إعـــــــلان

تقليص
لا يوجد إعلان حتى الآن.

نهارك مش معدّي .. انت بتصدق الإعلام ..؟؟!!!!

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • نهارك مش معدّي .. انت بتصدق الإعلام ..؟؟!!!!


    بسم الله اكتب ،،

    القصة اني شايف الإعلام عامل ( هجوم عنيف ) على إخواننا السلفيين ، وأكيد الدنيا كلها شايفه الكلام ده زيي ،، صح ..؟؟ أنا طبعاً بما اني عارف السلفيين وعارف منهجهم وتفكيرهم ، فقلت عادي ، لازم أي حد محترم تلاقي له أعداء وناس تحسده ،
    وكمان استحاله الناس هتصدق الكلام اللي بيتقال علي السلفيين ، لأن الناس عارفين ان ده كله ( كلام جرايد) ياعم الحج ، ،
    صح ..؟؟!! مش هي دي الكلمة المعروفة والمشهورة عندنا ( كلام جرايد) يعني نفض له ، يدخل من ودن ويخرج من التانية . وبعدين كما قال الشاعر

    وإِذا أَرادَ الله نَشْرَ فَضيلةٍ ** طُويَتْ .. أَتاحَ لها لسانَ حَسُودِ
    لولا اشْتِعالُ النار فيما جاوَرَتْ ** ما كانَ يُعْرَفُ طِيبُ عَرفِ العود

    لكن اللي خلاني اندهشت ، ومش عارف أفكر ، إني لقيت الدنيا كلها صدقت الإعلام واتفقت على السلفيين ..!!!!!! يا نهار احوس
    واحد صاحبي عمال يقولي السلفيين عملوا وسوو ، وبيهدموا الاضرحة وبيقطعوا الودان ، وبيرشوا مية نار على اللي مش لابسه كويس
    قلت له :
    انت بتصدق ( الإعلام )..؟؟!!!!!
    قاللي أمال ايه ، طبعا أنا اتلجّمت …

    سيبك بقى من صاحبي والحوارات دي


    انا بسألك أنت ،،

    أيوه أنت ،،

    انت بتصدق ( الإعلام )..؟؟!!!!!

    هو انت مش فاكر لما كنت واقف في ميدان التحرير ، والناس بتوزع عيش فينو وجبنه ، وساعات عيش من غير جبنه ، أو تمر ( بلح )، ولا فاكر بتاعة الكشري اللي كان بيعدي من جنبك ونفسك تجيب ليك ولصاحبك بس مش معاك فلوس تكمّل ..!!
    في الوقت ده (الإعلام ) قال إنك بتاخد وجبة كنتاكي سخنة ، وخمسين جنيه … !!!!
    لية مصدفتش ( الإعلام )…؟؟؟!!!

    أمك متصلتش بيك وقعدت تعيط وتقولك : ( أبوس إيدك يا ابني ارجع ، البلطجية والحرامية بيهجموا على البيوت ، والناس بتتصلت في القناة الأولى وتصوت من الحرامية اللي بيقتلوا في الخلق ويغتصبوا الستات ، خاف على أمك واخواتك يابني ابوس ايدك )
    مرجعتش ليه ،، ؟؟!!
    ليه مصدقتش ( الإعلام ) …؟؟؟!!!


    أنت عارف أبوك كان بيزعق لك ليه وكان مصمم انك متنزلش الميدان ، ؟؟ عشان هو أصلاً مكنش معترف إن دي ثورة !!! عارف ليه
    علشان ( الإعلام ) كان مفهمه إن كل اللي في التحرير ( قلّة مندسة ) و ( اجندات خارجية ) وطبعا انت عارف ان صبحي وصلاح ومحمود اللي هما اصحابك ، هما دول اللي كانوا هناك ، ولو قلت لحد فيهم انت اجندة خارجية ، كان هيقولك (تيـــــــــت) وانت فاهم معناها
    ليه مصدقتش ( الإعلام ) …؟؟؟!!!


    طب بالله عليك ، مش انت كنت أول مرة تسمع عن ( الموبايل اللي بـ 7000 دولار !!!!) اللي من غير شريحة ولا شبكة ، وفي ناس في الميدان معاهم موبيلات من دي وبيكلموا امريكا واسرائيل….مين اللي قال الكلام ده مش برضه ( الإعلام ) ..؟؟!!
    ليه مصدقتش ( الإعلام ) …؟؟؟!!!


    بلاش دي ودي ، فاكر ( شيماء ) اللي جت على قناة المحور وقعدت تعيط ، وتقول أنا وأصحابي كنا بناخد تدريبات برة مصر ، واتعلمنا ازاي نعمل ثورة ونقلب النظام ، وكنا بناخد ( 50 دولار) في الساعة وكان معانا شباب من كل الدول ومن مصر ، واحنا اللي عملنا الثورة ، وفي الآخر طلعت بت كدابة وشغالة في الجريدة ، واتعرفت في الآخر …
    هاه يا صاحبي …
    ليه مصدقتش ( الإعلام ) …؟؟؟!!!


