ساعدوووووووووووني باقصي سرعة

[محبة لذكر الله]

السلام عليكم

اخوتي عايزة اعرف كل حاجة عن الرؤية الشرعية للخطبة وايه الحوار اللي يدور بين الاتنين علشان اعرف اخلاقة والتزامه بالله عليكم باقصى سرعة لان الرؤية هتم بكرة اوبعد بكرة بالكتيران شاء الله انا معتمد ةعلي الله ييسر لي امري ثم عليكم استحلفكم بالله متسيبونيش لازم تساعدوني لاني مرعوبة

[muslima&proud]

رد: ساعدوووووووووووني باقصي سرعة

صلى صلاة إستخارة
وكونى على يقين ان الله سيقدر لك الخير
وإن أحسست بإنشراح للصدر لهذا الشخص
فتوكلى على الله
أو العكس
وإن شاء الله الأخوات يفيدوكى أكتر منى
يسر الله أمرك
وسترك وجميع بنات المسلمين

[مَلِكَةٌ بالتزامي]

رد: ساعدوووووووووووني باقصي سرعة

مبارك عليكي يااختي
اسال الله لكي التيسيير
اعتذر منكي النت كان ضعيف عندي ومعرفتش ارد
لا تقلقي الامر يسير باذن الله
بتكوني مع احد محارمك والاخ طبعا ولايشترط الكلام في امور فقهيه او ماشابه
كلام عادي وتحاولي تلبسي ملابس الي حد ما مش واسعه اوي يعني عبايه وطرحه ومتتكلفيش فالكلام
متخافيش خليكي علي طبيعتك ورتبي فتفكيرك ايه اللي تحبي تعرفيه عن شريك حياتك
لي عوده باذن الله
يارب اكون قدرت افيدك

[عودة الأندلس]

رد: ساعدوووووووووووني باقصي سرعة

ربنا يباركلك أختنا
غالبا عشان تعرفى مدى التزامه ودينه بيكون من السؤال عليه أكتر من حد
لأن الجلسة دى فى الغالب ما بتبينش حاجة
لأنه ممكن يكون بيتكلم كويس جدا
ويحسسك إنه شيخ الإسلام
أما بالنسبة للجلسة دى فبيكون الكلام فيها خفيف فى أى حاجة مش لازم أسئلة معقدة
زى بعض الأخوات تجهز لسته بالاسئلة
سيبك من كل ده المهم تكونى جاهزة بردود معقولة لوسألك عن نفسك وكونى واثقة من نفسك
وان حب يسألك مثلا عن حفظك للقرآن .طلب العلم الشرعى.قيامك للليل جاوبى باللى بيحصل فعلا وماتقوليش لو قلتله هكون مرائية لا هنا موضع لازم تجاوبى فيه بصراحة
واسأليه برده أسئلة بسيطه كده وخفيفة

طبعا بالنسبة للمنزل وهتلبسى ايه ومين اللى هيقعد معاكم
البيت لازم يكون فى أجمل صورة وتضيفى عليه لمسات زى ورد وغيره ولو هوا من بعيد مثلا من مدينه تانيه وضبى أكل كويس من باب إكرام الضيف لو غير كده يبقى مشروبات عصاير جاتوه
بس متتعبيش نفسك طول النهار بتوضبى البيت وتجهزى اللى هتقدميه وتجهزى لبسك وأول ما ييجى تنامى
وبالنسبة لللبس البسى حاجة رقيقة زى طقم خروج ولفى طرح ****
ولو بتنكسفى من باباكى اتفقى مع مامتك انه يقوم بعد شويه واخوكى يقعد مثلا عشان تاخدى راحتك وتعرفى تردى وتتكلمى

آه متنسيش تظبطى المكان اللى هيقعد فيه والمكان اللى هتقعدى فيه من قبل ماييجى بحيث تكونى قاعدة فى مكان تقدرى تشوفيه كويس مش تقعدوا مثلا على كراسى جنب بعضها بحيث انه يمشى من غير ما تشوفيه تخلى مثلا اللى هيقابله يقعده هنا بس من غير ما ياخد باله وتختلسى بعض النظرات عشان تشوفى شكله مش تقعدى طول القعدة باصة فى الأرض
يارب اكون أفدتك وابقى طمنينى
لو افتكرت حاجة تانى هبقى اقولك
ربنا يوفقك

[مَلِكَةٌ بالتزامي]

رد: ساعدوووووووووووني باقصي سرعة

ماشاء الله لاقوة الا بالله والله وانا بقرا رد عودة الاندلس اتبهرت .. جزاها الله خيرا .. تكلمت عن كل سؤال
لكن يا عوده ليا تعليق علي العباره دي يااختي

وبالسبة لللبس البسى حاجة رقيقة زى طقم خروج ولفى طرح ممكن ميكب كده خفيف جدا ورقيق

ربنا يعفو عني وعنك ويجعلنا في زمرة المتقين
اختي في الله .. لايجوز للاخت ان يراها اي رجل اجنبي بهذه الهيئه (متزينه بلبس او مكياج)مهما كان حتي لو قبل العقد بدقائق لانها اجنبيه له وليست زوجه
ولي توضيح لما ذكرت انا للاخت انها تلبس لبس مش واسع اقصد مثلا الاسدال او الملحفه لان الاخ المفروض علي الاقل يعرف من لبسها اذا كانت سمينه او نحيفه فقط هذا ماقصدته
تقبلي ردي والله ما اردت الا الاصلاح .. وده من باب الاخوه في الله

