انا هقلع النقاب..!!!

[أمة الله 91]

رد: انا هقلع النقاب..!!!

تفضلي يا أختي هذه المادة الصوتية للشيخ أيمن صيدح
ستر الله علينا وعليكِ

[أميرة بإسلامي2]

رد: انا هقلع النقاب..!!!

السلام عليكم ورحمة الله وبركاته
اختاه اثبتى ارجعى عن قرارك
فوالله ستندمين ولكن فى يوم لا ينفع فيه الندم اختاه اتقى الله والله ستتذكرين هذه الكلمات ولكن يوم القيامة لن تستطيعى ان ترجعى الى الدنيا لتغيرى قرارك ولا حول ولا قوة الا بالله
اختاه اتذكرى انك تفعلين شيئا يغضب الله عز وجل
اختاه هل تشعرين ان النقاب يقيدك اذا انت تريدين ان تفعلى شيئ يغضب الله لان النقاب يعطى الجميع الفتيات الحرية
فانت اكيد تريدين ان تفعلى شيئ لا يليق بالمنتقبات اذا هذا الشيئ من المنكرات
اختاه لعلك اخذت هذا القرار وعندما تخلعيه تموتين فى نفسالوقت
بالله عليك ما ستقولين لله عز وجل ؟؟؟؟؟؟؟!!!!!!!!!!!
اختاه اليك بعض النصائح لتقوية ايمانك
صلى قيام الليل وادعى الله ان يثبتك وان يحبب اليك الايمان ويكره اليك الكفر والفسوق والعصيان
اختاه استغفرى الله كثيرا واعتصمى بحبل الله
ابتعدى عن المنكرات وافعلى الطاعات فباذن الله يقوى ايمانك وترجعين عن هذا القرار

اختاه نقبك حياؤك
والحياء من الايمان والايمان فى الجنة
فعندما تخلعين نقابك فقد خدشت حياؤك
اختاه بنقابك ملكة وجبل شامخ لا يخاف من احد لا رب العالمين
وتذكرى ان يدك ستشهد عليك يوم القيامة بانك خلعت النقاب اااااااااااه ماذا ستقولين ليدك يومها

اختاه انا الحمدلله ارتديت النقاب وانا عمرى 10 سنين ونصف وما زلت افتخر بنقابى وشعارى نحرى دون نقابى

اخاتاه اليك هذا المقطع ولكن يجب ان تسمعيه لانه قد يغير قرارك نهاااااااااااائى

http://www.youtube.com/watch?v=WFLFyoyluwI
الا ان سلعة الله غالية
اختاه
والسلام عليكم ورحمة الله وبركاته

[عودة حق]

رد: انا هقلع النقاب..!!!




اختى فالله

النقاب ده نعمه ليكى


وفى ناس ملتزمه وكل حاجه لكن



مش لبسه النقاب



وفى ناس لبسه النقاب لكن ...............






اختى .. ارجوكى لاتدعى الشيطان يتغلب عليكى .


اختى.. النقاب اطهر لكى .



نقابك اختى ........




لا تنزعيه


عفافك لا تفقد يه



حياؤيك لا تسلبيه انه وقار



انه حشمه


وطهاره وتقى

ثبتكى الله اختى على ما يحبه لكى ويرضاه .

[يمامة المسجد]

رد: انا هقلع النقاب..!!!

غاليتي أنت عارفة إنك كتبتي الموضوع لأن لسة فيه أمل داخلك متمسك بالنقاب

لأنك حباه وهو غالي عليك بس الدنيا غراك ونفسك تنطلقي

أنا عايزة أفكرك بالسبب اللي انت لبستي النقاب عشانه

ياريتك تراجعي الذكريات الجميلة دي

وبقدملك الموضوع ده

شكلي من غير نقاب وحشني

بس عايزة أسالك سؤال ... إنت بتقولي انك مش قادرة تكوني كويسة أد النقاب فهل الحل إنك تخلعيه ... ياترى هتكوني كويسة لما تخلعيه وياترى هتزيدي لما تخلعيه ولا هيبدأ سلسلة التنازلات ... اللي مش هتنتهي لأنك لو لم تزيدي فاعرفي أنك بتنقصي

