Tweet
بسم الله والصلاة والسلام على رسول الله
انا يابنات كل شوية الاقى مواضيع بنات وستات نفسهم يلبسوا النقاب بس عايزين حد يشجعهم
وانا كنت كتبت قصتى فى موضوع اخت هنا كانت عملاه فقررت اجمعها فى موضوع واحد لعلها تكون عظة وتشجيع لواحدة هنا فى المنتدى
وربنا يثبتنا جميعا ياااااااااارب
وانا كنت كتبت قصتى فى موضوع اخت هنا كانت عملاه فقررت اجمعها فى موضوع واحد لعلها تكون عظة وتشجيع لواحدة هنا فى المنتدى
وربنا يثبتنا جميعا ياااااااااارب
نبتدى القصة من الاول
انا من زمان وانا بحب النقاب والمنتقبين فلما بدءت اسمع القنوات الدينية بدأت اغير فى نفسى كتيريعنى بطلت بفضل الله الاغانى والافلام والمسلسلات وكل الكلام ده وابتديت اطول الطرحة شوية ولبست الاسدال وفكرت فى النقاب كان شيوخ كتير جدااا على القنوات الدينية بيقولو انه فرض ففكرت فى الامر وخوفت بصراحة اموت ويطلع فرض ساعتها هعمل ايه بصوا انا مش جاية افتى واقول انه فرض ولا مش فرض انا بحكى على اللى دار بينى وبين نفسى وعلى حكايتى الشخصية المهم كلمت بابا فى الموضوع ورفض بشدةةةةةة بدءت ازن على دماغه وهو ابداااااااااا وكان بيبهدلنى لما افتح الكلام فى الموضوع ده لحد ماسبحان الله كل ماافتح القنوات الدينية الاقى واحدة بتشتكى انا عايزة البس النقاب واهلى مش موافقين يقول الشيخ ارضى ربك وارضى والديك بردو فكرت وقلت صح هو ده الكلام ابتديت اعاملهم كويس جدا جدا وفى نفس الوقت بزن فى موضوع النقاب ولحد مافى يوم اتخنقت جدااااااااااااااا
وقلت لنفسى انا ليه كدة انا ليه مش قادرة اخد قرار للدرجة دى انا حبى لربنا مش هازز قلبى وابتديت ابكى ابكى اوووووووووووى بحرقة وفى اليوم ده بابا بهدلنى على موضوع النقاب وقعد يقولى انا هخلى عيشتك سودة طول ماانت بتفكرى فى الموضوع ده وكلام من ده كتيييير فى اليوم ده مصلتش العشا والساعة جت 4 قبل الفجر اتوضيت وصليت العشا وبقيت ابكى وانا بصلى مش قادرة اتكلم من البكى وادعى لربنا فى السجود وبعد الصلاة كان فى التلت الاخير من الليل وبكاء ودعاء مش قادرة اوصفهولك
لحد تانى يوم صحيت لقيت اختى بتصحينى وتقولى قومى فى عريس عارفة ان دة مش وقته بس بقول يعنى للبنات اللى فاكرين مدام غطيتى وشك خلاص العرسان هيجرو ولقتنى بتكلم مع بابا فى الموضوع واتكلمت كلام اول مرة فى عمرى اتكلم كدة باللباقة دى ولقيته الحمد لله بيقولى خلاص يابنتى اعملى اللى تعمليه والله مامصدقة ايه ده انا سمعت ولا دة تهيأت نزلت بوست ايده وراسه واختى قعدت تحضن فيه وتبوس فيه مش مصدقين نفسنا وخلاص بقى قعدت اربع ايام لبساه وخلاص الدنيا بقت وردى ولااقى اللى حصل ايه ؟
روحنا فرح بنت عمى بقىوالكل اتفاجأبيه وفيه اللى رحب بالموضوع وفيه اللى كان هيولع فيه
