يوميات فتــاة تائبــة..القصة كاملة

[الأمير قطز]

رد: يوميات فتــاة تائبــة

جزاكم الله خيرا وبارك فيكم

أنا منتظر ومشتاق للحلقة القادمة ...

[امة الرحمن/فاطمة]

رد: يوميات فتــاة تائبــة

جزانا الله وإياكم كل خير

وبارك الله فيكم

[حاملة الرايه]

رد: يوميات فتــاة تائبــة

اكملي اختنا بارك الله فيك فالقصه مشوقه جدا
اسال الله ان يبارك فيك وفي كتاباتك

[امة الرحمن/فاطمة]

رد: يوميات فتــاة تائبــة

وفيكِ بارك الله

جزاكِ الله خيرا ورفع قدرك ..اللهم آمين

[امة الرحمن/فاطمة]

رد: يوميات فتــاة تائبــة


الحلقة السابعة عشر













قررت شروق أن تجتهد في مدرستها وأن تسلك طريق غير طريق أعمامها وعماتها






فقد إنتهي كل منهم بمعهد في مجال مختلف عن الآخر





وقررت في نفس الوقت أن تساعد والدتها في أعمال بيت والدها





شروق : ماما انا هساعدك في الحاجات اللي بتعمليها عند جدتي ومتقوليش صغيرة ماشي





إنتي يا ماما بدأتي تتعبي ولازم ترتاحي شوية





سارة : يا حبيبتي طيب وانتي هتساعدني في إيه ده كل الشغل محتاج ناس كبيرة





شروق : هرتب المكان وأروقه وأغسل دول سهلين عليه مش محتاجين إختراع







وإنتي عليكِ الأكل بقي وتعمليلهم العيش



سارة : تضحك سارة يا عسل ياشروق بس برده مجهود يا حبيبتي عليكِ



شروق : لا ياماما ما انا في سنة رابعة يعني كبيرة وبعدين ربنا هيعني وبعدين



إنتي تعبانة مينفعش كده



سارة : ربنا يكرمك ياشروق يا حبيبتي خلاص وانا هكون معاكِ لو احتجتي


حاجة هساعدك اتفقنا



شروق : اتفقنا يا أحلي أم في الدنيا





وتبدأ شروق العمل في كل مكان فقد شعرت بالمسئولية التي عليها






ففي دراستها اجتهدت جدا وأصبحت من أوائل المدرسة ما بين الأولي للثالثة





وأصبحت تدعو كل زميلاتها في المدرسة






شروق : ازيكم يا بنات يا حلوين يا حبايب قلبي إنتوا



زميلاتها : الحمد لله يا شروق يا عسولة



شروق : صحيح كنت عايزة أسألكم مين بيصلي ويحافظ علي الصلاة





وترد إحداهن (حنان) : بصراحة يا شروق مش أوي يعني فرض اه وفرض لا





شروق : ليه كده بس يا حنان ده الصلاة أهم حاجة يا حنوني





لا لا مينفعش كده






إلهام : ولا انا كمان يا شروق مش بصلي أصلا غير فين وفين






شروق : يا نهار أبيض بقي كده يا إلهام





يا جماعة عارفين اللي بيصلي ده فعلا بيحب ربنا





وبيبقي ليه مكانة حلوة عند ربنا إزاي نسيب الصلاة بس





بقولكم إيه إحنا نتفق كلنا كده كل بنات الفصل نتواعد هنحافظ علي الصلاة





وكل يوم نيجي نسأل بعض صلينا ولا لأ





واللي مش هتصلي انا مش هكلمها ومش هتبقي صحبتي





علشان بجد زعلتوني





وترد صحباتها : لا لا خلاص يا شروق إتفقنا بلاش حكاية الخصام دي






شروق : تبتسم لا خلااااص ماشي براءة






وتهتم شروق بصلاة صحباتها وكانت شروق تصر علي صلاة الظهر في



المدرسة لأن عندما تعود يأذن العصر عليها



فقد كانت تستأذن من أستاذ الحصة الرابعة أن يجعل لهم آخر ربع ساعة لتنزل


هي وصديقاتها لصلاة الظهر






ولو كان حصة ألعاب لا يلعبن حتي يصلين الظهر






وفي بيت والدتها بدأت شروق تعمل بحب وتفاني مع والدتها في أعمال البيت



عند جدتها



وفكرت شروق أن تشغل جدتها بها وتبعدها عن سارة قليلا





شروق : بقولك يا جدتي ما تحكيلي عن ذكرياتك وإنتي لسة بنت





فرحت والدة صهيب جدااا لأنها كانت تحب الحديث عن آيام زمان





والدة صهيب : طبعا يا شروق يا حبيبتي





وبدأت والدة صهيب بالحديث مع شروق وشروق مستمتعة وهي تعمل ووالدة



صهيب عايشة مع الذكريات



وأحبت والدة صهيب شروق كثيرا فلم تكن شروق تكتفي بأن تطلب منها





بالحديث عن أيامها التي مضت بل كانت





تساعدها في أعمالها الخاصة





واهتمت شروق بجدتها





وفي يوم كانت شروق وعمها الأصغر عمار وعمتها الصغري نور في حديقة





لهم بها معظم الفاكهة



شروق : إيه ده يا عمو ده في برتقانة كبرت قبل الكل وفي غير معادها ازاي ده



انا عيزاها يلاشيلني علشان أجيبها



وفعلا أحضرت شروق البرتقالة واتفقوا وطلبوا منها أن يقتسموها



شروق : لا يا حبايبي دي لجدتي الغالية



نور وعمار : اممممممم يا بخت جدتك بيكِ والله



ده انتي مدلعاها خالص





وأصبحت شروق كلما أصبح مالا تحضر هدية بسيطة لجدتها






وتغيرت والدة صهيب كثيرا





وبعدت عن سارة كثيرا وارتاحت سارة كثيرا





وبدأت شروق تشارك أعمامها وعماتها في معظم أعمالهم والكل أحبها






واهتمت شروق بحفظ القرآن منذ الصغر وكانت سريعة الحفظ وكانت المحفظة





تستغرب من قدرتها علي الحفظ



وكيف أنها في المرحلة الإبتدائية وتستطيع حفظ السور الكبيرة بسرعة





وبدأت عيلة صهيب تتغير نظرتهم لسارة وأولادها لما رأوه من شروق وشعروا





أن سيكون لهم مستقبل مختف عنهم





ولكن للأسف مازال الجميع غير متقبل أفنان لأنها الفتاة الثانية والعادات أنهم لا




يحبون البنات كثيرا





ودللوا طارق كثيييييرا





وأي طلب يطلبه ينفذ علطول





لم تحب أفنان الدراسة كثيرا



وأثر عليها كثيرا عدم إهتمامهم بها فاهتمت بها سارة كثيرا لتعوضها عن ذلك



ولكن يشاء الله أن يوضح لهم أن ذلك خطأ وظلم



وده هيظهر في أواخر الحلقات بإذن الله





وبدأت تتغير الأحوال أفضل



وياتري شروق توقفت عند هذا الحد ولا ربنا هيسرلها حاجات تانية



وإزاي هتبدأ طريقها لربنا بجد




وسنري تأثير المعاملة علي كل من الأخوة الثلاثة كيف ستغيرهم عن بعضهم في بعض الأشياء











ده اللي هنعرفه الحلقات القادمة بإذن الله

[بشرى احلام]

رد: يوميات فتــاة تائبــة

الله يكرمك بالقصة اثرت في كتيرا قراتها كلها دفعتا واحدة
بالفعل حب الله هو الذي يهون الصعاب ويجعلها خيرات
اللهم طهر قلبي بحبك ونور طريقي بشوق الى لقائك واجعل الجنة مثوايا ومثوى المؤمنين والمؤمنات اجمعين اللهم امين
بارك الله فيك وجعلها في ميزان حسناتك

[امة الرحمن/فاطمة]

رد: يوميات فتــاة تائبــة

اللهم آمين وإياكِ

جزاكِ الله خيرا ورفع قدرك ..اللهم آمين

أسعدني تواجدك

[امة الرحمن/فاطمة]

