سؤال مهم:هل التعليم في الجامعه حرام؟؟

[عز الاسلام ام حذيفه]

اخواتي ما رأيكن في هذا السؤال وفي هذالموضوع


التعليم في الجامعه هل هو حرام


يعني لو اتيحت لك فرصه بان تتركي الجامعه هل ستتركيها؟؟؟؟؟؟؟؟

[عز الاسلام ام حذيفه]

رد: سؤال مهم:هل التعليم في الجامعه حرام؟؟

الصراحه كثيرا ما كنت اقرأ كلام بعض الاخوات بالتحفيز على التفوق ودخول الجامعه وتجنب الاختلاط فكنت استغرب
علما بان معظم اخواتي في الله تركن الجامعه وحاربن اهلهن في ذلك وذللك بعد الاتصال بالشيخ ابو اسحاق الحويني وكان يشدد علينا جدا في موضوع ان نترك الدراسه وان نجلس في البيت وان الكليه حرام شرعا واقصد الكليه المختلطه
فلا اعلم هل كل الملتزمين كذلك ام لا؟؟

[المنتقبة السعيدة]

رد: سؤال مهم:هل التعليم في الجامعه حرام؟؟

انا كنت بسال السؤال دااا
لاكن بسمع الشيخ هانى حلمى ولما بيتكلم على الجامعة وكدة
وبيقول نتجنب الاختلاط وومش قال حررام لانة كان بيتكلم عادى وسلوك البنت فى الجامعة بيكون ازااى؟؟
بس انتى لو عارفاة انك هتحافظى على نفسك فى الجامعة وخارجة بلبسك الشرعى ومتجنبة الجلوس مع الشباب نهائى ورايحة الكلية علشان تتعلمى وتفيدى دين اعتقد والله اعلم خلاص..مفيش كشكلة
..................
فى برنامج مع الشباب على قناة الرحمة
جية شيخ اسمة ؟؟.((محمد بسيونى))
قال وسمعتها
البنت لو خرجت الجامعة
تكون بلبسها الشرعى وتتجنب الاختلاط وغض البصر وكدة
يعنى من كلامة انى لما اروح الجامعة ان شاء الله مش حرام
والله اعلم
.................................................. .
وكذلك المواضيع الى هنا وماشاء الله على الاخوات هنا
احسبهم ملتزمات
عملوا مسلسل اسمة عجبنى فيكى لون عنيكى
وسالت الاخت الى كتبت الموضوع عن نفس سؤالك
وكانت اجابتها كالتالى

