اوعي تنسي

[عاشقة كلام الله]

فاكرين زمان قولنا ده بتاع مصلحته
كانت مشكلة خطيرة إننا ما نعرفش ربنا إلا لما نكون فى ورطة أو مشكلة ووقتها نجرى ونقول يارب محتاجينك



ولما ربنا ينجينا من اللى وقعنا فيه نقول شكراً يارب , ده لو قولناها وهنبقى نجيلك تانى لما نحتاجك



وهو مصداق لقول الله عز وجل

وَإِذَا مَسَّ الإِنسَانَ الضُّرُّ دَعَانَا لِجَنبِهِ أَوْ قَاعِداً أَوْ قَآئِماً فَلَمَّا كَشَفْنَا عَنْهُ ضُرَّهُ مَرَّ كَأَن لَّمْ يَدْعُنَا إِلَى ضُرٍّ مَّسَّهُ كَذَلِكَ زُيِّنَ لِلْمُسْرِفِينَ مَا كَانُواْ يَعْمَلُونَ( يونس : 12 )



ومصداق قوله سبحانه وتعالى



هُوَ الَّذِي يُسَيِّرُكُمْ فِي الْبَرِّ وَالْبَحْرِ حَتَّى إِذَا كُنتُمْ فِي الْفُلْكِ وَجَرَيْنَ بِهِم بِرِيحٍ طَيِّبَةٍ وَفَرِحُواْ بِهَا جَاءتْهَا رِيحٌ عَاصِفٌ وَجَاءهُمُ الْمَوْجُ مِن كُلِّ مَكَانٍ وَظَنُّواْ أَنَّهُمْ أُحِيطَ بِهِمْ دَعَوُاْ اللّهَ مُخْلِصِينَ لَهُ الدِّينَ لَئِنْ أَنجَيْتَنَا مِنْ هَـذِهِ لَنَكُونَنِّ مِنَ الشَّاكِرِينَ ( 22 ) فَلَمَّا أَنجَاهُمْ إِذَا هُمْ يَبْغُونَ فِي الأَرْضِ بِغَيْرِ الْحَقِّ يَا أَيُّهَا النَّاسُ إِنَّمَا بَغْيُكُمْ عَلَى أَنفُسِكُم مَّتَاعَ الْحَيَاةِ الدُّنْيَا ثُمَّ إِلَينَا مَرْجِعُكُمْ فَنُنَبِّئُكُم بِمَا كُنتُمْ تَعْمَلُونَ ( 23 ) ( يونس : 22 : 23 )







لكن فيه مشكلة تانية



اننا لما نتعرض لابتلاء ياترى بنعمل ايه ؟؟ ولما بنتعرض لنعم ربنا بنعمل ايه ؟؟



ياترى ايه موقفنا ؟؟



أوقات نتعرض للابتلاء وننسى حاجة مهمة جداً وهى مين اللى ابتلانا بالابتلاء ده ومين اللى قادر يرفع عننا الابتلاء ده



أكيد ربنا , ربنا سبحانه وتعالى اللى هو أرحم بينا من أمنا

تعرف ان كان فيه أحد السلف قال كلمة جميلة جداً تبين معرفته برحمة ربنا




قال والله لو خيرت بين أن يحاسبنى أبى وأمى وبين أن يحاسبنى الله , لاخترت حساب ربى لأنه أرحم الراحمين





طيب المفروض يكون ايه موقفنا مع ارحم الراحمين وقت الابتلاء ؟؟



مطلوب إنى أول ما اتعرض لابتلاء أجرى بسرعة وأقول يارب

أدعي كتير وأتضرع لربنا وأتوب إليه لأنه ما نزل بلاء إلا بذنب وما رفع إلا بتوبة





تعرف الإمام وكيع بن الجراح ؟؟




الإمام وكيع بن الجراح هو شيخ الإمام الشافعى

اللى حكى الإمام الشافعى عن حوار كان بينهم فى بيتيتن من الشعر



شكوت إلى وكيع سوء حفظى فأرشدنى إلى ترك المعاصى

وقال إعلم بأن العلم نور ونور الله لا يؤتاه عاصى



المهم إن الإمام وكيع مرة وهو فى بيته طُرق الباب



فلما فتح بابه .................
.
.
.
.
.
.
.
.
.
.
.
.