رد: يوميات فتــاة تائبــة

الحلقة الثامنة عشر







أنهت شروق المرحلة الإبتدائية






بدأت شروق تنطلق في طريقها لله وارتدت الخمار






وفي يوم أثناء عودتها من المدرسة الإعدادية






إحدي صديقاتها كان أسمها ألاء كُسرت أسورتها وظلت خائفة من أمها







ألاء : انا خايفة أوي ماما ممكن تزعقلي جامد





شروق : متخافيش طيب تعالي نصلحها ومامتك مش تاخد بالها وبعدين لو



شافت اللحام اللي فيها إبقي قوليلها الحكاية





ألاء : ربنا يكرمك يا شروق طيب انا مش معايا فلوس



شروق : تعالي معايا نروح ناخد فلوس من أمي ونروح انا وانتي نعملها انا بعرف أروح لأني دايما بروح أجيب



طلبات البيت ومنظري بالخمار محدش هيفتكر إننا صغيرين كده





ألاء : اه صحيح والله يا شروق انا مش عارفة أشكرك إزاي





وذهبت شروق لوالدتها وطلبت منها خمس جنيهات للحام أسورة ألاء وأعطتها والدتها



وبالفعل ذهبت ألاء وشروق وتم لحم الأسورة



ولم تعرف ألاء كيف تشكر شروق





ألاء : بجد يا شروق إنتي صحبة مخلصة ربنا يباركلي فيكِ يارب



شروق : يا بنتي دي حاجة بسيطة متعملهاش حكاية بقي



ألاء : طيب يا شروق إحنا عايزين نقوي علاقتنا ببعض عايزين نعمل حاجات حلوة ترضي ربنا عننا





شروق : ياريت إنتي عندك حاجات ممكن نعملها



ألاء : إيه رأيك نستغل الأجازة كويس الأجازة فاضل عليها إسبوع صح





انا أخدت في المدرسة مواضيع عن قيام الليل وإحنا أهو بنحفظ قرآن





شروق : طيب قصدك إيه



ألاء : بصي يا شروق قيام الليل مش فرض لكن سنة وهو أفضل صلاة بعد





الفريضة بنصليه في أي وقت من



العشاء للفجر بس يستحب أنه تطولي فيه



وإحنا الحمد لله دلوقتي بنحفظ سور كبيرة ده أحنا لو صلينا بالسور دي


وكررناها مفهاش مشكلة



ويبقي الحفظ ثبت معانا





شروق : يعني إنتي قصدك نقعد نصلي قيام من بعد العشاء لغاية الفجر بالسور



اللي إحنا حافظينها



ألاء : لأ أصبري بس



شروق : اممممم ماشي يا ستي صبرت



ألاء : إحنا أول حاجة ننوع مش كله يبقي قيام ليل فيه حاجات كتير حلوة





فيه أذكار وفيه قراءة قرآن وفيه قيام





فاحنا نقسم الوقت كده نشحن لغاية وقت السحر كده وقت نزول ربنا



للسماء الدنيا ويبقي قلبنا اتشحن



فأول حاجة نصلي العشاء وبعدها كل واحدة تشوف لو مامتها محتاجة


مساعدة وبعدها بقي كل واحد يقعد بعيد عن الناس خالص



ونقعد نذكر ربنا ساعة كده نقول كل الأذكار اللي ممكن تخطر علي بالنا



وبعدها نقرأ قرآن لمدة ساعتين وبعدها بقي نصلي قيام تكون جت الساعة 3



ويكون ربنا



نزل للسماء الدنيا ويشوفنا وإحنا بنصلي وهنصلي زي الرسول عليه الصلاة



والسلام 8 ركعات و3 الشفع والوتر بعدها



وهنصلي بسورة الكهف ومريم اللي حفظناهم الأجازة اللي فاتت



ها إيه رأيك



شروق : يعني إحنا هنفضل صاحيين لحد الفجر ومش هنام ونعمل الحاجات دي صح



ألاء : أيوة بالظبط



شروق : خلاص ماشي بإذن الله إتفقنا



ألاء : بس قبل ما نسيب بعض هديلك الشريط ده عن قيام الليل علشان


يشجعك هيعجبك أوي بإذن الله



شروق : ربنا يكرمك يارب يا ألاء ويارب نفضل أصحاب



ألاء : انا اللي أشكرك يا شروق هو اللي عملتيه معايا قليل ولا إيه






شروق : يا بنتي إنسي إنتي مبتنسيش ربنا يعزك يارب بس إنتي أحسن شوف


اتفقنا علي إيه



ألاء : ربنا يتقبل يارب





شروق : اللهم آمين



وأخذت شروق الشريط وعادت لبيتها





وبعد أن دخلت البيت شغلت شروق الشريط علطول





فإذا به يقول

http://www.youtube.com/watch?v=7VrR2...layer_embedded


وبدأت شروق منذ ان أخذت الأجازة تفعل ما أتفقت معه مع ألاء





ولكن لم تستطع شروق في البداية





فلم تتعود علي كل هذا السهر كانت تصل لوقت قراءة القرآن ثم تنام



ويضيع الفجر منها





وآآآآآآآآآآه يا شروق



وتقوم شروق وهي في قمة الألم والحزن





شروق : الفجر ضاع وكمان مش وفيت بوعد صحبتي



يا نهار أبيض إيه الخنقة دي



وتكرر هذا معها لمدة ثلاث ليال



ولم تعرف شروق كيف ترد علي ألاء ظلت تتهرب منها



وفي اليوم الثالث قررت شروق أن تخبر والدتها بذلك الأمر



شروق : لو سمحتي يا ماما كنت عايزة أكلمك في حاجة






سارة : نعم يا حبيبتي يا شروق اتفضلي



وحكت شروق لسارة ما كان من الإتفاق بينها وبين ألاء وما كان منها





سارة : لا يا شروق مينفعش خلاص بلاش قيام ليل لو هتضيعي الفجر



شروق : خلاص ماشي يا ماما ربنا يبارك فيكِ يارب





وقررت شروق أن تأخذ برأي والدتها





عادت شروق لبيتها وفي هذه الفترة عادت زوجة أبيها من بيت والدها



وبدأت والدة صهيب في التغير ظنا منها أن بهذه المعاملة سترضي بنت أختها



وأنها لو عاملت أبناء صهيب وزوجته سارة معاملة حسنة سيغضب ذلك بنت أختها



وتقسو والدة صهيب علي سارة وشروق



فقد كانوا المسئولين عن البيت



وفي هذه الفترة تتعب سارة كثيرا



ولا تستطيع العمل في البيت وتلاحظ ذلك شروق



شروق : إيه يا ماما إنتي شكلك تعبان أوي



سارة : لا يا حبيبتي مفيش حاجة



شروق : مفيش حاجة إزاي يا ماما والله شكلك تعبان أوي



إستريحي يا ماما خلاص متشتغليش حاجة تاني انا هعمل كل حاجة



سارة : يا حبيبتي ازاي واحدة صغيرة لسة في إعدادي تتحمل كل ده لما انا


تعبت امال إنتي تعملي إيه



متخافيش يا شروق دي حاجة بسيطة



شروق : ربنا يشفيكِ يا ماما



خلاص ماشي بس لو تعبتي تقوليلي ماشي



سارة : ماشي يا حبيبتي



وفي يوم من الأيام وبينما شروق تعمل في البيت إذ سمعت أنين يأتي من المطبخ



وتجري شروق لتري ما الأمر



وجدت شروق أمها علي الأرض من شدة التعب تتألم



شروق : يا إلهي ماما في إيه وتصرخ شروق وتبكي



إلحقوني ماما تعبانة



وبعد الكشف عليها إتضح أن سارة أصيبت بألام شديدة في مفاصل رجليها


ولا تستطيع الوقوف لفترات طويلة



وتتحمل شروق المسئولية كاملة



وكانت عماتها يساعدنها في أشياء بسيطة



وبينما كانت شروق عند جدتها كانت تشاهد التلفزيون لتسلي وقتها ولم ترها


سارة لأنها كانت في البيت مريضة



ويا أسفاه علي شروق



من شدة التعب كان يضيع منها الفجر



الي أن أتي يوما



وأثناء ما هي عائدة من السوق ومعها الطلبات وفي الميكروباص



كان السائق مشغل شريط ديني



وسمعت



إنت لازم تعرف لما تحرم من قيام الليل ده بسبب ذنوبك وإن صلاة الفجر خير من الدنيا وما فيها



