عاوزه انتقب ارجوكم ساعدونى

[الحلم الوردى]

السلام عليكم ورحمة الله وبركاته
اخواتى الفضليات قريت مواضيعكم عن النقاب ماشاء الله حاولت اراسل الاخت يمامه علىا لخاص ممنوع هيا اللى قالت هتساعد اللى عاوزه تنتقب
ارجوكم متزهقوش منى انا حاسه انى عاوزه اعيط ومخنوقه جدا
انا معنديش سبب قوى يمنعنى من لبس النقاب مفيش حجه يعنى متزوجه الحمد لله راجل رائع ملتزم نفسه انى البسه بس موش عاوز يجبرنى
انا الحمد لله بلبس عبايات وخمار واسعين ولله الحمد ولا اتنمص ولا اختلط الحمد لله يعنى موش بعيده عن خطوة النقاب
انا هقولكم اللى فى نفسى اللى مانعنى وارى فيكم من الاخلاص ولا ازكيكم على الله انكم تساعدونى اخرج من المخنق دا
اول حاجه اخواتى وامى كل مااقول هلبس النقاب يقولولى ليه ويبصولى اانا اسفه يعنى بامتعاض وايه دا وليه دا حتى جوزى اما بيقول لحماتى قالتله ياسلام ليه يعنى
احساسى برفض الاخرين وكرههم كدا مخلينى متخوفه ارجو انكم تفهمونى انا عارفه ان منكم اللى هيقولى ماانتى ربنا رزقك بزوج صالح ايه يهمك تانى فاهمه احساس انك نفسك ان الاخرين يأيدوكى ويدوكى ثقه فى نفسك

تانى سبب انى بلبس عبايات كدا شيك اه الوان هاديه جدا موش مزركشه والخمار ساده مافيش اكسسوارات الشنطه ساده بس احب انوع فبيجيلى هاجسين االاولانى انى موش هعرف ابقى شيك
وعلى فكره لبسى موش ملفت والله بس هوا احساس جوايا
التانى انى بقول لنفسى ماانتى اهو العبايه فضفاضه والخمار طويل ومافيش حاجه منك باينه وبلبس بنطلون تحتها ايه المانع انى افضل شيك ومحترمه كدا
معلش استحملونى انا بحدثكم بكل اللى بيدور فى نفسى

السبب التالت انا هنزل شغل قريب لانى طبيبه وبفكر اه انى مشتغلش بس ممكن الظروف تجبرنى
بصوا انا اخدت اجازه من شغلى علشان ولدت كنت طبيبه فى الجامعه
عندى امتحانات الشهر الجاى وانتوا عارفين تقييم الدكتور بيبقى بناءا على فترة النيابه اللى قضاها وشغله فلو انتقبت موش هيفتكرونى وبالتالى موش هيعرفوا يقيمونى يمكن تقولولى دا قلة يقين بالله بس والله انا بقولكم حديث نفسى لانى موش غيركم هيسمعنى ويدلنى بامانه

فبقول حتى لو انتقبت هيبقى بعد الامتحانات

الحاجه التالته ويمكن تستغربوها انى بقول انى بنتى اما اخرج بيها هيا عندها 4 شهور هتخاف منى وموش هتعرفنى وموش هعرف اسكتها طبعا انا عارفه انها افكار غبيه استحملونى

طيب ممكن لو انتقبت البس مثلا الوان يعنى عبايه رمادى بنى كحلى والخمار يبقى لون فاتح ولا ايه؟؟؟؟؟؟؟؟

ارجوكم دلونى وربنا يجازيكم عنى كل خير
اسفه لو طولت عليكم

[الحلم الوردى]

رد: عاوزه انتقب ارجوكم ساعدونى

معلش من الحاجات التانيه اللى هتجننى انى بقول لنفسى اما بس تبقى ملتزمه بجد يعنى انا الحمد لله بحفظ قران بس احيانا اقف شويا وارجع موش بشوف تليفزيون مسلسلات يعنى وافلام بس احيانا من الزهق اقلب يمين وشمال وكدا يعنى اقعد اقول لنفسى يعنى هيا انصلحت من كل ناحيه عشان جات على النقاب فاهمينى يااخوات معلش انا عارفه انى كلامى ممكن يكون مستفز لاخوات كتير منكم بس والله غصب عنى

[امنية احمد]

