اخواتي الغاليات انا مش لقيت غيركم بعد ربنا افضفضله همي بالله عليكم قولولي اعمل ايه

[العائدةالي الله]

رد: اخواتي الغاليات انا مش لقيت غيركم بعد ربنا افضفضله همي بالله عليكم قولولي اعمل ايه

بسم الله
السلام عليكم ورحمة الله وبركاته
اخيتى سأحكى لكى عن تجربتى انا كنت زيك بالظبط بالنسبه للحنه عملتها فى البيت على الكمبيوتر وكان الكل متوقع انها هتكون وحشه لانها اسلامى والحمد لله طله العكس بفضل الله ثم اصحابى لانهم اثبتو للناس انو مش لازم موسيقى ولا حاجه والله لدرجة ان بنت خالتى كانت حنتها بعدى باسبوعين وكانت ناويه تعملها عادى ولما شافت حنتى انبهرت وعملت اسلامى بس انتى كلمى اخواتك فى الله انهم يساعدوكى

اما بالنسبه للفرح فنصيحه منى فى بيتك لو هتعملى لانى كنت بقول زيك عايزه اورى للناس الفرح الاسلامى الصح وافرح اهلى وقلت لزوجى كده وكان رافض وقال لو سيطرنا فى الاناشيد وعدم الاختلاط مش هنسيطر على البيشربو سجاير او عدم غض البصر وهعوضك بعمره بعد الفرح علطول وانا قلتله نفسى افرح اهلى وبالحلال ويوم الفرح فيه رجال شربو سجاير ولم يغضو بصرهم عن النساء وهى طالعه فى المكان المخصص ليها والاهم انى حرمت من العمره ورزقنى الله بولدى ولا استطيع الذهاب الى العمرة الى ان يكبر فتره واعض على اصابعى من الندم

يارب اكون قدرت اوصلك العايزاه

جزاكي الله خيرا
وبارك لكي في ولدك وجعله الدرية الصالحة لكي
لا تنسيني بالدعاء

[حجابي عزى ووقاري]

رد: اخواتي الغاليات انا مش لقيت غيركم بعد ربنا افضفضله همي بالله عليكم قولولي اعمل ايه

أولا ألف مبروك يا اجمل عروسة في الدنيا
ثانيا أنتى ممكن تنقي أغاني أسلامية للافراح وتشغليها يومين الفرح وأكيد صحباتك حيسعدوكي في الموضوع دة وحتي لو الأمر مامشيش بيبقي في فرق للأفراح الأسلامية بنات بس والأجر بيكون كويس ممكن تستعيني بيهم
وربنا يباركلك ويتمملك علي خير يا قمر
وأنا مليش دعوة أنا عايزة حاجات حلوة من الفرح

[العائدةالي الله]

رد: اختى القريبه هيا بالله

اختى الفاضلة* كنت مثلك فى اول الطريق ولكن واجهت نفسى وتحديت شيطانى فهيا ههيا الى الجنه ورضا الله اعزمى وتوكلى على الله وقولى هذا الدعاء بحضور قلب وذل وخشوع وانخلاع كل مابك توكلا على السميع العليم


الهم انى اسالك بعزتك وذلى اليك الا رحمتنى
بقوتك وضعفى اليك
بغناك عنى وفقرى اليك هذة ناصيتى الكاذبه الخاطئه بين يديك عبيدك سواى كثير ولا منجى منك الا اليك اسألك مسأله المساكيين
ابتهل اليك ابتهال الخاضع الذليل وادعوك دعاء الخائف الضرير

جزاكي الله خيرا

سؤال من خضهت لك رقبته ورغم لك انفه وفاضت لك عيناه وذل لك قلبه
الاوجهتنى الى ما تحب وترضاه عنى وترحمنى
رحمة تغننى بها عمن سواك

[العائدةالي الله]