إنت حاسة انه مقيدك بس صدقيني مش هو اللي مقيدك دي الشريعة اللي بتحدنا لأن فيه حلال وفيه حرام

وأكيد حتى لو خلعتيه إنت مش هتعملي الحرام

ولا إيه يا غالية ؟؟؟

ادعي الله أن يثبتك يا غالية

ادعيله وقربيله وابكي بن يديه

فمهما بعدنا صدقيني لازم هنقربله تاني لأننا ملناش غيره

[المحبة والمنتقبة لله]

رد: انا هقلع النقاب..!!!

والله يا اختى الكريمة انا لبسته من تلقاء نفسى مفيش حد غصبنى عليه
ولكن ربنا سبحانه وتعالى هدانى انى البسه والحمد لله لبسته بفضل من الله سبحانه واللى شجعنى اكتر ان اختى الاكبر عايزة تلبسه والحمد لله لبسته
اما الدراسه فكل زميلاتى قالولى ليه دا انتى لسه صغيرة اخلعيه
والمدرسه افرض دخلتى كليه هتعملى ايه والكلام دا بس الحمد لله ربنا
ثبتنى ولم ابالى بكلام اى واحدة منهن والحمد لله فى بنات كثير انتقبت
وفى واحدة بعدى بيومين انتقبت ودلوقتى 3 بنات فى الفصل وان شاء
الله يكون اكتر من كدة
جزاك الله خيرا

[جٌاسمين]

رد: انا هقلع النقاب..!!!

اولا جزاكن الله خيرا اخواتي : اللؤلؤه المكنونه- الاميره جودي- الاخت علياء- بنقابي ارضي ربي..جزاكِ الله خيرا علي دعائك ارجو الا تنسيني في صلاتك

المحبه والمنتقبه لله- امه الله - محبة نصر السنه - بنقابي سعادتي وهنائي ..الله يجعل مثواك الجنه

تائبه للرحمن -محمد قدوتي ..انا ايضا احبك في الله يااختي ،،، الاخت ايمان -ملكه بالتزامي- اميره باسلامي -عودة حق

جزاكن ربي خيرا لردكم الحمد لله ان لسه في اخوات زيكو

اما انتي يايمامة المسجد فقد اوجعتيني وابكيتيني بكاءا شديدا ..نعم تذكرت تلك الذكريات وما زلت اذكر ذلك اليوم الذي ارتديته فيه ولمن ارتديته و لاجل من تركت الدنيا وما فيها...

انا زيكو بالظبط عانيت كتير مع اهلي عشان البس النقاب.. ولما كنت بشوف اخت منتقبه كانت دموعي بتنهمر لوحدها من شدة شوقي اليه..

اخواتي انا ليا موضوع هنا مش قادره افتحه واقراه.. وقتها كنت ملتزمه ..وقتها كنت بتقي الله في حجابي ..وقتها كنت بايعه الدنيا كلها...لو قريتو الموضوع مش هتصدقو ان اللي كتبت الموضوع ده من شهور هي نفسها اللي بتفرط في نقابها انهارده...

انا كل الناس اللي بحبهم فارقوني ... بقو مش اكتر من ذكري بفتكرها واقول كانت ايام جميله... وكل ماشتاق ليهم بعرف ان الطرق اللي بتوصل ليهم مستحيله...

الدنيا بتاخد مننا اقرب الناس لينا ..وبتخلينا مش من حقنا بعد ماكانو حاضرين كل نفس بنتنفسه ،، مش من حقنا اننا حتي صوتهم نسمعه..

بتحصلي حاجات في حياتي مش لاقيالها مبرر وكل الناس اللي حواليا مستغربين ...ضربه ورا ضربه ورا طعنه.. مش بلحق افوق .. مش بلحق اشم نفسي

حتي الانسان الوحيد اللي قعدت سنين ادعي ربنا يقربنا من بعض اتخطبتله وقربني كتير لربنا .. وبعدها سبنا بعض انا عارفه انكو هتقولولي انه مافهوش خير نكمل مع بعض وان ربنا مش كاتبنا لبعض عشان كده الموضوع انتهي...

