مقر كليه علوم الحاسب(( نداااااااء عاجل الى الحاسوبيات ))

[Dr.hala]

رد: مقر كليه علوم الحاسب(( نداااااااء عاجل الى الحاسوبيات ))

ياااااااااه كل ده ما شاء الله

أصل الواحد مش عارف هيعمل أول يوم فى الكلية إيه

يارب الله المستعان هبقى ماشية توهان

أنا نفسى فى حد كبير ييجى معايا " فى حضانة احنا هنا " يلا الحمد لله وادعيلى أدخل القسم ده ربنا يكرمك

طبيعة الدراسة إيه وهل فيه حاجات مش بتفهميها طب بتعملى إيه وبتروحى لمين طب نيجى بقى للحتة المهمة اوووى تقديراتك فى السنوات إلى فاتت كانت إيه

قولى قولى أنا معاكى بإذن الله

هروح أفرغلى فتوتين وجاية تانى إن شاء الله

فى سنة أولى كنا بناخد كل التخصصات مجمعة بس مخففة طبعا

المعمل كان حلو جدا وممتع بجد وانتى واقفة بتعملى التجارب بس مجاش على صحتى بصراحة

كنت بروح منه مهدودة بجد وبنام لتانى يوووووم

اول سنة كانت متعبة فعلا ومكناش واخدين على الكلية اوى وكانت المواعيد وحشة كنا ساعات بنروح

مش السكشن 8 او 9 ونتأخر على اما نرجع البيت

بس الوقتى المواد قلت الحمد لله والمواعيد أقصاها العصر

كان عندنا 8 مواد فى كل ترم وطبعا انجليزى

انا استعنت بالقاموس فى اول سنة وكان كويس

كان عندنا بقى :

كيمياء عضوية - غير عضوية - فيزيائية ودى احلى ما فيهم - كهربية - حرارة وخواص مادة - لغة انجليزية وقواعد - تحليل رياضى - مقدمة علوم الحاسب - مقدمة احصاء - دراسات بيئية - ادارة اعمال - جبر وهندسة تحليلية - علم الحيوان - علم النبات

ومواد لازم تنجحى فيها بس مش بتضاف : حقوق انسان - مدخل الى الجودة

فيهم مواد حلوة جدا ومواد صعبة يعنى هتلاقى من ده ومن ده

بس فى تانية بقى المواد قلت 6 مواد بس فى الترم الحمد لله

وفى اولى بتختارى موادك بنفسك بيدوكى لايحة او قايمة كده وتنقى مع اصحابك او اهلك

يساعدوكى وبتروحى للدكاترة يقولولك على المواد الافضل فى اول ترم والمرشد الاكاديمى بتاعك

كمان

هتبقى مرعوبة زينا فى الاول عادى بس هتتعودى مش تخافى ابدا

معرفش النظام عندك ايه لان انا مش جامعة القاهرة ولا عين شمس ولا كده

انا جامعة لسه فاتحة قريب

المواد اللى مكنتش بفهمها كنا بنسأل البنات فى الدفعات اللى قبلنا والدكاترة كانوا بيساعدونا وكنا

بنسأل ونساعد بعض متقلقيش

انتى عندكم برده نظام الساعات المعتمدة صح ؟؟؟

افضل حاجة فيه انك بتختارى استاذك وموادك مع انهم فى اولى بس خلونا نختارهم بجد

بس فى تانية واختارولنا هما

بس هتختاريهم بإذن الله متخافيش وده احسن حاجة

فى اولى المواد كانت احسن واسهل الحمد لله والمعامل بقى متعة بجد والعملى كان بيلم درجات اكتر

من النظرى وافضل

انا جبت b+ فى الترم الاول وكنت جايبة امتيازات على جيد جدا

الترم التانى جبت b+ برده وبرده امتيازات على جيد جدا وواحد جيد على الوش

فى تانية : B فى الترمين الحمد لله

بس خلى بالك التقدير تراكمى وبيعتمد على التقديرات اللى قبله ولولا كده كنتى هتلاقينى جايبة