صلاة الفجر إزاااااااااااااي تضيعها إزاي



لو بتحب ربنا بجد تتغلب علي أي حاجة وتقوم تصلي الفجر






إسمع قصة الشاب دي



كان شاب بيعمل في الجيش



وفي يوم كان الكل عائدا من الحرب وكان باقي علي الفجر تلت ساعة



فنام ذلك الشاب



فتعجب قائد الجيش كيف ينام وباقي علي الفجر تلت ساعة



فقال القائد خلاص بإذن الله لما يأذن الفجر أصحيه



العجيب بقي إن الشاب أول ما أذن الفجر وسمع الأذان قام علطول بدون أن يوقظه أحد



فيا أخي لازم تدور إيه الذنوب اللي بتعملها أوعي تستهون بحاجة



ممكن تكون بتتفرج علي التلفزيون في ناس شايفة التلفزيون للتسلية وعادي



لا يا أخي المناظر اللي في التلفزيون إحنا بنشوفها عادي ومش بننكر فعلهم ليها بننكرها بين نفسنا



وبنبقي متقبلين الممثلين ومتفاعلين معاهم أوي



لكن لو شفناها علي الواقع أكيد هنحتقر المناظر دي



وفين غض البصر يا أخي ويا أختي من المناظر دي



ده غير إنهم بيغيروا فكرنا لو عايزين يحببونا في حاجة يحببونا ولو عايزين يكرهونا في حاجة يكرهونا



علي مزاجهم وبيخلونا ننسي مبدئنا وعادتنا



كل ده ومش ذنوب يا أخي مفيش حاجة هتنفعك في الأخرة من الحاجات دي



الممثلين دول لو إنت حبيتهم أصلا هتتحشر معاهم



المرء مع من أحب



انا متأكد إنك جوة نفسك لو جم سألوك عملهم ده يرضي ربنا



هتقول لأ



طيب أمال ليه بتتفرج عليهم



ليييييييه



عايز تضيع وقتك في الدنيا وتضيع في الآخرة



إرجع لربنا يا أخي



وبكت شروق يا نهار أبيض كل ده



وانا اللي بقول من التعب مش قادرة أقوم



والله التلفزيون انا كرهته عمي ومن النهاردة مفيش تلفزيون تاني




وهجاهد يارب بس إنت أعني



وهعمل اللي إتفقت انا وألاء عليه بس يارب متسبنيش




يا تري فعلا شروق هتعمل زي ما اتفقت مع ألاء ولا لأ





ولما تبدأ طريق ربنا إيه العقبات اللي هتقابلها



لتمتحن صدقها





ده اللي هنعرفه الحلقة القادمة بإذن الله

[امة الرحمن/فاطمة]

رد: يوميات فتــاة تائبــة

الحلقة التاسعة عشر

دعت شروق ربنا كثيرا أن يعينها علي ما اتفقت عليه هي وألاء

وبعدها إنطلقت شروق في طريقها لله ووفقها الله

وتعلمت شروق أن لا شئ ستستطيع فعله إلا إذا استعانت بالله

ودعته بصدق

في البداية كانت شروق أكتر شئ يحثها هو وعدها لصديقتها ولم تشعر بلذه

للطاعة نهائي

إلي أن أتي يوم إنقطع النور حول الشروق تمام وكانت شروق ساجدة في ذلك

الوقت فشعرت بجمال رهيب في السجود ظلت فيه ساجدة لفترة طويلة

وبعدها تلذذت شروق بجمال قيام الليل وقراءة القرآن والاذكار

وفي يوم نادت والدة شروق عليها

سارة : شروق خدي يا حبيبتي عايزاكِ

شروق : نعم يا ماما انا تحت أمرك يا حبيبتي

سارة : تسلميلي يارب

شروق إنتي خلاص كبرتي يا حبيبتي فلازم تاخدي بالك من تصرفاتك وإن أي

حاجة تغضب ربنا أو تقصير هتتحاسبي عليه

علشان كده انا النهاردة هقولك وصايا توعديني يا شروق إنك مش تنسيها

طول عمرك وتفتكريها دايما

لأن انا مش ضامنة عمري وزي ما انتي شايفاني تعبانة

شروق : ربنا يديكِ طول العمر يا ماما حاضر أوعدك يا ماما

سارة : ربنا يباركلي فيكِ يارب يا شروق

بصي يا حبيبتي عيزاكِ علشان تعيشي أجمل حياة ومتخافيش من أي حد وتتقي

الله في نفسك دايما

خلي الجملة دي حلق في ودنك

الله شاهدي الله ناظري الله معي

لو تأملنا يا شروق في الجملة دي

هنلاقي لو كل إنسان طبقها في حياته

مش هيقدر يعمل حاجة تغضب ربنا بإرادته ومش هيخاف من حد غير ربنا

يعني أي حد يجبره علي حاجة تغضب ربنا أو خايف من حاجة لأ ميحصلش

الكلام ده لأن مستشعر إن ربنا معاه

فعيزاكِ تكرري الجملة دي في يومك كتير يا شروق لغاية ما تستقر في قلبك

وقلبك بعدها بإذن الله هيعمل بيها

تاني حاجة يا شروق يا حبيبتي

إنتي ممكن دلوقتي تبدأي تشعري بميل للشباب الأولاد

انا مش عايزاكِ تزعلي إني بقولك كده انا عارفاكِ وواثقة فيكِ بإذن الله

بس هي دي الفطرة اللي ربنا فطرنا عليها

إننا نميل للجنس التاني علشان كده ربنا جعل لينا الزواج علشان نسد الموضوع ده

طيب لغاية ما الواحد يتزوج وفعلا يلاقي شريك حياته اللي يبادله المشاعر دي

يعمل إيه

أول حاجة يا شروق ودي أهم حاجة غض البصر

تغضي البصر عن الولاد

لو انتي شوفتي واحد من غير قصد فمش هتأثمي لكن لو رجعتي تبصي عليه تاني إنتي كده هتأثمي

وعَنْ بُرَيْدَةَ رَفَعَهُ قَالَ : ((يَا عَلِيُّ لَا تُتْبِعْ النَّظْرَةَ النَّظْرَةَ فَإِنَّ لَكَ الْأُولَى ، وَلَيْسَتْ لَكَ الْآخِرَةُ)) .

مَا تَرَكَ عَبْدٌ لِلَّهِ أَمْرَاً لا يَتْرُكُهُ إِلاَّ لِلَّهِ إِلاَّ عَوَّضَهُ اللَّهُ مِنْهُ مَا هُوَ خَيْرٌ لَهُ مِنْهُ فِي دِيِنهِ وَدُنْيَاه)) .

[ أخرجه ابن عساكر عن ابن عمر ]