ولقيت بقى ميييييييين اوبااااااااااا ابن عمى الله لايوريكم على اللى عملو فيه بعد الفرحجه عندى البيت اه نسيت اقولكم وانا راجعة من الفرح بابا قالى اعملى حسابك انك هتقلعى النقاب ده احنا مش ناقصين مشاكل قولتله لا يابابا مستحيل قالى هتعملى اللى بقولك عليه رجعت البيت وانا مزهولة مش مصدقة ازاى هقلعه لا لايمكن ابدا وجه ابن عمى البيت عندنا وقعد يتكلم معايا انى اقلعه وكدة والشيطان كمان اول مالبسته كان مكرهنى فيه جدااااااااااااا فبقيت مع كلام الشيطان وكلام ابن عمى قولتله خلاص ماشى وفعلا قلعته وقعدت ابكى فى اليوم ده ايه اللى انا عملته ده ازاى انا عملت كدة والبيت كله كان فرحان انى قلعته سبحان الله ماعدا اختى وجه تانى يوم لقيت على فتاوى الناس واحدة بتسأل الشيخ انا عايزة اقلع النقاب قالها انه فرض ولا يجوز ساعتها بكيت اوى ورجعت فى كلامى وقلت لا مش هقلعه وقلت لبابا كدة قالى هو كلام عيال لا هتقلعيه وصممت وهو صمم وكان يومها دخلة بنت عمى اليوم اللى قبله كانت الحنة وكلهم راحو الفرح وسابونى فى البيت وقالى جامعتك ومعهدك القرانى وخروجك من البيت فى كافة والنقاب فى كافة قلت بردو مش خارجة من غيره واتصلو بيه واثروعلية ومع وساوس الشيطان خرجت وخلاص كدة يبقى قلعته وعشت حياتى عادى
المهم بعد شهور كدة رجعت افكر فى الامر تانى بس بجد وبعزم وبقيت اسمع كتيييييييير اوى عن النقاب وقصص المنتقبات وابكى اوى واد ايه المنتقبة فى نعمة وجزئها ايه عند ربنا وهى حامية نفسها نظرة الشباب ليها وهكذا وبصراحة قولت حتى لو مش فرض فهو قربة الى الله وهيخلينى اقرب الى ربنا اكتر واكتر وفى يوم قبل رمضان بيوم اليوم اللى هنتسحر فيه عشان صابح رمضان نمت وحلمت انى لبسة النقاب وفى ناس عيزين يأذونى اللى اهلى خايفين منهم تبع الحكومة اكيد عرفتوهم وامى قالتلى فى الحلم استخبى ورايا يابنتى ليشفوكى قولتلها لا ياامى مش هستخبى وسبحان الله الناس دول مشيو ولا كأنهم شيفنى خالص مشيت حبة كمان لقيت واحد مسكنى قالى انت لبستى النقاب ليه قولتله لانى بحبه اوى وهو احترام للبنت ضحكلى وقالى طيب روحى والله يابنات وبعدين دخلت الشارع بتاعنا كان كله ضلمة اول مادخلت بالنقاب الشارع نور والله والناس كلها كانت صاحية وقاعدة برا فى الشارع فرحااااانة اوى وكانو بردو فى الحلم طالعين مستنيين السحور ودخلت بيتنا وانا لبساه وبابا شافنى ومقليش حاجة اه وفى الحلم بردو كان الهوا عمال يطير النقاب وانا مسكاه اوى عشان ميطرش ويبان وشى وصحت من النوم وانا فرحانة وحكيت لبابا الحلم قالى ابقى اتغطى قبل ماتنامى
وقبلها كنت ممهدلهمانى هلبسه وكانو بيقلولى اه دة فى المشمش والكلام ده وفعلا كنت مقررة انى هلبسه وبعديها ربنا رزقنى بمحاضرة للشيخ حازم شومان ربنا يبارك فى عمره يااااااااااااااااااارب اسمها انت غالية اوى اعمللها سيرش عالنت هتلاقيها بجد محاضرة ملهاش حل واخواتى كانو قاعدين بيسمعو معايا وكانو متغاظين منه بشكل عشان كان بيحس البنات على التعفف ولبسالنقاب وكدة وانا قاعدة هموت من الانبساط وقعد يقول البسى النقاب حتى لو اهلك رفضوه حتى لو حرموكى من الجامعة بيعى الدنيا واشترى الاخرة يابنتى وقطرة على قطرة تتفتت الصخرة اهلك اخر مايزهقو هيقلولك البسيه وكلام من ده انت اساسا اول ماتسمعى المحاضرة مش هتستنى حد يقولك البسيه وفعلا بقى قرررررررت قرار نهااااااااااائى ولبسته من وراهم وخرجت بيه وبعديها بيومين قولتلهم وعينك ماتشوف الا النور ههبهدلة وتهزىء وشتايم واهانات كأنك عملتى عملة وحرمان من الخروج خاااااااااااااااااااااااااااالص ومجلس العيلة