إعـــــــلان

**مسلمه مصريه ولى الفخر** · 24-03-2008, 11:41 PM

رد: || ليه لأ ؟؟!! ||

والله يا اخت نور
اولا يعنى جزاكى الله خيرا على الموضوع
ثانيا اسبباب ليه بقى دى
ليها اسباب كثير من وجهه نظرى انا يعنى
واعتقد ان هتلاقى افكار كثير للاعضاء هنا مختلفه كل شخص وليه تفكيره
بس فى نظرى انا
ازاى الدعاه بتوعنا هيشاركوا فى حاجه زى دى
والمعظم عارف ان ناس كثير زعلانه اصلا من تواجد الناس دى
فهمانى طبعا
اولا انا عارف الداعيه الى بتتكلمى عنه
الاستاذ عمرو خالد
صاحب الحمله ضد الادمان
اولا هو شيء جميل الى هو عمله ده
بس تفتكرى حد من الناس دى هيقبل ظهور الدعاه بتوعنا فى الصوره
تفتكرى القنوات الى بدعم حمله عمرو خالد هتوافق على تواجد العلماء دول
اولا علمائنا بيحاربوا قنوات الفسادى دى بالقنوات الاسلاميه والدعوه
تفتكرى ممكن فى يوم من الايام هتروحى لعدوك وتقوليله تعالى اظهر معايا فى الصوره
هما بيحاولوا بكل الطرق تتطلع الناس دى غلط ووووووو
ازاى هيقبلوهم
انتى عارفه انا متخيله لو احد علمائنا حفظهم الله قام وقال انا معاكم
هيقولوا وقتها كلام كثير جدا
وكل الى مستنى حاجه هيعملها
وفيه طبعا اسباب تانيه كثير غير السبب ده
انا عايزاكى بس تتخيلى مع نفسك
هما بيحاربوا الالتزام والنقاب واللحيه قد ايه
وانتى هتلاقى رد لسؤالك
ربنا يبارك فيكى
ويجعل الاعمال فى ميزان حسناتك
وان نرزق جميعا بالاخلاص فى القول والعمل

**:: NooR ::** · 24-03-2008, 11:58 PM

رد: || ليه لأ ؟؟!! ||

عدويّ ؟؟ !

موصلتش للدرجة دي ،، ممكن نختلف ببعض حاجات ، لكن مش عداوة .. ..

صدقيني ، لما الناس وهي بتشتغل لقت حد بيمدلها ايده ،، حتشكره قبل م تتفرج حتى ع شكله ..

لو بموقف متل ده ، جا صاحب اللحية وجت صاحبة النقاب وقالت ، انا معاكم

والله محد حيحاربها ولا حد حيقول لها لأ ..

وان كان في ناس حتقول لأ ،، فناس قليلة وقليلة جدا ...

