إعـــــــلان

تقليص
لا يوجد إعلان حتى الآن.

مرحباً بكم في " College of Pharmacy " صيادلة المنتدي .

تقليص
X
تقليص
 
  • الصفحة لـ 11
  • تصفية - فلترة
  • الوقت
  • عرض
إلغاء تحديد الكل
مشاركات جديدة
السابق 1 4 5 6 7 8 9 10 11 template التالي
  • #91
    رد: مرحباً بكم في " College of Pharmacy " صيادلة المنتدي .

    ▓ثالثا▓:
    يلا نفهم سوا وظيفة كل قسم وبندرس فيه إيه ببساطه (بإختصار),,,,
    طبعا كل قسم بندرس فيه نظري ومن النظري في حجات بنطبقها عملي
    الأقسام
    1_قسم الكيمياء العضوية Department of Organic Chemistry


     ←وده قسم مش صيدلة بس اللي بتدرسه,لا دي علوم كمان
    ←في القسم ده بندرس المركبات الكيميائية ,وتركيبها ,وأسمها ,وإزاي نسميها ,وتأثيرها, وطريقة تحضيرها
    ←في القسم ده بيكون متاح ليا إني أحضر المركبات الكيميائية الجديدة (أخترع يعني مركب جديد ),وسنحتاج للأقسام الأخري في إثبات فاعليتها في العلاج


    العملي :
    ♥بيكون_بإختصار _في البدايه عبارة عن معرفة المواد الكيميائية عن طريق بعض التجارب العمليه ثم معرفة تحضيرها وإجراء عليها بعض التجارب لإثبات أنها هي(تجربه تأكديه يعني) ♥




    2_قسم الكيمياء الطبيةDepartment of Medicinal Chemistry


    ←لم يدرس إلا في صيدلة فقط
    ←وده مكمل للكيمياء العضوية
     ←في القسم ده بنجيب المركب الكيميائي اللي حضرناه في الكيمياء العضوية ونجري عليه بعض التغيرات لزيادة الفاعلية أو تقليل السمية أو تطويل مده التأثير وهكذا.....

    العملي:
    ♥إجراء بعض التجارب علي العقاقير الطبيه المتوفره في السوق ♥






    3_قسم الصيدلانياتDepartment of

    Pharmaceutics




     ←ده قسم لم يدرس إلا في صيدلة فقط
     ←وليه دور كبيير جدا جدا جدا في صيدلة وأكيد باين من اسمه.
     ←بدرس فيه أنواع المستحضرات الطبيه اللي مكن أحضر فيها الدوا _أشكلها يعني_ سواء كان: حبوب ,أو أقراص ,أو حقن ,أو لوشن,أودوا شرب ,أو لبوس ,أو مرهم وهكذا.....
     ←وكمان بندرس فيه طريقه تحضير تلك الأشكل الدوائية وإزاي تكون ثابتة مش تتكسر مني وتبوظ
    ←وبندرس فيه طريقة تحضير (مستحضرات التجميل) :كالشامبو والكريمات وزبده الكاكاو واللوشن وهكذا......
     ←وبندرس فيه تركيب الأجهزة اللي بنحضر بيها الدوا اللي موجوده في المصانه بتاعت الأدويه , وكيفية العناية بها حتي نحصل علي أحسن منتج ,ثابت,صالح للإستعمال
    ←بندرس أيضا طريقة إعطاء الدوا في جرعات منتظمة وكيفيه حساب الجرعات


    العملي:
    ♥بنحضر الأنواع المختلفة من الأدويه ودراسة دورها العلاجي ♥
     ♥وإزاي أحسب كميتها من الروشتة المكتوبه عندي ♥
     ♥وبندرس تركيب الأجهزه بالرسومات ♥
    تابعونا,,,,,,





    اللهم احفظلي ابني*حمزة* واجعل له نصيب من اسموا ياااارب

    تعليق

    • #92
      رد: مرحباً بكم في " College of Pharmacy " صيادلة المنتدي .

