سؤال مهم .... يا ترى إيه الإجابة ؟

[شيرين ابراهيم]

رد: سؤال مهم .... يا ترى إيه الإجابة ؟

جزاكم الله خيرا وبارك الله فيك ونفع بك
اسال الله العظيم ان يردنا الى الحق ردا جميلا
تقبل الله منا ومكنكم صالح الاعمال
بوركت

[راجيه جوار الحبيب محمد]

رد: سؤال مهم .... يا ترى إيه الإجابة ؟

بارك الله فيكى أختى وفقنا الله للعمل الصالح الذى يقربنا إليه

[رقية 2]

رد: سؤال مهم .... يا ترى إيه الإجابة ؟

يا راجية أنا هكتب الرد أهو

(( جزاكم الله كل خير على الرد .... فعلا هو ده إلى إحنا عاوزينه ....... إن إحنا نفهم بعض ديننا صح .... لإن فيه بعض المفاهيم بتكون داخلة فى بعضها عند ناس كتير

أخونا الفاضل

بس ماهو ممكن بردة نعيش لدنيتنا ونعمل لاخرتنا

إحنا الأول لازم نفرق بين مفهومين عشان نبقى فاهمين إحنا بنتكلم عن إيه


أول مفهوم : نشتغل لدنيتنا


تانى مفهوم : نشتغل فى دنيتنا


نشتغل لدنيتنا : معناه إيه مثلا ... نسمع أغانى نتفرج على أفلام ومسلسلات ندخل سينيمات نروح مصايف .... إلخ



طب .... وبعدين ..... بعد ما عملنا ده كله هنعمل إيه .... إيه إلى بعد ده كله طين الدنيا بقى هتقدم لنا إيه



ده إحنا قدمنا ليها من وقتنا كتير قوى أغانى ومسلسلات وأفلام ومصايف وغيرها وغيرها



الدنيا بقى هتعملنا إيه ؟..... مش هتعمل لينا حاجة ولا هتقدم لينا حاجة



لاء لاء ..... صحيح إفتكرت ..... هتقدم لينا حاجة واحدة ..... غضب ربنا علينا ..... هتقولى ليه ..... هقولك لإن الدنيا فى الآخر إلى زوال



فالدنيا مهما عظمت فهى حقيرة

ومهما طااااااالت فهى طويلة
واعلم أن الليل مهما طااااال لابد من طلوع الفجر

وأن العمر مهما طال لابد من دخول القبر


فانتبه أخونا الفاضل ..... فالموت بأتى فى أى لحظة أخونا الفاضل .....



طب لو جالك وإنت بتسمع أغنية !!



وإنت بتتفرج على فيلم أو مسلسل !!



وإنت فى مصيف !!



المصيبة أخونا الفاضل أن الذى تموت عليه تبعث عليه ..... لو مت وإنت بتسمع أغانى هتبغث وإنت بتسمع أغانى .... لكن لو مت وإنت بتسمع قرآن ..... تفرق ..... " وهنوضح الجزئية دى بعد قليل بإذن الله أكثر "



نيجى للمفهوم التانى



نشتغل فى دنيتنا : نشتغل فى دنيتنا معناه إن إحنا نعمل حاجتين بالظبط



أول حاجة === ربنا خلق كل إنسان لوظيفة معينة يبقى إعمل الوظيفة إلى عليك بإتقان



مثلا إنت طالب : ذاكر بجد واجتهد عشان تبقى حاجة كويسة لإن دى وظيفتك إلى ربنا خلقك ليها فى العمر ده بالتحديد ما هو لكا مرجلة من العمر وظيفة ربنا خلقك ليها



طيب ليه بقى ربنا خلقنا للوظيفة دى === عشان نخدم بيها الدين ونشتغل لربنا وهى دى الحاجة التانية



إنك بجانب دراستك إيه المانع إنك تحفظ قرآن تتعلم فى دينك حاجة تثقف الناس إلى حواليك تدعو أصحابك لدين ربنا وتهديهم للطريق الصح



فى ناس هتقولى هلاقى منين وقت للمذاكرة والدعوة ..... هقولك زى ما إنت بتلاقى وقت للمذاكرة واللعب مع أصحابك ولاكلام مع أصحابك والتشييت معاهم على الإنترنت ..... أكيد هتلاقى وقت إنك تدعو إلى الله



