كلام من القلب بكل صراحة

[ام احمد ومريم وادم]

السلام عليكم ورحمة الله وبركاتة

نفسى اتكلم معاكم براحتى من غير تكلف انا منتقبة من ست سنوات تقريبا دايما بحس انى مش اهل لة ايمانى دائمايذيد تارة وينقص تارة احيانا اواظب على ورد فى القران ولا اتركة واحيانا بحس بفتور واتركة بلاايامواحيانا اقوم الليل وفترة وانقطع فترات

يمكن علشان مفيش اصحاب نذكر بعض يمكن علشان انا فى ارياف ومفيش دروس علم هنا او حتى

دار لتحفيظ القران انا حاسة انى بعيدة اوى عن ربنا انتو عارفين انا لما اقبل على ربنا بلطاعات بحس انى نفسيتى هادية اوىواما بكون بعيدة بحس انى شايلة هموم كتير وصدرى ضيق اوى

نفسى ارجعلك يارب انا الدنيا ملهيانى عنك وعن قرائنى

انا ياجماعة كنت حافظة من كتاب الله كتير لكن دلوقتى مش فاكرة حاجة تقريبا وكنت واخدة دورة نور البيان من شهر تقريبا

مش فكر ها اولادى واخدين كل حياتى

نفسى حد يساعدنى بجد انا حزينة اوى وببكى على حالى وخايفة اوى من ربنا

انا اسفة انى طولت عليكو بس انا ارتحت اوى

ويارب الاقى عندكم حل ليا

[املى هو الجنة]

رد: كلام من القلب بكل صراحة

ربنا يثبتنا واياكى اختى الكريمة
وعلى ما اعتقد ان نتوجه الى الله بالدعاء بالثبات والطاعة له والتقرب منه
وكلنا بنتعرض لكده بس اهم حاجة قوة الارادة.واللى عنده حل تانى يفيدنا يااخواتى بارك الله فيكم

[لؤلؤه بنقابى]

رد: كلام من القلب بكل صراحة

السلام عليكم و رحمة الله و بركاااااااته
============
اولا اختى اهلا بكِ انرتِ المنتدى
ثانيا : جميييييييييييل اوى انك حاسة انك بعيد و عايزة تقربى
ده احساس محروم منه ناس كتير
بعيد و مش فارق معاهم
ولا هاممهم
فأولا احمدى ربنا على النعمة دى
ثانيا بقى ابدأى نفذى ابدأى قربى

يقول الله تعالى : أنا عند ظن عبدي بي ، وأنا معه إذا ذكرني فإن ذكرني في نفسه ذكرته في نفسي ، وإن ذكرني في ملأ ذكرته في ملأ خير منهم ، وإن تقرب إلي شبرا تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة (( صحيح البخارى ))

انا بحب الحديث ده اوووووووووووى
و عشان كده حطاه فى توقيعى
ابدأى انتى بالشبر و ربنا سبحانه و تعالى هيقربك ذراع
خلى الشبر ده اى حاجة
و لو قيام خفيف
و لو درس تسمعيه
و لو ذكر تردديه
و دخلى الطاعة فى حياتك
يعنى و انتى بتطبخى سبحى و استغفرى و قولى كل ذكر يجى على بالك
و انتى بتشتغلى فى البيت شغلى دروس و اسمعيها
شغلى قرآن
دخلى الطاعة بأى طريقة
و احتسبى حتى الاعمال العادية عبادات
و قربى انتى بس شبر هتلاقى ربنا بيقربك اكتر
و ادعى كتييييييييييييييييييييير و استعينى بالله
و حاولى تدورى على اى مكان جنبك بيحفظ قرآن حتى لو بعيد شوية
او اشتركى هنا معانا فى التحفيظ
{{۝}} دورة التجويد و حفظ القرآن الصوتية {{۝}}
ده للصوتى
••.•´¯`•.•• تريدين حفظ القرءان •• تفضلي معنا .•´¯`•.••
و ده للكتابى
اشتركى فى اللى يناسبك
و كمان اشتركى فى القسم الخاص من هنا
قسم الأخوات الخاص وكيفية دخوله
هتلاقى صحبة صالحة و اخوات هيحبوكى و تحبيهم فى الله بجد

[فاطمة سعد]

رد: كلام من القلب بكل صراحة

وعليكم السلام ورحمة الله وبركاته

مرحبا بك اختاه
الاخت لؤلؤ بنقابى جاوبت بكل ما هو مفيد

اعاننا الله واياكم على طاعته

[الروح والريحان]

رد: كلام من القلب بكل صراحة

السلام عليكم ورحمة الله وبركاته

اولا ً عايزه ارحب بيكِ جدااااااااااااااااااااااااااااااا
فى بيتك
نورتِ المنتدى
اولا بالنسبه للنقاب دانتِ فى نعمه كبييييييييييييييييييييره جداااااااا
والله فيه غيركِ بيتمنى يلبسو وعقبات ملهاش اول من اخر اسأل الله ان ييسر الأمر لهن
وبعدين ده بقى الشيطان الى عمال يقولك انتِ مش اهل للنقاب علشان طبعاً متغاظ جداااااااااا
انت عفيفه ملكه بنقابك نقابك بيزود ايمانك بنقابك
بيعفك عن الخطأ فلازم يوسوس ليكِ تقومى بقى تتمسكى بيه اوووووووووووى
ايه رئيك تسمعى الدرس ده
قصة حجاب