      بارك الله فيكِ أختى أمةاللــــــــــــــه 1
      عفاكِ الله وشفاكِ من كل سوء
      جهد رائع منكِ
      يلا يا صيادلة شدوا الحيل
      ====

      على فكرة انا تخصصى أرحم بكتييييييييييييييييير
      اللهم احفظ ابنتى واعنا على تربيتها تربية صالحة مصلحة حاملة لكتابك ومطبقة لشرعك
      اللهم احفظ زوجى من كل سوء والف بين قلوبنا واجعله قره عين لى واجعلنى قرة عينا له
      وبارك اللهم في أهلى ورفيقاتى واحفظهم من كل سوء

      تعليق

      • #93
        رد: مرحباً بكم في " College of Pharmacy " صيادلة المنتدي .

        يا عالم انتم فين ؟؟
        اللهم احفظ ابنتى واعنا على تربيتها تربية صالحة مصلحة حاملة لكتابك ومطبقة لشرعك
        اللهم احفظ زوجى من كل سوء والف بين قلوبنا واجعله قره عين لى واجعلنى قرة عينا له
        وبارك اللهم في أهلى ورفيقاتى واحفظهم من كل سوء

        تعليق

        • #94
          رد: مرحباً بكم في " College of Pharmacy " صيادلة المنتدي .

          والله اعجز عن التعبير
          يعني رووووووووووووعه بجد


          الكيمياء العضوية احنه كمان ندرسها في المرحلة الاولى بالضافة الى مبادئ ف الكيمياء التحليلية
          وفي الثاني ندرس كيميا حيوية (بايوكمستري )
          طبعا بيحضرونا لدراسة الفارما في المرحلة الثالثة
          اللّهُمَّ أَرضِنِي .. وَارْضَ عَنِّي
          اللهم اغفر لي ولوالدي وللمؤمنين والمؤمنات الأحياء منهم والأموات

          القرآن كلام الله .. خطاب الملك..القرآن عزيز .. مطلوب وليس طالب
          إذا تركته تركك .. وإذا ذهبت عنه ذهب

          تعليق

          • #95
            رد: مرحباً بكم في " College of Pharmacy " صيادلة المنتدي .

            راااائع اختى أمة الله
            موفقة ... بارك الله فيكِ
            جهود رائعة

            تعليق

            • #96
              رد: مرحباً بكم في " College of Pharmacy " صيادلة المنتدي .

              بعتذر علي التأخير ,أسألكم الدعاء وان شاء الله هحط الجديد قريب جدااااااااااااا
              وجزاكم الله خيرا علي تشجعكم ليا
              اختي*المصرية فيورز* واختي*باغيه الجنان العلي* واختي*عاشقة خديجة*
              جزاكم الله خيرا جميعا

              اللهم احفظلي ابني*حمزة* واجعل له نصيب من اسموا ياااارب

              تعليق

              • #97
                رد: مرحباً بكم في " College of Pharmacy " صيادلة المنتدي .




                5_قسم العقاقير Department of Pharmacognosy





                ←ده موجود فرع منه في علوم يسمي taxonomy _يصنف النباتات عائلات_
                ←في صيدله بدرس التاكسونمي ده والماده الفعاله اللي فيه وده اللي يهمني


                ←قسم العقاقير ده بندرس فيه النباتات الطبيعية الطبية


                ←احنا عارفين أن فيه أدوية من نباتات طبيعيه مش لازم تكون مركب كيميائي صناعي لا ممكن يكون طبيعي


                ←فيه بندرس النباتات وكل مايتعلق به من مكونات لمعرفه اهميتة الطبية


                ←وبدرس فيها كيفية فصل المادة الفعاله من النبات بالطرق العلمية الصحيحه اللي تخلي المادة الفعالة مش تتكسر


                ←وبدرس فيها إزاي إعرف أن النبات دة مغشوش أو البودرة بتاعتة مغشوشة


                ←وإزاي أزرع جزء من النبات من غير تربة لإجراء بعض التعديلات الوراثية عليه طب لييييية بعمل كدة؟؟؟؟؟؟؟


                عشان ازود كمية المادة الفعاله او احسن تأثيرها أو أي سبب صالح تاني.......