رد: عاوزه انتقب ارجوكم ساعدونى

انا من رايى البسى النقاب وتوكلى على الله دة نعمة من عند ربنا وكفاية انة عفة وطهارة وبعدين كفاية انى ولى امرك وهوة جوزك موافق يعنى احمدى ربنا ملكيش دعوة باى حد انتى نفسك تعملى حاجة ابتغاء مرضاة الله وكل الافكار اللى بتدور فى دماغك من الشيطان والله يااختى انا والله نفسى البسة ومصممة علية لابعد حد بس ابويا منعنى بس انا ثقتى ف ربنا كبيرة ومتاكدة انى هلبسة بفضل الله طبعا البسية يااختى ومتخافيش من اى حاجة ربنا عمرة مهيسيبك وانا هدعيلك بالثبات بس بالله عليكى ادعيلى ربنا يهدى والدى عليا ويوافق انى البسة لانى بجد تعبت خاااالص جزاكى الله كل خير....

[امنية احمد]

رد: عاوزه انتقب ارجوكم ساعدونى

[اللؤلؤةالمكنونة]

رد: عاوزه انتقب ارجوكم ساعدونى

وعليكم السلام ورحمة الله وبركاته
حياااااااااكِ الله أختى المباركة وبياكِ وجعل الجنة مثوانا ومثواكِ
الأول أختى عايزة اقولك ان الكلام ده مش بيزعلنا ولا حاجة أبدا والله
بل والله العظيم لا تتخيلى مدى السعادة اللى حسيت بيها لما قرأت الكلام ده
يا أختى كفاية انك امتلكتى الشجاعة وتقولى الأسباب لأن ده بيدل على صدقك الشديد فى رغبتك
ولكنك تفتقدى فقط الصحبة المعينة لكِ
وبإذن الله العظيم سترتديه قريبا
فوالله كلامك مبشر جدا
وستجدين بإذن الله سيل من الردود عليكِ من أخواتنا الفاضلات
وسأعود بإذن الله بعد قليل لأجاوبك أيضا على تساؤلاتك
بارك الله فيكِ

[امنية احمد]

رد: عاوزه انتقب ارجوكم ساعدونى

السلام عليكم ورحمة الله وبركاتة
فعلا والله انا مفتقدة الصحبة الصالحة ودة سبب حزن كتير ليا انا تقريبا مش بنزل الجامعة عشان كدا كل منزل الاقى بنات لبسها لاحول ولا قوة الا بالله ربنا يهدينا جميعا ويثبتنا بس انا بجد تعبت لانى مش لاقية حد صادق معايا ويعينى على الطريق المستقيم

[امنية احمد]

رد: عاوزه انتقب ارجوكم ساعدونى

بالله عليكم كل اللى يدخل يدعيلى ربنا يهدى والدى عليا ويوافق البس النقاب بحبكم فى الله وربنا يجمعنى بيكم فى الفردوس الاعلى قولوا امييييين

["بنت الإسلام"]

رد: عاوزه انتقب ارجوكم ساعدونى

وعليكم السلام ورحمة الله وبركااااااااااااااااااته
----------------
حياااااااااااااااااااكِ الله وبيااااااااااااااااكِ يا أختى الكريمة الفاضلة وجعل الجنة مثوانا ومثواكِ.
بدايةً اسمحى لى أن أُرحب بكِ بيننا ،، أهلاً ومرحباً بكِ
ندخــــل بقا فى الموضوع
طيب صلى الأول على الحبيب قلبك يرق ويطيب
((اللهم صل وسلم وزد وبارك على سيدنا مُحمد وآله وصحبه الكرام))
أنا قبل أن أناقش معكِ مخاوفك ، عايزين نتكلم الأول عن النقاب شوية
هذه أراء علمائنا الأفاضل فى النقاب

قال الشيخ محمد الصالح العثيمين رحمه الله :
الحجاب الشرعي : هو حجب المرأة ما يحرم عليها إظهاره ، أي : سترها ما يجب عليها ستره ، وأولى ذلك وأوله : ستر الوجه ؛ لأنه محل الفتنة ومحل الرغبة .
فالواجب على المرأة أن تستر وجهها عن من ليسوا بمحارمها … فعلم بهذا أن الوجه أولى ما يجب حجابه ، وهناك أدلة من كتاب الله وسنة نبيه صلى الله عليه وسلم وأقوال الصحابة وأقوال أئمة الإسلام وعلماء الإسلام تدل على وجوب احتجاب المرأة في جميع بدنها على من ليسوا بمحارمها .
فتاوى المرأة المسلمة ( 1 / 391 ، 392 ) .

