كل الاحوات لازم يجاوبوا على سؤالى

[ام اياد]

السلام عليكم ورحمة الله وبركاته
أولا أنا سعيدة جدا لدخولى المنتدى الجميل دا وبتمنى إنى أخرج منه بصحبه صالحة وسؤالى ياريت تجاوبو عليه بأمانه وهو إيه رأيكوا فى تعدد الزوجات وكل واحد يقول رأيه من ناحية تقبله للموضوع شخصيا من ناحية الدين ومن الناحيه الشخصيه وكمان لو حصل واتحط فى الموقف نفسه أزاى هتتصرفوا وجزاكم الله خيرا

[الايمان7]

رد: كل الاحوات لازم يجاوبوا على سؤالى

انا ضد تعدد الازواج مهما كان السبب

[Muslima_Mwa7eda]

رد: كل الاحوات لازم يجاوبوا على سؤالى

سؤال فى الصميم اختى ام اياد
اولا انى احبك فى الله
اما موضوع تعدد الزوجات
من الناحية الدينيه لا اعترض طبعا ومافيش حد يقدر يعترض دة شرع ربنا واكيد فيه خير
لكن من الناحية الشخصية اكيد كل واحده عايزة زوجها ليها لوحدها وماتحسش ان ليها منافس
لكن والله لو الامور اضطرت ليكون فى زوجه تانية انا مش حعترض

وجزاكى الله خيرا

[همسة أمل]

رد: كل الاحوات لازم يجاوبوا على سؤالى

انا مواقفه على راى ايمان انا فعلا ضد تعدد الزوجات من الناحية الشخصية
لانه لايمكن يحقق العدل ما بينهم اكيد هيكون فى طرف مظلوم وغالبا بتكون
الزوجه الاولى وخصوصا ان مفهوم تعدد الزوجات عند الرجل نفسه غلط
وبامانة شديدة انا مش عارفة لو حصل ده معى ممكن اعمل ايه وخصوصا اذا
كان من غير سبب شرعى
جزاكى الله الجنة اختى ام اياد

[دينى الاسلام]

رد: كل الاحوات لازم يجاوبوا على سؤالى

شوفى غاليتى مفيش خلاف ان الشرع يبيح التعدد
ومش لازم يكون التعدد بسبب عيب فى الاولى زى مهو مشهور بين الناس

امابقى الرأى الشخصى فطبيعى الافضل انو ميعددشى
يعنى لو قدامك انك تختارى واحد كويس ومش معدد وواحد كويس ومععد يبقى اكيد لافضل المش معدد
بس دة مينفيش انو ممكن يعدد وانتى معاه

ولان طبيعة الرجالة والفتن اللى احنا عايشين فيها والعنوسة اللى حاصله
بتدى للراجل فرصة اكبر انو يتجوز اكتر من واحدة

اما لو واحدة اتحطت فى الموقف دة فلازم ترضى بشرع ربنا
وتشيل من دماغها ان الحياة فى وجود زوجة تانية دى مستحيلة
لا لازم تأقلم نفسها على الحياة الجديدة دى
مهو الرجالة ايام اجدادنا كانوا متجوزين اكتر من واحدة وكانوا عايشين فى نفس البيت وكانتحياتهم عادية ومقبوله كانوا بيربوا اولادهم مع بعض فكان الامر عادى
اما دلوقتى الاعلام قعد ينكرعلى المعددين ويظهرهم بصورة الرجالة الدنية وان لازم يحصل ظلم فطبيعى الناس تكره التعدد

وبعدين صراحة الرجالة مش لاقيين يتجوزا واحدة لما يتجوزوا اتنين
اهم حاجة ان ربنا يرزقنا الزوج الصالح اللى يعينا على طاعة الله سواء بقى معدد او غير معدد
وسبحان الله قد تكونالزوجة التانية خير ليكى وعسى ان تكرهوا شيئا وهو خير لكم

[tabebat-al-islam]

رد: كل الاحوات لازم يجاوبوا على سؤالى

السلام عليكم اختي ام اياد..

وكل واحد يقول رأيه من ناحية تقبله للموضوع شخصيا من ناحية الدين

هل السؤال هكذا صح..؟؟

[يمامة المسجد]

رد: كل الاحوات لازم يجاوبوا على سؤالى

لأ هو مش صح فعلا ً

تعدد الزوجات شرعه الله

وماعلينا الا نقول سمعنا وأطعنا

لكن , ربما يصعب على بعض الأخوات تحمله لأن الرجال لا تعدل فيه

[nashwa24]

رد: كل الاحوات لازم يجاوبوا على سؤالى

اختى الحبيبه ام اياد اهلا بكى معا
بالنسبه للموضوع جميع وانا شايفه ان فيه طاعه لله من الاخوات
وبالنسبه لى فكرت فى الموضوع ده كثير ولازم كل اخت تفكر فيه ايضا لتهيئه نفسها اذا حدث فى يوم من الايام واخير توصلي انه ممكن يكون طبعا شى يضابق ولكنى نظرت للموضوع لنطره تانيه وهى ان ممكن العمل ده يقربنى الى الله عزوجل من خلال الصبر والطاعه وكذلك حمد نعمه ربنا فى السراء والضراءدعيه يتزوج ودعى نفسك تتوج بتاج الطاعه والصبر والرضاء بحكم الله