                العملي:


                ♥إجراء بعض التجارب علي النبات لمعرفة شكله والماده الفعاله بتاعته ♥


                ♥دراسة كيفية فصل المواد الفعالة من النباتات ♥


                ♥دراسة كيفية فصل أكثر من نبات من بعضه بطرق عمليه علمية ♥














                4_قسم التحليليةDepartment of Analytical








                ←موجود في علوم أيضا



                ←بدرس كيفية تحليل المواد وفصل المواد الكيميائية عن بعضها وده قسم سهل جدااااااااااا



                ←وبناخد بعض الحجات في الفيزياء وحجات تانيه سهله



                ←بيكون في أولي وتانية بس ومش بنخده تاني






                العملي:



                ♥فصل مواد كيميائية عن بعضها والتعرف عليها ♥














                6_قسم الأدوية والسمومDepartment of Pharmacology and Toxicology










                ←موجود في طب بس يشكل ابسط من عندنا



                ده بقي قسم الرععععب (قسم الفئران والضفادع)



                ←وده قسم مهم جدا جدا جدا جدا بردوا في صيدلة يعتبر اساس صيدلة



                ←بدرس فيه تأثير العقار سواء كان كيميائي او طبيعي ,الماده الفعاله عموما علي حيوانات تجارب لمعرفه هل هو فعال أم لا؟ وهل هو أمن ام سام؟ وهكذا........



                ←وده كله عشان أقدر أقول انه ينفع استخدمه علي الإنسان



                ←وبدرس فيه تأثير السموم أيضا علي الحيوانات لمعرفه تأثيرها علي الإنسان من أجل تجنبها






                العملي :



                ♥معرفه تأثير الدواء علي عضلات الحيوانات وتشريحها ♥



                ♥معرفة تأثير الدواء عن طريق حقن الحيوانات وملاحظه التغيرات الناتجة عنه ♥






                7_قسم الكيمياء الحيوية



                Department of Biochemistry








                ←موجود في علوم أيضا


                ←بدرس فيه مكونات الدم وكيفيه تحليله


                ←ومكونات مواد مختلفة في الجسم كالبروتين, والدهون ,وغيره.... وكيفيه توزيعها وخطورة زيادتها أو نقصانها علي صحه الإنسان



                ←وبدرس كيفيه تشخيص بعض الأمراض عن طريق إجراء تحاليل وملاحظه زياده أو نقصان هرمون معين أو نوع بروتين معين



                ←وبيستفاد من القسم ده اللي بيكون عاوز يشتغل في معمل تحاليل



                ←وممكن الصيدلي يعمل دبلومه تحليل في علوم ويفتح هو معمل لوحدوا وهنتكلم في ده بعدين






                العملي :



                ♥يكون تطبيق علي النظري ♥











                8_قسم الميكروبيولوجيDepartment of Microbiology











                ←بندرس فيه الميكروبات سواء كانت مسببه لأمراض أو نافعة



                ←بدرس حياتها وكيفيه انقسامها



                ←وبندرس تأثير المضادات الحيويه علي تلك الكائينات



                ←وبندرس أنواع الديدان التي تصيب الإنسان وكيفيه تشخيصها وعلاجها والوقاية منها



                ←وبدرس أهميه حمايه البيئة علي الأنسان






                العملي:



                ♥تطبيق عملي بحت علي النظري ♥



                كدا نكون خلصنا التعريف بالأقسام , إن شاء الله هنتكلم عن كيفيه ارتباط كل الأقسام مع بعض فهما عملين زي الشجره بالضبط



                تابعونا,,,,,

                اللهم احفظلي ابني*حمزة* واجعل له نصيب من اسموا ياااارب

                تعليق

                • #98
                  رد: مرحباً بكم في " College of Pharmacy " صيادلة المنتدي .


                  بسم الله ماشاء الله
                  جزاكِ الله كل خير أختي الغالية أمة الله
                  وجدت مطلبي هنا والله كنت بدور على النت من فترة كدا
                  لانيي حابة صيدلة وكنت عايزة اتعرف عليها اكتر واكتر
                  وانا دلوقتي اتشوقت ليها جداااااااً
                  بس عندي سؤال
                  بالنسبة لما بتلبسوا البالتو الأبيض انا بفضل الله لابسة ملحفة
                  ونقاب فكده مش هيجسم ولا ايه ؟ وانتم بتعملوا ايه ؟
                  وبرضه بيكون تعاملكم عادي بالجاونتي ولا لأ ؟
                  معلش على الأسئلة بس شاغلين بالي

                  ومتابعة معكِ باذن الله
                  بارك الله فيكم

                  تعليق

                  • #99
                    رد: مرحباً بكم في " College of Pharmacy " صيادلة المنتدي .

