اشتركت في موقع للزواج

[مجاهدة]

صادفت إعلاناً منذ أيام عن موقع (قبول) للزواج ودخلت لأرى ! .. جذب انتباهي ما شعرت به من جدية الموقع وحفاظه على الخصوصية واشتركت حيث لن أخسر شيئاً !
ولكني فوجئت بنماذج على درجات عالية من الالتزام و ابتغاء وجه الله (أحسبهم كذلك) إضافة إلى إمكانية اجتماع مواصفات في الشخصية والظروف والهيئة مع ذلك ـ طالما بحثت عنها وطالما خشيت من تكرار رفضي للمتقدمين ألا أجد في النهاية ما أبحث عنه وأندم على ماسلف (وعلى فكرة ولا واحد منهم كان ملتزم !)

مش عارفة حسيت الطريقة دي بتبين الشخصية من خلال الردود على أسئلة (معدة مسبقاً من مشرفي الموقع) على عكس الطريقة التقليدية : الترشيح بمواصفات معينة وبعدين يشوفها واذا ارتاح للمظهر يتقدم .. هنا القبول المبدئي بيكون بناءً على طريقة تفكير الطرف الآخر وأفكاره واتجاهاته .. بعد كدة بيضع اللي بيرتاحله في قائمة قبوله .. والموقع بيرشح بطريقة إلكترونية الاتنين اللي بينهم أعلى نسبة قبول مشترك .. وبيفتحلهم قناة اتصال .. لازم علشان يستخدموها كل واحد يشتري نقطة اتصال وده بكارت 25 ج (فودافون مثلا) وده طبعا بيقلل جدا نسبة عدم الجدية .

الحكاية مجرد حاجة على جنب ممكن ييجي الموضوع عن طريقها وممكن لأ .. ودا مش لقلة المتقدمين مثلاً أو اتأخرت وللا حاجة بالعكس.. لكن موضوع المتقدمين دا اتفتح عالآخر في الآونة الأخيرة و ولا واحد فيهم حسيت انه مناسب .. وطبعاً بقى معروف كتر رفضي ودي مشكلة !
المهم دلوقت محتاجة المشورة جداً في موضوع الموقع ده .....
وجزاكم الله خيراً ..

[سائره الى الله]

رد: اشتركت في موقع للزواج

لا يصح
جزاك الله خيرا

[الايمان7]

رد: اشتركت في موقع للزواج

انا متهيالى ان الموضوع ده مستحيل يكون جدى ولازم كمان تكلمى شباب وتتعاملى معاهم
يعنى هتدخلى فى متاهات حرام

[غفرانك ربي]

رد: اشتركت في موقع للزواج

اختنا الحبيبه مجاهدة

ربنا يكرمك يارب ويعزك

اخيتي " وفي السماء رزقكم وما توعدون "

رزقك مكتوب عند ربنا هتاخديه هتاخديه
هتاخديه وانتي قاعده في بيتك معززة مكرمة ويجيلك عريسك لغاية عندك

لكن مواقع الزواج دي هتدخلنا في متاهات كتير احنا مش قدها
وفتن كبيره واحنا مش كبار علي الفتنه

ليه الشباب دول اللي تحت اسم ملتزمين مكلفوش حد من اهلهم او معارفهم يشوفلهم عروسة بدل الطرق دي
هل هيقبل اي ملتزم يتكلم مع فتاه ميعرفهش وكذلك العكس

دول ماهماش ملتزمين دول تحت المسمي فقط انهم ملتزمين

اختاااه احنا سمعنا ومازلنا بنسمع قصص كتير عن بنات ملتزماااات ولكن ضحك عليهم الشيطان بأنها مواقع طيبه وهكذا حتي وقعوا في شباك من تحت مسمي التزام وماشابه.

فرضا فرضا ان الموقع جدي وانا لا اثق في ذلك ابدااا يبقي نتجنب الشبهات احسن

ونبعد عن السكه دي احسن .