المتحدة اجتمع وجبلى تخيلى مين يقنعنى دكتور الجامعة اه والله اصله يبقى صاحب بابا بردو وبييجى عندنا البيت المهم كان قاعد يولعها يعنى وجابلى ناس الدنيا والاخرة وانا ابدااااااااااا مقلعهوش يابابا مقلعهوش يابابا الموضوع ده قعد شهرمن اخر رمضان لحد اخر شوال وعمى كل يوموالتانى عندنا يقنع فية وانا ابداااااااااااااااا وبقيت ابكى لربنا اوى وادعى واقيم الليل وانا ببكى واستغفر بنية ان ربنا ييسرلى الامر ده واقرء قران والله والله كنت كل لما افتح القران الاقى ربنا يقولى حاجة فى المصحف رسايل ربنا كتييييييييييير اوى كانت بتصبرنى كنت الاقى "ألا إن نصر الله قريب" وكمان "ولا تهنوا ولا تحزنوا وأنتم الأعلون أن كنتم مؤمنين" وغيرها كتييييييييييير بس انا مش فاكرة وبابا كان يقعد يقولى مش هتلبسيه الا لما اموت اول يوم موتى وكلام من ده ويحلف ويقولولى حتى لو طلعتى السماء برجليكى ابوكى مش هيوافق بردو اقولهم انا مش هيأس من رحمة ربنا ربنا كبير اكيد هينصرنى قلوب العباد بين ايادى الرحمن اكيد هيحنن قلب ابى علية وكانو تخيلى بيستهزءو بكلامى اه والله
ومرت اياااااام وانا فى الحال ده وكل يوم على نفس الموال لحد ماعمى جه فى يوم ومرات عمى وقالو لبابا انه يوافق وخلاص عشان دراستى ومستقبلى وكدة وبابا ابدا لا يعنى لا وقعدو يتكلمو كلهم والبيت كله كان قاعد والدنيا كلها كانت ضدى وكل مايحاولو يقنعو فيه اسكت وافتكر ربنا واقول معقول اقلعه طب ازاى هقابل امنا عائشة ازاى وهقولها ايه انا ضعفت ادام اهلى عشان ايه عشان الكلية ملعون ابو التعليم اللى يخسرنى نقابى وقلت لا كلهم طلعو فيه اكلونى مقدرتش امسك نفسى ولقتنى بعيط جامد اوى زد فى العياط وصلت لمرحلة ان جالى تشنجات جامدة اوى وايدى مكنتش بتتحرك من شدة اعصابى مش قادرة اقلعه ياناس سبونى فى حالى مش عايزة تعليم بس سبونى فى حالى انا تعبت 15 يوم عالحال ده لو جبل كان اتهد وبدءو يهدو فيه ويقرءولى قران وكدة لحد ماهديت وايدى ابتدت تفك شوية بشوية وخلاص على كدة بس بردو بابا اذداد رفض للموضوع اكتر واكتر تانى يوم عمى جه وقالى اديكى شوفتى اللى حصل امبارح ابوكى مش هيوافق مهما حصل وقعد يتكلم معايا كتييييييييييييير اوووووووووووووى وانا اقوله ربنا يسهل ربنا يسهل لحد مامشى وقولت والله لو رئيس امريكا نفسه جه مش هقلعه يعنى مش هقلعه ونسايب اخويا محمد كمان اتصلو يقنعو فيه والله كان ناقص يبعتو لاوباما يكلمنى وانا بردو مش هقلعوووووووووووووووو
وجه بقى بابا استنفذ كل محاولاته وفى يوم قالى يالا عشان تخرجى معايا قلتله مش عايزة اخرج ياباا قالى هتخرجى قولتله لو خرجت هخرج بالنقاب قالى على جثتى قولتله يبقى مش هخرج وقعد يشد فيه بالعافية عشان اخرج المهم ماما جت وحاشت عنى وكدة وكل يوم بقى يقولى نفس الكلام والاقى حد ينقذنى لحد ماجه يوم النجدة العالمى والموت العالمى بردو
