اعمل ايه (ارجو المساعده)

[الايمان7]

انا فعلا عندى مشكله وعايزه ارائكم فيها
انا كنت بدخل احد المنتديات وكنت بكتب مواضيع فكاهيه وكنا شباب وبنات بنتناقش فيها
وقلت لصديقه ليا على المنتدى وبالفعل هى اشتركت فيه مثلى
وبعد كده معجبنيش الحال فى المنتدى لانى لقيت شاب بيقولى مره على الرسايل الخاصه انه بيحبنى
وعايزنى ابادله نفس الحب
وغيره اكتر من شخص
فقررت انى اترك المنتدى لانى حسيت فعلا ان ده غلط
وادركت وقتها انه من مساؤى الاختلاط
لكن انا مكلمتش حد فيه على التليفون ولا قابلت حد
وبالفعل تركت المنتدى
لكن صديقتى رفضت انها تتركه
وانا كل ما اقابلها اتناقش معاها انها تتركه(لان انا السبب فى اشتراكها فيه وربنا هيعاقبنى لانى دليتها على شىء غلط)لكن هى بترفض دايما وبيوصل بينا النقاش الى خناقه فى الاخر
ودلوقت هى احبت شخص من المنتدى ده وعايزه كمان تقابله

انا حاسه ان انا السبب
حاسه بعذاب الضمير
حاسه ان ربنا هيعاقبنى لان الدال على الشر كفاعله
اعمل ايه علشان اريح ضميرى

[مسلمة سلفية]

رد: اعمل ايه (ارجو المساعده)

حبيبتى فى الله
ما انتى فيه الان اول خطوة من خطوات التوبة الصادقة ان شاء الله
الندم
لكن انتى لازلتى على اول خطوات
الطريق الى الله
لذلك نصيحتى لكى والتى اتمنى ان تعملى بها هى شيئان الاولى
ان تتركى هذه الاخت الان وتنشغلى بنفسك فربما تجرك معها الى الطريق ثانية ولا تدعى انكى اقوى من ذلك فكلنا مر بما تمرين به
الشىء الثانى ان كنتى فعلا عاوزة تسعديها هتعملى حاجتين تدعى لها ربنا يهديها وتعطى لها شريط مجرد علاقة بريئة للدكتور حازم حفظه الله ونفع به
دا كل اللى تقدرى عليه
ولو احتاجتى اى شىء هتلقينى ان شاء الله فى خدمتك
ربنا يهدينا ويهديك

[seha]

رد: اعمل ايه (ارجو المساعده)

أختي في الله أنصحك أنك تكثري الدعاء لها بالهداية
إن صدقت مع الله سيصدقك

[الحقني بالصالحين]

رد: اعمل ايه (ارجو المساعده)

أختي فعلا فأنتي الان في بداية التوبة النصوح الصادقة
ففعلا مث ماقالت لكي الاخت سلفية انشغلي بتوبتك واستغفراك وعزمك علي عدم العودة للذنوب ومعصية الله
واما بالنسبة لصديقتك فكل انسان رقيب اختي علي نفسه ولاتزر وزارة وزر اخري
فانتي نصحتيها أكثر من مرة ولكن سؤالي هل اذقتيها حلاوة التوبة والايمان مثل التي انت تذوقتيها ؟؟؟
اعطي لها مثلا رابط منتدانا وهي ان شااءلله ان واثقة انها حاتندمج في هذا المنتدي ومعانا
لانها حتي الان لم تنمدج مع صحبة صالحة انما هي مع اصدقاء السوء
"والمرءعلي دين خليليه"
لانها ستري قصص لاخوات تائبات ودروس للتائبات والعائدون الي الله
وانا واثقة ان شااءلله انها ستتذوق حلاوة الايمان والالتزام والتوبة الصادقة
وبعدين اختي خذيها معاكي واحدة واحدة بالترغيب تارة والبترهيب تارة اخري
خذيها معاكي دروس الي المسجد
ذكريها ماذا ستقول
الي الله بعد موتها ؟؟؟؟
اختي هي من حقها عليكي ان" تأمريها بالمعروف وتنهيها عن المنكر"
يااما بيدك ،ام بلسانك ام بالقلب وهذا اضعف الايمان
وهذا ليس قولي اختي ولكنه قول حبيبنا المصطفي عليه الصلاة والسلام

واليكي موضعين انا واثقة اني حاتستفادي منهم ان شااءلله
وبالتالي ساتفيدي صحبتك
لانه يوجد فيه قصص لاخوة واخوات عائدون وتائبون الي الله
وهي والله قصص حقيقية
من دروس الشيخ محمد الصاوي د.محمد العريفي
احدهما أختي بعنوان هلمي أختاااااااااه في الروضة هنااااا
والاخر في القسم الخاص بعنوان هل طرقت الباب؟



الله المستعان
اللهم اني ابلغت الله مااشهد

[الايمان7]

رد: اعمل ايه (ارجو المساعده)

شكرا ليكم جميعا اخواتى
ربنا يجعله فى ميزان حسناتكم

[يمامة المسجد]

رد: اعمل ايه (ارجو المساعده)

حبيبتي هذه تجربة من تجارب الحياة وواجبنا ان نستفيد من أخطائنا

أما بالنسبة للإثم : فعليك ان تستغفري الله وتكثري من الطاعة وتجتهدي في العبادة

وبدل أنتي قد نصحتيها


وبرأتي زمتك منها

نرجوا من الله ألا تأثمي بهذا وأن يغفر لك

وياريت تدعي 10 مثلا ً لهذا المنتدى وتجتهدي في تعويض هذا الموضوع

[الايمان7]

رد: اعمل ايه (ارجو المساعده)

انا فعلا دعيت 10 اخوات الى المنتدى هنا
واسال الله ان يستجيبوا لدعائى