Like dissolves Like -- المثيل يذيب المثيل !

[امة الرحمن/فاطمة]

رد: Like dissolves Like -- المثيل يذيب المثيل !

(5)

الخاطرة دي متعلقة إلى حد ما بالخاطرة السابقة
بس هنقرب الصورة شوية
هنقرب للreceptors المستقبلات

احنا قلنا عشان الطرف المستقبل توصل له إشارة لازم يكون الطرف المرسل بعت الاشارة

طيب فرضنا أن في خلل من أحد الطرفين?
أكيد هيترتب عليه مشكلة هيعود ضررها على الطرفين

وهنتكلم المرة دي على الجزء المستقبل


وحالة ال
supersensitivity of the receptor


وهي حساسية الطرف المستقبل الشديدة لأي إشارة بسبب خلل في الجزء المرسل أنه مش بيبعت إشارات


أنا عايزة نركز على حالة الحساسية الشديدة و الsupersensitivity اللي عايشها الطرف المستقبل
و شراهته لأي agonist (أي داعي من الدواعي اللي بتغذي شراهته وتملأ فراغه)
من الطرف المرسل (أيا كان هذا المرسل)

كما قال الشاعر:
أتاني هواها قبل أن أعرف الهوى *** فصادف قلبا خاليا فتمكنا

زي أي ولد أو بنت عايشين حياة خالية من أي عواطف

أو عندهم توتر و فقدان للحنان والاحتواء في حياتهم الأسرية

أو فتاة أو شاب لسه في بداية فترة المراهقة...لسه قلبه خالي وفاضي

أو واحدة تمر بظروف نفسية شديدة ونفسها تخرج من الظروف دي بأي شكل

فأي لمسة اهتمام وأي agonist صغير هيوصل للمستقبل (ولد أو بنت) من الطرف المرسل (ولد أو بنت)

هيقابله الطرف المستقبل بـ
exaggarate action
= رد فعل مضاعف

حتى لو كان الagonist ده ما يستاهلش كل ده

حتى لو كان الagonist مسموم و ممكن يضره بس لشراهته لم يميز بين اللي يضره واللي ينفعه

حتى لو كان الagonist مش راكب في ال receptor بس هو مجرد ما شاف حاجة لها نفس ال space diametry
شكله الفراغي من برة..فقبله.

فنصيحة لأختنا وأخينا اللي عندهم المشكلة دي:
اصبروا .. واحتسبوا .. واملأوا فراغ قلوبكم بحب الله وحده
وحب ما أحبه الله
مما أباحه من صور لاستفراغ هذه الطاقة وهذه الشراهة للحب.

[فاطمة سعد]

رد: Like dissolves Like -- المثيل يذيب المثيل !

فعلا دى كارثه يا فاطمة
وفى شباب بعانوا من هذه الاشياء

هداهم الله ووفقهم للخير

مشكورة للطرح الرائع
تقبل الله منا ومنكم اختنا الفاضله

[امة الرحمن/فاطمة]

رد: Like dissolves Like -- المثيل يذيب المثيل !

(6)

خاطرة المرة دي عن ال

counter-irritant

ده عبارة عن عقار موضعي بيعمل حرقان أو ألم في مكان معين من الجسم عشان يقلل من ألم أكبر منه في مكان تاني من الجسم.

من أمثلتها :القرنفل اللي بياخدوه لعلاج آلام الأسنان فهو بيعمل تنميلة كده معينة بحيث يشغل الجسم عن ألم الأسنان.

ودهانات الفيكس(أبو فاس)...بيدهنوها في حالات آلام العضلات.

و الشطة...لعلاج حالات الروماتيزم وضعف نمو الشعر لأنها بتعمل تهييج للمنطقة دي فبتخلي الدم يتدفق لها.

