إعـــــــلان

تقليص
لا يوجد إعلان حتى الآن.

تسمحلى اوديـــك فى داهية !!! لامؤاخذة

تقليص
X
تقليص
 
  • الصفحة لـ 1
  • تصفية - فلترة
  • الوقت
  • عرض
إلغاء تحديد الكل
مشاركات جديدة
السابق template التالي
  • #1

    تسمحلى اوديـــك فى داهية !!! لامؤاخذة

    تسمحلي أوديك في داهيه؟!!!!!!

    تسمحلي أضرك ضرر كبير

    تسمحلي أضحك عليك و أخليك تعمل اللى بقولك عليه و متنفذش كلام اللى بيحبك رغم إن كلامي هيضرك

    تسمحلي أخليك تضيع فلوسك و صحتك على حاجه ملهاش لزوم

    تسمحلي أخليك تتعب أعصابك و تتمنى اللى مش في ايديك و ممكن تغلط غلط كبير أوي بسبب نظرة تنظرها لحد تاني

    تسمحلي أخليك تبطل تعمل الحاجه اللى بتصفي روحك و تقربك من اللى بيحبك

    تسمحلي أخليك رخيــــــــص أوي و كل من هب و دب ينهش فيك و انت بيتهيألك إنك جميل أوى

    تسمحلي اخليك بدل ما تسكن فيللا جميله تسكن تحت اي كوبري

    ها .. قلت ايه ؟ ... يا ترى هتسمحلي بكل ده ؟!!!!!!

    ايه ده بتقول مش موافق .. و بتقول عليا مجنون كمان

    طيب استنى استنى أنا مش مجنون

    اصل انت سمحت لحد تاني بكل ده و أنا قلت يمكن تسمحلي انا كمان

    مع ان الحد التاني ده عدو ليك و ليا و انا اقربلك منه بكتير

    عارف مين هو ؟

    لأ انت عارف بس مش واخد بالك

    اقولك اسمه

    كل الناس عارفه اسمه

    حتى الاطفال الصغيرين

    إسمه

    الشيطان

    طيب مش أنا اولى بيك من الشيطان

    طيب لو انت مش هتسمحلي بكل ده

    يبقى ليه تسمح للشيطان انه يعمل معاك كده

    ايه ؟ .. بتقول ايه ؟ ... بتقول انك مسمحتش للشيطان بكل ده

    لالالالالا     انت سمحتله بس انت ناسي
    و انا هفكرك

    لما تعصي ربك و تسمع كلام الشيطان يبقى سمحتله يضحك عليك و يخليك تعمل اللى بيقولك عليه و متنفذش كلام ربك اللى بيحبك

    لما تشتري بفلوسك سجاير تضر بيها صحتك يبقى سمحتله يخليك تضيع فلوسك و صحتك على حاجه ملهاش لزوم

    لما ما تغضش بصرك يبقى سمحتله يخليك تتعب أعصابك و تتمنى اللى مش في ايديك و ممكن تغلط غلط كبير أوي بسبب النظرة دي

    لما ماتصليش يبقى سمحتله يخليك تبطل تعمل الحاجه اللى بتصفي روحك و تقربك من ربك اللى بيحبك

    لما تلبسي محزق و مكشوف يبقى سمحتيله يخلي كل من هب و دب ينهش فيكي و انتي بيتهيألك إنك جميله أوى

    لما من كتر معاصيك و استسلامك لوسوسة الشيطان تبعد عن الجنه و تقرب من النار يبقى سمحتله يخليك بدل ما تسكن فيللا جميله تسكن تحت اي كوبري

    راجع نفسك .. راجعي نفسك

    عرفت بقى انى مش مجنون لما طلبت منك كده

    عرفت ان انت اللى مجنون لو كنت بتسمح للشيطان بكده

    لو كنت وافقت ع اللى طلبته منك يبقى مش هلومك لما تسمع كلام الشيطان

    لكن لا الفطره ولا العقل ولا المنطق ولا الاخلاق و لا الدين ولا كلام ربنا يوافق على الكلام ده


    يبقى بقى لازم ............. لازم تراجع نفسك و تبعد الشيطان عنك


    ايه رأيكم نفكر نتحدى الشيطان..والله بجد تعالوا حتى نجربها كم يوم وشوف هتحس اد ايه انت قوى وعظيم انت ناسى ان كيد الشيطان ضعيف يااااااااااه وبتسمحله عدوك يوديك فى داهية ويضيعك
    !!!!!!!!!!!!!!!!!!!!!!!!!!!!!!!!!!!!!!!!!!!!!


    منقوووووووول
    الكلمات الدلالية (Tags): لا يوجد
  • #2
    رد: تسمحلى اوديـــك فى داهية !!! لامؤاخذة

    بسم الله

    وعليكم السلام ورحمة الله وبركاته

    بارك الله فيكِ اختى على النقل الطيب وجزاكِ الله خيرا

    قال على رضى الله عنه :

    إن أخاك الصدق من كان معك ومن يضر نفسه ليجمعك
    ومن إذا ريب الزمان صدعك شتت نفسه فيك ليجمعك

    تعليق

    • #3
      رد: تسمحلى اوديـــك فى داهية !!! لامؤاخذة

      جميل جدا ما شاء الله ..... جزاكى الله كل خير
      إذا خلوت يوماً بريبةٍ والنفس داعية إلى العصيان
      فقل لها استحِ من نظرِ الإله فإن الذي خلق الظلام يراني
      إن كنت تعصي الله مع علمك باطلاعه عليك فما أشد وقاحتك وما أقل حياءك
      " أَنْ تَقُولَ نَفْسٌ يَاحَسْرَتَى عَلَى مَا فَرَّطْتُ فِي جَنْبِ اللَّهِ وَإِنْ كُنْتُ لَمِنَ السَّاخِرِينَ"

      تعليق

      • #4
        رد: تسمحلى اوديـــك فى داهية !!! لامؤاخذة

        جميل اوى جزيتى خيرا

        تعليق

        السابق template التالي
        يعمل...
        X