اليوم ده بقى بابا قالى انا صبرت عليكى كتير هتخرجى النهاردة يعنى هتخرجى قلت لااااااااااااااا بكل ماتحمله المعنى من معانى مش هى بتتقال كدة بردو المهم وحاولت اقاوم مفيش فايدة شدنى بالعافية وكان هيخرجنى بهدوم البيت اصل بابا لما بيتعصب مبيشوفش ادامه مع انه حنين اوى والله ماعلينا المهم قعدو يقنعو فيه وهو ابدا هتخرج يعنى هتخرج انا صبرت عليها كتير وانا بردو مش موافقة نزل علية بالعكاز ضرب وانا بردو مش راضية جبنى من شعرى وانا بردو لا ضبنى بالمنفضة مفيش فايدة لوى دراعى وكان هيكسرو ابداااااا اخر مازهق جاب ماسورة حديد وكان هيضربنى بيها يموتنى وماما تحوش مش قادرة عليه ومرات اخويا بقيت تعيييييييييط علية وتقولى البسى الاسدال واخرجى معاه حرام عليكى نفسك قولتلها سبوه يموتنى وارتاح انا مش هعصى ربنا واقلعه كفاية مرة انا تعبت قامت مجرجرانى وبعدانى بعيد عنه وجارتنا جت تكلمنى وكدة وانا قاعدة ورب الكعبة معرفش الفكرة دى جت فى دماغى تذكرت الاية الكريمة اللى بتقول فمن اضطر غير باغ ولا عاد فلا اثم عليه يعنى انا مضطرة انى اخرج من غيره يعنى مفيش وزر بس ايه مكنش فى نيتى انى اقلعه دة بس المرة دى بس عشان يسكوتو عنى لقتنى سكت مرة واحدة وطلعت لبست الاسدال ونزلت وانا دموعى مغرقة وشى مش قادرة اخطى عتبة البابا ووشى مكشوف للى رايح واللى جاى وفتشنى وانا خارجة احسن اكون شيلاه هنا ولا هنا وخرجت معاه وعمالة ابكىىىىىىىىىىىىىىى مش قادرة اتحمل حد ينظر لية وانا دافسة راسى فى الاسدال المهم مشانى شوية كدة ورجعنا تانى انا عارفة انكم هتستغربو هو فاكر يعنى بالخروجة دى ان خلاص كدة يبقى انا قلعته لكن لا وخلاص رجعت وهدى الموضوع والكل افتكر انى قلعته لكن............
اليوم ده بقى بابا قالى انا صبرت عليكى كتير هتخرجى النهاردة يعنى هتخرجى قلت لااااااااااااااا بكل ماتحمله المعنى من معانى مش هى بتتقال كدة بردو المهم وحاولت اقاوم مفيش فايدة شدنى بالعافية وكان هيخرجنى بهدوم البيت اصل بابا لما بيتعصب مبيشوفش ادامه مع انه حنين اوى والله ماعلينا المهم قعدو يقنعو فيه وهو ابدا هتخرج يعنى هتخرج انا صبرت عليها كتير وانا بردو مش موافقة نزل علية بالعكاز ضرب وانا بردو مش راضية جبنى من شعرى وانا بردو لا ضبنى بالمنفضة مفيش فايدة لوى دراعى وكان هيكسرو ابداااااا اخر مازهق جاب ماسورة حديد وكان هيضربنى بيها يموتنى وماما تحوش مش قادرة عليه ومرات اخويا بقيت تعيييييييييط علية وتقولى البسى الاسدال واخرجى معاه حرام عليكى نفسك قولتلها سبوه يموتنى وارتاح انا مش هعصى ربنا واقلعه كفاية مرة انا تعبت قامت مجرجرانى وبعدانى بعيد عنه وجارتنا جت تكلمنى وكدة وانا قاعدة ورب الكعبة معرفش الفكرة دى جت فى دماغى تذكرت الاية الكريمة اللى بتقول فمن اضطر غير باغ ولا عاد فلا اثم عليه يعنى انا مضطرة انى اخرج من غيره يعنى مفيش وزر بس ايه مكنش فى نيتى انى اقلعه دة بس المرة دى بس عشان يسكوتو عنى لقتنى سكت مرة واحدة وطلعت لبست الاسدال ونزلت وانا دموعى مغرقة وشى مش قادرة اخطى عتبة البابا ووشى مكشوف للى رايح واللى جاى وفتشنى وانا خارجة احسن اكون شيلاه هنا ولا هنا وخرجت معاه وعمالة ابكىىىىىىىىىىىىىىى مش قادرة اتحمل حد ينظر لية وانا دافسة راسى فى الاسدال المهم مشانى شوية كدة ورجعنا تانى انا عارفة انكم هتستغربو هو فاكر يعنى بالخروجة دى ان خلاص كدة يبقى انا قلعته لكن لا وخلاص رجعت وهدى الموضوع والكل افتكر انى قلعته لكن............