كذلك..
ده حال بعضنا في علاجه للهم والحزن والمشاكل الإيمانية
يقول لنفسه : أنا هأشغل نفسي بأعمال كتير وهأطحن نفسي فيها عشان أنسى نفسي وسطها.. وأنسى فيها همومي وأحزاني

لكنه نسى أن ده مجرد علاج موضعي..!
بدليل أنه لو اختلى بنفسه تاني هترجع له الآلام بنفس القوة ولربما تكون تراكمت عليها مضاعفات آخرى

زي مثلا واحد عنده ألم شديد في ظهره
وعمال ياخد له في مسكّنات لكن أصل الوجع نفسه ما عالجهوش لحد ما مرة ما أخدش المسكن تحول من مجرد ألم بسيط كان بيؤلمه كل فترة لوجع شديــد نتيجة لكسر في العمود الفقري من كتر ما حمّل عليه ..
لأن المسكّن كان بيخفي الألم فقط لكن ما عالجش أصل الألم

فكل هم أو حزن أو مشكلة إيمانية لا تعالجها بمجرد حل سريع أو حل موضعي ظاهري فقط
لكن انظر لأصل وسبب الهم والحزن ده وايه هو علاجه القطعي اللي يخليك حتى في لحظات خلوتك وصفاءك ما تفكرش فيه
وهل الهم والحزن ده محتاج رضا؟
هل محتاج صبر؟
هل محتاج أنك تغير نظرتك للحياة وتعيد ترتيب أولوياتك؟
هل في ذنب معين بتعمله كان هو سبب تنغيص حياتك بالشكل ده؟
اسأل نفسك ليه أنا متعثّر في حياتي كده؟... وليه ناس تانيين بفضل الله ورحمته سعداء وحياتهم طيبة وميسرة وعايشين أحلى حياة؟

وإن شئت فاقرأ هذا الموضوع

أيسكن الحزن قلبك؟

فاللهم فرّج عن كل مكروب مسلم وارفع عن قلبه الهم والحزن

[امة الرحمن/فاطمة]

رد: Like dissolves Like -- المثيل يذيب المثيل !

بارك الله فيكِ أختي المصرية فيروز

ورفع قدرك ..اللهم آمين

[فاطمة سعد]

رد: Like dissolves Like -- المثيل يذيب المثيل !

بارك الله فيكِ أختي المصرية فيروز

ورفع قدرك ..اللهم آمين

ااااااااااااااااااااااامين وااياااك اختاه

فاللهم فرّج عن كل مكروب مسلم وارفع عن قلبه الهم والحزن

اللهم ءاااااااااااامين

[امة الرحمن/فاطمة]

رد: Like dissolves Like -- المثيل يذيب المثيل !

جزاكِ الله خيرا

وبارك الله فيكِ

[امة الرحمن/فاطمة]

رد: Like dissolves Like -- المثيل يذيب المثيل !

(7)

خاطرة المرة دي عن ال



Placebo

ده في علم الصيدلة عبارة عن مستحضر inert = خالي من المادة الفعالة مجرد مصنوع من السكر و بيوهموا المريض لو أخذه حالته هتتحسن جداااااا وده تركيبة ماحصلتش
لكن مش بيقولوا له الحقيقة أن ده مادة غير علاجية !!

و الغريب أن في حالات مرضية حالتهم تحسنت فعلا لمجرد هذا الايحاء النفسي !!

البلاسيبو ده نقدر نسميه بمصطلحاتنا الدارجة

الوهم

أنك تفضل تتوهم حاجة غير حقيقية و تظن أن فيها صلاح أحوالك
سواء من خلال..
مؤثر داخلي: اللي هو نفسك
أو مؤثر خارجي: المحيطين بك و ضغوطهم عليك أو كلامهم و وعودهم اللامعة البراقة

فتلاقي نفسك بتتلذذ للحظات أنك عيشت في الوهم شوية وخدّرت تفكيرك بالكلام اللي سمعته أو وهمت نفسك به

لكن تيجي في مرة تصطدم بأرض الواقع وتلاقي أن المشاكل تفاقمت عليك لأنك أهملت العلاج الحقيقي لمشكلتك و صدقت كلام الناس

أو تفوق من الوهم على صدمة كبيرة

اللي عايزة أقوله
مش كل كلام تصدقه!
مش أي وعود ولا أي كلام معسول لمجرد أنه منمق تحسب أن قائله صادق فيها
لكن العبرة بايه العلاج اللي قدمه لك؟
وايه نوعيته؟


و دي مش دعوة لسوء الظن في الناس!
لكن دعوة لعقل الكلام و مطابقته بواقعك و واقع اللي بيكلمك


طيب ده أنا قلت في الأول
أن في حالات مرضية حالتهم تحسنت فعلا لمجرد هذا الايحاء النفسي !!