    طب لما تعرف بقى إن ( الإعلام ) اللي انت اتلسعت منه هو هو ، بس سابك واستلم ناس تانيين ، نجري نصدقه ، ونعتبره قرآن لا يكذب ..!!!
    نسيت إن في سلفيين ماتوا في الثورة ،،
    نسيت إن السلفيين اتعرضوا لأكبر ظلم في العالم من أمن الدولة الظلمة ، كنت أنت نايم في اليبت آمن ومطمن ، وهما لو عيل فرقع صاروخ بربع جنيه عند قسم ولا عند كنيسة ،، يجرجروهم في انصاص الليالي .. ممكن متكنش المعلومة دي وصلتك .. معذور

    بلاش دي ، نسيت اللي كان واقف جمبك في الميدان وبيدافع عن نفسه وعنك من الطوب والملوتوف ،
    قلي انت مين اللي كان بيحمي المداخل بتاعة الميدان ساعة البلطجية ،
    هتقوللي هما نزلوا بعد يوم 25 و 26 ،، لا كان في منهم معاكم ،،
    بعدين في 7 مليون بني آدم نزلوا الميدان بعد 28 ، هتمسك فيهم ..؟ هتقولهم انتوا جيتوا بعد ايه ..؟!!

    أكيد أنت دلوقتي بتقوللي : يا عم لخّص الله يباركلك ،،

    آخر الكلام ،، خلّيك حلو
    مش أي حاجه الجرايد تقولها و( الإعلام ) تصدقها

    ( بلاش تكذب عنيـــــــك وتصدق الإعلام )
    السلفيين اخواتك وجيرانك واخوك في اليبت ، واللبان اللي على ناصية شارعكوا ، والشاب اللي بيعدي بجلابيه بيضاء قصيرة يقولك ( سلامو عليكو ) وهو مبتسم ،

    إحنا ناس عندنا عقل ، بنفكر في الكلام اللي بيتقال كويس قبل ما ننقله ونصدقه ..!!

    لو عملت كده ، وصدقت ( الإعلام ) من غير ما تعقل الكلام ، يبقى ايه الفرق بينك وبين المنافقين ، وبعض الصحابه رضوان الله عليهم اللي اتهموا السيدة ( عائشة - رضي الله عنها) بأنها وقعت في الفاحشة ، شوف ربنا قال عليهم إيه (إِذْ تَلَقَّوْنَهُ بِأَلْسِنَتِكُمْ وَتَقُولُونَ بِأَفْوَاهِكُم مَّا لَيْسَ لَكُم بِهِ عِلْمٌ ) (وَتَحْسَبُونَهُ هَيِّناً وَهُوَ عِندَ اللَّهِ عَظِيمٌ)
    إذ تلقونه بألسنتكم ،، الله الله ،، إعجاآآآآآآآز بلاغة عالية والله
    طبعاً معلوم إن التلقّي بيكون بإيه ،، ؟؟!! انت بـ تتلقّى الكلام بأذنك ولا بلسانك ..؟
    طبعاً بالأذن ،،
    لكن الآية الكريمة تقول ( إذ تلقونه بالسنتكم ) يعني ان الناس تلقت الكلام وصدقوه ونشروه ، بدون أن يمر على عقولهم
    ولو أن الكلام مر على عقولهم لفكروا فيه ، ولعلموا أنه من المستحيلات أن تقع ( أمّنا عائشة ) في مثل هذا الفعل
    ونزلت البراءة من الله تعالى( إِنَّ الَّذِينَ جَاءُوا بِالإِفْكِ عُصْبَةٌ مِنْكُمْ لا تَحْسَبُوهُ شَرّاً لَكُمْ بَلْ هُوَ خَيْرٌ لَكُمْ)

    ( بلاش تكذّب عنيـــــــك وتصدق الإعلام )

    وللحديث بقـيّـة …



    معذرة على ركاكة الاسلوب
    كتبه : مصطفى شاكر ( بن شاكر )
    9-5-2011
    الساعة 10:55 م


    التعديل الأخير تم بواسطة اللؤلؤةالمكنونة; الساعة 11-05-2011, 04:18 PM.

    اسئلكم الدعاء ﻻخي بالشفاء العاجل وان يمده الله بالصحة والعمر الطويل والعمل الصالح

  • #2
    رد: نهارك مش معدّي .. انت بتصدق الإعلام ..؟؟!!!!

    بارك الله فيك وجعله الله فى ميزان حسناتك

    تعليق


    • #3
      رد: نهارك مش معدّي .. انت بتصدق الإعلام ..؟؟!!!!


