طور ذاتك .. غير حياتك " متجدد "

[امة الرحمن/فاطمة]

رد: طور ذاتك .. غير حياتك " متجدد "

السلام عليكم ورحمة الله,

والله يا أخت فاطمه أنا حبيتك فى الله وأحسبك ممن حباهم الله بالقلب الطيب والاحساس المرهف وحسن التواصل,وأتمنى أن تقبلينى أخت وصديقه لكى,
على فكره أنا مش بعرف أستخدم الكوميوتر علشان كده مشاراكاتى محدوده,بس ربنا ييسر وأتعلم استخدامه.

(رضا الله عنك)

وعليكم السلام ورحمة الله وبركاته

اللهم آمين وإياكِ

ربنا يسترنا وإياكِ يا فاطمة

والله هذا ستر الله علينا

طبعا انتي أختي وصديقة كمان وفي أي وقت تحت أمرك

وربنا يكرمك بجد علي دعائك

فرضا الله يااااااااااه شئ جميل

ربنا يرضي عنا يارب

بس في إنتظارك أعرف رأيك في الدرسين

إنتي عرفتي تنزليهم ؟؟

وواحدة واحدة هتتعلمي انا السنة اللي فاتت كنت زيك كده جديدة علي النت والتعامل معاه وكنت خايبة خالص

الله المستعان هتتعلمي بإذن الله بس خليكِ معانا علطول بإذن الله وهتلاقي هنا أخوات كتير اللهم بارك عليهم هتسعدي بيهم بإذن الله

وياريت تدخلي القسم الخاص تتواصلي معانا أكتر وتتكلمي براحتك

في إنتظارك بإذن الله

[امة الرحمن/فاطمة]

رد: طور ذاتك .. غير حياتك " متجدد "

السلام عليكم ورحمة الله وبركاته

جزاك الله خيرا
وبارك الله فيك

وعليكم السلام ورحمة الله وبركاته

جزانا الله وإياكِ كل خير

وفيكِ بارك الله

رفع الله قدرك ..اللهم آمين

فاطمة / امة الرحمن
موضووووووووووعك اعجر عن وصفه انا غبت لفترة ولما رجعت لقيت مشاركات قمة
وكم يعجبني لو كنت في وقتها هنا لاعلق عن كل مشاركة
والحمد لله على كل حال


اما بالنسبة للاخت فاطمة الراضية بقضاء الله
فلا ازيد على كلام أخياتي
وكلام فاطمة جميييل جدااا ومؤثر كما تعودنا منها
وفقكنّ الله وكل من مر من هنا
ويسر أمورنا واموركم ورزقنا واياكم صبرا ورضى بالله وقضائه
فلا احلى على القلب من الرضى بالله


دمتن بـــــود

سترنا الله وإياكن ..اللهم آمين

بارك الله فيكِ باغية أسعدتيني

ورفع قدرك وجمعني بكِ في الفردوس الأعلي ..اللهم آمين

نفعنا الله وإياكِ بكل خير

[فاطمه مصطفى]

رد: طور ذاتك .. غير حياتك " متجدد "

السلام عليكم يا أخواتى ,

والله أنا سعيده جدااااااااااااااااااااااااااااااااااا !
تعرفوا ليه؟
لأن ربنا كرمنى بأخوات مثلكم,
كل أنسان فى الدنيا بيدور فى حياته على حد يفهمه ويستمع له من قلبه وينصحه بجد ويعيش معاه حزنه وهمه وفى نفس الوقت يشاركه أفراحه وأهتماماته ,
تعرفوا أوقات الانسان بيبقى وسط أهله اللى بيحبوه وبيقلقوا عليه بجد , وبتكون فى حاجه خنقاه ونفسه يبوح بيها ونفسه يصرخ من جواه ويقول لهم أنه تعبان ومش قادر يستحمل بس فى حاجه بتخليه ينفرد بنفسه ويقفل عليه أى باب ويبكى و يقول يارب انت عالم بحالى وغنى عن سؤالى ويدعى وهو خايف صوته حتى يخرج علشان محدش يسمعه ويسأله بتبكى ليه ومش بيبقى عاوز يقلق حد عليه أو يشيلهم هم,
وبعد كده بيبدأ يمر بمرحله يارب مش يشوفها أى مسلم,
وفجأه!!!!!!!!!!!!!!!!!!!!!!!!!!!!!1
ربنا يكرمه بأخوات زى العسل زيكم ,
عرفتوا بأه أنا سعيده ليه,

