Tweet
بحبك يا مصر …..بحب أبتسامتك
وبدعى لربى يحفظلى سلامتك من كل العيون
ووجع الجفون …ويحفظ رموشك من كل الشرور
بحبك يا مصر…….بحب ورودك
واعشق خدودك ……….وبحب وعودك
وألحن بعودك ………موالى وغنايا
بحبك يا مصر ….
بحبك فى عصرى وصباحى ومسائى
عشه فى عزبه ……… وبيت جوه قصر
بحب الزحام والناس والمكان ……وصوت الأذان
يخش الودان ……….أنادى عليكى
بحبك يا مصر
بحب الشوارع والليل و المصانع
والراجل اللى صانع ……..جمالك يا مصر
بحب سلامك وتيجى فى منامى ……..عروسه عجبانى
بحبك يا حرة وأكره سجونك
وحبك فى قلبى بيحس بشجونك
بحبك يا مصر وعمرى ما أفارق
بحبك وعمرى ما خفت الطوارىء
بحبك يا مصر …
بحب صباحك……..وبعشق غيطانك
وكل مزارع بيعزق فى أرضه ينبت فلاحك
وبعشق سموك …..
والشمس اللى راحت والشمس اللى جاية
تنور ظلامك …..وتحفظ مقامك فى وسط البصيره
بحبك يا مصر …جواهر ولا فالصوا
أرض وحصيرة
بحبك يا مصر …دا أنتى والله عندى
در وياقوت
وشوفى مهما عملوا
بحبك م النهارده
ليوم القيامه
وحبك يا مصر فى قلبى علامه
بحبك يا مصر
وف حبك با موت
بحبك يا مصرررررررر
-----
منقول
تعليق