هنا مقر العلوم" الرياضيات - الأحياء - الفيزياء - الكيمياء"واكبر تحية للخوارزميات وبنات خلدون وزويلات

[رقية 2]

رد: هنا مقر العلوم" الرياضيات - الأحياء - الفيزياء - الكيمياء"واكبر تحية للخوارزميات وبنات خلدون وزو

الفيديو مش شغال

____________________

بصوا والله أنا كرهت كلية علوم ,,,, أمة أنتي بتقولي الدكاترة عندنا بيساعدوا ؟! فين ده مكنش حد غلب والله

بقولك إيه انتى قسم إيه بالظبط ؟!

أنا إحصاء وعلوم الحاسب

عندنا مادة اسمها أسس الكيمياء الغير عضوية

تعرفي غن إحنا مخدناش غير شهر دراسة بس أو اقل يعني 3 أو 4 محاضرات وخلصنا الكتاب ؟!!؟!!

سبحان الله !!!

أنا عن نفسي لا افقه شيء عن المادة دي ولا أعرف بتتكلم عن إيه

الفيزياء الحرارية وخواص المادة يا دوبك من 5 شباتر أعرف يعني مجرد معرفة الشابتر الاول بيكلم عن إيه

الكهربية والمغناطيسية دي ولا عمري فتحتها

ده زائد العملي بتاعهم

الجبر والهندسة والميكانيكا1 ضاربين

من الآخر كل حاجة ضاربة

لما أشوفك بس يا أمة .... قصدي يا ابنة كلية علوم :)

بقولك ايه ما تقوليلي بقى كنتي بتزاكري إزاي ؟! ولو تعرفي نجيب ورق عدل منين نذاكر منه قوليلي

ومتقوليليش مكتبة الفيس بوك أو سنتر زراعة

عندك حاجة تانية ؟!؟!

[(*أمة الله*)]

رد: هنا مقر العلوم" الرياضيات - الأحياء - الفيزياء - الكيمياء"واكبر تحية للخوارزميات وبنات خلدون وزو

اكتبى تجربة اشارة المرور على جوجل هيطلعلك الفيديو
----
جربتى تروحى للدكتور؟ جربتى تسأليه؟
ممكن يتانتخ عليكى شوية ... ايه المشكلة؟
----
انا قسم كيميا وحيوان
خدت الغير عضوية والحرارة وخواص المادة
والورق الى بتقولى عليه ماله؟ هو اى نعم مش مادة علمية اد كدة بس جرى رجلك للمادة وبعدين ذاكرى من الكتاب
وبعدين المواد الى مش بتفقهى فيها حاجة دى غلطتك انتى , لا غلطة دكتور ولا غلطة منهج
يا رقية الكلية خلاص u have to be independent
كل المطلوب منك دلوقتى انك تبقى عارفة انك هتبذلى جهد
وبعدين؟
امسك الحرارية مثلا .. خدت 4 شباتر
شوفى مقدرتك تذاكر اد ايه فى اليوم , نص ولا واحد ولا ايه واعملى جدول زمنى
ومتزعليش لو ممشتيش عليه اول مرة , اعملى وقومى من تانى
هتمسكى الشابتر الصفحة الاولانية مثلا اقرايها كلها خدى فكرة عامة وبعدين اقراى تانى فى تعريفات طلعيها او قوانين او كدة , اعملى انتى ورق يا ستى طالما مش عاجبك الورق الى بره - وعندك حق الصراحة -
ومش لازم تفهمى كل الكلمات , المهم فهمتى المغزى , بس كدة
شفتى الموضوع سهل ازاى؟
وحاولى تكونى على لة بالدكاترة لو مش الدكاترة الكبار خليهم المعيدين , والله لما بيلاقوا حد مجتهد بيحبوا يساعدوه اوى - مش كلهم طبعا -
وبعدين يعنى يا رقية متتحسسنيش ان المواد جاية من كوكب اخر ,هم الطلبة الى ذاكروا وجابوا تقدير ايه .. كائنات فضائية؟!
ربنا ادالك عقل " أحسنى الظن بيه" وعامليه كويس علشان يديلك كل الى نفسك فيه
تمام كدة؟

[aya]

رد: هنا مقر العلوم" الرياضيات - الأحياء - الفيزياء - الكيمياء"واكبر تحية للخوارزميات وبنات خلدون وزو