بحبكم فى الله ويارب ربنا يسعدكم دنيا وأخره زى ما أدخلتوا على قلبى السعاده

[~باغية الجنان العلى~]

رد: طور ذاتك .. غير حياتك " متجدد "

ااااااااااه يا فاطمة
عارفاها الحالة دي تماما

يسر الله لكِ ووفقكِ لمرضاته

[امة الرحمن/فاطمة]

رد: طور ذاتك .. غير حياتك " متجدد "

ربنا يسعدك دايما يا فاطمة يارب

ويربط علي قلبك ..اللهم آمين

وانا سعيدة إني ليه أخت زيك كده بجد

[فاطمة سعد]

رد: طور ذاتك .. غير حياتك " متجدد "

السلام عليكم يا أخواتى ,

والله أنا سعيده جدااااااااااااااااااااااااااااااااااا !
تعرفوا ليه؟
لأن ربنا كرمنى بأخوات مثلكم,
كل أنسان فى الدنيا بيدور فى حياته على حد يفهمه ويستمع له من قلبه وينصحه بجد ويعيش معاه حزنه وهمه وفى نفس الوقت يشاركه أفراحه وأهتماماته ,
تعرفوا أوقات الانسان بيبقى وسط أهله اللى بيحبوه وبيقلقوا عليه بجد , وبتكون فى حاجه خنقاه ونفسه يبوح بيها ونفسه يصرخ من جواه ويقول لهم أنه تعبان ومش قادر يستحمل بس فى حاجه بتخليه ينفرد بنفسه ويقفل عليه أى باب ويبكى و يقول يارب انت عالم بحالى وغنى عن سؤالى ويدعى وهو خايف صوته حتى يخرج علشان محدش يسمعه ويسأله بتبكى ليه ومش بيبقى عاوز يقلق حد عليه أو يشيلهم هم,
وبعد كده بيبدأ يمر بمرحله يارب مش يشوفها أى مسلم,
وفجأه!!!!!!!!!!!!!!!!!!!!!!!!!!!!!1
ربنا يكرمه بأخوات زى العسل زيكم ,
عرفتوا بأه أنا سعيده ليه,

بحبكم فى الله ويارب ربنا يسعدكم دنيا وأخره زى ما أدخلتوا على قلبى السعاده

وعليكم السلام ورحمة الله وبركاته

بارك الله فيك يا فاطمة

فعلا هذه الحالة عشتها كثيراااااااااا
والحمد لله على نعمه
احبك الرحمن اختنا

[فاطمه مصطفى]

رد: طور ذاتك .. غير حياتك " متجدد "