بتقولى احنا فى ارياف
وانا كما ارياف ومش عندنا دروس علم كتير فى المساجد
بس عندى قناة الرحمه
والناس والحكمه وبسمع دروس من النت
دلوقتى دروس العلم جايه لحد بيتك
شوفتى ربنا كريم ازاى

انتو عارفين انا لما اقبل على ربنا بلطاعات بحس انى نفسيتى هادية اوىواما بكون بعيدة بحس انى شايلة هموم كتير وصدرى ضيق اوى

فعلا الا بذكر الله تطمئن القلوب
الا بالقرب من الله تطتب القلوب وتهدىء النفوس
مااجملها من سجده يسجدها القلب تأخذك من الارض الى حوول العرش
اسأل الله أن يقربنا واياكِ اليه

انا ياجماعة كنت حافظة من كتاب الله كتير لكن دلوقتى مش فاكرة حاجة تقريبا وكنت واخدة دورة نور البيان من شهر تقريبا

مش فكر ها اولادى واخدين كل حياتى

كده تضيعى تعبك ؟

طب ايه رئيك نبدأمن جديد مراجعه على الى نستيه ونستعين بالله
وانت عارفه القرآن ده اساس الثبات
قالى الله تعالى
قُلْ نَزَّلَهُ رُوحُ الْقُدُسِ مِن رَّبِّكَ بِالْحَقِّ لِيُثَبِّتَ الَّذِينَ آمَنُواْ وَهُدًى وَبُشْرَى لِلْمُسْلِمِينَ
اما اولادك
اسألالله ان يقر عينك بهم ويبارك فيهم
واخدين كل وقتك طب اقولك حاجه جميله سمعتها من الشيخ حازم
زى ما نقص مال عبد من صدقه بردو مانقص وقت من عباده
وغير كده ربنا يبارك فى وقتك وجهدك واولادك
هتقولى نفسى اعمل كل ده
خلاص نبدأ من النهارده صلى وادعى ياااااااااااااااارب خد بإيدى
ولا تيأسى اذا قمت ووقعت فبادرى مرة اخرى بالقيام ليرى الله منكِ الصدق فيرزقكِ الثبات
اسأل الله ان يثبتنا واياكِ
وانا مش هسيبك كده من غير مااجبلك هديه حلوه
علشان مش تسبينا عايزه اشوفك هنا فى بيتك كووووووووووول يوم
سلــــــسة اصلاح القلوب

*`• . ♥ . •´ *إنــــ ♥ حيـــاه ♥ ــــه *`• . ♥ . •´ *

[ام احمد ومريم وادم]

رد: كلام من القلب بكل صراحة

ربنا يخليكو ليا وميحرمنيش منكم

ويجمعنى واياكم فل الجنة

وبخص بلذكر الاخت الروح والريحان انا بشكرك اوى بس عندى استفسار انا اشتركت فى قسم الاخوات بس

مش عارفة هما قبلونى ولا اة وكمان مقدرش انسا الاخت لؤ لؤلؤة بنقابى انا متشكرة ليكى اوى

وانا بحبكم فى الله

[لؤلؤه بنقابى]

رد: كلام من القلب بكل صراحة

ربنا يخليكو ليا وميحرمنيش منكم

ويجمعنى واياكم فل الجنة

وبخص بلذكر الاخت الروح والريحان انا بشكرك اوى بس عندى استفسار انا اشتركت فى قسم الاخوات بس

مش عارفة هما قبلونى ولا اة وكمان مقدرش انسا الاخت لؤ لؤلؤة بنقابى انا متشكرة ليكى اوى

وانا بحبكم فى الله

اللهم امييييييييييين
ربنا يحبك و يرضى عنك يااااارب
بالنسبة لقسم الاخوات فأنتى لازم تقدمى الطلب و تدخلى الموضوع ده
قسم الأخوات الخاص وكيفية دخوله
و تقسمى بالله انك أنثى بعدها اول ما المشرفة تدخل و تشوف طلبك هتدخلك القسم الخاص
انا مش بيظهرلى انتى قدمتى الطلب ولا لأ
لو كنتى لسا قدميه و ادخلى الموضوع اقسمى
ولو كنتى قدمتيه ادخلى الموضوع اقسمى بس

[الروح والريحان]

رد: كلام من القلب بكل صراحة

ربنا يخليكو ليا وميحرمنيش منكم

ويجمعنى واياكم فل الجنة

وبخص بلذكر الاخت الروح والريحان انا بشكرك اوى بس عندى استفسار انا اشتركت فى قسم الاخوات بس

مش عارفة هما قبلونى ولا اة وكمان مقدرش انسا الاخت لؤ لؤلؤة بنقابى انا متشكرة ليكى اوى

وانا بحبكم فى الله

ربنا يحبك ويرضى عنك يااااااااااارب
الاخت لؤلؤه جاوبت جزاها الله خيراااااا
هل تم دخولك الخاص ام عندك استفسار اخر انا تحت امرك