رد: اختى القريبه هيا بالله

اختى الفاضلة* كنت مثلك فى اول الطريق ولكن واجهت نفسى وتحديت شيطانى فهيا ههيا الى الجنه ورضا الله اعزمى وتوكلى على الله وقولى هذا الدعاء بحضور قلب وذل وخشوع وانخلاع كل مابك توكلا على السميع العليم


الهم انى اسالك بعزتك وذلى اليك الا رحمتنى
بقوتك وضعفى اليك
بغناك عنى وفقرى اليك هذة ناصيتى الكاذبه الخاطئه بين يديك عبيدك سواى كثير ولا منجى منك الا اليك اسألك مسأله المساكيين
ابتهل اليك ابتهال الخاضع الذليل وادعوك دعاء الخائف الضرير


سؤال من خضهت لك رقبته ورغم لك انفه وفاضت لك عيناه وذل لك قلبه
الاوجهتنى الى ما تحب وترضاه عنى وترحمنى
رحمة تغننى بها عمن سواك

جزاكي الله خيرا

[العائدةالي الله]

رد: اخواتي الغاليات انا مش لقيت غيركم بعد ربنا افضفضله همي بالله عليكم قولولي اعمل ايه

أختى*العائده الى الله فى البدايه الف مليون مبروك وربنا يتمها عليكى بخيربصى ياأختى* انا كان عندى نفس المشكله وانا عروسه فعملت حنه اسلاميه قبل الفرح بيومين فى شقه اخويه فوق شقه بابا على طول ولبست فستان سواريه وكنت بشعرى كمان وكلنا كنا اخوات وطبعا الكمبيوتر بتاع الجيران واغانى اسلاميه وكده وعملت كل اللى انا عاوزاه من غير غضب الله ومش عملت فرح ولاشبكه زيك علشان رضا الله لان زوجى ملتزم والحمد لله. شوفى يا أختى هاتى كمبيوتر حد تعرفيه واسطوانه اسلاميه وبرده بيبقى فيها الدف حلو خالص وفرحى نفسك وادعيى ربنا وان شاء الله ربنا حيعينك وهاتى اصحابك البنات وقريبك وهم حينبسطو خالص ان شاء الله وبعدين ياستى لما تروحى مع زوجك اعملى الفرح اللى نفسك فيه وزياده حبه ربنا يسعدك وعلشان خاطرى مش تزعلى نفسك.

بس ليا عندك سؤال يوم الفرح مش كونتي حاسة في حاجة نقصاكي؟
احكيلي يوم فرحك كان ازاي؟ وعملتي ايه ف يوم قعدتي في بيت باباكي شواية ولا عاملتي ايه؟
ولو عندك اغاني اسلامية ياريت ترفعيها لي
جزاكي الله خيرا

[العائدةالي الله]

رد: اخواتي الغاليات انا مش لقيت غيركم بعد ربنا افضفضله همي بالله عليكم قولولي اعمل ايه

وعليكم السلام ورحمة الله وبركاته

أختى العائدة إلى الله
أسأل الله العظيم أن يتم فرحتك وأن يقر عينك وأن يشرح صدرك

أخيتى والله العظيم الأخوات ماشاء الله كفوا ووفوا ربنا يبارك فيهم

بس انا بس هقولك حاجة زيادة

ان والله العظيم لن يخزيكِ الله
مادمتِ لاتريدين إلا رضاه
فأنتى لا تريدين أن ينظروا للمنتقبة إو الإلتزام بالدين أنه شىء خنيق
فأنتى يا أخية افعلى ما فى وسعك وافعلى ما قالته الأخوات ولا تحزنى أبدا
فوالله لينصرنكِ الله ولا يخزيكِ أبدا
فهو الرحمن بيده القلوب
بيده أن يضع فى قلوب أهلك الرضا عنكِ والسعادة بهذا الفرح البسيط
والله لاتحزنى أبدا
ومن أرضى الله فى سخط الناس أرضى الله عنه من أسخطه فى رضاه

فبارك الله لكِ وفيكِ وأقر عينك بما تحبى فى الدنيا والآخرة
وياريت تطمنينا عليكى على طول