حياكِ الله اختي
بالنسبة لسؤالك فهو سؤال وجيه جداا
وانا هجاوب عليه من وجه نظري
فالله المستعان
الاخت تأمن علي نفسها من الفتنة ازااااااااي ؟
- يعني مثلا انتي ماشية في الجامعة مع بعض الزميلات هل بتقدري تغضي بصرك عن الشباب اللي رايح واللي جاي ؟؟ لو بتقدري يبقي كدة أمنتي علي نفسك من الفتنة بإذن الله .
- مثلا وانتي جالسة في المدرج _ قاعة المحاضرات _ هل بتختاري تقعدي في مكان معظمه اخوات ولا مش فارقة معاكي ؟ لو بتراعي هذه النقطة كويس وتعملي احياطتها _ كالحضور مبكراً وتطلبي من الاخوات يحجزولك جمبهم وووو _ يبقي كدة أمنتي علي نفسك من الفتنة بإذن الله .
-مثلا لو طلب منك اخ اي شيء دراسي هل هتصديه وتقولي له عذرا محتاجة كشكولي _مثلا_ ام الامر عادي تعطيه ثم يتعود علي كدة ومن هنا باب الفتنة كما ذكرت في المسلسل . لو بتصديه يبقي كدة أمنتي علي نفسك من الفتنة بإذن الله.
-مثلا انتي ماشية في الجامعة لاقيتي كله اتنين - اتنين - اتنين ( ولد وبنت اقصد ) هل تُحدثكي نفسك والشيطان انتي ليه ملكيش حبيب زي دول ؟؟ ويبحبك وتحبيه ؟؟ , إذا حدث ذلك وانتي كسرتي أنف نفسك وأنف الشيطان بقوله تعالي " ولا متخذات أخدان " النساء(25) , يبقي كدة أمنتي علي نفسك من الفتنة بإذن الله.
- مثلا انتي ماشية لاقيتي اخوات لابسين لبس فتنة زي عبايات مطرزة او الوان ملفتة او عبايات ضيقة تفصّل معالم الجسم , فهل تحدثكي نفسك والشيطان معها طبعا بأن هذه العبايات أشيك وأقيم من الواسع الفضفاض الاسود اللي انتي لابساه , إذا حدث ذلك وانتي كسرتي أنف نفسك وأنف الشيطان بقوله تعالي "(يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَى أَن يُعْرَفْنَ فَلَا يُؤْذَيْنَ وَكَانَ اللَّهُ غَفُوراً رَّحِيماً )
يبقي كدة أمنتي علي نفسك من الفتنة بإذن الله.
- مثلا حدثتكي نفسك مع الشيطان ودخلوا لكي من باب العلم والدراسة وقالوا لكي : الازم يبقي معاكي المجموعات الخاصة بكل المواد وكل الورق الهام وهذا لا تجديه الا مع شلة الاخوة هذه دول اوائل الدفعة روحي صوري منهم كل الورق واقفي ساعتين عند محل التصوير وطبعا الاخوة واقفين معاكي عشان الورق ورقهم وياحبذا ليكون من ضمن الاخوة اخ ملتحي وتقعدوا تتبادلوا النظرات بقصدكم او بغير قصدكم خلال الساعتين وصبااااااااااح الخير يا منتقبة ويا ملتحي , فلو حدث ذلك وانتي قررتي ان تصوري كل الورق من الاخوات وبإذن الله هتلاقي طبعا , واذا طال وقت التصوير استغلي الوقت في التسيبح او قراءة القرءان او مذاكرة شيئاً ما , فأنتي كدة أمنتي علي نفسك من الفتنة بإذن الله.
فتأمنى نفسك من الفتنة وتصاحبى بنات ملتزمات تكون صحبة صالحة
ان شاء الله يكون خير
دا رأيئ ومن كلام ايضا شيوخ مش من عندى
بس اسالى بردوا
ونصيحة لو رحتى جامعة
بين المحاضرات فى المسجد
متقعديش فى الجامعة
خليكى اى وقت فاضى فى المسجد ومن المحاضرات للبيت ويارب يوفقك
ويرضى عنا

[عز الاسلام ام حذيفه]

رد: سؤال مهم:هل التعليم في الجامعه حرام؟؟

المنتقبه السعيده نعم كل ما تقولينه صحيح ان معظم العلماء بيركزوا على تجنب الاختلاط في الجامعه ولكن ما يدلايك ان هذا الكلام للملتزمات طالبات العلم
وكذلك مسلسل عاجبني فيك لون عينيكي لو لاحظتي الحوار فهو للغير ملتزمات اكثر لاني لا اعتقد ان هناك واحده ستكون منتقبه وهتقعد جنب شباب
لكن انا بقول على الحك الشرعي لدخول الجامعه بالطبع اكيد حرام وخاصه ان الجامعه بغض النظر عن الاختلاط المحرم الذي لم يبيحه الدين فهي
1- مكان معاصي ومنكرات
2- الاختلاط فيه محرم نظرا لانه ليس هناك ضروره فهناك جامعات ازهريه غير مختلطه
3- صعب فيه جدا تغيير المنكرات ونظام الجامعه يعني في المدرج صعب ان انتي تلزمي كل الحاضرين باللبس الشرعي وعدم الجلوس جنب الشباب
ففي الحاله دي اما تغيري الوضع او تهجري المكان (مكان المعصيه حتى لا تعم العقوبه الجمييع)
والا كان من السهل علينا التواجد في اي مكان للمعاصي والمنكرات ومحاولة تجنب ذلك قر المستطاع
قال تعالى (فلما اعتزلهم وما يعبدون من دون الله وهبنا له اسحاق ويعقوب وكلا جعلنا نبيا)

[عودة حق]

رد: سؤال مهم:هل التعليم في الجامعه حرام؟؟

اختى طلما انتى ملتزمه بلبسك الشرعى وبأخلاق الفتاه المسلمه فلا اثم عليكى بالعكس سأقول لكى كلمه قالها لنا شيخنا فى المكتب اننا علينا ان نجتهد لتضبح منا الطبيبه والمدرسه ولنرى العالم اننا بنات الاسلام ها نحن هنا ليعلمو من المتخلف .