وادعي اخيتي وتحري اوقات الإجابة ان ربنا يرزقك زوج صالح تقي يعينك علي طاعته

وإن شاء الله يرزقك ربي الزوج الصالح الملتزم وفتيات المسلمين جميعاااااا

[oumalkhalil]

رد: اشتركت في موقع للزواج

السلام عليكم و رحمة الله و باركاته
نصيحتى لك اختاه ان تبتعدي عن الشبهات و هذه و لا حول و لا قوة الا بالله اري انها شبهة و الله اعلم.
ابتعدي عنها....
و نصيحتي الثانية ان تحاول القدر المستطاع ان تصلحي ذاتك و تسعي لاقامة حدود الله عز و جل ذكره و ان تتبعي السنة الحبيب المصطفي عليه الصلاة و السلام....................
و ابشري بعدها بزوج طيب
كما قال الله تعالي في كتابه الكريم " الطيبات للطيبين"

و اسال الله العظيم رب العرش العظيم ان يبارك فيك و ان يرزقك و اياي و كل اخت مسلمة بالزوج الصالح

[(فتاه الاسلام)]

رد: اشتركت في موقع للزواج

اختى وحبيبتى صدقينى انتى غاليه اوى ودره مكنونه وجوهره

وربنا اعز النساء وجعلهم فى منازلهم ياتيهم لحد عندهم من يريد بالزواج منها لانها غاليه اوى عند ربنا

فربنا بيحفظها وبيبعدها عن كل سؤ وصدقينى اختى والله ثم والله رزقك لا ياخذه غيرك

وزوجك لا تاخذه غيرك وكل شى مكتوب فى كتاب منذ ولادتك وهيجيلك لحد عندك حتى لو انتى مش عاوزاه لانه رزق ربنا مقدره ليكى مش هتقدرى تهربى منه ابدا ولو ليكى قطره ماء وهذه القطره مكتوبه ليكى فى الكتاب والرزق لن تمومتى بارك الله فى عمرك الا بعد ان تشربى هذه القطره الصغيره ولكن هيه مكتوبه ليكى فلازم هتاخديها

وبعدين حتى لو ربنا لم يقدر ليكى الزواج لا تعلمى اختى اين الخير ولعله ابتلاء من الله فلترى الله من نفسك خير

اوصيك اختى / بالدعاء ثم الدعاء ثم الدعاء

ربنا يرزقكى وجميع الاخوات ازواج صالحين فى القريب العاجل ويعف جميع الاخوات المسلمات

انى احبك فى الله

[يمامة المسجد]

رد: اشتركت في موقع للزواج

لو هناك أي شخص شعرتي به قبول مبدأي أول مرة

لا تزيدي معه في الكلام ولا تكتبي ولا تقرأي كلام كتبه لك ِ إلا في وجود محرم

وأرسلي له رقم تليفون والدك أو أخوكي فإن كان بالفعل جاد سيكمل الطريق من مكانه الصحيح

فوظيفة هذه المواقع فقط تحقيق التوافق بين إثنين وليست للتعارف أو للتأكد من مدى صحة الطرف الآخر ومدى صلاحيتهما لبعضهما والذي لا يتحقق إلا باللقاء المباشر خارج عالم الإنترنت الوهمي

[Muslima_Mwa7eda]

رد: اشتركت في موقع للزواج

بارك الله فيكى يايمامه راى نفس رايك

[همسة أمل]

رد: اشتركت في موقع للزواج

ربنا يرزقك بزوج الصالح ان شاء الله انا مع راى غفرانك ربى
والله اعلم

[nashwa24]

رد: اشتركت في موقع للزواج

اختى الحبيبه
الا تعلمين ان الله على كل شى قدير وانه سبحانه وتعالى فعال لما يريد واذا اراد شىء يقول له كن فيكون
اى اذا لم يكتب لكى الزواج الان فلن تفلح هذه المحاولات ابدا لان كل شى عند الله بميعاد
ان الله لا يخلف الميعاد
نصيحتى اختي الحبيبه احترسى من وسوسه الشيطان انه يعرف نقطه ضعف الانسان ويدخل له منها ويبدا يزين له الاهواء
وتوكلى على الله الواحد الاحد وتقربى له بالادعيه والخشوع فى الصلاه و دعى الله يختار لكى الزوج الصالح والله انها الجائزه الكبرى
وربنا يرزقك الزوج الصالح

[مجاهدة]

رد: اشتركت في موقع للزواج

جزاكن الله كل خير و بارك لكن شكرا على الدعاء لي و النصيحة ارجو من الله ان يجمعنا في جنة الفردوس