نحاربهم لما يكونوا على غلط ، ونوقف ضدهم لما يعملوا حاجة ضد الشرع والعرف

لكن لما يعملو الحاجة الصح ، ليه منوقفش معاهم ؟

**ابي بن كعب** · 25-03-2008, 01:27 AM

رد: || ليه لأ ؟؟!! ||

السلام عليكم .... حياكم الله جميعا في البدايه استحملوني هطول شويتين في التعليق لان الموضوع يستحق الرد بالفعل.. مش عارف ابدا منين بس الله المستعان... اختنا الكريمه اكرمها الله في الدنيا والاخره تقول ليه لا..؟؟؟ وانا ارد قائلا وليه اه...؟ ليه انتظر رجل مثل الاستاذ عمرو يوجهني والكل يعرف منهجه الفاسد ... ماذا نتوقع من حمله قائدها والداعي اليها هو نفسه الداعي الي ضلالات كثيره... كنت حابب ان اذكر معظمها لكن هكتفي بفعل قام به فيوقت لاحق ... ذهابه الي الكنيسه المصريه يوم عيد ميلاد رب النصاري ... اشمعنا انا ذكرت الفعل ده بالذات لسبب بسيط جدا لو دخلنا مثلا وشوفنا ردود اعضاء المنتدي الخاص بالاستاذ عمرو خالد هداه الله نجدهم من يقول ان العلماء اختلفوا في هذا الامر ومنهم من يستدل بحديث في غير موضعه كي يبرر موقف عمرو خالد هداه الله واخر يقول اننا هنروح جروب السنه الجايه عشان نبين لاخواتنا المسحيين مدي التسامح وتقويه الوحده الوطنيه وغيره وغيره من الردود العجيبه .. يعني ببساطه الاستاذ عمرو خالد وصل الناس انهم يروحوا الكنيسه واالناس اعتبرته انه مباح عشان الاستاذ عمرو خالد راح ... طيب جميل جدا لما الاستاذ عمرو خالد هداه الله يكون قائد لحمله حمايه ايه هتكون النتيجه ببساطه اننا بنحارب الادمان ولكن في نفس الوقت بنصيبهم بادمان البدع والضلالات التي ينشرها عمرو خالد ... وهستدل بشئ معروف جدا لدي الجميع الا وهو كيف ترك الصحابه شرب الخمر واقلعوا عنه وده يعتبر ايضا ادمان.. ببساطه عندما دخل الايمان قلوبهم تركوا شرب الخمر ... فوالله لن يترك المدمن المخدرات الا اذا دخل الايمان قلبه في البدايه طيب وكيف يدخل الايمان قلبه بحفل غنائي ؟؟ عندما نسمع ان ممثلين ومطربين في هذه الحمله ماذا ننتظر اذن .؟؟ عندما نعلم ان المطرب الشعبي شعبان عبد الرحيم سوف يغني لهذه الحمله فهل الوسيله مشروعه؟ وطبعا الوسيله غير مشروعه.... اما من ناحيه اخري ماذا سوف يحدث في هذه الحمله؟؟؟ ببساطعه اختلاط رجال علي نساء واخر حلاوة طيب وليه نوصل الامور لكده طيب منرجع لكلام لكتاب الله وسنته افضل بفهم سلفنا الصالح .. الم يقل رسولنا الكريم صل الله عليه وسلم من راي منكم منكرا فليغيره الي اخر الحديث... الم يقل رسولنا في ما معني الحديث ايضا انصر اخاك ظالما او مظلوما .... كيف انصره وهو ظالم ..... ان ارده عن ظلمه..... فعندما اجد اخ في الله يشرب سيجاره انصحه واحاول اساعده .. عندما نري اخت متبرجه تحاول الاخوات يساعدوها وينصحهوها .... عندما نري مدمن مخدرات نحاول ان ننصحه ونكون له اخ في الله .. الخ ياجماعه الخير نريد ان نقف بجانب اخواننا بفهم سلفنا الصالح وليس بفهم عمرو خالد هداه الله ... واذكركم باخر شئ ايام حمله عمرو خالد وذهابه الي الدنمارك ماذا فعل؟؟؟؟ هل توقفت الدنمارك عن السب طبعا لا وده لسبب بسيط ان الاصل في الاعمال الاخلاص والاتباع .. فلا يصح عمل بدون اخلاص ولا يصح عمل بدون اتباع .... اما بخصوص كلام اختنا نور ان كان نفسها شيخ ينزل في الشارع ويكون في هذه الحمله فاحب ابشرك اختنا ان عمرو خالد ليس اول من دعا الي محاربه الادمان ولكن هو الشيخ محمد اسماعيل المقدم حفظه الله في ماده بعنوان رحله في عالم الادمان وايضا الشيخ محمد الصاوي حفظه الله ذكر هذا الموضوع ومحاربه الادمان علي قناه الرحمه فايه الداعي اني اشترك مع عمرو خالد وهو معروف بفساد منهجه ولعل سوف يكون لي تعليق اخر فيما بعد وجزاكم الله خيرا واسال الله عز وجل ان يرد المسلمين الي الاسلام ردا جميلا ... اللهم امين

**أبويحيى** · 25-03-2008, 06:47 AM

رد: || ليه لأ ؟؟!! ||

أخت نور ... بعيدا عن الكلام عن الاشخاص ... او الحملات وكلامى عام جدا ... الاسلام بناء ... كل فرد فينا المفروض يكون واقف على ثغر من ثغوره وكل واحد فينا المفروض يكون بيسد جزء فيه .... وكل واحد فينا بيكمل التانى لاستكمال البناء .... وان كان مفيش تعاون ظاهر بس مجرد وقوف كل واحد فينا فى مكانه ده تعاون فى حد ذاته .... المهم في رايي الشخصي محدش فينا يطعن حد من ظهره وهو واقف على احد الثغور ... ولا انه يحاول يديه كتف قانوني او غير قانوني لان صدقني انت طعنتك دي مش فى الشخص ... طعنتك للاسف فى الاسلام ...

زي ما قلت الكلام عام وليس موجه لموقف معين او شخص معين ولكن ردا على ليه لأ

**مسلمه مصريه ولى الفخر** · 25-03-2008, 08:50 AM

رد: || ليه لأ ؟؟!! ||

المشاركة الأصلية بواسطة :: NooR :: مشاهدة المشاركة

عدويّ ؟؟ !