["رثاء الحياة"]

رد: سؤال مهم:هل التعليم في الجامعه حرام؟؟

اولا السلام عليكم ورحمه الله وبركاته
بصى انا قررت من فتره انى مدخلش المنتدلى تانى
بس شفت موضوعك وكنت عايزه ارد عليكى
بصى بعد الكلام اللى حبايبنا قالوه قبلى
كنت عايزه اضيف حاجه بعد اذنكوا
لو انتى قادره انك تحفظى نفسك فى جامعه مختلطه يبقى كويس جدا
لو حاسه انك ممكن تقعى لا قدر الله
ممكن تدخلى كليه بنات وبس
ان دخلت كليه للبنات بس وهيه لذيذه جدا
لو حابه تعرفى عنها انا تحت امرك
ربنا يكرمكم ويجازيكم خير

[العائدة اليك]

رد: سؤال مهم:هل التعليم في الجامعه حرام؟؟

لاحول ولا قوة الا بالله خلاص بقى قولو حرام النزول للشارع لان ده هيكون من باب اولى بعدين هى تقدر فى كل المحاضرات تجلس بجوار فتيات وما دام هى تتقى الله فما المانع حرام دى كلمه كبيره وده طلب علم

[كونى قوية]

رد: سؤال مهم:هل التعليم في الجامعه حرام؟؟

طب الشيخ ابو اسحاق قال ان الجامعه عامه حرام عشان مختلطه

ولا عشان تعليم من اصله ولا ايه

يعنى بناته مش متعلمين ولا عشان ازهر ومش مختلطه؟؟؟


رب انت المستعاااااااااااااااااااااااان

[العائدة اليك]

رد: سؤال مهم:هل التعليم في الجامعه حرام؟؟

ارجو وضع الحلقه التى تستشهدون بها حتى لا نحمل كلام الشيخ معنى اخر

[المنتقبة السعيدة]

رد: سؤال مهم:هل التعليم في الجامعه حرام؟؟

السلام عليكم
بصى يا اختى
احنا طلعنا فى بيئة غير ملتزمة
وانا كنت كدة
فلما ربنا عز وجل يمن عليكى بالالتزام وربنا عز وجل يديكى ثبات من عندة
فهتحاولى تتقى الله عز وجل بقدر المستطاع
واحنا كنا فى مدارس عادية مش مدارس ازهرية
يعنى مصيرنا الجامعات المختلطة
هل الملتزمين لما ينزلوا للسوق او كدة
واهو مختلط وفية التبرج هل هتروحى لكل واحدة وهتقوللها دا لبس تبرج مينفعش نلبسة ولا هتتجنبى قدر المستطاع الاختلاط
وهتروحى تشترى حاجة وتمشى وانتى بكامل الحمد لله زيك الشرعى من النقاب او الخمار والحياء والادب فيها مشكلة ؟؟
اعتقد مفهاش مشكلة
...............................
لما اهلك يقولوا لما انتقبتى سيبتى الدراسة ووووو وكمان لما اسيب الجامعة مفيش واحدة هتفكر تلتزم لية؟
علشان هتقول لما بيلتزموا مش بيتعلموا ولا لال لا
ودى اصلا حاجة جائزة
بل بالعكس
لما الناس تشوفك منتقبة ومحترمة وتحاولى تتقى الله ومتفوقة كمااان
هيحبوا الالتزام ولا لأ؟
بالتاكيد هيحبوة جداااااااااا ولما واحدة تصاحبك متبرجة
وتشوف منك الدين والادب والذوق والتفوق
ممكن ربنا عز وجل يجعلك سبب فى هدايتها,,,
انا اول سنة فى الكلية مش كنت لابسة نقاب واتصاحبت على بنت لبسها عادى جداااا جيب وكدة
والله انا انتقبت وهى لبست الملحفة
حاجوة كويسة جداااااااا والله
...........................
الشيوخ بعد الثورة جم الجامعة بتاعتنا كثيييييييير
زى الشيخ محمد الصاوى وحازم شومان والشيخ هانى حلمى واشرف الفيل
بارك الله فيهم جميعا
دخلو المدرج البناتفى حتة ووالولاد فى حتة
محدش اعترضت منهم
بل كانوابيحثونا على تجنب الاختلاط والالتزام بالشرع والدين فى الجامعات المختلطة
.............................
وهل الاختلاط للبنات بس حررام
اعتقد الاختلاط محرم بردوا للشباب
فلية هما يروحوا الجامعة ومش حرام عليهم وحرام علينا احنا
فالاختلاط حرام لكل الناس
لماذا؟
والشيوحخ معظمهم خريجين كليات مختلطة
الشيخ محمد حسان ...خريج كلية الاعلام جامعة القاهرة
الشيخ ابو اسحاق ........خريج ألسن جامعة عين شمس
الشيخ هانى حلمى ظ........دار علوم جامعة القاهرة
فلو كلية البنات احسن وافضل
انا التزمت فى الكلية
والحمد لله
انما اننا ملتزمين بالزى الشرعى الكامل وتجنب الاختلاط ووو ان شاء الله يكون مفيش حاجة
.........................
وابشرك ايضا الحمد لله فى جامعتنا بعد الثورة الشيخ بقى بيجولنا ويعطوا لنا الدروس
السابق ذكرهم
والاخوات المنتقبات فى المسجد
بيدوا دروس فى المساجد ويهتموا بالحفظ القرءان والعقيدة وكدة
فييه جو ايمانى رائع
وبنوزع ورق دعوى فى الجامعة
ويكون القرءان معاكى فى الجامعة عالطوول
وكمان الصحبة الصالحة
وتحمى نفسك من الفتن
وكمان دا من كلام شيوخ ثقة
مش مجرد رأي لى وحدى
لا والله
دا كلام مشايخ فى الدين
احسبهم من الصالحين
وجزاكم الله خيرا وريرضى عنى وعنك