عارفة يا شروق كل إنسان بيبتلي في أكتر حاجة ممكن تأثر فيه

يعني واحد مثلا مش بيحب المذاكرة ولا الدراسة ولا أي حاجة من كده

لو نزل في الدراسة مثلا ممكن ميفرقش معاه الأمر عادي

لكن إبتلاء الشخص ده يكون في حاجة هتأثر معاه جامد علشان يكون إبتلاء

ليه فعلا

يعني انا مثلا حاسة إنك رقيقة جدا وعندك مشاعر كبيرة وحاسة إن ربنا

هيبتليكِ في الجزئية دي

لأن أكتر حاجة لاحظت إنها بتأثر فيكِ هي حكاية المشاعر والناس

والأحاسيس

علشان كده انا مركزة علي النقطة دي

فعيزاكِ دايما تخلي جوة نفسك الجملة دي

المرأة كل الرجال مصائبها إلا زوجها

وزوجها ده وقت ما يجي

فعيزاكِ تحفظي قلبك ده للإنسان ده بس ومتفرطيش فيه نهائي مهما حصل

عارفة يا شروق أول حب ده ليه طعم مختلف خالص وهو أجمل حب هو أول

حب

بعده يعني المشاعر تبدأ تقل وكده

فعيزاكِ تحتفظي بده كله لواحد بس في حياتك وهو زوجك بإذن الله

ومش عيزاكِ تعلقي قلبك بحد يا شروق لأن ممكن ميكونش نصيبك

ربنا شايف إن مينفعش تكونوا لبعض حتي لو انتي ممكن تشوفي كده

محدش يعلم الغيب إيه

وبعد كده تتعبي إنتي

انا عارفة يا شروق لو حصل كده معاكِ إنتي مش هتسامحي نفسك

ومش هتتهني في حياتك

لأن انا شيافاكِ مخلصة الحمد لله للناس

فهتبقي مش متصورة نفسك وإنتي بالشكل ده

فانا بنصحك بكده علشان خايفة عليكِ ويبقي معاكِ سلاح بعد كده وتفتكري

كلامي ده

ولازم تعرفي يا شروق إن ربنا دايما بيسرلنا الخير وأحلي حاجة هتيجي بطاعة

ربنا

فأهم حاجة ربنا يا شروق في حياتنا عامة

لو عشتي بالمعني ده

هتعيشي أحلي حياة بجد

ويحميكِ وينصرك بإذن الله

خلاص إتفقنا

شروق : خلاص إتفقنا بإذن الله

ربنا يبارك فيكِ يا ماما

انا بجد بشكر ربنا إن ليه أم زيك كده

ربنا يحفظك لينا يارب

سارة : ويباركلي فيكِ يارب ويقر عيني بيكِ اللهم آمين

وتعيش شروق وهي متذكرة دائما وصية والدتها

وتردد دائما الله شاهدي الله ناظري الله معي

وعندما كانت شروق دائما تعمل عند جدتها

وتسلي نفسها بالذكر أحيانا وأحيانا

تردد تلك الكلمات

امى قالتلى يابنتى اوعى لقلبك

وضميه جوه حضنك

واقفلى عليه برمشك

وحاسبى لا فى يوم ياخدك

لدنيا الحب يابنتى

دى دنيا الحب فيها الفرح والعذاب

فيها الحب وفيها العتاب

لو دق على قلبك اوعى

تفتحى له الباب

واوعى وراه تجرى

لايطلع فى الاخر سراب

واعملى له ديما الف حساب

واوعى ف مره تديله الامان

وتفتحى له الباب

يابنتى دى دنيا الحب كلها عذاب

وما يجيش من وراها

الا تعب الاحباب

وحبيبك يسهرك الليل

ويخليكي ديما فى تعب وويل

ويخلى همك هم تقيل

وعذابك مالوش مثيل

وتروحى للقمر تحاكيه

وعلى همومك تشركيه

وحزنك مالهوش حدود

ودموعك ماتوقفهاش اى سدود

وتلاقى شعورك بقى فى غايه البرود

ماهو الحب زى عود الكبريت

لما بيولع بيحرك كل حاجه معاه

لكن لما ينطفى تخمد النار وياه

خالى بالك يابنتى

وعلى قلبك ديما حافظى

واوعى للحب

تسلمى قلبك إلا في وقته يا بنتي

وبذلك عاشت شروق حياتها سعيدة وهي مستشعرة معية الله معها

وحفظت قلبها وعاشت أيام جميلة جداااا بقربها بربها

وكانت والدتها سعيدة جدا بها

وتتعجب سارة من أن أي طلب تطلبه شروق تجده علطول فأمورها ميسره

بطريقة عجيبة

وتتعجب أيضا فأي رؤية تراها تتحقق كما رأتها بدون تفسير

وفي يوم من الأيام وقد أصبحت شروق في الصف الثاني الإعدادي

شروق : ماما انا شوفت رؤية إن بابا هيجي البلد في المعتقل اللي هنا

سارة : يارب يا حبيبة ربنا يستجيب حتي نشوفه

وبعد دقائق ينادي أحد الأشخاص

يا حاج في ورقة لقيناها علي الجسر شكل صهيب رماها وبيقول فيها إنه

دلوقتي هو في طريقه للمعتقل اللي هنا

سارة : مش ممكن يا شروق ده إحنا لسة بنتكلم ربنا يزيدك يا شروق يارب

وتعيش شروق بكيانها مع الله وأصبح لا يؤثر فيها تعامل جدتها معها

وفي يوم من الأيام نادت جدتها عليها

والدة صهيب : شروق إنتي يا بت يا شروق خدي تعالي

شروق : نعم يا جدتي

والدة صهيب : تعالي يا شروق سلمي علي ابن عمتك الكبير جاي يسلم علينا

وتنزل شروق لجدتها

شروق : طيب يا جدتي انا مش هينفع أسلم عليه

لأنه كبير وشاب مش صغير وانا كبرت دلوقتي

ومش يجوز لواحدة (إمرأة )تصافح رجل فالرسول الله صلى الله عليه وسلم
كان لا يصافح النساء ولم تمس يده يد امرأة قط وقال :أفضل لرجل أن
يضرب بمخيط من حديد في قم رأسه على أن يمس يد امرأة لا تحل له)

والدة صهيب : يعني إيه إنتي هتكسري كلامي وهتصغريني قدام ابن عمتك

شروق : معلش يا جدتي ...

وهنا صفعت والدة صهيب وجه شروق بيدها

والدة صهيب : معلش إيه وبتاع إيه لأ ده إنتي بتدلعي

شروق : انا أسفة يا جدتي بجد إني خليتك تزعلي كده بس حضرتك أطلبي مني

أي طلب مش يكون فيه غضب لربنا وأنا أنفذه لكن غير كده مقدرش

سامحيني انا بحبك وبحترمك وعمري مهزعل منك لأنك جدتي وعزيزة عليه

كان نفسي ألبيلك طلبك بس مش هقدر

والدة صهيب : ماشي يا شروق بس خليكِ فاكرة انا مش هنسالك موقفك ده

وصعدت شروق لوالدتها وهي صاعدة تقول الله شاهدي الله ناظري الله معي

ومش زعلانة ياربي أهم حاجة تكون راضي

وظلت تردد

دع الايام تفعل ما تشاء
وطيب نفسا اذا حكم القضاء
ولا تجزع لحادثة الليالي
فما لحوادث الدنيا بقاء

وكن رجلا على الاهوال جلدا
وشيمتك السماحة والوفاء
يغطا بالسماحة كل عيب
وكم عيب يغطيه السخاء

ولا حزن يدوم ولا سرور
ولا بؤس عليك ولا رخاء
وارض الله واسعة ولكن
اذا نزل القضا ضاق الفضاء

اذا ما كنت ذا قلب قنوع
فانت ومالك الدنيا سواء
ومن نزلت بساحته المنايا
فلا ارض تقيه ولا سماء

ياتري هيحصل إيه مع شروق بعد كده

ده اللي هنعرفه الحلقة القادمة بإذن الله

[امة الرحمن/فاطمة]

