Tweet
هو إحنا عندنا سكيزوفرانيا؟؟؟
صحيح هو أحنا عندنا سكيزوفرانيا؟؟؟
(انفصام فى الشخصيه يعنى :)
بما إن الموضوع لنقاش هذه الحاله النفسية لخطيرة
فممنوع منعا باتا غلق الموضوع قبل أكمال قرءاته لتجنب المضاعفات .
على فكره أنا مش راضى عن نفسى وبحاول
ولكن(........)بتقول((( بصراحةمش عاوز اتوب)))
طب :لحد أمتى؟؟؟؟؟؟؟
مش يمكن تكون مش صادق!!!
طب اقولك :اسمع واحكم!!!
وعشان ميبقاش زى أخواته
أوعى تكون فاكرها صدفة
مش فاهم حاجه من الجمل دي !
نكمل للأخر
معلش مقدمة طويلة
نبدأ بسؤال:
قريت كام موضوع على النت؟؟
سمعت كام درس؟؟
كتبت كام رد؟؟
نوضح
ما شاء الله شىء جميل أننا بنشترك فى منتديات اسلامية
وحلو اننا بنكتب مواضيع سواء كتبنها او نقلتها
ورائع اننا بنبعت ايميلات اسلامية لبعض
وكويس اننا بنكتب ردود لموضوعات دينية
وبنختار أحيانا أسامي اسلامية للتسجيل
كل ده جميل ,,
ولكن معلش كتبت كام موضوع عن التوبه و متبتش!!
كتبت كام رد على موضوع اسلامى ومتغيرتش!!!
بنكتب جزاك الله خيرا ونعمل موضوعين والحمد لله..؟؟
سؤال بعد كل الايميلات والمشاركات والمواضيع ,,
أتغيرت؟؟
على فكرة أنا مش راضى عن نفسى وبحاول
ياترى بجد ؟ يعني بتعمل محاولات ؟
أختبار بسيط:
1_هل بقالك مدة (سنة او سنتين اوسنيييين)
بتحاول تبطل ذنب ومش عارف؟؟
2_هل بقالك كثير نفسك تعمل طاعة ومش عارف؟؟
3_وده سؤال مهم جدا: ياترى أنت بقالك كثير زي ما أنت ؟؟
يعنى ولا ذنب بطلته؟! ولا طاعه جديده عملتها ؟؟
ولو اجاباتك كلها ايوه
يبقى
مش يمكن تكون مش صادق!
مش جايز بتقول بلسانك انا عايز اتغير
ولكن(....أفعالك......) بتقول((( بصراحه أنا مش عايز اتوب)))
لو حتى فى ذنب مش عارف تبطله؟
طب حاولت تقرب لربنا بأيه ؟؟
طب :اسمع واحكم!!!
قالوا:اصدق الله يصدقك
فياترى :أنت صادق؟؟
ولا بتقول عايز اتغير وعايز اتوب كنوع من مسكنات الضمير!!
قال تعالى﴿ وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ﴾ … [العنكبوت:69]،
الأيه واضحة وصريحة
لو حاولت وجاهدت نفسك ربنا هيهديك لسبله وطاعته....
فياترى انت حاولت ؟؟
وفى الحديث القدسى
(ومن تقرب إلي شبرا ، تقربت إليه ذراعا . ومن تقرب إلي ذراعا ، تقربت إليه باعا . وإذا أقبل إلي يمشي ، أقبلت إليه أهرول)
الراوي: أبو هريرة المحدث: مسلم - المصدر: المسند الصحيح - الصفحة أو الرقم: 2675
خلاصة الدرجة: صحيح
يعنى المطلوب شبر ، خطوة حقيقية منك وهيعينك وتبقى خطوات
يبقى لو بقالك سنيين ,,,
لا ذنوبك بتقل ولا حسناتك بتزيد
وبقالك مده ومتغيرتش!!ولا ذنب ولو واحد بطلته ولا طاعه ولو واحده عملتها
يبقى أنت للأسف مش صادق .!
طب :لحد أمتى؟؟؟؟؟؟؟
وبتضحك على مين؟؟
بتضحك على نفسك بالمسكنات
انا عايزاتوب ,,
انا عايز اتغير ,,
ادعولى ربنا يهدينى ,,
هو لو أنت محتاج فلوس هتكتفى بإنك تقول
أنا محتاج فلوس ..
أنا مضايق من نفسى..
ولا هتعمل خطوة وتشتغل؟؟
وعشان ميبقاش زى أخواته
وعشان الموضوع ميبقاش زيه زى اخواته من المواضيع الى بتدخل تقراها وتمشي
لو سمحت ، فكر مع نفسك ,,
امسك ورقه وقلم ,,
واكتب...
الذنوب الى لسانك تعبك من كتر ما قلت عايز ابطلها ومبطلتهاش!!
واكتب:!
واكتب مش عارفه اقول الطاعات الى مبتعملهاش..
أصل فى ناس أخرها الصلاه على عجالة.....إن صلوا !
ودلوقتى بعد ما كتبت
مش هنقول بطل كل الذنوب
ولا اعمل كل الطاعات
ولكن,,,,,,,
مطلوب شبر ، خطوة
ذنب هتبطله دلوقتي ...خلاص توبة
وطاعة مبتعملهاش دلوقتى هنتظم عليها ...توبة
وكلنا نبدأ
بس ثواني
أوعى تكون فاكرها صدفة
مفيش صدف فى الدنيا ربنا قال(( إِنَّا كُلَّ شَيْءٍ خَلَقْنَاهُ بِقَدَرٍ))
هذه الرسالة لم تصل اليك صدفة ولكن بقدر الله
وهى حجه لك أو عليك ,,
ابدأ بخطوه مهما كانت صغيرة
خطوة واحدة ,,,
صعب !
تذكر(لنهدينهم سبلنا)
منقوووول
تعليق