[غفرانك ربي]

رد: كل الاحوات لازم يجاوبوا على سؤالى

صراحه انا كنت رافضه الموضوع ده الأول
بس حسيت أنها هتكون أنانية مني لان نسبة البنات اللي متزوجوش لغاية الوقتي كبيره جدا جداا جداا
طب محط نفسي مكانهم اكيد كل واحده فينا نفسها في زوج ونيس لها في دنيتها
لما كل واحده ترفض زوجه تانيه كل دول هيتجوزوا مين
وتخيلي نفسك مكانهم وشوفي حالك هيكون عامل ازاي لما تكبري شويه في السن وتلاقي كل من حواليكي صغيرين وكبار تزوجوا وانتي لسه

يبقي طالما الموضوع شرعه ربنا والله وطبعا كلنا اكيد هنكون متضايقين او فينا حتة غيره لكن احسن حاجه نقولها
سمعنا وأطعنا
امر شرعه ربنا يبقي سمعنا وأطعنا

[طالبة الجنان]

رد: كل الاحوات لازم يجاوبوا على سؤالى

جزاكم الله كل خير علي طرحكم للموضوع ده
انا برضه كنت رفضه رفض نهائي في البدايه بل في اخوه تقدموا ولي وفتحوا معي موضوع التعدد وانا كنت برفض باصرار
بدون تفكير ممكن عشان الغيرة وممكن اكون انانيه شويه
ولكن الموقف تغير عندي تماما لما بجد اخذته بعين الشرع
لقيت انني كده بعترض علي شرع الله وده اولا
ورغم كده المكتوب هو المكتوب مهما حاولت تغييره
يعني الي ربنا مقدره لي هيكون حتي لو غصب عني
يبقي كده انا برفض ليه وهو حتما هيتم لو ده تقدير من عند ربنا
يبقي ماخدش اجر الصبر والامتثال لامر الله ليه
تانيا الي امر بالتعدد مين ربنا صح ولا ايه
والي خلق الغيره في المراه مين ربنا
يبقي ربنا سبحانه وتعالي عارف ان ده مش هياثر في غيرة المراه عشان كل شئ عنده بحساب
ومل شئ عنده بمقدار
وكمان مش ممكن يكون في اخت نفسها تتزوج وطالبه العفه من الله وانا كده بستر عليها وكمان بحميها من انها تتفتن
خاصه بقي لوكانت يتيمه يبقي اخذت اجر كافل اليتيم
او لو ارمله يبقي اخذت اجر عفتها
او لو مكفوفه او عندها اي نوع من انواع الاعاقه
يبقي انا كده فعلا قدرت ان اعفها وناخخذ فيها ثواب
لو نظرتي للموضوع بكل جوانبه هتلاقي ان من الناحيه الدينبه امر اباحه الله
مثني او ثلاث او رباع
ووضع لها شروط واهمها هو العدل بين الزوجات
في المعيشه ام في الحب فقال الله تعالي فيما معناه ان الاخوه مش هيقدوا يعدلوا حتي لو استطاعوا
عشان القلوب بين اصبعين من اصابع الرحمن يصرفوهما كيفما يشاء
امال من الناحيه الشخصيه ممكن يكون عندي احساس بالغيرة فوق الازم
ولكن لما اعرف ان ربنا امر يبقي اقول سمعنا وطاعة
حتي لو فوق مقدرتي
مدام ربنا امر
وكمان ان اعرف ان كتير من الاخوات كانوا راضين اوي بالتعدد ماشاء الله
ونجحوا في اختبار الله لهم وكانت المكافاه ان الزوج لم يتزوج عليها
رغم انها طلبت منه ذلك مرضاه لشرع الله
والعكس في اخوات رفضوا اوي لدرجه فظيعه
وعملوا عمايل
ولكن الله لا يتحارب
فكانت النتيجه انهم فشلوا في الاختبار وتزوج عليها الزوج باكثر من واحده
ولم تقدر ات تعمل شئ الا الخضوع والاستسلام
طب ما لو كانت وافقت من الاول كان زمانها اخذت الاجر
ويمكرون ويمكر الله والله خير الماكرين
وندما ينفذ قضاء الله ميكنش لنا الخيرة من امرنا
والله المستعان
يا جماعة انا عارفهاان ربنا مقدر لي زوج قبل ما تتخلق السماء والارض بخمسين الف سنه
يبقي مش هعرف ان ربنا مقدر لي ما ينفعني
وكمان عجبا لامر المؤمن ان امره كل خير ان اصابته سراء شكر فكانت خير له وان اصابته ضراء صبر فكانت خير له
يا ريت اكون قد افدت بالقليل والله المستعان
وبلاش يا جماعة كلمه مهما حصل مش هوافق انتي كده حتي لو مش واخده بالك بتعندي ربنا
وانتي مش قدها يا اختي
استغفري الله وقولي ما يريده الله لي كله خير
والسلام عليكم ورحمه الله