رد: يوميات فتــاة تائبــة

الحلقة العشرين






أراد الله أن يجبر قلب شروق



وفي هذه الليلة




رأت الشروق أن والدها سوف يخرج من المعتقل السنة المقبلة وهي في الصف


الثالث الإعدادي



قامت شروق من نومها تجري لأمها




شروق : ماما مامـــــــــــــا انا شوفت رؤية مش



هتتخيليها شوفت إن بابا هيكون معانا وانا في تالتة إعدادي




يااااااااااه يا ماما أنا مش مصدقة خالص




سارة : إنتي بتتكلمي بجد يا شروق يااااااااه يا شروق




وتحتضن سارة شروق يارب يا شروق يا حبيبتي يارب ربنا يحقق الرؤية دي




أد إيه البيت من غيره ملهوش طعم




وتعم الفرحة البيت وتتقبل شروق كل شئ بحب





وظلت تردد هي كام شهر والدنيا تتغير




هي كام شهر والدنيا تتغير





وتذهب شروق للصف الثالث الإعدادي




كانت شروق في طريقها للمدرسة لا تشعر بالطريق نهائي




فقد كانت تعيش بكيانها كله مع ربنا وتظل تتحدث مع الله طول الطريق وتذكره




فقد كانت هذه المسافة من البيت للمدرسة من أجمل اللحظات لديها




وتردد ياااااه يارب بحبك يا حبيبي يا كل حاجة في حياتي




بين غمضة عين وإنتفاضتها حياتي بقي ليها طعم تاني بحبي لك



بحبك يـــــــــارب



بقيت حاسة إني حياتي ليها قيمة



شايفة كل حاجة حلوة منك يا حبيبي


انا أشكرك إزاي يارب علي حياتي الجميلة دي





أشكرك إزاي يا حبيبي بحبك بكل ذرة دم في قلبي يارب





ياااااااااارب نفسي أشوفك ياااااااارب يا حبيبي



هل انا ممكن أشوفك يوم القيامة ممكن يارب




يارب لو كان جزاء اللي يطيعك في الدنيا إنه يشوفك يوم القيامة



كفاااااااااااااااااية كفااااااااااااااية ياربي





يااااه انا لما هكون قدامك همسك نفسي انا مش عارفة ساعتها هعمل إيه




يارب تكون راضي عني يا حبيبي




يارب انا بتخيل نفسي بذنوبي وتقصيري في حقك علي كده أترمي في النار



بذنوبي دي




أكتر حاجة بتألمني إنك تكون معرض عني أكتر من النار




يااااااااه يارب معرض عني لاااااااااا يارب سامحني علي تقصيري معاك يا حبيبي




مستحملش أبدااااا إعراضك عني





يارب إرحم شوقي إليك يا حبيبي






وتصل شروق للمدرسة وتمسح دموعها




وفي المدرسة تتفوق شروق وكل المدرسات يفتخرن بها




ويحبها كل البنات وظلت شروق تدعو صديقتها الي الله




شروق : إلهام وحنان انا زعلانة منكم لإنكم لابسين بنطلونات



إحنا مش الحمد لله بنصلي




طيب إزاي لما نيجي نصلي بنلبس واسع مع ربنا



ولما نيجي نخرج في الشارع بنعمل النقيض




إحنا غاليين يا بنات وجسمنا مش سلعة رخيصة عرضة للفرجة أي حد يشوفنا



لاااااااا ده إحنا غاليين أوي




الرسول عليه الصلاة والسلام أقام غزوة علشان يهودي أجبر مسلمة علي



كشف غطائها



وإحنا بالساهل كده الرسول لو شافنا هيقول إيه




والشباب اللي في الشارع دول حرام علينا نعمل فيهم كده حرام بجد كل



واحد المفروض نعتبره أخ لينا ونخاف ونحافظ عليه مش نضيعه




وانا متأكدة إنكم طيبين ومش جوة قلبكم الحاجات دي لأننا مش صحبة



السنة دي ده إحنا من إبتدائي




حنان : بس انا حاسة إننا لسة صغيرين




شروق : حنان صغيرين إزاي يعني عند ربنا بتتحاسبي ووسط البشر لسة

صغيرة



إزاي دي



إنتي زيك زي اللي عندها 20 و30 و50 سنة حتي



كله بيتحاسب مفيش فرق في السن طبعا



ولو ربنا سألك يوم القيامة هتقولي يارب كنت صغيرة وبعيش حياتي




يا جماعة إحنا عاملين زي الحلويات الجميلة بنخاف عليها ونغطي فيها من

الحشرات



انا يمكن كلامي مش أوي لكن انا هديلكم الشريط ده لازم تسمعوه ومتأكدة





بإذن الله هتغيروا رأيكم



إلهام : كلامك جميل يا شروق ومقنع بس برده هاتي الشريط علشان لو الواحد


تراجع في حاجة تمنعه


وعادت حنان وإلهام للبيت وبدأن في التفكير في كلام شروق



وقررت حنان أن تستمع للشريط ليعطيعها جرعة حماس زيادة



فشغلت الشريط فإذا به يقول

دلوقتى أنا عايز أكلم المتبرجات ، أكلم مين ؟ أكلم المحجبة حجاب أمريكانى !

و الا أكلم المحجبة حجاب موديل 2005 ! و الا أكلم اللى كاشفة شعرها

أصلا ! والا أكلم اللى لابسة لبس إلى حد ما ولكن لسة خطوات على

الحجاب الشرعى السليم ! أكلم مين والا أكلم بنات ثانوى !


بنات ثانوى اللى بقوا جرح فى قلب الأمة ، الوقتى البنت بتاعت ثانوى دى

الرسول عليه والصلاة والسلام سماها إيه ؟ سماهم "ذوات الخدور " يعنى البنات

لما بيوصلوا السن ده بيعدوا فى بيتهم عشان عيب إنهم يتكشفوا على رجالة ،

خلاص البنت هتتجوز ، ذوات الخدور

الفلاحين يقولوا البنت استخبت ، يعنى إيه ؟ البنت استخبت يعنى وصلت

للسن اللى تعد فيه فى بيتها على ما يجيلها العدل بتاعها ، فالوقتى طبعا البنت

اللى بتوصل ثانوى خدى يا بنتى هاتى بنطلون جينز ! استرتش ! خدى يا بنتى

اعملى شاعرك عند الكوافير! و خدى يا بنتى هاتيلك مكياج وإنزلى يا بنتى !

باب جديد من أبواب جهنم مفتوح على الشباب فى الشارع البنت طلعت !

إيه ده يا جماعة إحنا اتقلبنا من الحال ده للحال ده


نهــاية بنت غـير محـجبة


دى لسة كتكوتة ! دى لسة صغيرة ! صغيرة إيه يا جماعة !!! حد ضامن عمره

؟! أعرف بنت و كانت من أجمل بنات الجامعة ، وكان كل أنظار الشباب

حوليها ، و مرة من ذات المرات وهى قاعدة تكلم الشاب ...فجأة جالها مغص

، المغص بدأ يزيد ، بدأ يشد ، بدأ يبقى معاه ترجيع ، جريت على الدكتور ،

فيه إيه ؟ بيكشف لقى ده زايدة لازم يتفتح بطنها حالا ! دخلت أوضة

العمليات ، خرج الدكتور بعدها يقولهم يا جماعة ده للأسف مطلعتش زايدة ،

ده طلع ورم خبيث أو ورم لعله خبيث أو مش خبيث ، أما اتحلل بعد كدة

طلع إنه ورم خبيث شديد الخبث الجمال بدأ يزبل ، و يبدأ أصحابها يبعدوا

عنها ، و بقت لوحدها ، و يبدأ المرض ياكل من جمالها وياكل من نضارتها لغاية

ما بدأت تحتاج دم ، ووصلوا لدرجة إنهم مش لاقين دم !

علقوا فى الكلية بتاعتها إن فلانة الفلانية صحبتكم عايزة حد يتبرع بدم ،

محدش راح اتبرعلها بدم ، و بعد كدة إنتهى الأمر بعد اللف فى مصر كلها

وبعد رحلة الألم و بعد رحلة السرطان وماتت و نفذت القضية ، ومن فترة

شوفت الشاب اللى كان ، شوفته راكب عربية وماشى و مشغل أغانى على

أعلى صوت !!! و ماشى بيرقص جوة العربية !!! سبحان ربى ، إيه ده ؟ حد

يضمن عمره !

عارفة بتاخدى كم سيئة من عدم حجابك ؟!!!

إنتى مستنية إيه ! مستنية إيه ! مستنية إن موت الفجأة يجى يخدك ؟! مستنية إيه

عشان تطيعى أمر ربنا سبحانه وتعالى يا جماعة أنا خايف إن واحدة تيجى فى

رقبتنا يوم القيامة تقول :"إنتوا مكلمتونيش ليه ؟" "إنتوا محذرتونيش ليه؟"

أختك تجيلك تقولك :"إنت محذرتنيش ليه؟" "إنتى مكلمتنيش ليه ؟"

إنتى عارفة السيئات اللى إنتى بتخديها و إنتى خارجة متبرجة ؟! عارفة السيئات

بتبقى أد إيه ؟ تخيلى إنك إنتى بس مشيتى فى شارع لو بصلك 100 بس ب

100 بصة بس يعنى كل واحد بص بصة 100 سيئة !

طب تخيلى لو نزلتى الجامعة يا أختى ، الجامعة طبعا الشباب اللى فيها بصة إيه ،

لو من الألوف دول ألف بس بصولك كل واحد هيبص كام بصة من الشباب

150 كدة 200 ، آدى 150 ألف بصايا خدتيها ! 150 ألف سيئة

ده غير لو واقفتى مع شلة خمسة ستة وقفتيلك ساعتين كل واحد على مدى

الساعتين بصلك ! لو عديتى النظرات دى تبقى ألف بصة ، يعنى حوالى 5

تلاف بصة

ده غير لو ربنا رزقك بشاب عنيه هيئة إرصاد ! جابتيك من فوقك لتحتك ربع

ساعة ! شوفى إنتى خدتى أد إيه تخيلى يا أختى إنتى واخدة أد إيه ! إنتى عارفة

إنتى راجعة بيتك بإيه ؟! لو نزلتى بالليل بس تتمشى و تتفسحى طبعا ألوف

الشباب اللى برة بتوع بالليل كل واحد هيبصلك مش هنقول 20 بصة

10 بصات ! هترجعيلك بحوالى 10 ألاف سيئة !!!