طيب ده دليل أن مشاعر و نفسية الإنسان بتأثر على نشاطه و عمله

ولذلك نقول للناس..
اتقوا الله في بعضكم البعض!
لا تمكر بأخيك المسلم ولا توهمه شيئا بخلاف الحقيقة
لا تقتل (نفس) أخيك وأنت تحاول مساعدته

قال رسول الله صلى الله عليه وسلم في جزء من حديث:
"إذا حدث أحدكم فلا يكذب"

ومن ناحية تانية نت لما تعرف كده..
يبقى أولى أنك تعزل قراراتك وأفكارك عن المؤثرات الخارجية
اقبل بس نصيحة من تثق في دينه و أمانته وتشعر أن فعلا همه همك ( وده له علامات كتيرة مش المجال لذكرها)
و احفظ خواطرك أنها تسترسل في التفكير في الوهم وعيش الواقع "بقرفه" عشان تقدر تواصل فيما بقى من عمرك!

جملة قرأتها قريبا وأثّرت فيّ.. جزى الله كاتبها خير الجزاء:
لا تقيد نفسك بزمان ولا مكان و لا إنسان .. أينما تجد قلبك فثمّ وطنك!

واترك الاختيار لمن بيده ملكوت كل شئ :
{وَتَوَكَّلْ عَلَى الْحَيِّ الَّذِي لاَ يَمُوتُ وَسَبِّحْ بِحَمْدِهِ وَكَفَى بِهِ بِذُنُوبِ عِبَادِهِ خَبِيرًا}

[امة الرحمن/فاطمة]

رد: Like dissolves Like -- المثيل يذيب المثيل !

(8)
خاطرة المرة دي عن

sustained release formulation


دي عبارة عن تركيبة بتتعمل في صناعة الدواء تعطي له خاصية أن أثر الدواء ما يكونش فوري لكن يكون ممتد المفعول

ولو تلاحظوا في المخطط السابق أن الcurve البنفسجي هو أطولهم مفعولا بيمتد أثره على مدة زمنية أطول من التركيبات التانية..

نستفيد من الخاصية دي حاجات كتيرة هاتكلم عن واحدة منهم :
أننا مش هناخد جرعات من الدواء كتيرة
هي جرعة واحدة تتاخد في اليوم تغطي ساعات كتيرة من اليوم

المعنى ده لو تدبرناه هنلاقيه مفيد جدا

أننا نحرص على أعمال البر ذات النفع المتعدي
يعني اللي نفعها هيعود على كذا منحى وعلى كذا شخص مايكونش قاصر عليّ وحدي
حتى أن الله عز وجل قال في القرآن:
" إِنَّا لاَ نُضِيعُ أَجْرَ الْمُصْلِحِينَ "
قال المصلحين ولم يقل الصالحين!
المصلح ---> نفعه متعدي لغيره
الصالح ----> صلاحه وتفعه قاصر عليه



كذلك يندرج مع أعمال البر ذات النفع المتعدي أعمال البر اللي بيستمر أثرها لفترات طويلة
أمثلة زي :

- الصدقة الجارية
كما قال رسول الله صلى الله عليه وسلم:
" إذا مات الإنسان انقطع عنه عمله إلا من ثلاثة : إلا من صدقة جارية . أو علم ينتفع به . أو ولد صالح يدعو له "صحيح مسلم


- تكون سبب في تزويج مسلم و مسلمة
لأن كل أعمال الخير اللي هيعملوها بعد زواجهم هم و ذريتهم هتتكتب في ميزان حسناتك إن شاء الله
كما قال رسول الله صلى الله عليه وسلم:
" الدال على الخير كفاعله "


- الكلمة الطيبة ونخص منها كلمة التوحيد "لا إله إلا الله"
كما قال الله تعالى:
" أَلَمْ تَرَ كَيْفَ ضَرَبَ اللّهُ مَثَلاً كَلِمَةً طَيِّبَةً كَشَجَرةٍ طَيِّبَةٍ أَصْلُهَا ثَابِتٌ وَفَرْعُهَا فِي السَّمَاء 24 تُؤْتِي أُكُلَهَا كُلَّ حِينٍ بِإِذْنِ رَبِّهَا وَيَضْرِبُ اللّهُ الأَمْثَالَ لِلنَّاسِ لَعَلَّهُمْ يَتَذَكَّرُونَ 25 "

يعني احرص أن كلامك يكون طيب و نافع عشان يستمر أثره و يؤتي ثمره كل حين
وكذلك لازم تتعلم يعني ايه كلمة لا إله إلا الله وايه شروطها و لوازمها و ازاي نحققها
لأن ثمرة تحقيق معنى لا إله إلا الله في نفوسنا هي الأعمال الصالحة


وكل ما سبق في ميزان حسناتك حتى بعد ما تموت
كما قال الله تعالى:
"إِنَّا نَحْنُ نُحْيِي الْمَوْتَى وَنَكْتُبُ مَا قَدَّمُوا وَآثَارَهُمْ"

[امة الرحمن/فاطمة]

رد: Like dissolves Like -- المثيل يذيب المثيل !