يا معلمين انا ممكن افيدكم ف كل فروع الرياضة
ال تعرف تنزلى ورق ونتفق على محاضرات ع الياهو مثلا صوتية عشان تفهموا ال عايز يستزكى مفيش مانع انا شفت اسئلة زكية من ناس كتييييير :)

[~باغية الجنان العلى~]

رد: هنا مقر العلوم" الرياضيات - الأحياء - الفيزياء - الكيمياء"واكبر تحية للخوارزميات وبنات خلدون وزو

ايوة عايزيكم كده دايما يا علميات

رقية ربنا ييسر لك يااااا رب

[~باغية الجنان العلى~]

رد: هنا مقر العلوم" الرياضيات - الأحياء - الفيزياء - الكيمياء"واكبر تحية للخوارزميات وبنات خلدون وزو

يا مرحبا باية
نورتييي الساااااااحة

[moslma lillah]

رد: هنا مقر العلوم" الرياضيات - الأحياء - الفيزياء - الكيمياء"واكبر تحية للخوارزميات وبنات خلدون وزو

اخر انذااااااااااااااااااار من القسم العلمي للاخت المدعاه بـ رقية
لو كتبت أي كلام سلبي او محبط تاني هيعملها حظررررررررررر
بس كدة
وقد أعذر من أنذر

-------------------
وبعدين انتوا كل كلامكوا نظري ليه ؟؟
مش شايفة ولا ورق اتحط
ولا معادلات
ولا اسئلة
ولا تفاعلات
ولا انفجارات


فين المذاااااااااااكرة والشرح هنا ؟؟

ده زائد العملي بتاعهم

الجبر والهندسة والميكانيكا1 ضاربين

من الآخر كل حاجة ضاربة

شكلك انتي اللي هتضربي يا اخت
هاتي الجبر والهندسة والميكانيكا
نمخمخ سوا
بس بشرط يبقوا بالعربي مش أجانب زي بتوع هالة :(
مليش في الخواجات انا
-----------

ومعلش هي اول سنة لازم بتبقي صعبة بالذات علوم
بتخدوا فيها كل مواد العالم عشان تتعقدوا
امال هي اسمها علوم ليه ؟
ولكن مفيش عُقَد إن شاء الله في عُقد _ بسكون القاف :) _

اه قوليلي عملتي نضارة ولا لسه ؟
لزوم الشغل !
---------
aya المعلمة منورة

[رقية 2]

رد: هنا مقر العلوم" الرياضيات - الأحياء - الفيزياء - الكيمياء"واكبر تحية للخوارزميات وبنات خلدون وزو

اكتبى تجربة اشارة المرور على جوجل هيطلعلك الفيديو

أوك
----
جربتى تروحى للدكتور؟ جربتى تسأليه؟
ممكن يتانتخ عليكى شوية ... ايه المشكلة؟

طبعاً جربت
----
انا قسم كيميا وحيوان
خدت الغير عضوية والحرارة وخواص المادة
والورق الى بتقولى عليه ماله؟ هو اى نعم مش مادة علمية اد كدة بس جرى رجلك للمادة وبعدين ذاكرى من الكتاب

أذاكر من الكتاب ايه ؟! يا بنتي أنا قعدت ضيعت يومين تلاتة قدام الكتاب وطلعت بولا حاجة قال ايه كتاب ! ده حتى الكتاب فيه غلطات

وبعدين المواد الى مش بتفقهى فيها حاجة دى غلطتك انتى , لا غلطة دكتور ولا غلطة منهج

بجد ؟!
إزاي فهميني ؟!
يعني أكون داخلة المحاضرة أقول لازم افهم بقى ان شاء الله وكده عشان أتفوق
أدخل الدكتورة والله معرفش في نص ساعة نلاقيها خلصت الشابتر بكل حاجة ففيه وبتنقل على التاني
وكل الدفعة قاعدة فاتحة بُقها
يبقى تقوليلي العيب منك
أنا مش غبية للدرجة دي يعني :)

يا رقية الكلية خلاص u have to be independent
كل المطلوب منك دلوقتى انك تبقى عارفة انك هتبذلى جهد

أبذل مجهود منين مش عارفين نذاكر منين
بجد محدش هيعرف إحنا بنمر بإيه غير لما يكون معانا
ومتقوليليش إنك كنتي فيها
لاء
قسمك غسر قسمي
دكاترتك غير دكاترتي