وقال الشيخ صالح الفوزان حفظه الله :
الصحيح الذي تدل عليه الأدلة : أن وجه المرأة من العورة التي يجب سترها ، بل هو أشد المواضع الفاتنة في جسمها ؛ لأن الأبصار أكثر ما توجه إلى الوجه ، فالوجه أعظم عورة في المرأة ، مع ورود الأدلة الشرعية على وجوب ستر الوجه .
من ذلك : قوله تعالى : { وقل للمؤمنات يغضضن من أبصارهن ويحفظن فروجهن ولا يبدين زينتهن إلا ما ظهر منها وليضربن بخمرهن على جيوبهن } النور/31 ، فضرب الخمار على الجيوب يلزم منه تغطية الوجه .
ولما سئل ابن عباس رضي الله عنهما عن قوله تعالى : { يدنين عليهن من جلابيبهن } الأحزاب/59 ، غطى وجهه وأبدى عيناً واحدةً ، فهذا يدل على أن المراد بالآية : تغطية الوجه ، وهذا هو تفسير ابن عباس رضي الله عنهما لهذه الآية كما رواه عنه عَبيدة السلماني لما سأله عنه .
ومن السنة أحاديث كثيرة ، منها : أن النبي صلى الله عليه وسلم " نهى المحرمة أن تنتقب وأن تلبس البرقع " ، فدل على أنها قبل الإحرام كانت تغطي وجهها .
وليس معنى هذا أنها إذا أزالت البرقع والنقاب حال الإحرام أنها تبقي وجهها مكشوفاً عند الرجال الأجانب ، بل يجب عليها ستره بغير النقاب وبغير البرقع ، بدليل حديث عائشة رضي الله عنها قالت : كنا مع النبي صلى الله عليه وسلم محرمات ، فكنا إذا مرَّ بنا الرجال سدلت إحدانا خمارها من على رأسها على وجهها ، فإذا جاوزنا كشفناه .
فالمحرمة وغير المحرمة يجب عليها ستر وجهها عن الرجال الأجانب ؛ لأن الوجه هو مركز الجمال ، وهو محل النظر من الرجال ... ، والله تعالى أعلم .
فتاوى المرأة المسلمة ( 1 / 396 ، 397 ) .

وإليــــــــــكِ هذا الموضوع ،، اقرأيه بتمهل ففيه حكم النقاب وأشياء كثيرة عنه

وأيضاً هذا المووووووووووووضوع
عفواً ممنوع دخول المنتقبات "موضوع تبع القوات المسلحة " الدخول لغير المنتقبات"فقط " انا بحذر اهو.
إذاً يا أختى الكريمة النقاب من الطاعات التى نتقرب بها إلى الله
وأنتى كل الإمكانيات متاحة لكِ -بفضل الله- لأن ترتديه فلما تسمعين لوساوس الشيطان
أتدرين أعرف بنات ورب الكعبة يبكون بدل الدموع دماً لأنهم لا يستطيعوا أن يتقربوا إلى الله بهذه الطاعة بسبب منع الأهل لهن.
وأنت ِ يا أختى الكريمة الفاضلة قد يسر الله لكِ طريق طاعة شق على كثيرااااااااااااااااات
فهل ستضيعه وتغلقى باباً فتحه الله لكِ
؟؟؟؟
قفى مع نفسكِ يا أختى الكريمة وقفة صدق واسألى نفسكِ هذا السؤال
هل ستغلقى باباً للطاعة يسره الله لكِ
؟؟؟
وانتظرينى فى المشاركة القادمة للرد على مخاوفكِ
بوركــــــتِ

["بنت الإسلام"]

رد: عاوزه انتقب ارجوكم ساعدونى

اول حاجه اخواتى وامى كل مااقول هلبس النقاب يقولولى ليه ويبصولى اانا اسفه يعنى بامتعاض وايه دا وليه دا حتى جوزى اما بيقول لحماتى قالتله ياسلام ليه يعنى
احساسى برفض الاخرين وكرههم كدا مخلينى متخوفه ارجو انكم تفهمونى انا عارفه ان منكم اللى هيقولى ماانتى ربنا رزقك بزوج صالح ايه يهمك تانى فاهمه احساس انك نفسك ان الاخرين يأيدوكى ويدوكى ثقه فى نفسك