لكن مادام كل حاجه ف حياتي بتحصل غصب عني ليه لما النقاب يضايقني ماقلعوش؟؟ ليه لما يبقي القرار في ايدي معرفش اخده؟

يمكن حاسه بعد ماقلعه هقدر اعيش حياتي هخرج هشتغل واعوض الهم اللي عشت عمري كله فيه

[صوت الصمت]

رد: انا هقلع النقاب..!!!

السلام عليكم
ثبتك الله أختي
أنا لا ألبس النقاب لكن أتمنى ذلك
وما دام الله أنعم عليك بهذا النعمة
فتمسكي بها ولا تتراجعي عنها
أسأل الله لك الثبات
والهداية لجميع المسلمات

حفظك الله
وسدد خطاك
:a12:

["رثاء الحياة"]

رد: انا هقلع النقاب..!!!

ممكن تقبلوا ردى
انا شايفه انها تعمل اللى شايفاه
وميهمهاش كلام الناس لانها مش لابساه عشان الناس
يعنى لو هتقلعه بس ايمانها مش هيقل
يبقى تقلعه
ربنا يهدينا اجمعين

[أمة الله 91]

رد: انا هقلع النقاب..!!!

لا حول ولا قوة إلا بالله
أختي ما زلت لم تقتنعي أن هذا ابتلاء واختبار من الله ؟
هل ارضائك لربك كان من أجل زوج أو دنيا زائلة ؟
أعيدي حساباتك مرة أخرى .
وإذا كنتِ تودين قرارا تأخذينه بنفسك
فلا يكون ذلك على حساب جنة عرضها السماوات والأرض
تذكري حينما يسألك الملك
لماذا نزعت عنك حجابك ؟
هل ستقولين لأني لم أرض بما قسمته لي
فارتجيت الرزق في غير رضاك ؟
لا أظنكِ تقدرين عليها .
-------
يا أختي ما عند الله لا ينال إلا بطاعته ,
فكلما عظم البلاء عظم العوض ,,,
أتوسم حب الله لكِ . إن شاء الله
أختي لو قصصت عليكِ ما مر بي من مآزق وابتلاءات قدرها الله لي بعد ارتدائي النقاب
لن تصدقي
ولكني على اقتناع كامل ان الله يبتليني ليقوي ايماني
وهذا ما أرجوه
لذا أتمسك به جدا جدااااااااااا
وكلما ازداد الابتلاء زاد حبي للمولي
وأملي ورجائي في عفوه ورضاه

--------------
عفا الله عنا وعنك
ورزقنا سبل الرشاد .

[هدى ورحمة]

رد: انا هقلع النقاب..!!!

أختي جاسمن والله إني أحبك في الله
وكلامك هذا ذكرني بمواقف كثيرة مرت بي وأعتقد أنها مرت بكل منتقبة
لأن الله يمحص العبد حتى يخلص لله تعالى
أختي إن كنتِ تظنين أنك لن تعيشي ولن تسعدي ولن.........
إلا إذا خلعت عنك زي العفاف فاعلمي أنك واهمة
فوالله إن السعادة والراحة ليست إلا في القرب من الله
إن كنتِ تظنين أنك يمكن أن تستمري على التزامك وكل ما ستتخلي عنه هو نقابك.... فأنت واهمة
فالذي يسقط من فوق الجبل لن يستقر إلا في سفح الجبل
الشيطان الذي يزين لك ترك نقاب والعودة للتبرج والسفور لن يتكرك حتى تتخلي عن كل ما يقربك من الله
ووقتها.. ستتذكرين النقاب وكيف كنت سعيدة به ومرتاحة لكن الرجوع لن يكون سهلا
أختي.. والله ما أقول هذا الكلام إلا لأني أحبك في الله وأخشي أن تنزعي نقابك كما أخشي أن يبتليني الله فيه ولا أثبت ( اللهم ثبتنا على الحق وجميع المسلمين )
تذكري أختي أنكِ عندما ارتديتي قد يكون الله قد جعلك سبب لكثير من الأخوات أن يرتدينه
والآن قد تكونين سبب في إضلال كثيييييييير من الأخوات أيضاً
هل عندك استعداد لتحمل الذنب؟؟
وإذا كان العمل هو ما سيريحك فأنا أعرف أماكن لا يعمل فيها إلا المنتقبات
إن كنت من سكان القاهرة فأخبريني من أي منطقة لعلي أستطيع مساعدتك
ثبتك الله على الحق وردك للحق ردا جميلا