السلام عليكم ورحمة الله وبركاته,


والله يافاطمه أنا لسه مش سمعت التسجيلات , بس أوعدك أنى هسمعهم فى أقرب فرصه بأذن الله , أنا الحمد لله بجد راضيه بقضاء ربنا فى أى حاجه بتحصل لي , مش كلام والله , بس عم القدره على الرجوع لطبيعتى والشعور بالسعاده ده والله مش قنوط من رحمة ربنا (أستغفر الله) و لا عدم رضا كمان (كلنا ضيوف على الدنيا ولو عشنا حتى ألف سنه فده قضاء ربنا واليه المصير) , بس الذكريات الطيبه اللى بتمر بالانسان من بسمات و دمعات و صحه و مرض وقلق وبعده أطمئنان,اهتمامات وحاجات مشتركه كنتوا بتحبوها وحريصين عليها , عارفه يافاطمه لو فضلت أكتب العمر كله مش هعرف أعبر عن اللى جوايه بس أنا عندى احساس انك فاهمانى وشعورى واصل ليكى,فحسيت انى محتاجه اتقرب من ربنا اكتر وأكتر واللى مش قلته لحد قبلك برضه أنى الحمد لله نشأتى كانت دينيه وبحب ربنا ومؤمنه ان كل شئ ربنا بيعمله بقدر وحكمه ومهما كان تفكير الانسان عمره ما هيوصل للحكمه اللى من وراء الابتلاء,سيحان الله وسع كل شئ علما,بس عم القدره على الفرحه ده بعد فقدان حبيب رحمه فى القلب ومش معنى كده أنى مش هشارك فى الحياه أو هقفل على نفسى , بس بقى فى نوع من الحزن مدفون جوايه وعمرى ماهقدر أتغلب عليه, بس ربنا ادعوه أن يصبرنى على الابتلاء والحمد لله, على فكره شيخى وزوجى يرحمه الله كان طالب علم عند شيخنا الكريم الشيخ:مصطفى العدوى وكان القرءان ومنهج أهل السنه هو اساس حياته,اللهم اغفر له وارحمه واجعل له فى قبره راحة ونعيما وما بعده جنة خالدا فيها من غير حساب ولا سابقة عذاب وجدى وجدتى ومن أحببناهم فيك ومن أحببونا فيك وأمواتنا من نتذكرهم ومن أنسانيهم الشيطان وكل من أوصانى بالدعاء لشخص يعزه واموات المسلمين وأحسن خاتمتنا يارب,حبيبتى لا تنسينى من الدعاء.

[فاطمه مصطفى]

رد: طور ذاتك .. غير حياتك " متجدد "

الله يكرمك يااختاه


, صح أهم حاجه الصبر عند الابتلاء والدعاء لله بان يهون علينا ونتيقن انه قضاء الله ولا راد لقضائه وسبحانه يجعل فى قضائه رحمه دائما والأصعب هو تحقيق الشعور بالرضا على قضاء الله والثقه بأنه لا يرد دعوة داع اذا دعاه,فحقا الحمد لله على نعمة الاسلام , الدين الكريم القيم , الذى يمنحنا نعمة الأمل والرضا فأنما الدنيا هى دار كد وتعب وأبتلاء وأما الأخره هى الحيوان وفيها الراحه والنعيم,


اللهم أحسن خاتمتنا وأرحم من مات من أحبائنا وأدخلنا جنتك برحمتك التى وسعت كل شئ.

[امة الرحمن/فاطمة]

رد: طور ذاتك .. غير حياتك " متجدد "

أشعر بكِ يا فاطمة

ربنا يسعدك يارب في الآخرة بأن تجتمعوا معا في الفردوس الأعلي ..اللهم آمين


إنتي والله مأثرة فيه جامد جدا

وحاسة بمشاعرك جدا وفهماكِ

صعب جدااااا فراق الأحبة

لكن انا عيزاكِ تجهزي نفسك للقاء زوجك

فهمتيني

يعني زي ما انتي بتحبيه كده

تعملي علشان تتقابلوا في مكان واحد بإذن الله

عيزاكِ تسعديه وهو في قبره

وتخلي عمله مستمر علي قدر إستطاعتك

الرسول عليه الصلاة والسلام لم ينس خديجة أبدا ومكانتها كانت في قلبه حتي بعد ماماتت وتزوج عائشة وباقي زوجاته

واعترف إن مفيش حد هياخد مكانة خديجة


فدي مكانة الغاليين مش بتتنسي أبدا

لكن الرسول عليه الصلاة والسلام مش نسي الهدف من حياته والغاية اللي أرسل بيها

وعمل كتير

فانا خايفة حزنك ممكن الشيطان ياخده نقطة ويثبطك ويخليكِ تعيشي مع الحزن ده

انا مش بقولك انسيه لكن بقولك اعملي وجهزي نفسك زي ما كلنا بنجهز نفسنا

علشان ربنا أولا يكون فرحان بيكِ وزوجك كمان .. أسأل الله أن يتغمده بواسع رحمته وفضله اللهم آمين