وبعدين؟
امسك الحرارية مثلا .. خدت 4 شباتر
شوفى مقدرتك تذاكر اد ايه فى اليوم , نص ولا واحد ولا ايه واعملى جدول زمنى
ومتزعليش لو ممشتيش عليه اول مرة , اعملى وقومى من تانى
هتمسكى الشابتر الصفحة الاولانية مثلا اقرايها كلها خدى فكرة عامة وبعدين اقراى تانى فى تعريفات طلعيها او قوانين او كدة , اعملى انتى ورق يا ستى طالما مش عاجبك الورق الى بره - وعندك حق الصراحة -
ومش لازم تفهمى كل الكلمات , المهم فهمتى المغزى , بس كدة
شفتى الموضوع سهل ازاى؟

لا سهلة خااااااالص كنتي فين من زماااااان :)


وحاولى تكونى على لة بالدكاترة لو مش الدكاترة الكبار خليهم المعيدين , والله لما بيلاقوا حد مجتهد بيحبوا يساعدوه اوى - مش كلهم طبعا -

ليه ؟!
يعني الطلبة إلى مش على علاقة بالدكاترة أو المعيدين نبشرهم بالفشل بإذن الله ؟!
أنا بصراحة مش من طبيعتي إني أعمل كده
أه لما أكون عاوزة أفهم حاجة أروح للدكتور يفهمني
لكن المعيدين مبيساعدوش حد من الآخر ومتقوليليش إزاي

وبعدين يعنى يا رقية متتحسسنيش ان المواد جاية من كوكب اخر ,هم الطلبة الى ذاكروا وجابوا تقدير ايه .. كائنات فضائية؟!

مش جاية من الفضاء لكن إلى بيشرحوا هم إلى جايين من الفضاء

ربنا ادالك عقل " أحسنى الظن بيه" وعامليه كويس علشان يديلك كل الى نفسك فيه
تمام كدة؟

مش تمام خالص

اخر انذااااااااااااااااااار من القسم العلمي للاخت المدعاه بـ رقية
لو كتبت أي كلام سلبي او محبط تاني هيعملها حظررررررررررر
بس كدة
وقد أعذر من أنذر

محسساني إن أنا فيرس :) الله يهديكِ

شكلك انتي اللي هتضربي يا اخت
هاتي الجبر والهندسة والميكانيكا
نمخمخ سوا
بس بشرط يبقوا بالعربي مش أجانب زي بتوع هالة :(
مليش في الخواجات انا

ملكيش في الخواجات يبقى مش هتفيديني :)

اه قوليلي عملتي نضارة ولا لسه ؟
لزوم الشغل !

لا معملتش نضارة بس هعملها قريباً متقلقيش


الله المستعان

[Dr.hala]

رد: هنا مقر العلوم" الرياضيات - الأحياء - الفيزياء - الكيمياء"واكبر تحية للخوارزميات وبنات خلدون وزو

رقية اختى اهدى بس ربنا يكرمك

انا كل مذاكرتى كانت من المحاضرات والسكاشن

والكتب معاهم برده

بصى فى الكيمياء والفيزياء ذاكرى من المحاضرات اللى بتكتبيها ورا الدكاترة

ولو مش بتلحقى اكتبى العناوين اللى بيكتبوها وافتحى الكتاب ودورى

هتترجمى لما ايديكى هتتهرى عادى جدا

انا كنت بترجم كتيييييييير بالذات فى مادة الحيوان ربنا ياخدها بقى

انما لما قربت الامتحانات وزهقت من تضييع الوقت فى الترجمة وخاصة انك هتجاوبى

بالانجليزى بقيت اقرا وافهم على قدر ما استطيع والباقى احفظه بالانجليزى أو اكتب

باسلوبى عاااااااااادى وبعدين الكيمياء تفاعلات خلى حد من اللى معاكى يشرحلك او

اقعدوا اقروا على النت وافهموا واستعينوا بالله واشرحوا لبعض

لو بحثتى بالعربى على النت بعناوين الكتاب هتلاقى شروحات والله ِ كتيييييييييييييييير

بإذن الله هتفهمك

والرياضة انا كنت بحفظ القوانين واتدرب على المسائل

بس ولو مش فاهمة القانون اجى منين روحى للدكتور هيقولك ويفهمك بإذن الله

وموضوع الشباتر ده العاااااادى اصلا

تعرفى فى اولى الدكتورة ادتنا ملزمة ضخمة للحيوان وقالتلنا ده اللى قبل الميد تيرم شفتى

