تعالي شوفي <<**يوميات فلانة وعلانة**>> تابعيها يلاااااا

[أم يامن السلفية]

رد: تعالي شوفي &lt;&lt;**يوميات فلانة وعلانة**&gt;&gt; تابعيها يلاااااا

راااااااااائع
جزاكِ الله خيرااا أخيتى أم يامن
عودااااحميدااااا
افتقدناكِ كثيراااا
متابعين ان شاء الله

بارك الله فيكِ أخيتي
وأنا أفتقدت منتدانا الحبيب كله
جزيتِ الفردوس
تشرفني متابعتك أخيتي

[أم يامن السلفية]

رد: تعالي شوفي &lt;&lt;**يوميات فلانة وعلانة**&gt;&gt; تابعيها يلاااااا

فييييييين متابعات فلانة وعلانة
انتظرونا مع الحلقة الثالثة
مهمة جدا
تابعوها أخواتي

[فاطمة سعد]

رد: تعالي شوفي &lt;&lt;**يوميات فلانة وعلانة**&gt;&gt; تابعيها يلاااااا

اين انت اختنا ؟؟؟

عودا حميدا منتظرين علانة وفلانه

[أم يامن السلفية]

رد: تعالي شوفي &lt;&lt;**يوميات فلانة وعلانة**&gt;&gt; تابعيها يلاااااا

الحلقة الثالثة


علانة : السلام عليكم ..الحمد لله اني لقيتك.
فلانة: وعليكم السلام ورحمة الله وبركاته, خير يا بنتي في إيه؟
علانة: مكملناش كلامنا المرة اللي فاتت , وفي موضوع محيرني ومتغاظة جدا لأني باسمعه من ناس كتير اليومين دول.
فلانة: إيه هو يا ستي ؟
علانة: ناس كتير بتتهمنا وبتقول كنتوا فين من قبل الثورة ؟
فلانة: يعني إيه كنا فين مش معقول كنا لابسين طقية الإخفا..طبعا كنا موجودين وسط الناس فى الشوارع بنأدي واجبنا تجاه المجتمع وكانت لينا أنشطة كتير من دعوة وتربية وخدمات إجتماعية ..وحتى أيام الثورة نفسها شبابنا بفضل الله كان مشارك من البداية وفي أصعب أيامها كانوا بيقوموا بحماية الناس وتأمينهم والكل بيشهد لهم إنهم في الوقت اللي كان التجار بتحتكر السلع كانوا بيوفروا للناس لقمة العيش بأقل الأسعار وأحيانا مجانا.
علانة: أه فعلا عندك حق والكلام ده كلنا شوفناه على أرض الواقع .
فلانة: غير اننا قبل الثورة الناس كلها كانوا عارفين كنا فين ..زى مكانوا عارفين كل اللي كان بيقول كلمة حق كان بيروح فين..والحمد لله ربنا بين ده لكل الناس وشافوا تحت مقرات أمن الدولة سجون سرية ياما مات فيها شيوخ وشباب.
علانة: فى اتهامات كتير بتتوجه لينا ملهاش أي أساس ..عندك كمان ناس كتير بتتهمنا وتقول كنتوا زمان بتجرموا السياسة ودلوقت حلوة السياسة وشغالين فيها بكل طاقتكم..مش فاهمة النقطة دى.
فلانة: بصي يا ستي ..أولا أى علم فى الدنيا له جانب نظري وجانب تطبيقي ,والسياسة كعلم ليها جانب نظري وجانب تطبيقي اللي هو معناه الممارسة الفعلية للسياسة,فب الجانب النظري للسياسة إحنا كنا وما زلنا عندنا أحسن منهج سياسي
فى العالم كله اللي هو السياسة الشرعية المستمدة من السنة النبوية وعصور الخلافة الإسلامية , وكمان المجال واسع للإجتهاد فى العلم ده حسب المصالح والمفاسد يعنى ببساطة الإحتهاد ده بضوابط الشريعة.
علانة: كلام جميل..طيب والجانب التطبيقي.
فلانة: الجانب التطبيقي اللب هو الممارسة الفعلية للسياسة هي دي المشكلة..الشعب المصري كله كان عارف إيه اللي بيحصل من 30 سنة أو أكتر ,كلمة سياسة كانت مرادف لكلمة تزوير,تلاعب,محسوبية,والناس عارفين كويس المسرحيات الهزلية بتاعة إنتخابات مجلس الشعب والشورى ,إزاي كان ممكن نشارك فى انتخابات كانت محسومة من البداية لصالح ناس بعينهم كان مطلوب ينجحوا بأي طريقة بالتزوير , بالرشاوى, بالوسايط ,ولو سمحوا لأصوات إسلامية بيدوهم عدد
لا يذكر ومقاعد ملهاش لزمة.
علانة: عندك حق فعلا.
فلانة: لا ولسة النكتة الكبيرة إنتخابات الرئاسة , النظام السابق كان بيتخلص من أى خصم يقف أدامه بأي طريقة , والمصيبة أنها تتوصف بإنتخابات نزيهة وتسودها الشفافية والكلام الفارغ ده اللي لا يودي ولا يجيب , لا وإيه نسبة نعم كانت تكتسح الصناديق ، وتلاقي فى كشوف الناخبين أسامي ناس ماتت من أيام توت عنخ أمون ,لا مش كدة وبس , النظام السابق كان لا يمكن يسمح أبدا بمجرد تطبيق السياسة الشرعية لأنه عارف كويس جدا إنها ضد مصالحه.
علانة:كلام فارغ ..كانوا فاكرين انهم بيضحكوا على الشعب لكن كانوا بيضحكوا على نفسهم, علشان كدة بقى ناس كتير بتقول اننا كنا معتزلين السياسة.
فلانة: لا مينفعش نقول اننا كنا معتزلين السياسة ومجتنبنها بالكامل إحنا كنا مجتنبين المشاركة فى اللعبة البرلمانية لأنها كانت لعبة فاسدة , لكن مفيش أمر سياسي كان بيخالف السياسة الشرعية يعني يتعارض مع الشريعة إلا وكان لينا فيه موقف واضح ,كان لينا موقف تجاه كتير من السياسات زى سياسة الإعلام والتعليم والصحة وغيرها, والناس كلها عارفين اننا عيشنا طول عمرنا نأكد ونقول " إن الحكم إلا لله " وكتير من شيخونا وشبابنا دفعوا حياتهم تمن ليها .
علانة: كلام جميل أنا كدة فهمت .
فلانة: إسمعي كمان يا ستي المقطع ده للشيخ عبد المنعم الشحات فيه تفاصيل أكتر حتفيدك كتير.
http://www.salafvoice.com/sndlib/les...&from=lecturer
علانة: أكيد حسمعها.
فلانة: أسيبك تسمعيها ونكمل كلامنا بعدين أستأذنك,السلام عليكم.
علانة: وعليكم السلام ورحمة الله وبركاته.