فالمقصد إنك بتذاكر وبتجتهد وفى نفس الوقت بتخدم دينك



يعنى مش شرط أخونا الفاضل إن المسلم يا إما بذاكر با إما يدعو إلى الله .... لاء دا الحاجتين دول مرتبطين ببعض .... لإن الإنسان لما يكون علاقته بربنا حلوة ربنا أكيد هيوفقه فى دراسته



لإن الإنسان أخونا الفاضل سوف يسأل عن وقته فيما أفناه هل أفناه فى تأدية وظيفته فى الحياة أم أفنا فيما لا ينفع



يبقى المسلم لازم يكون متفوق عمليا علميا دينيا وفى جميع المجالات




ويقول الله تعالى " رِجَالٌ لَّا تُلْهِيهِمْ تِجَارَةٌ وَلَا بَيْعٌ عَن ذِكْرِ اللَّهِ وَإِقَامِ الصَّلَاةِ وَإِيتَاء الزَّكَاةِ يَخَافُونَ يَوْماً تَتَقَلَّبُ فِيهِ الْقُلُوبُ وَالْأَبْصَارُ "" ( النور : 37 )



يبقى ربنا خالقنا عشان نعمر الكون وفى نفس الوقت التعمير ده لا يشغلنا عن ذكر الله


__________________________________________________ ________


يبقى إحنا فهمنا كده الفرق بين المفهومين دول



الشغل للدنيا === نشتغل للدنيا ونسيب الآخرة


الشغل فى الدنيا === نشتغل فى الدنيا للآخرة


يبقى حضرتك قولت كده جملتين هما هماهم فى المعنى نفس المعنى بالظبط



نعيش لدنيتنا ونعمل لاخرتنا : معناه إن حضرتك هتشتغل فى الدنيا للآخرة



نعيش لاخرتنا ونعمل لاخرتنا : معناه إ، حضرتك هتشتغل فى الدنيا للآخرة



يبقى مختلفناش الحمد لله ..... وده شئ عظيم جدا

"متهيألى الوسط حلو فى كل حاجة "

على فكرة ده رأييى من زمان جدا



إن الدين مش تعقيد وتشدد والكلام إلى إحنا بنسمعه وإلى ملوش أساس من الصحة



لاء ده الدين يسر وفرح وسعادة



وده المفهوم التالت إلى هنغيره مع بعض إنهارده بإذن الله



كل الناس معتقدة إنك طالما متدين وملتزم يبقى خلاص وداعا للمرح والضحك والسعادة وأهلا بالتعاسة



لاء طبعا



أكيد حضرتك شوفت قبل كده ناس متدينة وملتزمة وبتضحك .... طب يا ترى هما بيضحكوا ليه من التعاسة إلى هما فيها مثلا



ممكن أخونا نشوف الفيديو ده مع بعض ونرجع تانى نتكلم



أعتذر إنى هخلى حضرتك تحمل الفيديو لكنه والله مساحته قليلة جدا جدا جدا 12 ميجا بس



من فضل حضرتك ممكن تحمله



همممم ..... شعور جميل..... صح ؟؟؟؟ ؛لى حاجة الوسط و إن الواحد يكون متدين وعارف دينه وبيشتغل لربنا وفى نفس الوقت يتفسح ويضحك ويعمل كل إلى فى نفسه وبتهيألى الفيديو موضح حاجات كتير أوووى



طب هو حضرتك عاوز تكون وسط إزاى يعنى

" يعنى فيها ايه مثلا اسمع اغانى واسمع قرأن "

طيب أخونا الفاضل خلينا نتفق فى الأول أنه لا يجتمع طاعة ومعصية فى القلب فى نفس الوقت وأنا هثبت ده بالدليل القاطع .... بس بعد شوية


خلينا نعقد فى الأول مقارنة بين مع إن مفيش مقارنة أبدا أبدا بين الاتنين قصدى نشوف الفايدة العائدة من ده والفايدة العائدة من ده



الأغانى


الفايدة العائدة === بتهيألى مفيش فايدة ..... لاء قصدى فيه حاجة واحدة .... سيئات كتير وغضب ربنا ..... حتى تلاقى أخونا الفاضل إلى بيسمع أغانى دايما حاسس بالحزن والكئابة واليأس والحاجات الوحشة دى