امتياز كل ترم

احنا عندنا اصحابى بيجيبوا تقديرات عالية بس التقدير العام قليل تلاقيها جايبة امتيازات وتقديرها العام

جيد لانها مكانتش بتذاكر وشالت مواد فى اولى

خللللللللللى بالك كللللللللللللللنا معرفناش المعلومة دى ومحدش قالنا عليها الا فى تانية بعد ما

طنشنا

كنا فاكرين التقديرات منفصلة ومش بتعتمد على اللى قبلها

بس قسم علوم الحاسب أعلى وأصعب قسم فى الكلية بس الأفضل واسألى هيقولولك انه أعلى قسم

اختيار الكلية للطالب فى اى قسم بتعتمد على نجاحه فى المواد المؤهلة للقسم وعلى تقديره العام

كمان

يعنى اللى عندنا عشان يخش حاسب مثلا لازم يكون ناجح فى: تحليل رياضى - احصاء - مقدمة

حاسب وبتقديرات كويسة

الاحصاء كانت اختيارى ومتطلب اساسى من غير فصال عشان تخشى قسم الحاسب فى تانية

انا تكلمت كتير كفاية بقى

متخافيش يا رقية واهدى كده وتوكلى على الرحمن الرحيم

ربنا يوفقك

بس انتو عندكم التخصص من اول سنة وللا ايييييييييييييه ؟؟؟

احنا عندنا من تانية

[رقية 2]

رد: مقر كليه علوم الحاسب(( نداااااااء عاجل الى الحاسوبيات ))

التخصص عندنا من أول سنة أه

أنا مش هخش نظام الساعات المعتمدة أنا هخلينى عادى

كلية إيه بقى ؟؟؟ ...

ما شاء الله تقديراتك ما شاء الله ربنا يحميكى

كل ده حلووو ما شاء الله بس المواد كتير جدا الله المستعان

مستنياكى إن شاء الله

طيب آخر حاجة لإنى تعبتك معايا جدا أنظم وقتى إزاى + هبقى فى معهد قراءات عشان عاوزة أحفظ القرآن إن شاء الله + إنه لازم أشتغل شغل دعوى على الأقل على النت ساعتين بالكتير عشان برده أعمل للآخرة

فأنظم وقتى إزاى وعشان أصحى الفجر وأكمل باقى اليوم أنام الساعة كام ؟

إن شاء الله بإذن الله

[Dr.hala]

رد: مقر كليه علوم الحاسب(( نداااااااء عاجل الى الحاسوبيات ))

تنظيم الوقت ايام الدراسة مشكلة حقيقية بجد بالنسبة لى انا كمان

أنا أيام الدراسة بحاول قدر المستطاع اذاكر قبل الامتحانات وال week end هو الوقت الافضل

طبعا للتجميع

المفروض احنا الاتنين نشوف لنا حد يعمل لنا جدول لتنظيم الوقت لانا انا طالعة تالتة ولسه مش

منظمة أوى لان انا بعمل جدول ايام الدراسة وأول ما تبدأ الدراسة مش بمشى عليه بتاتا وبعتمد على

الارتجال للاسف

يعنى شوية فى الويك اند وشوية لما أروح من الكلية وكده

وعايزة التزم بإذن الله بجد فى المذاكرة واشد شوية عشان آخد المرتبة بإذن الله فى التخرج ( مرتبة

الشرف طبعا )

ساعدينا بقى يا مسلمة إنتى وروضة فى التنظيم وجدول للمذاكرة فى كلية علوم والا المرتبة هتضيع

منى :))

ربنا معانا ويوفقنا يااااارب

انا بدرس التجويد على فكرة من بعد الثانوى وبحفظ قرءان كمان الحمد لله ومستمرة ومش بيعطلنى ابدا فى الدراسة بالعكسس بيشجعنى

واللهِ واللهِ ما كان حاجة بتفتح نفسى عالمذاكرة الا قراءة القرءان

كنت بحس قبل الامتحان انى مش طايقة افتح المادة بس بعد ما كنت اقرأ صفحتين تلاتة قران كانت