[lo2lo2.maknon]

رد: انا هقلع النقاب..!!!

اختي الحبيبه
امامك خيارين
ان تكوني سهم في يد اليهود وقلب المسلمين
او ان تكوني سهم في يد المسلمين في قلب اليهود
لا تتركي الشيطان يعبث بك
حبيبتي
انتي الان في يدك قرار من الاتنين
اما جنة الخلد او نار جهنم
مامن عبد الا وله زنب
وليست المشكله في الزنوب
ولكن المشكله في الاستسلام والخضوع لها
الله يناديكي
هل ستلبي النداء
استعيزي بالله من شر الشيطان الرجيم
لا تتركي النقاب لانك لا تلتزمي بالزي الصحيح
ونصيحتي لك بالصحبه الصالحه يا حبيبتي
لاتتركي نفسك للشيطان
ثبتك الله علي الحق
وهداكي للصراط المسقيم

[يمامة المسجد]

رد: انا هقلع النقاب..!!!

وليه يا جاسمين متخرجيش من اللي انت فيه وانت لبساه هو يعني النقاب هيكون عائق أمام شغلك

حبيبتي كل اللي حصلك ابتلاء هتصبري ولا لأ ؟؟؟

صدقيني يا غاليتي لو تعرفي قيمة الإبتلاء ولو تعرفي شعورك بعد فرج الهم

أد ايه الإبتلاء ده كان وسيلة إنك تقربي لربك وكان وسيلة انك قلبك دايما ً متعلق بيه

أنا عارفة إن الدنيا بتاخدنا بس يا جاسمين مش لازم نخليها تحرمنا من أحلى حاجة في حياتنا وهي القرب منه

إنت محتاجة تقربي لربنا يا جاسمين

محتاجة تبكي بين ايده ومحتاجة تقفي ببابه

ده اختبار يا جامسين ولازم تثبتي

{أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ }العنكبوت2

لازم تكوني قوية

صدقيني الشيطان بيحاول يدمرك بيحاول يحرمك من كل حاجة تخليكي متشبثه بالخير

شوية شوية هيحسسك إنك حقيرة أوي وقليلة أوي وإنك عاصية أوي أوي ومتستهليش أي حاجة والشعور ده هخليكي تحسي إنه مش فارق معصية عن معصية وتلاقي نفسك بتنزلي وبتنزلي

جاسمين يا حبيبتي إنت قلبك لسة جواه خير بدليل إنك بكيتي وحسيتي

إنت قلبك لسة عايز ربنا وعايز يطيعه

إنت قلبك لسة متعلقة بيه ونفسه يمسك في قشاية تنقذه

يا حبيبتي اوعي تنسي

{يَا أَيُّهَا الَّذِينَ آمَنُواْ اسْتَعِينُواْ بِالصَّبْرِ وَالصَّلاَةِ إِنَّ اللّهَ مَعَ الصَّابِرِينَ }البقرة153

{إِنَّ اللّهَ مَعَ الَّذِينَ اتَّقَواْ وَّالَّذِينَ هُم مُّحْسِنُونَ }النحل128

ربنا معاك وقريب منك مجيب دعواك

متنظر منك تدعيه وتلجأي له وتقربي منه

ولو على انسان كنت متعلقة بيه صدقيني لما هترزقي بزوجك اللي يشيلك فوق راسه هتعرفي أد ايه كان ده خير ليكي وان ربنا يحبك