القرآن


الفايدة العائدة === بتهيألى إن فيه فوايد كتير جدا ..... منها ... حسنات كتير جدا جدا جداورضا ربنا علينا ...... حتى هتلاقى أخونا الفاضل إلى بيسمع قرآن .... فرحان ومسرور وسعيد وحاسس براحة نفسية وروحانيات وأجواء إيمانية عالية أووووى



فمثلا أخونا الفاضل إلى بيسمع أغانى وقرآن فى نفس الوقت وأنا قلت من شوية إنه لا يجتمع طاعة ومعصية فى القلب فى نفس الوقت وزى ما قلت إن أنا هثبت ده بالدليل القاطع .... بس بعد شوية



عامل زى إبه بقى زى إلى قاعد يحط ويحوش فلوس فى جيب مخروم يحط الفلوس من هنا تقع من هنا أهوا الحسنات بتحطها من هنا تقع من الخرم علطول مبتستفدش بيها فى حاجة .... يبقى إنت ظانن إنك بتاخد حسنات لكنك بتوقعها



طيب أخونا الفاضل أكيد شوفتك فى حياتك ناس لما القرآن بيتقرأ تلاقيهم إتأثروا أووى وبكوا بشدة .... أكيد حضرتك سألت نفسك هو بيعيط ليه ؟؟ ..... أهو ده الدليل القاطع إن الطاعة لا تجتمع فى القلب مع معصية



إنت بتسمع أغانى وبتدخل سينمات ووو تيجى المعاصى دى تتكتل حوالين القلب وتكلبش فيه وتمسك فيه جامد فلما تيجى تقرأ قرآن مبتعرفش تحس بالآيات مبتعرفش تتدبر المعانى ليه لإن المعاصى كلبشت فى قلبك ومعدتش راضية تسيبه



وبعدين شوف حضرتك ربنا بيقول إيه " لَوْ أَنزَلْنَا هَذَا الْقُرْآنَ عَلَى جَبَلٍ لَّرَأَيْتَهُ خَاشِعاً مُّتَصَدِّعاً مِّنْ خَشْيَةِ اللَّهِ وَتِلْكَ الْأَمْثَالُ نَضْرِبُهَا لِلنَّاسِ لَعَلَّهُمْ يَتَفَكَّرُونَ "" ( الحشر : 21 )



يعنى الجبل بيتصدع ويهتز من القرآن



إحنا فين من الكلام ده إحنا فين لما القرآن بيتقرأ علينا .....



يبقى هل كده الطاعة والمعصية إجتمعوا فى القلب ولا المعصية استولت على القلب كله



وخلينا منخدعش نفسنا حضرتك ممكن تقارن بين الساعات إلى بتسمع فيها قرآن والساعات إلى بتسمع فيها أغانى هتلاقى الأغانى أكتر



وبعدين زى ماحضرتك بتقول نسمع أغانى ونسمع قرآن



يعنى زى ما حضرتك سميتها حاجة للدنيا وحاجة للدين



طيب أسال حضرتك سؤال حضرتك أكيد سمعت أغانى واتفرجت على مسلسلت إنهارده طيب يا ترى عملت إيه بقى لربنا إنهارده ؟؟؟



من منطلق ساعة وساعة إلى حضرت ماشى بيه



على فكرة الشيطان هو إلى بيوهم الإنسان بالحاجت دى ....



يبقى إحنا كده اتفقنا على حاجة تانية إنه المعصية والطاعة لا يجتمعان فى قلب واحد



وبعدين أخونا الفاضل



"من ترك شيئا لله عوضه الله خيرا منه "



معناه إن لو حضرتك سيبت سماع الأغانى وإنت عاوز تيمعها أوووى لكن سبتها عشان ربنا والله ربنا ما هيسيبك أبدا بل والله العظيم هتشوف بركة إلى إنت عملته فى حياتك وعن تجارب ناس كتير والله