(9)

خاطرة المرة دي عن



Chemical reaction


التفاعل الكيميائي
هو أي تغير يحدث على مادة أو مجموعة مواد مؤدياً إلى تغييرها وإنتاج مادة أو مواد من نوع جديد.
وهو له شقين
متفاعلات reactants
نواتج products


وعشان يحصل التفاعل
لازم الروابط اللي بين عناصر "المتفاعلات" تتكسر
ثم تتكون روابط جديدة بين العناصر المتفككة لينتج مواد جديدة "النواتج"


زي الصورة دي[IMG]http://simplechemconcepts.com/wp-*******/uploads/2008/06/energy-changes-question.JPG[/IMG]






كذلك في علاقاتنا الإجتماعية
أي علاقة إجتماعية جديدة
لازم لإقامة هذه العلاقة يحصل تفاعل


لازم تتكسر روابط .. وتتكون روابط


الروابط اللي هتتكسر فينا طبعا لا أقصد بها أننا نكسر روابطنا بأناس آخرين


لكن نكسر بعض المفاهيم و الحواجز النفسية اللي جوانا عشان نقدر نقبل على إقامة العلاقة (الرابطة)


ولو ناخد بالنا
أن في المتفاعلات -مش عنصر واحد- بس هو اللي بيكسر روابطه والتاني بيتفرج !


لا
لكن كلا العنصرين بيكسر روابطه بنفس الكيفية عشان يرتبطوا ببعض ويكونوا مادة جديدة


وده بنستفيده من حديث النبي صلى الله عليه وسلم... لكن الحديث بمعنى آخر فأقتبس اللفظ فقط:

"قاربوا و سددوا"
لازم كل طرف يتنازل عن حاجة عشان الاتنين يقربوا من بعض
ويحصل تفاعل




- بعض التفاعلات بتحتاج لتنشيط التفاعل منشط خارجي (حرارة) عشان التفاعل يمشي
زي مثلا ما بتحتك مع واحد لأول مرة و تتخانقوا و من بعد الخناقة دي تتقلبوا أصحاب
على المثل القائل :
"ما محبة إلا بعد عداوة"


والحرارة اللي حصلت دي هي اللي كسرت عندك الحواجز النفسية وجعلتك تشوف الواحد ده بنظرة تانية.. فرحت أنت كسرت روابطك و كونت مع الآخر ده رابطة جديدة.




كذلك في حاجات في حياتنا مش بتبان إلا مع المحن (الحرارة)
أشخاص بتكسر علاقتك بهم.. وأشخاص بتكون معاهم صداقات جديدة.. في عز المحن!




عايزين نطلع من الخاطرة دي بمعنيين:
- أنه لازم تتنازل عن حاجة
مفيش تفاعل هيحصل ولا هتقدر تمسك في ايد غيرك طول ما أنت مكتف ايدك ومش عايز تمدها له


- اغرس في نفسك دايما معنى أني عايز أدخل الجنة و انجو وغيري ينجو معايا.. فندخل الجنة وايدنا في ايد بعض

قال الله تعالى:

" وَاعْتَصِمُواْ بِحَبْلِ اللّهِ جَمِيعًا وَلاَ تَفَرَّقُواْ وَاذْكُرُواْ نِعْمَةَ اللّهِ عَلَيْكُمْ إِذْ كُنتُمْ أَعْدَاء فَأَلَّفَ بَيْنَ قُلُوبِكُمْ فَأَصْبَحْتُم بِنِعْمَتِهِ إِخْوَانًا وَكُنتُمْ عَلَىَ شَفَا حُفْرَةٍ مِّنَ النَّارِ فَأَنقَذَكُم مِّنْهَا كَذَلِكَ يُبَيِّنُ اللّهُ لَكُمْ آيَاتِهِ لَعَلَّكُمْ تَهْتَدُونَ " [آل عمران :103]