                    المشاركة الأصلية بواسطة رسولي قدوتي وحبيبي مشاهدة المشاركة
                    بسم الله ماشاء الله
                    جزاكِ الله كل خير أختي الغالية أمة الله
                    وجدت مطلبي هنا والله كنت بدور على النت من فترة كدا
                    لانيي حابة صيدلة وكنت عايزة اتعرف عليها اكتر واكتر
                    وانا دلوقتي اتشوقت ليها جداااااااً
                    بس عندي سؤال
                    بالنسبة لما بتلبسوا البالتو الأبيض انا بفضل الله لابسة ملحفة
                    ونقاب فكده مش هيجسم ولا ايه ؟ وانتم بتعملوا ايه ؟
                    وبرضه بيكون تعاملكم عادي بالجاونتي ولا لأ ؟
                    معلش على الأسئلة بس شاغلين بالي

                    ومتابعة معكِ باذن الله

                    بارك الله فيكم
                    السلام عليكم ورحمه الله وبركاته......
                    ازيك اختي الحبيبه نورتينا
                    بصي بالنسبه للبلطو عادي هاتي بلطو واسع وشمري كمه علي قدك والنقاب لو بتلبسيه بره الملحفه خرجيه علي البلطو من بره عادي محدش هيقولك حاجه ,أما إذا كنتي بتلبسيه جوه فبردوا مش هيكون فيه مشكله غير بس الكتاف مش هتكون زي الملحفة بس لو البلطو واسع خلاص عادي
                    أما الجونتي انا سعات بشتغل بالجونتي بتاعي او يكون معايا جونتي للشغل وفيه بعض السكاشن لازم نلبس جونتي طبي فبيكون بردوا مصلحه بس احيانا في شغل لازم يتعمل من غير جونتي انتي مش هتعرفي تعمليه بجونتي فبقلعه واعمله بس اصلا سكشني بنات واذا دخل ولد ولا حاجه بخبي ايدي وبتعدي
                    يارب يكون سكشنك بنات يااااااااااااارب
                    واي سؤال انا معاكي هجوبلك عليها إن شاء الله
                    والنقالب بيحميكي من ابخره كتيره رحتها وحشه مش تقلقي خالص





                    اللهم احفظلي ابني*حمزة* واجعل له نصيب من اسموا ياااارب

                    تعليق

                    • #100
                      رد: مرحباً بكم في " College of Pharmacy " صيادلة المنتدي .

                      هاااااااايل اختى امة الله
                      انت كدة هتحببى ناس كتييير
                      فى كليه صيدلة
                      وتشجعيهم انهم يتعمقوا فى المجال ده
                      بارك الله فيكِ

                      تعليق

                      • #101
                        رد: مرحباً بكم في " College of Pharmacy " صيادلة المنتدي .

                        المشاركة الأصلية بواسطة عاشقه خديجه رضى الله عنها مشاهدة المشاركة
                        هاااااااايل اختى امة الله
                        انت كدة هتحببى ناس كتييير
                        فى كليه صيدلة
                        وتشجعيهم انهم يتعمقوا فى المجال ده
                        بارك الله فيكِ
                        ربنا يبارك فيكي يارب
                        انتي فين مختفيه عوزين نشوفك في المسجد اللي تحت ان شاء الله

                        اللهم احفظلي ابني*حمزة* واجعل له نصيب من اسموا ياااارب

                        تعليق

                        • #102
                          رد: مرحباً بكم في " College of Pharmacy " صيادلة المنتدي .

                          بارك الله فيكِ
                          انا بدور عليكِ فى المسجد
                          اللى فى الدور التانى
                          بس كويس ...انا كدة عرفت مكانك
                          ان شاء الله أراك على خير
                          سلميلى على دعاء

                          تعليق

                          • #103
                            رد: مرحباً بكم في " College of Pharmacy " صيادلة المنتدي .