بصى يا أختى الكريمة ،،، اعلمى يقيناً أنه يجب عليكِ تحرى الحق والعمل به
ولا تنتظرى أراء من حولكِ ،لأن فى الغالب العام -إلا من رحم ربى- ستجدين رفضاً وتثبيطاً للهمة
وبعدين عايزة أسألك سؤاااااااااااااااااااااااااااااااال
كام مرة فى حياتك كنتى عايزة تعملى حاجة معينة ومامتك بردو رفضت
بس لأقتناعك التام بيها عملتيها ونفذتيها
؟؟؟
اكيييييييييييييييييييد كتييييييييييييييييييييييييير
فالإنسان حين يعزم النية على عمل شىء ما ويملأ القلب بحب هذا العمل
لن يسمح لكلام أى أحد من البشر مهما كان أن يثبط همته
أليس كذالك؟؟
فقد قال تعالى في كتابه العزيز : (( وَإِن تُطِع أَكثَرَ مَن فِي الأَرضِ يُضِلُّوكَ عَن سَبِيلِ اللَّهِ ))
فسبحان الملك ، لا تسمعى لهم أخيــــــتى
واسمعى لأمر ربــــكِ ،،وليكن شعاااااااااااااااااااااااااااااااارك
فليرضى عنى الناس أو فليسخطوا أنا لم أعد أسعى لغير رضاك
ليكن هدفكِ الأساسى هو الله ورضاه وامتثال أمره
وإن وقف ضدكِ العالم كله بما فيه أقرب الأقربين إليكِ
أخيتى سؤال هام أود طرحه عليــــــــــــــكِ
أتحبين النبى مُحمد -صلى الله عليه وسلم-؟؟؟
وكأننا اسمعكِ ترددين بأعلـــــــــــى الصوت
بأبى وأمى وروحى يا رسول الله
ماذا لو طلب منكِ الحبيب روحكِ لتفديه أو كنتى تبخلين؟؟

بأبى وأمى وروحى يا رسول الله
فما طلب منكِ أن تقدمى روحكِ أو ابنتكِ فداءاً له ولكن طلب منكِ أن ترتدى الحجاب الذى يرضاه الله وأن تتخذى زوجاته أمهات المؤمنين لكِ قدوة وأسوة
فماذا هو قراركِ؟؟؟
هل ستظلى تستمعين لكلام من حولكِ ممن يثبطون الهمم
أم ستقولى (( بس إنت ترضى يااااااااااااااااااااااااااااااااارب ولو الدنيا كلها غضبت ))
عن عائشة رضي الله عنها قالت: قال رسول الله -صلى الله عليه وسلم -:
" من أرضى الناس بسخط الله سخط الله عليه وأسخط عليه الناس ومن أرضى الله بسخط الناس رضي الله عليه وأرضى عليه الناس " رواه الترمذي
فانظرى رضى من ستطلبين
؟؟؟

تانى سبب انى بلبس عبايات كدا شيك اه الوان هاديه جدا موش مزركشه والخمار ساده مافيش اكسسوارات الشنطه ساده بس احب انوع فبيجيلى هاجسين االاولانى انى موش هعرف ابقى شيك
وعلى فكره لبسى موش ملفت والله بس هوا احساس جوايا
التانى انى بقول لنفسى ماانتى اهو العبايه فضفاضه والخمار طويل ومافيش حاجه منك باينه وبلبس بنطلون تحتها ايه المانع انى افضل شيك ومحترمه كدا
معلش استحملونى انا بحدثكم بكل اللى بيدور فى نفسى

سبحان الملك ،، وايه المانع إنك تكونى منتقبة وشيك
لبسك ميكونش ملفت بس تهتمى بنظافته وأن يكون مكوى مثلاً ونظيف
بيبان شيك جدااااااااااااااااااااااااااااااااااا
وسبحان الله ، أنا لما بنزل الجامعة بلاقى أغلب البنات بيلبسوا اسود
المتبرجاااااااااااااااااااااات
لما يتصف به هذا اللون من الشياكة والأناقة
وحين ترتديه منتقبة ،،، يقولون ما يقولون والله المستعان
سبحان الله ، وما يحدث إن ضحيتى بشىء من هذا الحب للشياكة والتغير من أجل الله
اقرأى يا أختى كده عن الصحابيات وعن سرعة إجابتهن لأمتثال أمر الله
وعن عائشة رضي الله عنها قالت : رحم الله تعالى نساء الأنصار، لما نزلت: ( يا أيها النبي قل لأزواجك وبناتك ) الآية شَقَقن مُرُوطهن، فاعتجرن بها، فصَلَّين خلف رسول الله صلى الله عليه وسلم كأنما على رءوسهن الغربان . رواه ابن مردويه .
وعن عائشة رضي الله عنها قالت : يرحم الله نساء المهاجرات الأول،يرحم الله نساء المهاجرات الأول، لما أنزل الله (وليضربن بخمرهن على جيوبهن ) شققن مروطهن فاختمرن بها . رواه البخاري في صحيحه .
انظرى أخيتى الحبيبة إلى سرعة امتثال الأمر وتنفيذه
ما فكرن فى شياكة أو كلام من حولهن ولكن هدفهن فى الدنيا غالى له يبعن العمر والغالى والنفيس
فما رأيــــــــــــك؟؟

