من اروع ما قراءته

[طائعه]

تــوبالعفــاف

الأنوثـة مش مــجرد
حبة أحمـر عـ الشفايف
الانوثـة مش في انك
تهوِسي عقل اللي شايف
الأنوثـة نعمه غالــية
ربنا اللي اداها لــيكي
و بايديكـي تحفظيها
أو تضيع من بين ايديكي

*******

كل شيء في الدنيا لـما
بيـــــداروه بيزيد جمال
و العفـاف للبنت يغلب
أي شــــكل و أي مال
هو أحسن من عيونــهم
تاخدي نظرة الاحترام
ولا تاخدي سهم جـارح
اسمـــه نظرات الحرام؟

*******

الزهور بتكون جمــــيلة
طول ما لسّه الشوك حاميها
بس لو يوم شوكها سابــها
ألـــــــف ايـــد تتمد ليها
هو أحسن ترضي ربك
ولا ترضي الناس بحالها؟
هو ايـــــه للبنت يشفع
شكلها ولاّ عـــــملها؟
دا الجمال في الجسم زايل
انتي شفتيـه دام لمين؟
و الجمال في الروح بيفضل
مهمـا بتعـدّي السنيـن

*******

سيرة البنت العفـيفة
هى أحـــسن شيء يدوم
حبرها مكتوب بدينـــــها
مش بمكيـــاج أو هـدوم
انسي مكيـاجك وسيبي
نــور إلهك يملى وشّـك
بدلّي مـرايتك بقــــلبك
مستـحيل قلبـك يغشّـك

*******

انتي أجمل ألف مــــــرة
لو جمالك جوّة قلــــبك
مش مهم الخلق ترضــى
المهم ترضي ربـــــــك
هو إيه في الكون دا يغلب
لو الـه الكـون دا حبّـك؟؟؟

[أمة الملك]

رد: من اروع ما قراءته

جزاك ِ الله خيرا الجزاء أختى طائعه

تلك الكلمات جميلة جدا

حقا

مش مهم الخلق ترضى *** المهم ترضى ربــك

اللهم إنى أسألك رضاك والجنة وأعوذ ُ بك من سخطك َ والنار

بارك الله فيك ِ أخيتى ورفع قدرك فى الدنيا والآخرة

[أخوكم هيثم]

رد: من اروع ما قراءته

جزاكم الله خيراً على النقل الطيب ...

[رشيده]

رد: من اروع ما قراءته

جزاكى الله خيرا اختى

[طائعه]

رد: من اروع ما قراءته

السلام عليكم ورحمه الله وبركاته............ جزاكم الله كل الخير على مروركم الكريم