                            ♥كيفية أرتباط جميع الأقسام♥

                            للوصول إلي دوا آمن وفعال بإذن الله ممكن يعدي بطريقين


                            اول طريق:
                            في قسم الكيمياء العضويه نخترع مركب كيميائي محتمل أنه يكون ليه تأثير معين _وطبعا بيجربوه علي الحيوانات في الفارما_
                            ↓↓↓↓↓↓↓
                            وبعدين نروح بيه لقسم الكيمياء الطبية لكي يجري عليه بعض التعديلات لييييييه؟؟؟
                            عشان يكون أكثر فعاليه وآمن وغيره من الحجات المفيده للدوا _وبيجربوه طبعا علي الحيوانات في الفارما_
                            ↓↓↓↓↓↓↓
                            وبعدين نروح بيه علي قسم الأدوية والسموم اللي هو قسم الفارما بردوا نفس الأسم يعني ليه بقي بيروح هناك؟
                            لإجراء تجارب لمعرفة تأثيره والجرعة الفعالة والجرعة السامة وتأثيره علي الحيوانات
                            ↓↓↓↓↓↓↓
                            ثم نذهب به إلي الصيدلانيات عشان نشوف حنضره في أنهي شكل عشان يكون ثابت وفعال وله تأثير
                            وعشان الدوا ياخد تصريح بالتداول لاااااازم يجربوه علي بشر وبيكون ناس متطوعين إزاي؟؟؟؟
                            الشركات اللي بره مثلا أكتشفت دوا وحضرته تقوم عمله إعلان انهم عوزين متطوعين وناس بيجوا وبيجروا عليهم التجارب (لاتعليق)
                            ↓↓↓↓↓↓↓
                            وفي الأخر بيخرج الدوا زي اللي في الأسواق


                            الطريقة الثانية:
                            مثلا لقيت نبات وأنا ماشي كده فعجبني
                            فقمت وخده ووديته للراجل بتاع التاكسونمي في علوم
                            قولتله شوفلي ده تبع أنهي عائله واسمه وكده
                            فقام الراجل المحترم جبلي أصله وفصله
                            فقمت وخده ورحت بيه علي قسم العقاقير وعملت شويه تجارب وفصلت منه مادة فعاله
                            ↓↓↓↓↓↓↓
                            أخد الماده دي بقي وأوديها لقسم الفارما_الادوية والسموم_ عشان يشوف تأثيره علي حيوانات التجارب
                            ياتري سام ولاآمن؟
                            لو سام ممكن استخدمه كمبيد حشري أو الحجات دي علي حسب تأثيره
                            طب لو آمن ,طب ياتري فعال؟ طب تأثيره علي إيه في الجسم؟
                            طب الجرعه الأمنه إيه والسامه إيه؟
                            بعرف ده كله وبعدين
                            ↓↓↓↓↓↓↓
                            وأقوم واخداه لقسم الصيدلانيات عشان يشوف الشكل المناسب ليه والكلام زي المره الأولي بالضبط
                            وبيستعينوا طبعا بالأقسام الأخري زي التحليليه والكيمياء الحيوي خلال ده كله ...


                            ♥معلومة إضافية ♥
                            ←ده كمان أنا ممكن أكتشف مادة فعالة من نبات طبيعي أقوم موديه الماده دي لقسم الكيمياء العضويه وقسم الكيمياء الطبيه عشان يحضروه كيميائي عشان يكون أرخص في حاله النباتات الغالية
                            ياتري مفهوم حاجه؟؟؟؟؟
                            المره الجايه هنشوف هنطلع هنكون إيه في الأخر........
                            تابعونا,,,,,,

                            اللهم احفظلي ابني*حمزة* واجعل له نصيب من اسموا ياااارب

                            تعليق

                            • #104
                              رد: مرحباً بكم في " College of Pharmacy " صيادلة المنتدي .

                              ماشاء الله ربنا يكرمك
                              قال الله تعالى:
                              (كُلُّ نَفْسٍ ذَآئِقَةُ الْمَوْتِ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ فَمَن زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ وَما الْحَيَاةُ الدُّنْيَا إِلاَّ مَتَاعُ الْغُرُورِ)

                              تعليق

                              • #105
                                رد: مرحباً بكم في " College of Pharmacy " صيادلة المنتدي .

                                ما شاء الله
                                على كده حلوة اوي الصيدله
                                مع اني كنت واخدة فكرة سيئة عنها ؛)
                                جزاك الله خيرا ونفع بكِ

                                اللّهُمَّ أَرضِنِي .. وَارْضَ عَنِّي
                                اللهم اغفر لي ولوالدي وللمؤمنين والمؤمنات الأحياء منهم والأموات

                                القرآن كلام الله .. خطاب الملك..القرآن عزيز .. مطلوب وليس طالب
                                إذا تركته تركك .. وإذا ذهبت عنه ذهب

                                تعليق

                                السابق 1 4 5 6 7 8 9 10 11 template التالي
                                يعمل...
                                X