السبب التالت انا هنزل شغل قريب لانى طبيبه وبفكر اه انى مشتغلش بس ممكن الظروف تجبرنى
بصوا انا اخدت اجازه من شغلى علشان ولدت كنت طبيبه فى الجامعه
عندى امتحانات الشهر الجاى وانتوا عارفين تقييم الدكتور بيبقى بناءا على فترة النيابه اللى قضاها وشغله فلو انتقبت موش هيفتكرونى وبالتالى موش هيعرفوا يقيمونى يمكن تقولولى دا قلة يقين بالله بس والله انا بقولكم حديث نفسى لانى موش غيركم هيسمعنى ويدلنى بامانه

أخيتى الحبيبة ،، ما ظنكِ بربـــــــــــكِ
إن الله سمى نفسه الشكوووووور ،، يفعل عباده الطاعة فيشكر لهم ويرزقهم الخير الكثير
املئى قلبكِ باليقين وخلى عندك ثقة فى الله أنه لن يضيعكِ وأنك سترتديه طاعةً لله وامتثالاً لأمره فسيخلفُ عليكِ خيراً كثيراااااااااااااااااااا
وانظرى إلى هاجر حين أخذها إبراهيم -عليه السلام- إلى صحراء جدباء لا زرع فيها ولا ماء ولا بشر
هى وابنها الرضيع ،، ثم تركها وانصرف
فما كان منها إلا أن قاااااااااااااااااااالت بقلب صادق يملئه اليقين فيما عند الله
(( أالله أمرك بهذا ، إذاً فلن يضيعنا الله ))
فلما يضيعها الله بكرمه وجوده ، بل أكرمها وأكرمها حين رأى منها صدق السريرة
فكرمها بأن تُذكر سيرتها إلى يوم الدين ، وتكون هى أول من سكنت الحرم ، ويكون ابنها نبياً
يالله ، ما أكرمــــــــــــك
وانتظرينى فى المشاركة القادمة للإستكمال الرد -إن شاء الله-
بوركــــــتِ

["بنت الإسلام"]

رد: عاوزه انتقب ارجوكم ساعدونى

نواااااااااااااااصل -إن شاااااااااااااااء الله-

الحاجه التالته ويمكن تستغربوها انى بقول انى بنتى اما اخرج بيها هيا عندها 4 شهور هتخاف منى وموش هتعرفنى وموش هعرف اسكتها طبعا انا عارفه انها افكار غبيه استحملونى

لا لا تقولى بأنهااااااا أفكار غبيبة ،، أكرمكِ الله ورزقكِ الخير أختى الكريمة

ولكنها خطوات ووساوس وتدبير إبليس -عليه من الله اللعنة إلى يوم الدين-

أخيتى الكريمة ،، النقاب الآن منتشر بفضل الله فى كل مكان ، لذا ابنتكِ الصغيرة لا بد وأنها ترى منتقبات فلن يكون الأمر صعب عليها

ثانياً : الأطفال بيحبوا جداً المنتقبات ، أنا لما بكون فى مواصلات والله صدقا

كثيراً أجدُ طفل يريد أن يجلس بجوارى ويلعب معى
فالنقاب لا يخيف أطفالنا نهاااااااااااااائى -بفضل الله - وعن تجربة
ثم إنها عارفة صوتك ، كتيييييييييييييير منتقبات وعندهم أطفال رضع
فسبحان الله ،، هذا من عوائق إبليس ليصدكِ عن هذه الطاعة

طيب ممكن لو انتقبت البس مثلا الوان يعنى عبايه رمادى بنى كحلى والخمار يبقى لون فاتح ولا ايه؟؟؟؟؟؟؟؟