[المنتقبة السعيدة]

رد: سؤال مهم:هل التعليم في الجامعه حرام؟؟

لو فى ايدك قبل دخول الجامعةتكونى فى ازهرى لو كنتى فى مدارس ازهرية
او تدخلى جامعة بنات اولى وافضل
و فى الجامعة بنقعد جنب البنات وناخد المحاضرة وعلى المسجد جرى
وفية شيوخ زى الشيخ محمد الصاوى بيدوا دروس فى المدرجات وبتكون جميلة
ويارب يثبتك ويثبتنا على طريق الحق

["رثاء الحياة"]

رد: سؤال مهم:هل التعليم في الجامعه حرام؟؟

بصى فى كليه البنات اللى فى مصر الجديده
جواها مثلا اداب وكليا تتانيه
وفيه كليه رياض الاطفال القاهره بس هيه فى الدقى
انا دخلتها وهيه لذيذه جدا

[أم ليوث الجهاد]

رد: سؤال مهم:هل التعليم في الجامعه حرام؟؟

أختي الشيخ الحويني حفظه الله يقول يتحريم دراسة البنات في الكليات المختلطة وقال بالنص
(كل البنات اللي في الكليات المختلطة آثمات)
هذا قول الشيخ وله أدله
وهذا كلام الشيخ هنا
رجاءً أخواتي لا ينبغي أن نتكلم في هذه المسائل بآرائنا لكن ننقل كلام العلماء الثقات
نسأل الله أن يجعلنا ممن يستمعون القول فيتبعون أحسنه

[عز الاسلام ام حذيفه]