الكل بقى فرحان ومبسوط فاكر انى قلعته واختى كانت بتعيط فاكرة اننا قلعته بردو لكن انا طمنتها وقلتلها انا مقلعتوش وفرحت جداااااااا على فكرة اختى دى عندها 15 سنة بس ما شاء الله عليها يعنى المهم ابويا بعدها زى مايكون حس بالندم ايه اللى عمله فيه ده وقعدو يقولو خلاص بقى قلعت النقاب قلتلهم مين قالكم كدة انا مقلعتوش كلهم صعوعقو معقول بعد كل اللى حصلك دة انت ايه مبتحسيش لكن كله كان بفضل الله عليه ومنته هو اللى كان مدينى القوة دى وعرفتهم كلهم انى مش هقلعه وكدة وبابا كمان عرف وجت احداث السيدة عائشة لما الشييعين سبوها وكدة وبقيت اكلم امى واقولها ياامى ينفع كدة بقى كل البنات دلوقتى بيتحجبو وبيلبسو النقاب نصرة للسيدة عائشة وانا اللى اقلعه المهم كلمتها كتير انا واختى لحد مااقنعناها وفعلا بدأت تكلم بابا وتقنعه بالنقاب لكنه كان رافض بشدة بقيت ادعى لربنا اكتر واكتر لانى كنت تعبت تعبت فعلا لدرجة لا يتخيلها بشر وبقيت ائنب فى ابى واقوله كدة بقى كنت عايز تموتنى يقولى ما انت اللى نرفزتينى وصعبت عليه وكدة وفى يوم واحنا قاعدين قولتله يابابا فرح قلبى بقى خلينى اخرج زى البنات واروح معهدى القرانى وكليتى يقولى هو انا منعك ماتخرجى بس من غير نقاب قولتله يعنى انت بتقولى اخرجى بس لو خرجتى هتتقتلى ازاى ده وبكيت جدااااااا وقولتلهم حرام عليكم دة لو يهود عايشين معايا كان زمانهم حسو بيه معرفش انا قولت الكلمة دى ازاى وسبتهم ودخلت الاودة وقعدت اعيط اوووووووووووووى وهو طلع الدور التانى واختى ورااااااااااه لقيتها نازلة بتتقولى بابا وافق مبقتش مصدقة ودانى ياالله يالله معقول اللى انا بسمعه ده زدت فى البكاء من فرحتى ونزلت سجدت لله شكر وانا ببكى وكان اسعد يوم فى عمرى كلللللللللللللله ومن ساعتها ابتدت حياتى احلى حياة الحمد لله
وروحت كليتى وروحت معهدى والحمد لله بحفظ قران دلوقت وربنا كرمنى جدا والعرسان بقت تجيلى كتيييييييييييييير جدا اقسم بالله العلى العظيم اننا وصلت لمرحلة ان كان بيجيلى بالعريسين فى الاسبوع الواحد والله والله والحمد لله ربنا كرمنى اخر كرم واهلى رضيو علية دلوقت ومبسوطة فى كليتى ومعهدى وادعولى بقى ربنا يوفقنى فى العريس الجاى متقروش بس قولو ماشاء الله وبجد اسفة جداااااااااااااااااا على الاطالة انا كدة حكيت بالتفصيل الممل ادعولى بقى ان ربنا يوفقنى وييسرلى امورى وينجحنى انا عارفة انى طماعة بس انتو قلبكو كبير
منقول
تعليق