ربنا يبارك فيكي
اطمني يااختى انا دلوقت بقيت احسن
لا تنسيني في الدعاء

[درع الاسلام]

رد: اخواتي الغاليات انا مش لقيت غيركم بعد ربنا افضفضله همي بالله عليكم قولولي اعمل ايه

ربنا يتمم لك على خير

[مَلِكَةٌ بالتزامي]

رد: اخواتي الغاليات انا مش لقيت غيركم بعد ربنا افضفضله همي بالله عليكم قولولي اعمل ايه

السلام عليكم ورحمة الله وبركاتة

وعليكم السلام ورحمة الله وبركاته

اخواتي الغاليات انا مش لقيت غيركم بعد ربنا افضفضله همي
انا فرحي في شهر 6 القادم
الف الف مبااااااااااااارك يارب يتمم ليكي بخير يا اختنا
انا في بدايه خطوبتي قولت هاعمل زفه اسلامية لاني مش كونت لاقيه المكان اللي يعملي فرح اسلامي كامل بدون اختلاط وباغاني اسلامية ولما لقيت هتتكلف 2000ج وخطيبي قالي ان ظروفة مش تسمح لانه كلف الشقة جامد عامل تشطيب سوبر لوكس وهي فعلا حلوة اوي ما شاء الله
بس يابنات انا مش عملت حفله خطوبة لاني خوفت من المخالفات الشرعية وكمان اتنازلت عن الشبكة علشان الشقة
بصي يااختي مفيش حاجه اسمها تنازلات فالشرع
انما دي بتبقي ترك للمعصيه والمخالفات اللي بينهانا عنها الله عزوجل
انا عارفة ان الزفه الاسلامية حلوة بس انا مش قادرة اتنازل عن الفرح كمان
انا فرحي بعد شهر ومش حاسة باي فرحة
والله يااختي الفرحه مش فالمظاهر دي الفرحه الحقيقيه في رضا ربنا عنك
اوعي تبداي حياتك بما يغضب الله عنك
وخدي بالك المعصيه بتنزع البركه
بالله عليكي متتعسيش نفسك بحجة انك مش عاوزة تتنازلي
حاسة ان فرحتي ناقصة ومكسورة لا متقوليش كده هو انتي اول واحده هتتجوز ياما بنات عملو افراحهم اسلاميه وماشاء الله تبارك الله عمت عليهم البركه والسعاده
وكمان اقاربي مش ملتزمين افراحهم عاديه وعمالين يقولوا لابي وامي انهم اتنازلوا في حقي اوي
بصي يااختى ..هو حبيبك (صلي الله عليه وسلم)مش قال لينا:الدنيا سجن المؤمن وجنة الكافر
نستحمل بقي شويه الجنه غاليه يااختي
بالله عليكم انا نفسيتي تعبانة جدا بسبب موضوع الفرح ده انا مش عارفة اعمل ايه
بقولك ايه ياعروستنا اطلعي مالمود ده عاوزين نفرح انتي بتعمللي كده وهتاكلي علينا الشربات انا عارفه
اقول لخطيبي يضغط نفسة شوية بس انتم عارفين تكاليف الجواز عامله ازاي
ولا اتنازل عن الفرح وافضل كده حاسة ان فرحتي ناقصة اتنازلي وانا بقولك فرحتك مش هتقل والله ماهتحسي بزهق وبغم غير فالمعصيه
اللي يقول يقول خليكي متبعه هدي الحبيب صلي الله عليه وسلم
وبعدين ماحنا كلنا هنا بنقول لما نتخطب هنعمل افراحنا اسلاميه ولو فالبيت بس نرضي ربنا

بالله عليكم قولولي اعمل ايه
حبوبتي .. انتي استحلفتيني وانا قلتلك اللي بقوله لنفسي
اوعي تزعلي مني يااجمل عروسه
بقولك ايه سيبك مالكلام ده لااااااااااازم
شربات
ربنا يسعدك يارب ويتتم ليكي بخير

[أمة الله والحمد لله]