رد: سؤال مهم:هل التعليم في الجامعه حرام؟؟

اخواتي الغاليات احب ان اوضح لكن اننا نتكلم عن الحكم الشرعي لدخول مثل هذه الاماكن المختلطه فمثلا تعالوا نقف مع بعض على بعض الوقفات
هل هذا المكان لا يوجد فيه معاصي تماما ام انه يمتلئ بكل انواع المعاصي والمنكرات التي لا يستطيع اي قلب مهما كان ان يتحملها
وبعدين حبيباتي كيف تتدعةم انكن ممكن تامنوا على انفسكم الفتنه . فاي قلب يامن على نفسه الا يفتتن فنحن بعيدين عن هذه الاجواء وخايفين اشد الخوف من عدم الثبات . انا اتذكر في شريط للشيخ يعقوب كان بيقول انا لما بأظل ادعوا الله وانا في المواصلات ان لا تمر السياره من امام الجامعه خوفا من الفتنه وكان يقول ان اشد الناس بلاء هم طلاب الجامعه
والشيخ ابو اسحاق ابنائه تعلموا في الازهر
فانا مش بعارض التعليم ولكن ممكن يكون ممنا الطبيب والمهندس والمعلم والخ بس بيتعلم بما يتناسب مع الدين يعني الازهر فيه كل الكليات والمجالات دي ايه المانع ان كل واحده فينا تنوي انها لو اتيحت لها الفرصه ان تترك الجامعه ستتركها لله وانها ان رزقها الله باطفال ستجنبهم هذه الاماكن قدر المستطاع
اخواتي نحن نتكلم عن مشاعر معينه لازم تكون موجوده بداخلنا اننا نحاول بقدر المستطاع ان نتحرى في كل امر مالايغضب الله مش نمشي ورا الماشيين ؟ فنحن ابتعدنا كثيرا عن حياه اجدادنا الصالحين لذلك اصبح التزامنا ضعييف وسهل لنا الانتكاس واصبحت بيوتنا لا تدل على سمتنا وسمت الصالحين وافكارنا اصبحت ابعد بكثيير من الصالحيين
انا خالتي من الملتزمات القديمات جدا اللى كانوا ايام الفتن الشديده قوي كانت اول واحده تلبس النقاب في الجامعه وكانت لوحدها تركت كليه طب وجلست في البيت فكنت بسألها
فقالتي ان الملتزميين في مصر زمان كانوا لشدة التضييق عليهم من اشد الناس التزاما اما الان اصبح الملتزميين التزامهم ضعييف وافكارهم غريبه وعددهم كثير وقليل منهم الثابت على افكار السابقين وهؤلاء هم حقا الغرباء
حبيبتي لو بحثتي في معني الغربه ستجدي ان الغريب الذي مدحه رسول الله هو معناه انه لايوجد ربما في البلد الواحده الاواحد او اثنين هم من اهل الغربه حقا بين الملتزميين
فالغربه مش بتكون بين العوام العاديين ولكن الغربه الحقيقيه هى بين الملتزمين يعني واحد ملتزم غريب وسط الملتزمين بالتزامه الشديد
وعلى فكره حبيبتي انا في كليه عاديه مختلطه في صيله واتمني ان تتاح لى الفرصه لاتركها ولكني بحاول على قدر المستطاع ان لا اذهب الى الجامعه الا للضروره القصوى

[أم ليوث الجهاد]

رد: سؤال مهم:هل التعليم في الجامعه حرام؟؟

انا خالتي من الملتزمات القديمات جدا اللى كانوا ايام الفتن الشديده قوي كانت اول واحده تلبس النقاب في الجامعه وكانت لوحدها تركت كليه طب وجلست في البيت فكنت بسألها
فقالتي ان الملتزميين في مصر زمان كانوا لشدة التضييق عليهم من اشد الناس التزاما اما الان اصبح الملتزميين التزامهم ضعييف وافكارهم غريبه وعددهم كثير وقليل منهم الثابت على افكار السابقين وهؤلاء هم حقا الغرباء
حبيبتي لو بحثتي في معني الغربه ستجدي ان الغريب الذي مدحه رسول الله هو معناه انه لايوجد ربما في البلد الواحده الاواحد او اثنين هم من اهل الغربه حقا بين الملتزميين
فالغربه مش بتكون بين العوام العاديين ولكن الغربه الحقيقيه هى بين الملتزمين يعني واحد ملتزم غريب وسط الملتزمين بالتزامه الشديد

صدقت خالتك حفظها الله
الغربة الحقيقة فعلا تكون وسط الملتزميين ولا يشعر بها إلا الغريب فعلا , فاللهم ارزقنا الثبات
أعرف من تركت كلية الهندسة ومن عرفت بحرمة الإختلاط قبل دخول الجامعة فلم تدخلها واحتسبن هذا عند الله وغيرهن كثير ثبتهن الله
بارك الله فيكِ أختنا الفاضلة