أسألى لا شيخ ،،،يسر الله لكِ

معلش من الحاجات التانيه اللى هتجننى انى بقول لنفسى اما بس تبقى ملتزمه بجد يعنى انا الحمد لله بحفظ قران بس احيانا اقف شويا وارجع موش بشوف تليفزيون مسلسلات يعنى وافلام بس احيانا من الزهق اقلب يمين وشمال وكدا يعنى اقعد اقول لنفسى يعنى هيا انصلحت من كل ناحيه عشان جات على النقاب فاهمينى يااخوات معلش انا عارفه انى كلامى ممكن يكون مستفز لاخوات كتير منكم بس والله غصب عنى

بصى النقطة ديـــه مهمــــــــة جداً

بدايةً خلينا نتفق ، إن النقاب

بدايــــــــــــــة وليس نهاية

بمعنى ، كنت بسمع الشيخ يعقوب دوماً يقول ، اللحية ديه مدرســـة
بعد ما لبست النقاب ، حسيت فعلاً بقا يعنى ايه النقاب أو اللحية بيكونوا مدرسة
لقيت حاجات كتير بتختلف فى حياتى ، فسبحان الله
عليكِ البداية وعلى الله التمام
إنتِ بس خدى الخطوة وتقربى الشبر من الله وسيقربكِ الله ذراعاً وسييسر لكِ أشياء كثيرة
فاستعينى بالله ولا تعجزى ولا تسمع لقول أى إنساااااااان
يسر الله لكِ الخير كله ورزقكِ الخيــــــــــر حيثُ كان
فى إنتظار أى استفسار منكِ أو تعليق -إن شااااااااااااءالله-
وفى إنتظار مشاركاتك معنا دومااااااا ، نسعــــــــد بها
بوركــــــــتِ

هــــل النقاب واجب أم مستحب؟؟ للشيخ / أبى إسحاق الحوينى
صـــونى جمالكِ فى علاكِ...عرف الطهارة من رأكِ
سيرى على أملٍ ولا.......... تتعثرى بين الشباكِ
وإلى كمال النفس بالإيمانِ ........ فلتصعد خطاكِ
من شاء أن يحى طريراً هانىء البال........ اصطفاكِ
أو شاء عُشاً حافلاً باليمن ........لم يختر سواكِ
أو شاء جيلاً صالحاً طابت مغارسه........ اجتبـــاكِ
صونـــــى جمالكِ
فى إنتظار البشرى بإرتدائك زى الطهر والعفاف وتشبهكِ بأمهات المؤمنين
حشرنا الله فى زمرتهم. اللهم آآمين
وأعتذر عن الإطالة
بوركتِ

[بر الوالدين]