موصلتش للدرجة دي ،، ممكن نختلف ببعض حاجات ، لكن مش عداوة .. ..

صدقيني ، لما الناس وهي بتشتغل لقت حد بيمدلها ايده ،، حتشكره قبل م تتفرج حتى ع شكله ..

لو بموقف متل ده ، جا صاحب اللحية وجت صاحبة النقاب وقالت ، انا معاكم

والله محد حيحاربها ولا حد حيقول لها لأ ..

وان كان في ناس حتقول لأ ،، فناس قليلة وقليلة جدا ...

نحاربهم لما يكونوا على غلط ، ونوقف ضدهم لما يعملوا حاجة ضد الشرع والعرف

لكن لما يعملو الحاجة الصح ، ليه منوقفش معاهم ؟

والله يا اختى مش احنا الى رافضنهم
هما الى رفضنا
وهما الى مش عايزنا
وعلى فكره حكايه ان الى هيقول لا ناس قليله
اعتقد صعب
لان شوفى قد ايه الى بيحاربونا
وقد ايه الى عايزين يطلعونا فى نظر الناس صوفيين ومتشددين ووووو
ووقتها هتقدرى تحددى عدد الناس الى هتقول لا
جزاكى الله خيرا
ونفع بك الاسلام

**د.خالد الرفاعي** · 25-03-2008, 12:11 PM

رد: || ليه لأ ؟؟!! ||

أريد أن أعف لساني

غفر الله للجميع

http://way2allah.com/forums/showthread.php?t=12582

**way2islam** · 25-03-2008, 03:49 PM

رد: || ليه لأ ؟؟!! ||

اخوني الغاية لا تبرر الوسيلة و لا حول و لا قوة إلا بالله العلي العظيم

**سراج ابوسعيد** · 25-03-2008, 03:51 PM

رد: || ليه لأ ؟؟!! ||

المشاركة الأصلية بواسطة أبويحيى مشاهدة المشاركة

.... وكل واحد فينا بيكمل التانى لاستكمال البناء .... وان كان مفيش تعاون ظاهر بس مجرد وقوف كل واحد فينا فى مكانه ده تعاون فى حد ذاته

**رشيده** · 26-03-2008, 01:57 AM

رد: || ليه لأ ؟؟!! ||

بصوا بقى ياجماعه بصراحه والله العظيم انا ابتديت اصلى من محاضره لعمرو خالد من ساعتها ماسبتش فرض وكنت بحترمه جدا لكن بصراحه لما كتر الكلام عنه قرأت موضوع لاخت فاضله من الاخوات هنا فى المنتدى عنه وقد جمعت أدله كثيره جدا على كلامه الخطأ ومش عارفه بس بجد يانور انا ساهمت فى الحمله بتاعت المخدرات دى فى الزقازيق واتبرعت وكانت النيه ابتغاء مرضات الله ومش بصيت بقى ان عمرو خالد هو الى قائد الحمله وجزاكم الله خيرا

**ابي بن كعب** · 26-03-2008, 02:10 AM

رد: || ليه لأ ؟؟!! ||

السلام عليكم...
عذرا اختنا الكريمه رشيده النيه وحدها لا تكفي بدون اتباع واظن ان عمرو خالد عندما يكون قائد هذه الحمله فمن الافضل ان نتركها ونحاول ان نساعد اخواننا من المدمنين بطرق شرعيه ولا تخالف عقيدتنا ... واقصد بالمدمنين هنا ليس قاصرا علي المخدرات ولكن شاملا الاغاني والافلام وكافه المنكرات فكل ذلك ادمان ولكن من نوع اخر وقد يكون اشد خطر من خطر الادمان ... فاتمني اختي الكريمه ان لا تقومي بالعمل مع فريق عمرو خالد (صناع الحياه) لان الامر فيه اختلاط واشياء كثيره لا تنساب المراه وجزاكم الله خيرا وهدانا الله واياكم الي ما يحبه ويرضاه والسلام عليكم...........

**رشيده** · 26-03-2008, 02:13 AM

رد: || ليه لأ ؟؟!! ||

والله يااخى انا ساهمت بمبلغ وقلت يعنى ممكن يكون سببا فى هداية شخص ما وجزاك الله خيرا

**:: NooR ::** · 26-03-2008, 08:14 AM

رد: || ليه لأ ؟؟!! ||

المشاركة الأصلية بواسطة أبويحيى مشاهدة المشاركة

أخت نور ... بعيدا عن الكلام عن الاشخاص ... او الحملات وكلامى عام جدا ... الاسلام بناء ... كل فرد فينا المفروض يكون واقف على ثغر من ثغوره وكل واحد فينا المفروض يكون بيسد جزء فيه .... وكل واحد فينا بيكمل التانى لاستكمال البناء .... وان كان مفيش تعاون ظاهر بس مجرد وقوف كل واحد فينا فى مكانه ده تعاون فى حد ذاته .... المهم في رايي الشخصي محدش فينا يطعن حد من ظهره وهو واقف على احد الثغور ... ولا انه يحاول يديه كتف قانوني او غير قانوني لان صدقني انت طعنتك دي مش فى الشخص ... طعنتك للاسف فى الاسلام ...

