبط علشان كل الناس تفهم

ربنا يبارك فيكِ يارب يا باغية

رااااااااااائع يا فاطمة ما شاء الله

متابعين معاكِ بإذن الله

ربنا يكرمك يارب

بارك الله فيكِ
***
ربنا يكرمكوا كلكم
شرفني تشجيعكم

[فاطمة سعد]

رد: أجمل رحلة ممكن تتخيلوها عااااااااااالم من الإبداع ◘college of medicien◘

اه مجال دراستي

انا لسة بدرس ومش تخصصت يعني بدرس الحاجات دي دلوقتي

لسة صغيرة ..

بارك الله فيكِ علي تعليقك الجميل

وبارك الله فيكِ بالتوفيق أختنا

[~باغية الجنان العلى~]

رد: أجمل رحلة ممكن تتخيلوها عااااااااااالم من الإبداع ◘college of medicien◘

اقصد بتدرسي ايه
مش تخصص تخصص

[امة الرحمن/فاطمة]

رد: أجمل رحلة ممكن تتخيلوها عااااااااااالم من الإبداع ◘college of medicien◘

اللهم آمين وإياكِ يا مصرية يا طيبة

باغية السنة دي في باثولوجي وميكرو وفارما وبارا

ربنا يكرمك يا طيبة علشان كده قولتلك انا ادك

[راجيه جوار الحبيب محمد]

رد: أجمل رحلة ممكن تتخيلوها عااااااااااالم من الإبداع ◘college of medicien◘

ماشاء الله
اللهم بارك يارب جزاكِ الله كل خير أختى فاطمه
جعل الله جهدك هذا فى ميزان حسناتك يارب
ونفع الله بكِ

[طريقي لربي]

رد: أجمل رحلة ممكن تتخيلوها عااااااااااالم من الإبداع ◘college of medicien◘

رااااااااائع يا فاطمة
ما شاء الله عليكِ شرحك جميل وينفع الكل

بس سؤال صغير
انتي ما تخصصك ؟؟

عاشقة خديجة
ربما يكون شرح فاطمة احسن من الدكتور
لأن فاطمة تريد ايصال المعلمومة للكل
اما الدكتور فاللي عنده من الطلبه
يعني المستوى اللي يفهمون به ربما اكثر
اقصد هنا يجب ان يكون بحساباتنا كل احد حتى الصغار مثلا من طلاب المتوسطة وكده

اعرف اختى باغية
ولكنها دعابة .....هزار يعنى
جزاكِ الله خيرااا

[فاطمة سعد]

رد: أجمل رحلة ممكن تتخيلوها عااااااااااالم من الإبداع ◘college of medicien◘

اللهم آمين وإياكِ يا مصرية يا طيبة

كلمة طيبة دى بتاعى انا ::::::(

بس لقب جميل مصرية ده فخر وعزة
اللهم لا غرور:))))

[الراجية رضاه]

رد: أجمل رحلة ممكن تتخيلوها عااااااااااالم من الإبداع ◘college of medicien◘

سبحان الله العظيم

ما شاء الله

موضوع رائع ومفيد

جعله الله في ميزان حسناتك

وبارك الله بك على مجهودك