رد: اخواتي الغاليات انا مش لقيت غيركم بعد ربنا افضفضله همي بالله عليكم قولولي اعمل ايه

السلام عليكم ورحمة الله وبركاتة
أختى مررت بنفس حالتك
عند خطوبتى "لكنى فسخت الخطبة الان"
المهم يا أختى أستعنت بالله وقد أعاننى فكانت الخطوبة مفصولة الرجال عن النساء والحمد لله وروحت الكوافير وعملت شعرى ولبست فستان سهرة وعند خروجى من الكوافير كنت اللبس "الكابى شو " وخرجت مع عمى يعنى محرم وكنت ناوية يوم الفرح اعمل كده بردوا لكنى كنت حأروح مسجد لأنى نفسى طول عمرى أصلى العشاء بفستان الفرح ثم أخرج على بيت زوجى ........فصدقينى ده إن شاء الله يدخل عليكى الفرحة والسرور ويكون مش بتكلفة عالية ..........وإن شاء الله يجعل فرحك نصرة للأسلام

هذه الاسطوانة تحفة
إن شاء الله تفيدك

https://forums.way2allah.com/showthre...D3%E1%C7%E3%EC

أدخل الله على قلبكى الفرح والسرور
وإن كنت أرى أن ما انتى فيه يرجع لأسباب عديدة منها:
اولآ: أن الشيطان لا يريد لكى نصرة الدين بفرحك وأستعدادك لهذا الفرح بالنوايا الصالحة
ثانبآ: أن كل ذى نعمة محسود فعليكى بايات وادعية الحسد

ربنا يسعدك دنيا واخرة
وربنا يجعل فرحك احلى الافراح

[أمة الله والحمد لله]

رد: اخواتي الغاليات انا مش لقيت غيركم بعد ربنا افضفضله همي بالله عليكم قولولي اعمل ايه

بصى يا أختى نفسى تظبتى نواياكى كويس أوى قبل الفرح
انا لقيت الموضوع ده إن شاء الله يفيدك

https://forums.way2allah.com/showthre...t=%D2%E6%C7%CC

[Noda Nada]

رد: اخواتي الغاليات انا مش لقيت غيركم بعد ربنا افضفضله همي بالله عليكم قولولي اعمل ايه

السلام عليكم ورحمة الله وبركاته
ما اعتقدش اني هقول اكتر من اللي قالو ربنا يباركلهم يارب
بس بجد انتي ربنا كرمك بإنك ماعملتيش خطوبة
أنا لسه ما اتخطبتش ونفسي اعمل زيك كده
أنا شوفت خطوبة قريب خلتني اقول لو مش هعمل خالص لا خطوبة ولا فرح افضل من اللي بيحصل ده ولا حولا ولا قوة الى بالله


وإن شاء الله ربنا هيعوضك بأحسن منها في بيت زوجك
لانها متعة إنك تسيبي حاجه لوجه الله
أسأل الله العظيم ان يوفقك إلى كل مابحيه ويرضاه
ويجعل زوجك زوجج صالح ويجعلك زوجة صالحه له ويرزقكم بالذرية الصالحه يااااااااااااارب

[غربااء]

رد: اخواتي الغاليات انا مش لقيت غيركم بعد ربنا افضفضله همي بالله عليكم قولولي اعمل ايه

السلام عليكم ورحمة الله وبركاتة
كيف حالك يا اختى الحبيبة وتوأم روحى
اتمنى تكونى بخير حال الان
صدقينى سنكون معك والله المستعان
لكن استوقفنى ردك على احدى الاخوات

بس المشكله مش هلاقي حد في اقاريبي يحسسني بالفرحه لو عملت كده بالعكس نظرات كل اللي هيكونوا جنبي اني علشان اخترت طريق الالتزام يبقي مش هفرح وان انا اللي عاملت في نفسي كده لاني منتقبة والله انا لو اللي حواليا يحسسوني لو عملت كده دي برده فرحه كونت وافقت بس انا نفسي اعمل حاجة اعرفهم ان الالتزام مش معناه اني اخنق نفسي والله انا تعبت خلاص مش عارفه اعمل ايه ساعدوني الاقي فكرة كويسة توازي الافراح التانيةبس طبعا تكون ف رضا ربنا