يمكن حرمك عشان ميكنش قلبك متعلق غير بيه

شوفي انت ايه هتستفيدي من الإبتلاء وليه ابتليتي وياترى إزاي هتقربي منه

صلي يا جاسمين وقربي منه الموضوع مش موضوع نقاب الموضوع موضوع إيمان ينزع منك وشيطان واقف فوق دماغك مستني لحظة إنهيارك ونفسه يدمرك

بالله عليك بلاش تديله الفرصة دي

انت أقوى متخليهوش يشمت فيك ويفرح فيكي لما تخلعيه


ولو كل حاجة بتحصل غصب عنك أكيد هي الخير ليكي وصدقيني ساعات حاجات كتيرة بتحصل زي ما احنا عايزنها وبنندم أشد الندم إننا تمنيناها

ربناأعلم بينا منا أعلم بقلوبنا وأعلم بالخير لينا

اصبري يا جاسمين

{يَا أَيُّهَا الَّذِينَ آمَنُواْ اصْبِرُواْ وَصَابِرُواْ وَرَابِطُواْ وَاتَّقُواْ اللّهَ لَعَلَّكُمْ تُفْلِحُونَ }آل عمران200

وافتكري يا جامسين

{ .... وَعَصَيْتُم مِّن بَعْدِ مَا أَرَاكُم مَّا تُحِبُّونَ مِنكُم مَّن يُرِيدُ الدُّنْيَا وَمِنكُم مَّن يُرِيدُ الآخِرَةَ ثُمَّ صَرَفَكُمْ عَنْهُمْ لِيَبْتَلِيَكُمْ وَلَقَدْ عَفَا عَنكُمْ وَاللّهُ ذُو فَضْلٍ عَلَى الْمُؤْمِنِينَ }آل عمران152

كلنا عصينا يا جامسين وكلنا بعدنا

وكلنا ضحكت علينا الدنيا ... لكن , لازم هييجي الوقت اللي نقول فيه إحنا عايزين الدنيا ولا الآخرة ... ولو استقرينا على الآخرة

يبأه لازم ساعتها ندعي ربنا يعفوا عنا

ولا انت هتستقري على حاجة تانية ؟؟؟

شوفي يا جاسمين السلسلة الرائعة دي للشيخ هاني حلمي

http://www.manhag.net/droos/files.php?cat=98

وشوفي الدرس ده بحبه جدا ً

استكشفى عيبك

هتلاقي فيه الآية دي اللي بحبها أوي وبحب أرددها أوي لأنها بتفكرني بحالي

وصدقيني الآية دي قيلت لصحابة باعو الدنيا لآخرة فما بالك بنا

راجعي نفسك لسة قدامك الفرصة متخليهوش يضحك عليك ويشمت فيك

انت قوية وقوتك في إيمانك ودعاوتك لله

ربنا معاك ويثبتك

[يمامة المسجد]

رد: انا هقلع النقاب..!!!

يا رثاء

الموضوع يا غالية ليس موضوع نقاب

فالنقاب مهما كان عليه خلاف

ولكن الموضوع هو سبب ترك النقاب وليه عايز تخلعه

وليه إننا لنرفع نفسنا درجات وبعدين نعمل حاجة تنزلنا دركات

و فيه دايما ً قاعدة بتقول إن لم تكن في زيادة فأنت في نقصان ومن لم يكن يومه خير من أمسه فهو في الخسران

فالموضوع موضوع إيمان يزيد ونقص وقد نتركه يضيع من بين أيدينا

[جٌاسمين]

رد: انا هقلع النقاب..!!!

جزاكن الله خيرا اخواتي : امه الله - هدي ورحمة ولؤلؤ مكنون ...

طيب الله المستعان... انا هصلي القيام الليله واتضرع الي الله ان ينجيني ... واسال الله الا يحرمكن الاجر والثواب

[أمة الله 91]

رد: انا هقلع النقاب..!!!

http://www.manhag.net/droos/files.php?cat=98

بارك الله فيكِ أختنا يمامة المسجد
وجزاكِ خيرا كثيرا ...
طمنينا عنك لأني ...
" رأيت فيك رؤيا ( لا قدر الله ) "