وزي ماكان زوجك في الدنيا يكون في الآخرة كمان

فانا أحسبك إنسانة اللهم بارك عليكِ وطيبة وتحفظين العهد

وأخذتك أخت كبيرة لي ما رأيك ؟؟

حفظكِ الله

[فاطمه مصطفى]

رد: طور ذاتك .. غير حياتك " متجدد "

من غير ماتقولى ,


أنا أول ما قرأت ليكى موضوعك عن البسمه فى حياتنا,سبحان الله مؤلف القلوب , حسيت برغبه أنى اتقرب ليكى وأنا متاكده ان ربنا هو اللى أوجدك فى طريقى , والله الدنيا دى غريبه ياأختى , كل يوم تنطوى صفحه وتبدأ صفحه جديده , والله يافاطمه انا نفسى أبوح ليكى بهموم مقيدانى كتير , وأولها ظروف وفاة زوجى , أنا فرحانه انك متصله على النت دلوقت.

[امة الرحمن/فاطمة]

رد: طور ذاتك .. غير حياتك " متجدد "

وانا أسعد يا فاطمة جدا ويعلم ربي دخلت لما لقيتك

طيب ما تشتركِ في القسم الخاص ونتكلم براحتنا القسم مغلق يعني مش الكل بيشوفه غير أخوات لو ينفع تتكلمي

لو مش ينفع أتمني من ربنا يكون في تواصل

ونستمر في التواصل عبر المواضيع بقي

ربنا يبارك فيكِ يارب

[فاطمه مصطفى]

رد: طور ذاتك .. غير حياتك " متجدد "

السلام عليكم ورحمة الله وبركاته,


أختى الحبيبه,فاطمه


أنا مش عارفه يافاطمه,
لو ينفع ندخل فى القسم ده ياريت,بس أنا لقيته مغلق بالفعل,عرفينى وأنا معاكى ,نفسى أشوف رأيك فى مواضيع كتير,انت كلامك بيريحنى بشكل مش تتخيليه,عرفينى الطريقه وأكيد يسعدنى بلا شك.

[moslma lillah]

رد: طور ذاتك .. غير حياتك " متجدد "

حياكِ الله غاليتي فاطمة مصطفي
نورتي المنتدي والقسم
سعداء بوجودك معنا وسط اخواتك
أسأل الله أن بيننا جميعاً الأخوة والحب في الله

وفرج الله عنكِ كل كرب وهم وصبركِ علي فراق أحبابك وعوضكِ الله بخير كثير يارب
آآآآآمين

-------
بالنسبة لدخولك القسم الخاص فرجاء الدخول هنا :
قسم الأخوات الخاص وكيفية دخوله
واتبعي الخطوات واختنا المسئولة ستفتحه لكِ إن شاء الله

في انتظارك غاليتي

--------
وبارك الله في اختنا امة الرحمن فاطمة

[فاطمه مصطفى]

رد: طور ذاتك .. غير حياتك " متجدد "

جزاك الله خيرا يا أختى(مسلمه لله)


ربنا يكرمك على التوضيح,أثابكم الله على مجهودكم,ومتابعتكم الفوريه,وربنا يجعلكم من عباده الذين يستعملهم فى الخير وينور دربكم ويعينكم وينفع بكم ويجعله فى ميزان حسناتكم,


بارك الله فيكى يا أختاه

[امة الرحمن/فاطمة]

رد: طور ذاتك .. غير حياتك " متجدد "

في إنتظارك يا فاطمة في القسم بإذن الله

حفظكِ الله وأسعدكِ في الدارين ..اللهم آمين

__________

بارك الله فيكِ أختي مسلمة لله

ورفع قدرك اللهم آمين