فلا تنسى ان الله معنا وما دمنا هدفنا رضاة فلا تخشى شئ ابدا
واؤكد لكى اننا بجوارك وسيكون افضل فرح باذن الله
وانا ايضا متاكدة انك هتقفى جنبى فى فرحى بعدك
اكثرى فقط من الاستغفار واستعينى بالله القدير الذى يدبر كل الامور
ولا تلتفتى الى نظرات من حولك واجعلى ربى اغلى لكى شعارا بحياتك
ولا تنسى الاية الكريمة :
وما قدروا الله حق قدرة والأرض جميعا قبضتة يوم القيامة والسماوات مطويات بيمينة سبحانة وتعالى عما يشركون
واعلمى ان الله وحدة هو القادر على فك كربك فهو يملك ونحن لا شئ
فك الله كربك والهمكى رشدكى وكفاكى شر نفسكى

[العائدةالي الله]

رد: اخواتي الغاليات انا مش لقيت غيركم بعد ربنا افضفضله همي بالله عليكم قولولي اعمل ايه

أولا ألف مبروك يا اجمل عروسة في الدنيا

الله يبارك فيكي

ثانيا أنتى ممكن تنقي أغاني أسلامية للافراح وتشغليها يومين الفرح وأكيد صحباتك حيسعدوكي في الموضوع دة وحتي لو الأمر مامشيش بيبقي في فرق للأفراح الأسلامية بنات بس والأجر بيكون كويس ممكن تستعيني بيهم

ممكن تقوليلي فرق لأفراح الأسلامية بنات دي فين واوصل لها ازاي

وربنا يباركلك ويتمملك علي خير يا قمر

ويبارك فيكي وجزاكي الله خيرا

وأنا مليش دعوة أنا عايزة حاجات حلوة من الفرح

من عنيا كل اللي انتي عاوزاه مش في حاجة تغلي عليكي

[اسيره الصمت]

رد: اخواتي الغاليات انا مش لقيت غيركم بعد ربنا افضفضله همي بالله عليكم قولولي اعمل ايه

بسم الله السلام عليكم ورحمه الله
اختى لم ينقصنى شىء يوم الفرح وكان يوم جميل كل اللى حصل ان زوجى خدنى من الكوافير على الشقه على طول لانى حتى بخاف حركات السيارات وكنت مبسوطه ولاحاجه ضيعت على فرحتى الا انى كنت خايقه كتير خالص وكنت متوتره لدرجه انى لم استطع اتمالك نفسى من البكاء بس الحمد لله الفرح عدى على خير بصراحه انا عندى اسطوانات بس للاسف مش بعرف اعرفها قولى على الطريقه وانا تحت امرك وربنا يسعدك

[العائدةالي الله]

رد: اخواتي الغاليات انا مش لقيت غيركم بعد ربنا افضفضله همي بالله عليكم قولولي اعمل ايه

بسم الله السلام عليكم ورحمه الله

اختى لم ينقصنى شىء يوم الفرح وكان يوم جميل كل اللى حصل ان زوجى خدنى من الكوافير على الشقه على طول لانى حتى بخاف حركات السيارات وكنت مبسوطه ولاحاجه ضيعت على فرحتى الا انى كنت خايقه كتير خالص وكنت متوتره لدرجه انى لم استطع اتمالك نفسى من البكاء بس الحمد لله الفرح عدى على خير بصراحه انا عندى اسطوانات بس للاسف مش بعرف اعرفها قولى على الطريقه وانا تحت امرك وربنا يسعدك

جزاكي الله خيرا وبارك لكي في زوجك وفي بيتك ورزقكي بالذرية الصالحة

بس انا كمان مش عارفة الطريقة
ممكن حد من الاخوات تفيدنا
او قوليلي اشترتيها من اين او اسمها ايه وانا اجيبها