.
.
.
.
.


وجد رجل يسبه فيه مسبة عظيمة



تخيلوا معايا الموقف إن واحد بيخبط على بابك فلما تفتح له تلاقيه واقف يسب فيك ويشتمك من غير سبب



طيب كان ايه موقف الإمام وكيع وقتها؟؟



قال زد وكيعاً بذنبه فلولاه ما سلطت عليه





هو عارف إنه أكيد ارتكب ذنب فى حق ربنا وعلشان كده ربنا ابتلاه بهذا الرجل



يبقى وقت ما تلاقى ابتلاء اهرب لربنا توب وتضرع وإلجأ إليه وأوعى تزهق من تأخر الإجابة فى الدعاء



لأنك لو استعجلت ده سبب لعدم استجابة دعائك



وقد قال النبى صلى الله عليه وسلم ( يستجاب لأحدكم مالم يعجل . قالوا كيف يعجل يا رسول الله . قال يقول دعوت ودعوت ودعوت فلم يستجاب لى )





يبقى اوعى تستعجل استجابة الدعاء يمكن ربنا يحب أن يسمع صوتك ويرى قربك منه



يبقى النقطة الأولى إننا عند الابتلاء لا ننشغل بالابتلاء عمن ابتلانا به


وخليك فاكر قول الله عز وجل ( فَلَوْلا إِذْ جَاءَهُمْ بَأْسُنَا تَضَرَّعُوا وَلَكِنْ قَسَتْ قُلُوبُهُمْ وَزَيَّنَ لَهُمُ الشَّيْطَانُ مَا كَانُوا يَعْمَلُونَ ) ( الأنعام : 43 )





طيب والنوع التانى فى وقت الرخاء فى وقت النعمة

هو ده اللى قولنا عليه قبل كده بتاع مصلحته

ما يعرفش ربنا إلا لما يحتاجه





ربنا يا أخى اللى أعطاك النعم واللى أعطاك كل ما أنت فيه قادر سبحانه وتعالى



قادر إنه يبدل نعيمك ببلاء



أوعى تهرب منه




سبحانه وتعالى هو من أعطاك النعيم هو من أنعم عليك بما أنت فيه , هو من أنعم عليك بالصحة والعقل والمال والعلم والسمع والبصر و .......... والإسلام قبل كل هذا






فإياك أن تنساه حتى لا ينساك يوم القيامة وأنت أحوج ما تكون إليه




والنسيان هنا هو نسيان الترك , لأن الله عز وجل منزه عن كل عيب والنسيان هو عيب , فسبحانه وتعالى منزه عن العيب والنقص وقد قال موسى عليه السلام لما سأله فرعون عن القرون الأولى



فقال علمها عند ربى فى كتاب لا يضل ربى ولا ينسى



طيب وايه هو نسيان الترك ؟؟



يعنى ربنا يتركك لنفسك



تفتكر لو ربنا تركك لنفسك هيكون ايه وضعك ؟؟؟



فكر وقرر لو ربنا تركك لقوتك ولنفسك ممكن ترزق نفسك ؟؟ لا لا طيب ممكن تحمى نفسك من نفسك ؟؟ مش هنقول من غيرك , لكن هنقول من نفسك





ارجع لربنا بأسرع ما يمكن





وإياك أن تنساه فى وقت الشدة أو الرخاء



حتى لا ينساك

[الاء محمد فضل]

رد: اوعي تنسي

بارك الله فيك وجزاك الله خيرا

[ملكة بخماري]

رد: اوعي تنسي

جميل ماشاء الله عليكى