Tweet
السلام عليكم جميعآ ورحمة الله وبركاته.. هذه هي الحلقة 3من للمؤدبين فقط... اسأل ان يعلمنا الادب وان يربينا ع الادب آآآآآآآمين وبعد:.. هنتكلم باذن الله عن الادب مع الاخرين في المسجد.. في التاكسي... بداية ً لو منّ الله علي حضرتك ووفقت للذهاب الي درس علم طبعآ لو الدرس بعيد عن بيتك هتاخد تاكسي او سرفيس خلينا في التاكسي الاول بكل أدب تقوله...(مساكن الشناوي لو سمحت) سائق التاكسي منّعليك وركبت ادخل التاكسي القي السلام (السلام عليكم ورحمة الله وبركاته) لو تمكنت من انك تصافح السائق فافعل ؟؟ لو تعجب قوله اصل نفسي ذنوبي وذنوب حضرتك تغفر فبالمصافحة ان شاء الله الذنوب هتتساقط زي ما قال النبي صلي عليه(صلي الله عليه وسلم) لو مع حضرتك شريط اهديه له...(ممكن حضرتك تقبل مني الهدية المتواضعة دي؟؟) حاول تدردش معاه عن الجنة , عن الصلاة,, اشتغل,, او اقولك قوله.. تعرف لو حضرتك قولت سبحان الله العظيم وبحمده يتزرع لك نخلة في الجنة.. وابدأ في الكلام عن الجنة ,, وطريقها يكون بالصلاة... قبل ما تنزل قوله ( جزيت الجنة واعطيله الاجرة وبلاش تفاصل معاه في حاجات بسيطة واعتبرها صدقة.. وبالراحة خالص اقفل باب التاكسي والقي عليه السلام.. طيب لو حضرتك ركبت التاكسي وكان قبلك زبون لو كنت متأخر استئذنه بكل ادب.. ولو هو استئذنك في ان السائق يوصله الاول لو كان في وقت اسمح له لو مفيش برده اسمح له.. خليك سفير لدين محمد(صلي الله عليه وسلم) .. خلاص نزلت من التاكسي وهتروح المسجد قول الذكر وادخل باليمين.. سلم علي الاخوة القي عليهم السلام قول مثلا(السلام عليكم جميعآ ورحمة الله وبركاته) لو قدرت تصافح بها ونعمت.. خلاص هتقعد لقيت في مكان فاضي وع اليمين اخ وع الشمال اخ من الادب ان تستأذنهما اذا سمحا لك بالجلوس اجلس والا فاذهب الي مكان اخر ولا يكن في نفسك شيء.. (الادب ميزعلش...) خلاص جلست افتح كرستك واستعد لما سيقوله الشيخ.. حاول قدر المستطاع ان تحضر قبل الشيخ لان الادب ان تنتظر شيخك لا ان ينتظرك هو.. خلاص الشيخ حضر وجلست بين يدي الشيخ حفظه الله .. لو عندك سؤال لابد ان تتفقد حالة الشيخ الاول بمعني الشيخ مثلآ خلّص الدرس وظهر عليه الاجهاد والتعب مينفعش حضرتك تسأله لان عقله محتاج يرتاح عشان يفتيك فتوي صحيحة.. ويركز في كلام حضرتك اللي هيترتب ع فتوي سيسأله الله عز وجل عليه يوم الحساب.. حاول الا تسأل الشيخ اثناء الشرح ولا تقاطع كلام الشيخ بسؤال او تعليق الا بعد استئذانه ان اذن افعل والا فاسكت.. هتقولي طيب لو الشيخ عنده استعداد يسمع اسئلة وبعد الدرس ما خلص اعمل ايه؟؟!! اقول لحضرتك لكن بعد الصلاة علي الحبيب(صلي الله عليه وسلم) ابدأ بالقاء السلام ع شيخك ولا تقل له (السلام عليك يا شيخ مصطفي مثلآ .. لالالالالا من الادب الا تذكر اسم شيخك امامه يعني ينفع تقول لوالدك يا بابا مصطفي مثلآ ؟؟ طبعآ لا وهكذا مع شيخك.. الادب انك تقوله..(يا شيخنا لو حضرتك سمحت هل....... وتقول السؤال..) خلاص اجاب الشيخ لكن لم تفهم الاجابة جيدا متقلش عيد الاجابة تاني لانه قد يكون هذا اقصي ما عنده من الشرح فربما احرجته وهذا ليس من الادب.. لكن ممكن بعد الدرس او وانتي معه لوحدك قوله(بارك الله لنا في عمرك شيخنا سامحني فان عقلي ضيق ولم افهم الاجابة جيدآ هل تأذن لي باعادة الاجابة؟؟؟) خلاص وان استطعت ان تقبل رأس شيخك او يده فافعل .. وعليك ان تخبره بحبك له.. والله الموفق
اكتفي بهذا القدر وصلي اللهم وسلم وزد وبارك علي سيدنا وحبيبنا ومعلمنا ومربينا محمد (صلي الله عليه وسلم)
اكتفي بهذا القدر وصلي اللهم وسلم وزد وبارك علي سيدنا وحبيبنا ومعلمنا ومربينا محمد (صلي الله عليه وسلم)
تعليق