وخلت كل مجموعة فى الجروب 5 او 6 طلبة يشرحوا فصل

وكانت النتيجة ان القاموس اللى عليه الميد تيرم خلص على 4 مرات من غير ما نفقه فيه

شيء

بس الحمد لله ذاكرنا ولخصناها وعدينا منها بس كرهت الحيوان طبعا ^_^ بس ربنا بيستر

عاااااااااااااادى يا بنتى زى ما أمة قالتلك الكلية يعنى مع نفسك وتوكلى على الله

اعتمدى على نفسك فى كل شيء واسألى الدكاترة

انتى بس مش مرتاحة لاننا فى ثانوى كان بيجيلنا المنهج ملازم على الجاهز يعنى

هتتعودى مش تقلقى

استعينى بالله كده وابدأى بالسهل الاول

وطبعا هتحتاجى تلخصى بره لو مواد صعبة جدا زى الحيوان او النبات كده

بس اهممممممم حاجة العملى لانه اسهل بكتير من النظرى وبيرفع تقديراتنا جدا

بس ذاكرى برده النظرى كويس ولو مش لاحقة اعملى ملخصات لكل محاضرة طلعى

فيها اللى تفهميه منها واهم العناصر واقريها بس

هييجى الامتحان هتلاقى نفسك لامة كل حاجة مش هتقعدى تلخصى ليلة الامتحان بقى

ربنا معاكى ومعانا وييسر لكِ ولنا الصعب يااااااااااااااااااااارب

منووووووووووورة يا آية مكنتش اعرف انك كمان رياضة

ربنا يرحمنا من الرياضة بقى ^_^ حسبى الله

[رقية 2]

رد: هنا مقر العلوم" الرياضيات - الأحياء - الفيزياء - الكيمياء"واكبر تحية للخوارزميات وبنات خلدون وزو

يا جماعة والله أنتوا ما عارفين الحكاية وإلى فيها

عموماً

ربنا يجزيكم كل خير على المساعدة

وأنا عارفة إيه إلى هيحللي مشكلتي بإذن الله

[Dr.hala]

رد: هنا مقر العلوم" الرياضيات - الأحياء - الفيزياء - الكيمياء"واكبر تحية للخوارزميات وبنات خلدون وزو

يا جماعة والله أنتوا ما عارفين الحكاية وإلى فيها

عموماً

ربنا يجزيكم كل خير على المساعدة

وأنا عارفة إيه إلى هيحللي مشكلتي بإذن الله

طيب ربنا يوفقك

بس لهجتك مخوفانى الصراحة ومش مطمنانى

ابقى طمنينا على احوالك اختى رقية

[رقية 2]

رد: هنا مقر العلوم" الرياضيات - الأحياء - الفيزياء - الكيمياء"واكبر تحية للخوارزميات وبنات خلدون وزو

بس لهجتك مخوفانى الصراحة ومش مطمنانى

لا خالص لا تقلقي يا فتاة بإذن الله

دعواتك

[رقية 2]

رد: هنا مقر العلوم" الرياضيات - الأحياء - الفيزياء - الكيمياء"واكبر تحية للخوارزميات وبنات خلدون وزو

يا بنات كلية علوووووم أين أنتن

عاوزين نشاااااط

[فاطمة سعد]

رد: هنا مقر العلوم" الرياضيات - الأحياء - الفيزياء - الكيمياء"واكبر تحية للخوارزميات وبنات خلدون وزو

بيذاكروا يا رقية ^^

[رقية 2]

رد: هنا مقر العلوم" الرياضيات - الأحياء - الفيزياء - الكيمياء"واكبر تحية للخوارزميات وبنات خلدون وزو

بيذاكروا يا رقية ^^

والله إجابة وجيهة

أمال أنا قاعدة بلعب ليه !

[فاطمة سعد]

رد: هنا مقر العلوم" الرياضيات - الأحياء - الفيزياء - الكيمياء"واكبر تحية للخوارزميات وبنات خلدون وزو

والله إجابة وجيهة

أمال أنا قاعدة بلعب ليه !

لالا
بس الى بيذاكر مش بيعقد على الجهاز
زى حالاتى