كل دى سيئات ! دى و لا حاجة ! ده إنتى لسة قبل كل ده وقفتى ساعتين

قدام المرايا ! ساعتين تعدلى الأوصة تحت الطرحة ، و ساعتين تحطى البرفان و

ساعتين تعدلى المكياج بتاعك و محدد شفايف قبل الروج ، و الكلام اللى إنتوا

بتعدوا تعملوه ! وكل ده متسجل عليكى عشان تبقى جريمة مع سابق

الإرصاد والترصد

عارفة بسببك حصل إيه ؟!!

و بعد كدة تخرجى الشارع ، واحدة بنت فى إعداد ى شفيتك قالت :"إنا

هطلع زيك" مادام إنتى ماشية كله بيبصلك كدة ، فى ميزانك شاب ملتزم

جديد شافك إنتكس ! تلاقى فى ميزانك 50 شاب إنتكسوا ليه ؟ بسببك ، و

50 بنت خلعوا الحجاب ، أو مشوا عريانين ليه ؟ بسببك ، و تلاقى شلة

بصت عليكى و إنتى ماشية كدة واحد منهم لما شافك شهوته ثارت راح عمل

عادة سرية فى ميزانك !

واحد منهم لما شافك راح زنا فى ميزانك ! واحد منهم لما شافك راح إتجوز

عرفى فى ميزانك ! واحد منهم لما شافك نفسه اتفتحت قعد يبص طول الليل

عاللى رايحة واللى جاية فى ميزانك ! واحدة لما شافتك وهى لابسة حجاب

جديد فتنت بنظر الناس ليكى خلعت الحجاب بتاعها فى ميزانك ! بنتك

الصغيرة لما تكبر إن شاء الله تشوف صورك وإنتى شابة صغيرة ، و تقولك إنتى

كنتى كدة يا ماما أنا هطلع زيك أنا كمان فى ميزانك !

شارون لو بص عليكى و شاف بنات المسلمين بالمنظر ده ، و فرح وقلبه

ينشرح ! يبقى إنتى شمتى أعداء الإسلام فى الإسلام فى ميزانك


شاب ملتزم جديد ولسة خارج من الجامع بص عليكى خشوع الصلاة كله

راح فى ميزانك ! كل ده فى ميزانك كل السيئات دى ميزانك !!! الساعتين

اللى وقفتى فيهم قدام المرايا و أثمر كل ده ! كل ده على بعضه يجيلوا إيه

مليون سيئة !!! و الله يا جماعة بيتهيئلى أكتر من مليون سيئة فى اليوم !!!

طب ده إنتى بقالك 5 سنين بالمنظر ده ! خمس سنين يعنى حوالى كام ؟ ألفين

يوم ، ألفين يوم كل يوم بحوالى مليون سيئة !!! ده إحنا فى مليارات الوقتى

مش فى ملايين !!! و لسة هتفضلى على المنظر ده أد إيه ؟! وكل يوم عداد

مفتوح و عداد شغال ليه ؟ لإنها سيئات جارية !

البنت بتاعت إعدادى اللى لبست زيك اقتداء بيكى دى لآخر عمرها فى

ميزانك ! إلا أن توبتى إلى الله توبة نصوحة

[الأمير قطز]

رد: يوميات فتــاة تائبــة

امى قالتلى يابنتى اوعى لقلبك

وضميه جوه حضنك

واقفلى عليه برمشك

وحاسبى لا فى يوم ياخدك

لدنيا الحب يابنتى

دى دنيا الحب فيها الفرح والعذاب

فيها الحب وفيها العتاب

لو دق على قلبك اوعى

تفتحى له الباب

واوعى وراه تجرى

لايطلع فى الاخر سراب

واعملى له ديما الف حساب

واوعى ف مره تديله الامان

وتفتحى له الباب

يابنتى دى دنيا الحب كلها عذاب

وما يجيش من وراها

الا تعب الاحباب

وحبيبك يسهرك الليل

ويخليكي ديما فى تعب وويل

ويخلى همك هم تقيل

وعذابك مالوش مثيل

وتروحى للقمر تحاكيه

وعلى همومك تشركيه

وحزنك مالهوش حدود

ودموعك ماتوقفهاش اى سدود

وتلاقى شعورك بقى فى غايه البرود

ماهو الحب زى عود الكبريت

لما بيولع بيحرك كل حاجه معاه

لكن لما ينطفى تخمد النار وياه

خالى بالك يابنتى

وعلى قلبك ديما حافظى

واوعى للحب

تسلمى قلبك إلا في وقته يا بنتي

كلمات رووووووعه

بارك الله فى كاتبها

[الأمير قطز]

رد: يوميات فتــاة تائبــة

ما شاء الله

جزاكم الله خيرا

روووعه بجد

بس أنا ما اعتقدتش ان فيه بنات كده بتستجاب لما حد يكلمهم



دول حاجه صعبه .. ولاد وبنات

[امة الرحمن/فاطمة]

رد: يوميات فتــاة تائبــة

جزانا الله وإياكم كل خير

بس أنا ما اعتقدتش ان فيه بنات كده بتستجاب لما حد يكلمهم

إن شاء الله فيه وخصوصا من يربي منذ الصغر علي الدين وحب الله

القصة حقيقية ...

بارك الله فيكم

[امة الرحمن/فاطمة]

رد: يوميات فتــاة تائبــة

الحلقة الحادية والعشرون

و الحــل إيه ؟

دلوقتى هل إنتى حاسة بإكتئاب ؟ هل إنتى حاسة بضيق ؟ كنت فى المستشفى

من كذا يوم ، و معايا واحد زميلى يعنى فلاقيته زعلان ، مش عارف ياكل

مضايق ، فى إيه يابنى ؟ أنا مكتئب طهقان ، فى إيه يا أخى ؟

أصل أنا لسة خاطب من أيام و خطيبتى مضايقانى وتعبانى و و زعلنا مع بعض ،

قولتلوا يا أخى زعلتوا مع بعض ليه ؟؟ قالى حاجة بسيطة حاجة متذكرش أصلا

قولتلوا يا أخى 30 سنة مصلناش الفجر فى الجامع غير 20 تلاتين مرة فيهم ،

و تلاتين سنة بصينا 100 ألف بصة حرام و سمعنا 10 تلاف أغنية حرام ! و

بينهم سنتين تلاتة مبنصليش أصلا مكتأبناش و لاجالنا ضيق ؟! و أول ما بنت

قالتلنا كلمة صغيرة الضيق و الإكتئاب ركبنا !!! سبحان ربى ...قالى يا أخى

: إنت هتجبلى إكتئاب أكتر ما أنا مكتئب ليه ؟ قولت فى نفسى سبحانك

يارب ...ده إحنا مش بس مش عايزين نتعب عشانك ! ده إحنا مش عايزين

نزعل إن إحنا مبنتعبش عشانك ! ده إحنا مش عايزين نحس إن إحنا مقصرين

فى حقك !

تعرفى الرسول صلى الله عليه وسلم وصفك بإيه ؟


إنتى زعلانة الوقتى والا مش زعلانة ؟! زعلانة ولا لأ ؟! يا جماعة التبرج ده أنا

مش عايز أقول إنه معصية ! التبرج ده جريمة ، الإفساد اللى إنتى عملتيه

للشباب و البنات ! و خدى بالك لو إنتى بإيشارب بس عاملة كل اللى إنتى

عاملاهفى نفسك مش هتبقى اللى يبصلك بنص سيئة ! إنما كاشفة شعرك

بسيئة زيك زيها مادام بقيتى فتنة ، ما دام فتنتى الشباب زيك زيها !

طب حكم رسول الله صلى الله عليه وسلم فيكى إيه ؟ بصوا الكلام ده

بالذات ، مش كلامى أنا عايز أقولك حكم رسول الله صلى الله عليه وسلم فى

المتبرجة إيه ؟!!! و إنتى قيسى على نفسك

الرسول صلى الله عليه وسلم يصف المتبرجة:

1. بأنها من أهل النار ، و أنها لا تقرب الجنة بل لا تجد ريحها

2. بأنها ملعونة مطرودة من رحمة الله

3. بأنها زانية ولايقبل منها صلاة

4. بأنها منافقة و أنها من شر هذه الأمة

5. بأنها من صاحبات الكبائر التى تعادل الزنا والسرقة و القتل

6. بأنها من جنود الشيطان

عمرك شوفتى ذنب الرسول صلى الله عليه وسلمبيعظم قدره لهذه الدرجة ؟!