رد: عاوزه انتقب ارجوكم ساعدونى

اختى الحلم الوردى بارك الله فيك على حرصك على لبس النقاب واخذ خطوه لله عارفه هتحسى بايه لما تلبسيه براااااااااااااااااااحه غريبه مش هتعرفى توصفيها لاحد وسعاده عجيبه انا ياستى هجوبك واحده واحده عن الى تساؤلاتك بتوفيق الله سبحانه ( اللهم بارك زوج صالح) هذا اختى ماكنتى تتمنيه تتمنى زوج صالح ماذا؟ يعينك على الطاعه فها قد اعطاكى الله فلماذا تتاخرى ارجوكى لا تسوفى اقطعى تحبيط الشيطان ولاتجعلى له عليك سبيل بتقولى اخواتك ووالدتك بيقولوا ماشى بس لحظه ربنا بيقول وسنه النبى محمد حبيبك بتقول كمان مين الى انا اقدمه كلام مين على مين ؟؟؟ طبعا وبكل تاكييييد كلام ربنا وكلام الرسول صلى الله عليه وسلم والى يساللك من الاهل ليه لبستيه قولى طاعه لامر الله ولامر رسوله,( قل ان كنتم تحبون الله فاتبعونى يحببكم الله) واحب ان يحبنى الله طاعه لرسوله صلى الله عليه وسلم اجابه التخوف التانى لبسك الواسع جمييييل مش مزركش جميل وخايفه ابقى مش شيك ؟ دى بقى مش جميل اقولك ليه اولا لازم احاول ازبط نيتى بمعنى الحجاب يجب ان لا يكون ملفت لانه لو ملفت فقد شرط من شروطه والله ان للبس السواد ولبس القفازين واخفاء العينين رمز نقاء و شمخه ايمان وعزه للاسلام وهذا لا يمنع ان يكون نظيف مكوى فهذا من صفات المسلم النظافه التخوف التالت هتنزلى الشغل طبيبه والله لن يعيقك الحمد لله رب العالمين انا طبيبه وبشتغل وبفضل الله لبست النقاب من وانا فى الامتياز والحمد لله عادى خالص مفيش اى مشاكل لا مع المرضى ولا مع التمريض ولا مع الاطباء بل بالعكس يجعل لك هيبه اكتر واحترام وانتى ياستى ممكن كمان تكونى اكاديمى فيكون احسن ومشاكل الشغل بتواجه المنتقبه وغير المنتقبه فمتقلقيش من النقطه دى ربنا يوفقك يارب. لا تسوفى بعد الامتحانات ايه يعنى الامتحانا ت دى فى الدنيا مش مههههههههههههههم ليكن شعارك (وعجلت اليك رب لترضى) ااتخوف الطفله تخاف اولا هاتى النقاب والبسيه فى البيط واقعدى رافعاه وشويه تنزليه هتتعود عليكى وهتعرفك كمان بعد كده بالنقاب ليا صحبات ماشاء الله متزوجين وعندهم اطفال عااادى خالص مفيش مشاكل .. بالنسبه للالوان بصى ياستى فيه ناس تفضل تيجى تتدريجى بمعنى تلبس زى ما بتقولى وفيه ناس وده رايى انك تلبسى الاسود الواسع الغير مزركش مع القفازين وتغطيه العينين من الاول ؟ ليه لان الانسان بطبيعته خلاص اتحمس وقرر فعشان يبقى خلاص اخدت خطوه كااامله مفيهاش مثلا الطقم ده حاسه انه مثلا ملفت او فيه كلام وكمان لان الاسود فيه حشمه واكثر سترا ولا مانع ان شاء الله فانت الحمد لله متزوجه التخوف الاخير سبحان الله الطاعه بتعين على طاعه فالبسيه وكله هيتحسن مع بعضه ان شاء الله يعنى هبدء اقرا كتب فقه وعقيده وعبادات وسيره وكمان هبدء ارتقى فى جانب العبادات القلبيه ارجو اكون قد افدتك

[الحلم الوردى]

رد: عاوزه انتقب ارجوكم ساعدونى

انا من رايى البسى النقاب وتوكلى على الله دة نعمة من عند ربنا وكفاية انة عفة وطهارة وبعدين كفاية انى ولى امرك وهوة جوزك موافق يعنى احمدى ربنا ملكيش دعوة باى حد انتى نفسك تعملى حاجة ابتغاء مرضاة الله وكل الافكار اللى بتدور فى دماغك من الشيطان والله يااختى انا والله نفسى البسة ومصممة علية لابعد حد بس ابويا منعنى بس انا ثقتى ف ربنا كبيرة ومتاكدة انى هلبسة بفضل الله طبعا البسية يااختى ومتخافيش من اى حاجة ربنا عمرة مهيسيبك وانا هدعيلك بالثبات بس بالله عليكى ادعيلى ربنا يهدى والدى عليا ويوافق انى البسة لانى بجد تعبت خاااالص جزاكى الله كل خير....

جزاكى الله خيرا على ردك وربنا يهدى والديك عليكى ويرزقك الزوج الصالح

[الحلم الوردى]

رد: عاوزه انتقب ارجوكم ساعدونى

اختى بنت الاسلام جزاكى الله خيرا انا تعبتك كتير وكترت عليكى فى الاسئله بس معلش هيا دى كل الهواجس اللى جوايا
ان شاء الله اول نزوله انزلها تكون بالنقاب اسال الله الثبات انا موش بخرج خالص الفتره دى عشان المذاكره
بس باذن الله هحاول اكلم حد يبعتهولى عشان انزل بيه وبالتالى مقدرش اقلعه تانى
بس صرااحه انا ههلبسه على عباياتى وخماراتى الى ان يشاء الله واجيب لبس تانى
ادعيلى بالهدايه الله يباركلك

[الحلم الوردى]