المادة تخلص بمنتهى السهول واليسر

مقدرش اذاكر من غيره بجد بفضل الله

على فكرة يا بنات هيه الدراسة الاسبوع الجاى ده من الاحد الجاى وللا 1/10 ؟؟؟؟؟؟؟؟

[رقية 2]

رد: مقر كليه علوم الحاسب(( نداااااااء عاجل الى الحاسوبيات ))

معلش معلش يا فيروز .... هالة دايما توقعنى كده

بتبدا من واحد عشرة والله أعلم

ربنا يكرمك يا هالة اللهم آآمين ادتينى مسحة كده عن الكلية

ربنا يبارك فيكى

[فاطمة سعد]

رد: مقر كليه علوم الحاسب(( نداااااااء عاجل الى الحاسوبيات ))

ساعدينا بقى يا مسلمة إنتى وروضة فى التنظيم وجدول للمذاكرة فى كلية علوم والا المرتبة هتضيع

للرفع يا مسلمة هيا

[فاطمة سعد]

رد: مقر كليه علوم الحاسب(( نداااااااء عاجل الى الحاسوبيات ))

يا بنات تعالوا هنا ربما يساعدكم

نصائح للمذاااكرة

[~باغية الجنان العلى~]

رد: مقر كليه علوم الحاسب(( نداااااااء عاجل الى الحاسوبيات ))

ما شاء الله
هاله ورقيه
يعني حققتوا الفائدة المرجوة من الموضوع بجد
هدف الموضوع المساعدة بينكم والاستفادة من الخبرات
وهذا اجدتم فيه
بس ............عارفين بس ايه صح !!


بالنسبة لتنظيم الوقت خلوني معاكم احسن
وعلى فكرة في مواضيع في القسم تساعد
بالنسبة لي انتظر بداية الدراسة واحكم بعدها لاني مش عارفة اوضاعي حتكون ازاي بالضبط
دعواتكم ربنا ييسر الخير اينما كان ولا يبعدني عن منتداي الغالي


وزي ما قلت بعد ما تبتدي الدراسة نشوف هنرتب الوقت ازاي
وجزااااااااااااااكم الله خيــــرا

[فاطمة سعد]

رد: مقر كليه علوم الحاسب(( نداااااااء عاجل الى الحاسوبيات ))

بالتوفيق يا جماعة

[فاطمة سعد]

رد: مقر كليه علوم الحاسب(( نداااااااء عاجل الى الحاسوبيات ))

for yoooooooooooou

[رقية 2]

رد: مقر كليه علوم الحاسب(( نداااااااء عاجل الى الحاسوبيات ))

for whooooooo !!?

[فاطمة سعد]

رد: مقر كليه علوم الحاسب(( نداااااااء عاجل الى الحاسوبيات ))

الحاسب وجماعة الحاسوب
فينكم ؟؟

[روضـ الحياة ــة]

رد: مقر كليه علوم الحاسب(( نداااااااء عاجل الى الحاسوبيات ))

نحــــــن هنااااااااااا

وبقينا خريجين رسمي الحمد لله

يلا يا جماعة اي واحدة عايزة اي حاجة انا تحت امرها

وعندي فرصة شغل كمان حد عايز يشتغل ويب ديفلوبر في المنصورة ؟

وفي مكان ملتزم وبنات بس وبالظوابط كلها

[رقية 2]

رد: مقر كليه علوم الحاسب(( نداااااااء عاجل الى الحاسوبيات ))

وعندي فرصة شغل كمان حد عايز يشتغل ويب ديفلوبر في المنصورة ؟

وفي مكان ملتزم وبنات بس وبالظوابط كلها

ينفع الشغلانة دي تستنى 3 سنين كمان !


ربنا يوفقكوا

[فاطمة سعد]

رد: مقر كليه علوم الحاسب(( نداااااااء عاجل الى الحاسوبيات ))

مبارك يا روضة عقبال رقية يارب

[~باغية الجنان العلى~]

رد: مقر كليه علوم الحاسب(( نداااااااء عاجل الى الحاسوبيات ))

روضة احجزي عندك لرقية من دلوقتي