عمرك شوفتيها ؟! يبقى إعرفى الذنب ده خطورته أد إيه ؟ الكلام ده أنت

جيبتوا منين ؟! جيبتوا من رسول الله صلى الله عليه وسلم ، قال رسول الله

صلى الله عليه و سلم "صنفان من أهل النار لم أرهما ، قوم معهم سياط

كأذناب البقر يضربون بها الناس،ونساء كاسيات عاريات مميلات مائلات ،

رؤوسهن كأسنمة البخت المائلة ، لا يدخلن الجنة ولا يجدن ريحها ، وإن ريحها

لتوجد من مسيرة كذا وكذا" رواه مسلم

ده الرسول صلى الله عليه وسلماللى قال كدة ، و الرسول حطك صلى الله

عليه وسلممع الظلمة اللى بيضربوا الناس بالكرابيج ، ليه ؟ لأن الأتنين إجرام

، والإتنين هدم فى الأمة ، ما هما زمان لما حاربوا الأمة بالمدافع والقنابل رجعوا

قالوا : الناس دى مينفعش معاها الكلام ده ، الناس دى عايزة كأس ...غانية !

طب الغانية دى هنجيبها منين ؟ مينفعش نستورد غوانى ! يبقى الحل إن إنتى

اللى تبقى غانية !

ترضى تبقى سكين يطعن الدين ؟!

طب العفيفة الطاهرة حفيدة عائشة وخديجة تبقى غانية إزاى ؟ بسيطة أول مرة

نعد نكلمها و التعليم والعلم و كشف الوش ، و نكشفلها وش فلانة الفلانية

فى ثورة سنة كذا ، و بعد كدة كشف الوش يبقى عادى ! بعد كدة ننزلها

مجلات الأزياء تبقى أزياء طويلة و بعد كدة تفضل تقصر تقصر تقصر ! و بعد

كدة تبدأ تظهر مجلات فاضحة هذا فستان يكشف مفاتن الظهر ، و هذا

فستان يكشف مفاتن مش عارف إيه !

يا جماعة على سنة 1940 كان المجتمع المصرى نسائه منهارة ! أشد من التبرج

الموجود الوقتى ، و نفعت المرأة المسلمة إنها تبقى الغانية اللى يهدم بيها الدين

! ترضى إنك تبقى قنبلة تنفجر فى كبد الدين ؟!! ترضى إنك تبقى سكينة

يطعن بيها قلب الدين ؟! أديكى رضيتى ! و أديكى وافقتى ! وأديكى سكتى !

ترضى تكونى ملعونة ...ترضى تطردى من رحمة ربنا ؟

بعد كدة يا جماعة قال رسول الله صلى الله عليه وسلم "يكون في آخر أمتي

رجال يركبون على سروج كأشباه الرحال ، ينزلون على أبواب المساجد ،

نساؤهم كاسيات عاريات ، على رؤوسهن كأسنمة البخت العجاف ، العنوهن

فإنهن ملعونات" حسن الرسول صلى الله عليه وسلم بيتنبأ بالسيارات اللى

بيركبها الرجال "ينزلون على أبواب المساجد" تلاقى العربيات واقفة على باب

المساجد ، والراجل نازل يصلى فى المسجد و بنته ومراته فى البيت شكلهم إيه

! "نساؤهم كاسيات عاريات ، على رؤوسهن كأسنمة البخت العجاف ،

العنوهن فإنهن ملعونات"العنوهن فإنهن ملعونات ! ترضى إن الرسول صلى الله

عليه وسلم يقول عليكى كدة ، دى اللعنة دى طرد من رحمة الله تطردى من

رحمة الله سبحانه وتعالى

المتبرجة زانــية طب إزاى ؟ !!

قال رسول الله صلى الله عليه وسلم :"أيما امرأة استعطرت ، فمرت على قوم

ليجدوا ريحها فهي زانية ، وكل عين زانية" صححه الألبانى البرفان ده تبرج ،

و المكياج تبرج ، و الأوصة تبرج ، أى حاجة بتظهر زينة المرأة تبرج ،



والإختلاط تبرج

"قوم ليجدوا ريحها فهي زانية" و قال رسول الله صلى الله عليه وسلم "لا يقبل

الله من امرأة صلاة خرجت إلى المسجد وريحها تعصف حتى ترجع

فتغتسل" ..."وريحها تعصف" يعنى البرفان بتاعها ، برفان عاصف ، برفان صارخ

الرسول صلى الله عليه وسلم سمى المتبرجة منافقـة !!!

قال رسول الله صلى الله عليه وسلم : "شر نسائكم المتبرجات المتخيلات ، و

هن المنافقات لا يدخل الجنة منهن إلا مثل الغراب الأعصم" صحيح

التبرج من الكــبائر

لما أميمة بنت رقيقة جت تبايع النبى صلى الله عليه وسلم بايعها على إيه ؟ قال

لها :"أبايعك على أن لا تشركي بالله شيئا "مافيش كفر "ولا تسرقي ، ولا تزني

، ولا تقتلي ولدك ، ولا تأتي ببهتان تفترينه بين يديك ورجليك ، ولا

تنوحي" اسمع و إسمعى يا أختى "ولا تتبرجي تبرج الجاهلية

الأولى" حسن مافيش تبرج يعنى عشان بس نحط إيديك فى إيد الإسلام كدة

تبقى على عهد مع دين ربنا مافيش تبرج ده رقم واحد فى الدين ، و حط

عدم التبرج مع عدم السرقة و عدم الزنا وعدم القتل ...الكبائر يا جماعة

...كل ده كبائر

ده مش حجاب أبدا

تخيل الرسول صلى الله عليه وسلم لما شاف واحد بيصلى ، فالصلاة بتاعته

سريعة وحشة قالوا "ارجع فصلى فإنك لم تصل" صححه الألبانى لو رسول الله

شافك الوقتى أول حاجة مش هايبيعك مش هيرضى يبايعك ، تانى

حاجة ارجعى فتحجبى فإنكى لم تتحجبى !

حتة الإيشارب ده مش حجاب فإنكى لم تتحجبى ، زى الراجل اللى بيصلى

بس ناقص ، أهوا ده حجاب بس حجاب نار ! يعنى يا جماعة الكلام ده لمين ؟

اللى ماشية خارجة من عند الكوافير ... اللى ضاربة شعرها فى الخلاط قبل ما

تخرج متبرجة ، و اللى كاشفة شعرها و عاملاه مش عارف إيه على ، و

لابسة بادى واسترتش و كعب متبرجة ، و اللى لابسة إيشارب بس لابسة

جيبة بيبان نص رجليها لو قعدت و لابسة كعب معرفش 9 سم و لا 11 سم

و برفان عاصف ومكياج عاصف كل ده تبقى برضه متبرجة

عداد سيئاتك شغااااال ...احذرى !!!

إنتوا عارفين التبرج ده يا جماعة كام عداد شغال فيه ؟!!! إنتى عارفة كام عداد

سيئات شغال و إنتى ماشية ؟!!! عدادالنظر الحرام ليكى آدى واحد ! الواقفة

أدام المرايا آدى اتنين ! عداد المكياج آدى تلاتة ! عداد البرفان أربعة !

عدادالنمص : قال رسول الله صلى الله عليه وسلم "لعن الله النامصة و

المتنمصة" صحيح خامسة ! عداد إفساد الشباب ، و إفساد البنات

الصغيرين آدى ستة ، ست عداد ات على الأقل شغالة سيئات وإنتى ماشية !!!

عايزين نقول دلوقتى للأخوات مستنية إيه ؟! مستنية عقوبة ربنا فى الدنيا ، و

الا مستنية عقوبة ربنا فى النار ، والا مستنية عذاب القبر ؟! و الا مستنية

أهوال القيامة ؟!

مستنية عقوبة الدنيا ؟

يا أختى فى الله إنى لكى ناصح أمين و الله العظيم ، إن العبد ليحرم الرزق

بالذنب يصيبه ، و تحرمى رزق إيه ؟ إنتى عصيتى ربنا عشان تتجوزى الجزاء

يبقى من جنس العمل يتأخر الزواج ! بل الوقتى المكياج قاعد يزيد والجواز يقل

وكل ما المكياج يزيد الجواز يقل ، البنات تقول إيه ده ؟! ده لابد إن السبب

إننا مش متمجيجين ، نزود المكياج يزودوا المكياج الجواز يقل !