يتبع إن شاء الله..
معا على طريق النور..

[فاطمة سعد]

رد: تعالي شوفي &lt;&lt;**يوميات فلانة وعلانة**&gt;&gt; تابعيها يلاااااا

وعليكم السلام ورحمة الله وبركاته

جهد رائع والحمد الله الافكاراتغيرت من بعد الثورة
تقبل الله منا ومنكم اختنا
وبعون الله هرجع اكمل باقى القراءة

[عودة الأندلس]

رد: تعالي شوفي &lt;&lt;**يوميات فلانة وعلانة**&gt;&gt; تابعيها يلاااااا

متابعين
ربنا يوفقك

[أم يامن السلفية]

رد: تعالي شوفي &lt;&lt;**يوميات فلانة وعلانة**&gt;&gt; تابعيها يلاااااا

FONT="Traditional Arabic"]الحلقة الرابعة
[/FONT]

علانة : السلام عليكم
فلانة : وعليكم السلام ورحمة الله وبركاته
علانة : فعلا مقطع الشيخ عبد المنعم رائع جدا فهمت حاجات كتير من خلاله بس لسه عندي أسئلة كتيره
فلانة : وإن شاء الله عندي إجاباتها ؛ اسألي يا ستي
علانة : مش فاهمة بقى ليه اتكونت أحزاب سياسيه اسلاميه
فلانة : بصي يا ستي حواليكي كده هتلاقي تكتلات كتيره أوي لأحزاب سياسيه ليبراليه وعلمانيه معاديه لكل ما هو إسلامي ..علشان كده بقى واجب علينا تكوين حزب سياسي يدافع عن منهجنا وتكون كلمتنا ليها صدى وتأثير وشرعيه في الدوله وبكده نقدر نحقق أهدافناونحافظ على مرجعية الشريعه الإسلاميه وهوية مصر الإسلاميه وبالتالي نحفظ كل الحقوق
علانه : طيب الكلام ده حكمه الشرعي إيه ؟
فلانة : بصي يا ستي .. الفقهاء القدامى متعرضوش لحكم تكوين الأحزاب السياسيه لأنه مكنش أمر حادث وقتها لكن الفقهاء المعاصرين اتعرضوا لحكم تكوين الأحزاب
منهم اللي قال إنه جائز لأنه وسيله لتحقيق الهدف ومنهم اللي قال غير جائز إذا كان سبب في تفرقة الأمه ..
لكن الراجح من آراء الفقهاء المعاصرين إنه جائز بل ومطلوب في وقت الحاجه إليه لحماية الهوية الإسلاميه
وكمان لأن التفرق المفهوم عنه هو التحزب المذموم وده اللي بيكون في أصل المنهج زي مثلا الإختلاف بين السنة والشيعة وكمن إذا كان فيه تعصب للأحزاب
علانه : كلام جميل أوي
فلانه : واتفضلي كمان يا ستي نص فتوى الشيخ ياسر برهامي في الانضمام لحزب النور

http://www.facebook.com/photo.php?fb...&type=1&ref=nf

علانة : ما شاء الله أنا اقتنعت جدا بس هتعبك كمان شويه في شوية أسئله محتاجه توضيح
فلانة : ولا تعب ولا حاجه يا ستي ؛ نكمل كلامنا المره الجايه إن شاء الله
السلام عليكم ورحمة الله وبركاته