رد: عاوزه انتقب ارجوكم ساعدونى

اختى الحلم الوردى بارك الله فيك على حرصك على لبس النقاب واخذ خطوه لله عارفه هتحسى بايه لما تلبسيه براااااااااااااااااااحه غريبه مش هتعرفى توصفيها لاحد وسعاده عجيبه انا ياستى هجوبك واحده واحده عن الى تساؤلاتك بتوفيق الله سبحانه ( اللهم بارك زوج صالح) هذا اختى ماكنتى تتمنيه تتمنى زوج صالح ماذا؟ يعينك على الطاعه فها قد اعطاكى الله فلماذا تتاخرى ارجوكى لا تسوفى اقطعى تحبيط الشيطان ولاتجعلى له عليك سبيل بتقولى اخواتك ووالدتك بيقولوا ماشى بس لحظه ربنا بيقول وسنه النبى محمد حبيبك بتقول كمان مين الى انا اقدمه كلام مين على مين ؟؟؟ طبعا وبكل تاكييييد كلام ربنا وكلام الرسول صلى الله عليه وسلم والى يساللك من الاهل ليه لبستيه قولى طاعه لامر الله ولامر رسوله,( قل ان كنتم تحبون الله فاتبعونى يحببكم الله) واحب ان يحبنى الله طاعه لرسوله صلى الله عليه وسلم اجابه التخوف التانى لبسك الواسع جمييييل مش مزركش جميل وخايفه ابقى مش شيك ؟ دى بقى مش جميل اقولك ليه اولا لازم احاول ازبط نيتى بمعنى الحجاب يجب ان لا يكون ملفت لانه لو ملفت فقد شرط من شروطه والله ان للبس السواد ولبس القفازين واخفاء العينين رمز نقاء و شمخه ايمان وعزه للاسلام وهذا لا يمنع ان يكون نظيف مكوى فهذا من صفات المسلم النظافه التخوف التالت هتنزلى الشغل طبيبه والله لن يعيقك الحمد لله رب العالمين انا طبيبه وبشتغل وبفضل الله لبست النقاب من وانا فى الامتياز والحمد لله عادى خالص مفيش اى مشاكل لا مع المرضى ولا مع التمريض ولا مع الاطباء بل بالعكس يجعل لك هيبه اكتر واحترام وانتى ياستى ممكن كمان تكونى اكاديمى فيكون احسن ومشاكل الشغل بتواجه المنتقبه وغير المنتقبه فمتقلقيش من النقطه دى ربنا يوفقك يارب. لا تسوفى بعد الامتحانات ايه يعنى الامتحانا ت دى فى الدنيا مش مههههههههههههههم ليكن شعارك (وعجلت اليك رب لترضى) ااتخوف الطفله تخاف اولا هاتى النقاب والبسيه فى البيط واقعدى رافعاه وشويه تنزليه هتتعود عليكى وهتعرفك كمان بعد كده بالنقاب ليا صحبات ماشاء الله متزوجين وعندهم اطفال عااادى خالص مفيش مشاكل .. بالنسبه للالوان بصى ياستى فيه ناس تفضل تيجى تتدريجى بمعنى تلبس زى ما بتقولى وفيه ناس وده رايى انك تلبسى الاسود الواسع الغير مزركش مع القفازين وتغطيه العينين من الاول ؟ ليه لان الانسان بطبيعته خلاص اتحمس وقرر فعشان يبقى خلاص اخدت خطوه كااامله مفيهاش مثلا الطقم ده حاسه انه مثلا ملفت او فيه كلام وكمان لان الاسود فيه حشمه واكثر سترا ولا مانع ان شاء الله فانت الحمد لله متزوجه التخوف الاخير سبحان الله الطاعه بتعين على طاعه فالبسيه وكله هيتحسن مع بعضه ان شاء الله يعنى هبدء اقرا كتب فقه وعقيده وعبادات وسيره وكمان هبدء ارتقى فى جانب العبادات القلبيه ارجو اكون قد افدتك

جزاكى الله خييرا والله ان شاء الله البسه بس ربنا يثبتنى لغاية مااخرج من البيت

[نحري دون نحرك يادين الله]

رد: عاوزه انتقب ارجوكم ساعدونى

السلام عليكم ورحمة الله وبركاته
بارك الله فيكم أخواتي وربنا يعينكم ع طاعته ويجعلنا ممن يستمعون القول فيتبعون احسنه
أختي الكريمة الحلم الوردي أنصحك بأن تلبسيه ولاتترددي والله الدنيا لاتساوي شئ لانها مهما عظمت فهي حقيرة ومهما طالت فهي قصيرة ولاينفعنا في الاخرة الاعملنا
احمدي الله ان زوجك موافقك ده اهم شئ لانه هو اللي عايش معاكي وإرضي الله والبسي النقاب
وباذن الله يرضي عنكِ اهلك
عايزه اقولك حاجه يااختي أكيد أكتر اللي لابسين نقاب لازم اي حد من اهلها يضيقها اويقولها اي كلمه
أحسب الناس ان يتركوا ان يقولوا ءامنا وهم لايفتنون