[أميرة بإسلامي2]

رد: ساعدوووووووووووني باقصي سرعة

السلام عليكم روحمة الله وبركاته
اختى ملكة بارك الله فيك

تعليقى كتعلقك فهو رجل اجنبى لا يجوز له ان يرى منها لاا الوجه والكفين وهذا القول الراجح
وكما ممكن يسالها اسئلة مثلا حافظة كام جزء من القران فلازم تجاوب بالحقيقة وممكن يعرف بنفسة اسمه ايه خريج جامعة ايه ولو كان الاخ ملتزم جدا بتكون فى اسئلة اكتر من كده شويه
يعنى اعتقد ان الاخوت اوففو بالشرح
وان اردت اى شيئ اخر انا تحت امرك باذن الله

[أحلام مفقودة]

رد: ساعدوووووووووووني باقصي سرعة

والله انا يوم الرؤيه بتاعتي
دخلت بكامل لبسي من النقاب للشراب والجونتي
وكان اهلي قاعين اخواتي ووالدي ربنا يبارك لي فيه يارب
وبعدين خلعت النقاب
وسالني الاسئله وجاوبت عادي وانتي ممكن تساليه بس انا معرفتش خالص
واقعدي في مكان واضح عللشن يشوفك كويس
وياريت تصلي استخاره قبل مايجي
علشان لو جهه وصليت
بيتحكم قلبك فيكي جامد انا عملت شخصيا كده صليت قبل ما يجي
وربنا يقدم ليكي يارب الخير كله يا اختي
وعليكي بالدعاء

[أميرة بإسلامي2]

رد: ساعدوووووووووووني باقصي سرعة

والله انا يوم الرؤيه بتاعتي
دخلت بكامل لبسي من النقاب للشراب والجونتي
وكان اهلي قاعين اخواتي ووالدي ربنا يبارك لي فيه يارب
وبعدين خلعت النقاب
وسالني الاسئله وجاوبت عادي وانتي ممكن تساليه بس انا معرفتش خالص
واقعدي في مكان واضح عللشن يشوفك كويس
وياريت تصلي استخاره قبل مايجي
علشان لو جهه وصليت
بيتحكم قلبك فيكي جامد انا عملت شخصيا كده صليت قبل ما يجي
وربنا يقدم ليكي يارب الخير كله يا اختي
وعليكي بالدعاء

ربنا يبارك فيك يا اختى لا بصراحة انا اخواتى
دخلو بالعباءة والخماروالشراب وكله لونو اسود وكان ابى رحمه الله جالس واخوانى الكبار وسالها كام سؤال وهما بردو مقدروش يسالو وبعدين خرجت علطول

[عز الاسلام ام حذيفه]

رد: ساعدوووووووووووني باقصي سرعة

بارك الله فيكم اخواتي الكرام على الرد على هذه الشبهات

[المنتقبة السعيدة]

رد: ساعدوووووووووووني باقصي سرعة

بصراحة معرفش حاجة بس سمعت من الشيخ هانى حلمىقبل مايجى يفضل تقرأى سورة البقرة فى المكان الى هتقعدوا فيه
والاستخارة قبل مايجى
وتكثرى من قول
رضيت بالله ربا وبالأسلام دينا وبمحمد صل الله عليه وسلم نبيا ورسولا
ويارب يرزقك زوج صالح تقى نقى وكل بنات المسلمين

[عودة الأندلس]

رد: ساعدوووووووووووني باقصي سرعة

جزاكن الله كل خير
احبكن فى الله

[محبة لذكر الله]

رد: ساعدوووووووووووني باقصي سرعة

السلام عليكم ورحمة الله
جزاكم الله خيرا اخواتي حبيباتي في الله بجد انا مش عارفة اقولكم ايه علي النصايح دي ربنا يجزيكم عني خير ويجعلها في ميزان حسناتك بس طلب منكم استحلفكم بالله عايزة دعاء من كل واحدة فيكم بظهر الغيب ان ربنا ييسر لي امري لما هو خير احبكم ف الله

[اسماء مصرية]

رد: ساعدوووووووووووني باقصي سرعة

كنت عاوزة اقولك حاجة يا حبيبة ان اى خطأ لو صدر منك فى الحديث
متعوديش تلومى فى نفسك وتوكلى على الله
ان شاء الله اى حاجة حتبقى الخير ليكى وربنا ييسرلك امرك ياااااااااارب ويرزقك الزوج الصالح
وجميع البنات

[درع الاسلام]

رد: ساعدوووووووووووني باقصي سرعة

الله ييسر لك ويسهل لك ويتمم لك على خير
وجزا الله الأخوات خير الجزاء على نصائحهن في هذا الموضوع

[أمة عزيزة بالله]

رد: ساعدوووووووووووني باقصي سرعة

السلام عليكم ورحمه الله وبركاته
اسأل الله ان يكتب لكِ الخير ويوفقك يارب

===

بارك الله فى أخواتى البناااات كلمه شكر ليهم قليله جداا وفقنى الله واياكم جميعااا
وبصرااحه السؤال اجمل
ناس كتير تتكسف تسأل ايه حلال وايه حرام..جزيتم خيراا