زي ما قلت الكلام عام وليس موجه لموقف معين او شخص معين ولكن ردا على ليه لأ

اكيد

لو كل واحد سد الثغر الي هو واقف عليه ، حنحصل بالنهاية ع مجموع ثغور مسكرة

لأن كل واحد خدم بالمكان الي هو فيه وبنى بالمكان الي هو فيه ..

ودايماً بنقول كل واحد له طريقته وله اسلوبه وله منهجه ، المهم اننا بالنهاية كلنا قاعدين نبني بده المجتمع

لكن في بعض الحاجات ، بيبقى جميل لو شفنا فيها تظافر كل الجهات

وبيبقى حلو لو اجتمعت الجهة الفلانية مع الطائفة الفلانية مع الناس من الفكر الفلاني ،، كلنا عشان الحاجة دي ..

هي مش دايماً حتحصل ، بس في حاجات بتوحدنا

:)

**:: NooR ::** · 26-03-2008, 08:23 AM

رد: || ليه لأ ؟؟!! ||

أبي بن كعب ..

وحتى لو كان قائدها واحد كافر ،، ايه المشكلة طالما هدفه الخير ؟ ؟

لو الايمان والتدين هم وحدهم الي يخرجو الناس من مرحلة الادمان فعلى كدا الناس الي بتتعالج ببلاد برا ، ببتعالج ازاي ؟

المدمن ، مر بمرحلة فراغ ، انكسار ، ضعف .. خلتوا يوصل للمرحلة دي

لما ناخد بايده ونشغله معانا ونديه لحياته قيمة او هدف او نزرع بداخله الايمان ده .. كل الحاجات دي حتخليه يقوم من المرحلة الي هو فيها ..

اكيد مشايخ كتير ودعاة كتير تكلمت عن المخدرات وعملت محاضرات ..

بس انا مكنتش اقصد الموضوع ده تحديداً اقصد عموماً

لما يكون عندنا حملة ، عمّال تجمع كل البلد ، منتجمعش معاها ليه ؟

حنقول م ادينا بنشتغل لوحدينا ؟

طيب مشتغلين ومشتغلين منشتغلش مع بعض في دي الحملات الكبيرة تحديداً ليه ؟

خصوصاً لما يكون رعاتها ووسائلها حتساهم بقربنا من الناس الي الحملة مستهدفاهم .. فنستفيدش من دي الحاجات ليه

لما تبقى الحملة شغالة وتجي المغنية الفلانية تقول انا ححي الامل بقلوب المدمنين من خلال الاغاني وحوعي الاهل من خلالها

ويجي المدرب النفسي يقول انا حطلع المدمن من مرحلته واشجع اهله من خلال نظرياتي النفسية الي عندي

ميطلعش رجل الدين ويقول ، انا معاكم ، حطلع اولادنا من الادمان .. من خلال الدين .

وبالنهاية ، هو مجرد رأي ، وخاطر جا ببالي وانا بتابع الحلقة والناس بتتصل عايزة تعمل كل الي عندها عشان تخدم ،، قلت ببالي هذا الخير اولى به علماءنا ان يبادروا له

شكراً لك ع متابعتك :)

**:: NooR ::** · 26-03-2008, 08:33 AM

رد: || ليه لأ ؟؟!! ||

المشاركة الأصلية بواسطة د.خالد الرفاعي مشاهدة المشاركة

أريد أن أعف لساني

غفر الله للجميع

http://way2allah.com/forums/showthread.php?t=12582

شكله تم حذف الموضوع ؟ لأنه مش مخليني ادخل عليه

لكن قرأته مبارح وكنت حقول هناك : يا ريتنا نشغل نفسنا ونبذل جهدنا بمجع المعلومات والتقصي وراء الحاجات الي منها فايدة

ونشر الحاجات الي ممكن تخدم المجتمع والدين ..

وكنت حقول هنا : وماله ؟ حتى ولو فرضناً (فرضاً) ان هذا الشخص مثل م بينقال عليه ،، برضو وماله طالما الموضوع فيه خدمة لمجتمعنا ؟