Tweet
سؤال صريح جداا جداا
تحبي اجاوبك عليه
من خلال موقف هنتخيله مع بعض لبنوتة بس اكييد بيحصل زيه فى الحقيقة على اشكال أوسع
سها بنوتة فى الجامعة ركبت الباص عشان تروح كليتها وكانت شغالة اغنية رومانسية ميه ميه
سها نزلت من الباص وكلام الاغنية فى ودنها وطبعاً شوشو الخطير ( الشيطان ) اول ما لقى كده استغل الفرصة وهوباا وهى طالعة االمدرج
طاااااااااااخ
نازل بسرعة حسام على سلم المدرج وقع كتب سها الجديدة
حسام : اااه انا اسف جدااا بجد مكنش قصدي ياانسة انا حالا هنزل المهم كلهم
طبعاً حسام ده لو وقع حيطان الشقة ووالدته واخواته طلبوا منه انه يعدلها لا يمكن بس طبعاً قصاد البنات حاجة تانية
سها : لا مفيش حاجة ابداً متتعبش نفسك انا هلمها
حسام: لا يبنتى بتقولي ايه بس ده انا مش عارف اقولك ايه (( متقولش حاجة يااخوياا
طبعاً ضحكت سها وانكسفت وخلص الموقف على كده ياترى ؟؟
لا مخلصتش
رجعت سها بيتها وقبل النوم قعدت تفكر فى الموقف وتتخيله وسرحت خواطرها
وخليتها بقت تتابع الولد ده كل ماتروح الكلية وتدور عليه بعينها فى المدرج
وطبعاً كل ده حراام ولا يجوز ولكن السبب فى الشيطان و خواطرها اللى سرحت
و اللى خلتها تنشغل بالشاب ده
♥♥♥♥♥♥♥♥♥♥♥♥♥♥♥♥♥♥
المهم طبعاً لو بنت اللى كانت خبطت كتب سها كان الحوار دار كده
سها : ماتحسبي ياانسة الكتب لسة جديدة
البنت : ايه مااخدتش بالي الله
سها: طيب لو سمحتى بقى ساعدينى فى لمها
البنت : لا معلش مستعجلة
سها : يعنى وقعتيها ومستعجلة انتى غريبة اووى
ووو .........
ووو .........
لكن هنا الشاب كان اخر جنتله والبنت كمان
ده اكييد لان طبيعى البنت تميل للشاب والعكس
واكييد الخواطر ليها دور كبيرر
يسلام لو – ياترى لو – إلا لو
ده اكييد لان طبيعى البنت تميل للشاب والعكس
واكييد الخواطر ليها دور كبيرر
يسلام لو – ياترى لو – إلا لو
وأوعى وشك للكبيرة
طـيب لو
♥♥♥♥♥♥♥♥♥♥♥♥♥♥♥♥♥♥
كلمة يسلام لو فلان اللى شافنى فى الفرح جيه اتقدملى
ياترى هيقولي ايه وانا هرد ازاى
هو اصلاً كان بيبص ناحيتى
طيب ياترى لو اتخطبنا الخطوبة بقى طيب هعملها ازاى
وهلبس ايه وهجيب الفستان منين
وممكن يكون الولد ولا يعرفها ولا حتى كان بيبصلها
بس شوشو ( الشيطان ) هو السبب اللى خليها تشوف كده
♥♥♥♥♥♥♥♥♥
حد تانى فى موقف تانى
إلا لو اخو صاحبتى جيه اتقدملي هنقوله ايه وهنعمل ايه
انا حاسة انه لما شافنى وانا ماشية مع اخته اكييد قال عليا انى بنت محترمة واكيد هيتقدملي
حد تانى موقف تانى
امبارح جارنا اللى قصادنا وانا نازلة سلم علينا انا وماما
اول مرة يسلم علينا
ااااه تلاقيه مثلاً معجب بيا
طيب وليه لأ
مانا حلوة والحمد لله والناس بتشكر فى اخلاقى اكييد بردوا بص على نقطة زي دى
*************
بلاش حرف لو
زمان كانوا بيقولوا
لو حرف شعلقة فى الجو
متبقيش عارفة انتى فوق ولا تحت انتى متعلقة بشىء مش حقيقى اصلا
وكل اللى بتستفيديه هو ان قلبك ♥ مش بيكون للى خلقك وقلبك بيتعب كتيرر
لانه نفسه فى حاجة قد تكون مش ليه
والحاجة دى اصلا مكنتش فى باله إلا لما جيه حرف لو اللى شقلب حياته بسببه !!
ادفعوا عنكم الخواطر يابنات بلاش تعلقوا قلوبكم بحاجات مش حقيقة
انا قلبي علييكم
وخصوصاً البنات اللى فى الجامعة
غضوا أبصاركن ياحبيباتى وادفعوا عنكم هذه الخواطر اللى مش بتجيب سوى وجع القلب
اقتباس:
طيب نعمل ايه يعنى انا عن نقسي بحب احلم قبل بفرحي وخطوبتى
كل البنات زيك بيحلموا بيوم فرحهم
الحلم مش حرام بس احنا اللى بنغيره ونعكره
لما تفضلي تتخيلى وتنسجي مع نفسك قصة حب او تعلق بشخص متعرفيش عنه اى حاجة
وكله بسبب الخواطر
احلمى بالخير يابنوتة احلمى انك ازاى تشتغلى فى الخير
طيب ازاى هتكتبى موضوع يفيد غيرك ؟؟
ازاى هتشتغليى فى شىء يفيدك الناس
احلمى ازاى هتجيبى اكتر من ختمة فى رمضان الجاى ؟؟
احلمى فى الخير لانك متعرفيش نصيبك امتى
افرض زواجك ربنا كاتبهولك يكون بعد سنتين هتفضلي تحلمى وتنسجي حكايات فى خيالك لمدة سنتين ؟!
هتتعبى والله مش هتستفيدي حاجة سوى وجع القلب
♥♥♥♥♥♥♥♥♥♥♥♥♥♥♥♥♥♥
طيب الحل ايه ؟؟
اول ماتلاقى نفسك هتبدأ خواطرك تسرح أستغفري الله
أذكري الله
وأدعي قولي (( اللهم أشغل قلبي بذكركـ عن ذكـر من سواكـ ))
(( اللهم أستودعك قلبي فلا تجعل فيه أحداً غيركـ))
والله الطريقة دى هتفيدك جداا
ومرة مع مرة مع مرة
هتلاقى الشيطان نفسه دفع عنك الخواطر عشان ميخلكيش تذكري ربنا
بس انتى غيظيه وبردوا استمرى فى الاستغفار
تعليق