[tabebat-al-islam]

رد: كل الاحوات لازم يجاوبوا على سؤالى

ماشاء الله

ما شاء الله

ماشاء الله


نشوى
غفرانك ربي
يمامه
واختنا طالبة الجنان خاصه

ما اجمل قلوبكن التي للشرع تخضع
وللاسلام تصدع
وللايمان تقنع

اسأل الله لكن الاجر في اعفاف المسلمات حتى وان لم يعدد ازواجكن

زيدونا والله اتفحتموناااااا

[مُسلمة]

رد: كل الاحوات لازم يجاوبوا على سؤالى

السلام عليكم ورحمة الله وبركاته

التعدد
أمر شرعه المولى عز وجل وجعل زمامه بيد الرجل
لن تُجدي فيه المناقشة إلا بتقريب وتيسير قبوله لبعض الأخوات
وينبغي أن لا يكون الاعتراض عليه ورفضه اعتراضاً عاماً فلا تقل إحدانا التعدد مرفوض ولكن ليكن الأمر حديث عن النفس فالتي لا تقبل تقول لا أقبل أن يكون زوجي معدداً
ولم يجعل الله عز وجل في يد المرأة من أمر التعدد شيء
ويكفي قول المولى جل وعلا
{ وإن خفتم ألا تقسطوا في اليتامى فانكحوا ما طاب لكم من النساء مثنى وثلاث ورباع فإن خفتم ألا تعدلوا فواحدة أو ما ملكت أيمانكم ذلك أدنى ألا تعولوا }

إن رأى في نفسه أنه أهل للعدل فلا يسعني إلا أن أعينه وأقف بجواره لاختيار شريكة ليس لحياته فقط ولكن لحياتي معه

ثم ينبغي أن ننظر للتعدد نظرة مستقبلية عميقة : هل في التعدد حل لمشكلة العنوسة ؟ هل هو حل لمرض الزوجة الأولى وعدم قدرتها على أداء حقوق بيتها وزوجها ؟ هل هو حل للمرأة العقيمة ؟ هل هو حل للأرامل ؟؟
برأيي التعدد أمر في صالح النساء وليس الرجال

[سائره الى الله]

رد: كل الاحوات لازم يجاوبوا على سؤالى

يعني الي ربنا مقدره لي هيكون حتي لو غصب عني

صح كلام جميل
وفيه بردو الاخد بالاسباب
بس ارفض بشده
وجزاكى الله خيرا

[ام اياد]

رد: كل الاحوات لازم يجاوبوا على سؤالى

السلام عليكم ورحمة الله وبركاته اولا انا احب اشكر كل اللى اهتم بالموضوع ورد عليا وقالى رايه لكن كنت فقط عايزة اوضح شيئ ياجماعة انا اللى كنت المفروض اكون الزوجة الثانيه مش الاولى مع ان الاولى زوجه فاضله وكويسه جدا بس هيا بس مش متخيله ان زوجها ممكن يتزوج عليها لانها ترى نفسها ليس بها عيب يخليه يتزوج عليها ولكن حدث فعلا انه كان يريد الارتباط بى وانا كنت موافقه رغم كبر سنه وصغر سنى لكنى لم احس لحظه ان كبير هكذا وكمان كان نفسى هيا تشوف ارءكم دى وتقرءها وتقتنع بيها بس ياترى الاراء دى ممكن تتغير لما عرفتو انى مش الزوجة الاولى وكمان عايزة اعرفكم قرارى اللى اخذته فى الموضوع دا وبجد كان على عينى لانه انسان ميتعوتش او يمكن انا شايفاه كده لكن قضاء الله احب اليا انا استخيرت الله كثيرا بعد طول تفكير وكمان لان العقل بيبقى عايز يختار اللى هو حبه لكن انا دعيت الله ان يوفقنى لصلاحوانى قررت
بالرفض لعدم هدم البيت والفرقه بينهم مع تصميمها باالطلاق

[رشيده]

رد: كل الاحوات لازم يجاوبوا على سؤالى

انا بصراحه مع التعدد لان ده حكم الله تعالى واحنا ماعلينا غير السمع والطاعه كمان ياجماعه احنا شايفين ارتفاع نسبة العنوسه وتأخر الزواج ونسبه الطلاق العاليه طيب حطى نفيك مكان اى واحده منهم هاتعملى ايه وكمان افتكرى ان دى اختك فى الاسلام والرسول صلى الله عليه وسلم قال لا يؤمن احدكم حتى يحب لأخيه ما يحب لنفسه. كمان يااخواتى من فرج لمؤمن كربه من كرب الدنيا فرج الله عنه كربه من كرب يوم القيامه يبقى بقى نبطل الغيره الشديده ونرضى بشرع الله صحيح هانيجى على نفسنا ومشارعنا شويه لكن نحتسب الاجر عند الله