      جزاكِ الله خيرا

      تعليق


      • #4
        رد: نهارك مش معدّي .. انت بتصدق الإعلام ..؟؟!!!!

        جزاكِ الله خيراً وبارك الله فيك ونفع بك
        الله اسال ان يجعله فى ميزان حسناتك


        تعليق


        • #5
          رد: نهارك مش معدّي .. انت بتصدق الإعلام ..؟؟!!!!

          الله المستعان على ما يصفون

          جزاكِ الله خيرا أخيتى وبارك فيكِ وجزا الله الكاتب خيرا
          الإسلام ليس قضية تُطرح للنقاش
          بل هو الحَكَم الفصل فى أى قضية تُطرح للنقاش
          رضيت بالله ربا وبالإسلام دينا وبمحمد -صلى الله عليه وسلم- نبيا

          يارب لك الحمد كما ينبغى لجلال وجهك وعظيم سلطانك

          تعليق


          • #6
            رد: نهارك مش معدّي .. انت بتصدق الإعلام ..؟؟!!!!

            بارك الله فيك
            والله كلامك صحيح جد1
            نسأل الله الهداية والثبات


            بشارة خير لكل مشتركي الفيس بوك ..انشر الخير باقل مجهود
            https://forums.way2allah.com/showthread.php?t=205417

            تعليق


            • #7
              رد: نهارك مش معدّي .. انت بتصدق الإعلام ..؟؟!!!!

              ما شاء الله موضوع راااااااائع يا راجية

              جزيتي خيراً انتي وصاحب الموضوع

              سبحان الله والحمد لله ولا إله إلا الله والله أكبر

              نسألكم الدعاء لأمي بالشفاء العاجل
              دخول م ت ق ط ع

              تعليق


              • #8
                رد: نهارك مش معدّي .. انت بتصدق الإعلام ..؟؟!!!!

                جزاكِ الله خيرا

                وبارك الله فيكِ

                ورزقك الفردوس الأعلي اللهم آمين
                وآآآآه يا أبي بكر هل لي من لقياك نصيب
                رضي الله عنك وأرضاك


                تعليق


                • #9
                  رد: نهارك مش معدّي .. انت بتصدق الإعلام ..؟؟!!!!

                  اللهم بااارك
                  موضوع رائع جداا يا راجية
                  جزيتِ خيراا ومن كتبه
                  نفع الله بكِ
                  اللهم أنصر الإسلام وأعز المسلمين
                  اللهم أرزقني حلاوة حفظ كتابك..
                  اللهم أجعل لا إله إلا الله آخر كلامي..

                  تعليق


                  • #10
                    رد: نهارك مش معدّي .. انت بتصدق الإعلام ..؟؟!!!!

                    المشاركة الأصلية بواسطة "نور" مشاهدة المشاركة
                    اللهم بااارك
                    موضوع رائع جداا يا راجية
                    جزيتِ خيراا ومن كتبه
                    نفع الله بكِ
                    وجزاك المثل ياغالية ياريت تاخدي اللي طلبتيه في الرسالة لاني مش هعرف ابعته او ابعتي بتاعك في رسالة وانا هضيفه دلوقتي
                    لاني كنت لسه بتكلم في حاجة تخص قسمك برضه وماهصدق نتعاون سوى

                    اسئلكم الدعاء ﻻخي بالشفاء العاجل وان يمده الله بالصحة والعمر الطويل والعمل الصالح

                    تعليق


                    • #11
                      رد: نهارك مش معدّي .. انت بتصدق الإعلام ..؟؟!!!!

                      موضوع رائع
                      بارك الله فيكم
                      لاتنسونى من دعائكم بالشفاء
                      والهداية والنجاح بتقدير امتيياز

                      "المصحف المعلم والمرتل للشيخ الحصرى"
                      https://forums.way2allah.com/showthre...post1059815501

                      تعليق


                      • #12
                        رد: نهارك مش معدّي .. انت بتصدق الإعلام ..؟؟!!!!

                        راااااااائع أختى راجية حب الرحمن
                        جزاكِ الله خيراااا وجزى الله الكاتب خيراااااااا
                        بارك الله فيكِ ونفع الله بكِ


                        تعليق


                        • #13
                          رد: نهارك مش معدّي .. انت بتصدق الإعلام ..؟؟!!!!

                          للرفع
                          رفع الله قدركم
                          اللهم أنصر الإسلام وأعز المسلمين
                          اللهم أرزقني حلاوة حفظ كتابك..
                          اللهم أجعل لا إله إلا الله آخر كلامي..

                          تعليق


                          • #14
                            رد: نهارك مش معدّي .. انت بتصدق الإعلام ..؟؟!!!!


                            جميل يا راجيه
                            ربنا يبارك فيكى

                            صلى الله على محمد ... صلى الله عليه وسلم

                            تعليق

                            يعمل...
                            X