طب ليه ؟! هو ده سنة ربنا دى عقوبة ربنا سبحانه وتعالى ، جزاء من جنس

العمل ، إحنا شايفين اللى ربنا عامله فى أمريكا تلت ولايات بالهوا ! هوا اعصار

! تلات ولايات بتتكسر و تتدمر بالهوا بس ...سبحان ربى !!! ومليارات

خساير عشان ربنا سلط عليهم الهوا بس

إنتى مش خايفة إنتقام ربنا ؟

مش خايفة إنتقام ربنا فى القبر ؟! لما هتنزلى القبر تتخيلى إنك هتلاقى إيه فى

القبر ؟ أول حاجة إنتى هتنزلى القبر بتاعك و إنتى محجبة حجاب شرعى كامل !

لايوجد له مثيل ! خمس أو ست لفات قماش ملفوف عليكى ، نقاب حتى

مش خمار ، نقاب كامل ، مافيش برفان إلا لو حاطولك كافور، مافيش مكياج

، مافيش أى حاجة خالص !

اللى كان بيحبك فى الدنيا ، واللى كان بيبصلك فى الدنيا مش هيقف على

القبر بتاعك ربع ساعة ! حتى ربع ساعة و الله ما هيقفها !

[امة الرحمن/فاطمة]

رد: يوميات فتــاة تائبــة

الحلقة الثانية والعشرون








بعد سماع إلهام الشريط



إلهام : يااااااااه كل ده علشان الحجاب والواحد مستهون بيه



ربنا يكرمك يا شروق يارب




وتقرر إلهام أن تغير لبسها وتشاركها حنان



وتسعد شروق بذلك وتحمد الله أن وفقها لذلك


وفي يوم من الأيام تقرر سارة زيارة صهيب




وتذهب شروق وأخواتها مع والدتها وجماعة من الأخوات لهم نفس الظروف



وفي هذه المرة تختلف الزيارة



فقد سمحوا لهم بالجلوس مع صهيب والزيارة لمدة ساعة




وقبل الدخول يتخيل كل منهم كيف سيقابلون صهيب وجها لوجه وكيف



ستكون هذه اللحظة



ويتأكد طاقم الشرطة من الشخصيات



وتدخل شروق وأخواتها



تمنت شروق لو تجري هذه المسافة الباقية لتري والدها



وتري شروق وأخواتها والدها من بعيد ويجري عليهم صهيب



صهيب : شروق أفنان طارق




ويحتضن صهيب أولاده الثلاثة ويسلم علي سارة






صهيب : وحشتوووووني أووووي يااااااااه 11 سنة بعد عنكم




لم يتمالك صهيب نفسه من البكاء



إنتوا كبرتوا ماشاء الله اللهم بارك عاملين إيه يا حبايبي




عاملة إيه يا سارة وإيه أخبارك وإنتي متحملة المسئولية دي كلها




سارة : الحمد لله بخيربفضل الله يا صهيب مش ناقصنا غيرك والله



ربنا يفرج كربك يارب



شروق : أيوة صحيح يا بابا انا شوفت رؤية إنك هتخرج السنة دي



صهيب : صحيح يا حبيبتي


يارب يارب



علي فكرة فعلا هما بدأوا يفرجوا عن الناس




سارة : ده انت متعرفش هي من وسنة 4 إبتدائي بتنشد نشيد ليكم والمدرس



وراها في الإذاعة يردد أمين يا شروق




صهيب : صحيح يا شروق طب إنشدي يلا بس بصوت منخفض وحشني كل


حاجة معاكم




شروق : خلاص ماشي إعملوا إستعدادكم يلا



ويضحك الجميع




شروق : هبي يارياح الإيمان وكوني إعصارا



هبي في أرجاء الكون ودري الأنوارا




فلعلي الأسري في الأرض تغدوا أحرارا



فلعلي الأسري في الأرض تغدوا أحرارا



تنعم بالأمن من رب الكوني



تنعم بالأمن من رب الكوني



يارياح الإيمان ورب العزة والفخري




يارياح الإيمان إئتي بالبشري





صهيب : اللهم بارك رائع جدا ربنا يستجيب منك ياشروق يا حبيبة قلبي يارب




شروق : يارب يا بابا يا غالي





صهيب : وإنتي يا أفنان إنتي وطارق عاملين إيه



أفنان : إحنا عايشين حياتنا



يضحك صهيب




صهيب : يعني إيه





أفنان : اللي علي مزاجي بعمله يعني لو المذاكرة جت علي مزاجي أذاكر مش


جت بلاش بلعب مع طارق وأستغله بقي جده طبعا مدلعه فلازم ينوبني من



الدلع ده نصيب



هي دي الحياة الحلوة حياة الطفولة يا بابا



يضحك صهيب




صهيب : يا نهارك يا أفنان بس أكيد هيجي يوم وتتحملي المسئولية زي شروق كده




أفنان : اممم أكيد لما اكبر شوية كده يا بابا



صهيب : وإنت يا طارق ساكت ليه شوفت انا جبتلك لعبة جميلة معايا




طارق : إيه ده لعبة من السجن إزاي






صهيب : لا ما عادي يا طارق يا حبيبي ممكن نطلب الحاجات دي ويجبهوالنا



ويفرح طارق باللعبة



ويشكر والده




سارة : صحيح يا صهيب إنتوا عايشين إزاي هنا بتاكلوا إزاي وبتشربوا إزاي



صهيب : متشغليش نفسك يا سارة الحمد لله إحنا كويسين



لم يخبر صهيب سارة بالحقيقة الصعبة اللي عايشين فيها في ذلك الوقت



حتي لا يتألموا بسببها وحتي لا ينشغللوا عليه



كان صهيب ممنوع عنه الماء تماما





فكانوا يضطرون أن يذهبوا للحمامات ويأخذون مياه الموجودة في السيفون


وينقنوها



وأحيانا يمنعوها عنهم






ويسمحوا لهم بمياه مليئة بالرمال وكانوا ينقونها بأن يتركوها بحيث تترسب المياه



وفي الأكل عند بداية اليوم




علي الإفطار يستهزئ بهم الشرطي



الشرطي : إنت يلا إنت وهو خدوا الفول الفطار بتاعكم



آه صحيح ده انا نسيت الحياقة بتاعتهم




ويرش لهم الرملة في الأكل



حتي يمنعهم من الأكل




وأحيانا يتركونهم بدون أكل نهائي




ويبحثون عن الخبز الجاف ليكون طعامهم مع الزيت بالملح




وكانوا يعذبونهم بمختلف أنواع التعذيب الجسدي






ولكن صبر صهيب من أجل الدين




وتنتهي الزيارة ويودع صهيب أولاده وسارة وهم علي أمل أن تكون المرة



القادمة في البيت




ويشاء الله أن تتحقق رؤية شروق وفي يوم من الأيام وهي عائدة من الدرس



الخصوصي



يحدثها شيخ كبير قريب لهم إسنه محمد




الشيخ محمد : إجري يا بنتي باباكي جه في البيت




لم تصدق شروق نفسها



وتسرع خطاها وتجد المفاجأة فعلا وتقابل صهيب وهي داخلة للبيت



شروق : مش ممكن



ويحتضن صهيب شروق



مش ممكن بابا إنت خلاص طلعت ومعانا انا مش مصدقة





وتبكي شروق وتجري لوالدتها ويخرج صهيب ليسلم علي الناس التي في إنتظاره



لتبارك له علي خروجه







ويبدأ الفرج يظهرلسارة وشروق وصهيب







وتبدأ الحياة تتغير معهم



واجتهدت شروق في الدراسة جدا



وحصلت علي مجموع مرتفع جدا في النصف الاول من الصف الثالث


الإعدادي جعل العائلة كلها


تغير نظرتها لها




وبدأت المعاملة تتغيرمعها من كل العائلة وتوقعوا أن يكون لها مستقبلا غير




أعمامها وعماتها





ولكن في ظل هذه السنة تواجه شروق عقبة صعبة ياتري ما هي هذه العقبة




وكيف تخطتها شروق





وكيف تغير الحال مع سارة وشروق وصهيب مع العائلة



وكيف صحح صهيب الأوضاع












ده اللي هنعرفه الحلقة القادمة بإذن الله