وبعيد أخونان الفاضل حضرتك لما بتسمع الأغانى عارف حضرتك بيكون حواليك إيه ؟؟



الشياطين ....آه والله العظيم أول ما بتفتح الأغانى الشياطين بتقعد تلف حواليك وتسقف وهيا فرحانة عشانك بتعصى ربنا .... تصور نفسك بقى كده وإنت قاعد تسمع أغانى والسيطان ده قاعد جمبك والسيطان التانى قاعد على جمبك التانى وفوقك وتحتك ومحوطينك من كل جهة ..... يعنى الحجرة بتبقى عااامرة بالشياطين ..... أعوذ بالله من الشيطان الرجيم ..... والملك إلى على شمالك كل ما ييجى يكتب سيئة الملك بتاع الحسنات يقوله إستنى جايز يقفب دلوقتى ويفتح قرآن ... إستنى ... إستنى ... لحد ما يلاقيك مصر على المعصية فيبدأن يكتب عليك السيئلت



أما بقى أخونا عارف بيبقى حواليك إيه لما بتسمع القرآن ؟



الملائكة .... يا سلام ... الملائكة قاعدة حواليك فى الحجرة ... ويا سلام بقى كمان لو إنك بتردد مع القرآن هيبقى فيه ملك واقف قدام الفم يتلقى منك القرآن ... وملك على يمينك قاعد شغال كتابة حسنات حسنات حسنات .... حسنات سماع القرآن وحسنات تلاوته والحسنة بعشر أمثالها والله يضاعف لمن يشاء ..... حتى لو بتكون قاع دتذاكر مثلا أو بتعمل أى حاجة تلاقى كده ربنا وفقك فى العمل بتاعك وتلاقى نفسك مثلا وإنت قاعد تذلكر خد بالك من حاجت مكنتش فاهمها قبل كده



شوفت الفرق أخونا الفاضل والله فرق شاسع



طيب أخونا ما نجيب مصفى " مصفاة أو صفاية بتكون زى ما إحنا عارفين مخرمة عشان تنزل الماية "



طيب لما الصفاية تكون مش نظيفة بنغسلها بالماية فبترجع نظيفة زى ما كانت فى الأول



أهوا القرآن كده بالظبط بنقرؤه بس لما بنقفل القرآن مش بنفتكر إحنا قرآنا إيه لكنه بيغسل قلبنا



أما لو حبينا نصفى فى الصفاية دى ماية مليانة شؤائب وطوب وحاجات وحشة .... طبعا الماية هتنزل وهتتبقى إيه الشؤائب دى أهى الأغانى هيا دى الشؤائب إلى بتتبقى تتراكم الشؤائب فوق بعضها لحد ما يبقاش فيه مكان للماية



لكن بإذن الله هنفضل نصب مايو ماية ماية ماية لحد ما الشؤائب تروح وترجع الصفاية نظيفة زى ماكانت وأحسن



وحضرتك على فكرة قولت جملة بتدل على إن حضرتك مقتنع إن الأغانى حرام وهيا

"ممكن ده يبقى تناقض "

طيب يبقى إحنا متفقين إن فيه تناقض بين الحالتين


يبقى مختلفناش والحمد لله وده شئ عظيم جدا جدا جدا



حضرتك سالت سؤال جميل جدا وهو

" مين فينا مش بيسمع اغانى"

الإجابة === إلى بيحب ربنا

" وليه هدفى يكون فى الثانوية العامة .. اهدى صاحب

طاب مانا ممكن اهدى صاحب واتفوق برده واخرج واتفسح ودخل سينمات مثلا ؟"

طبعا إحنا وضحنا النقطة دى فوق وقلنا إن المسلم متفوق علميا ودينيا وممكن حضرتك ترجع للنقطة دى فوق

"بس دعوة حلوة للنقاش

ونشوف كل واحد هيقول ايه "

والله إحنا سعداء بالنقاش ده جدا .... وأسأل أن أكون قد وفقت فى توضيح وجهة نظرى



وأرجو إن حضرتك متبقاش واخد الموضوع تحدى لإن فى الآخر كل إنسان إلتزامه بدين ربنا خير لنفسه أولا ثم إلى حواليه



ومنتظرين رأى حضرتك بإذن الله



____________________________________________



لكن أنا مش جاية هنا عشان نتناقش فى مسلمات فى الدين بتاعنا المفروش نكون مقتنعين بيهل


ربنا قالنا الأغانى حرام تبقى حرام ماليش دعو بليه وإزاى طالما أنا عرفت إن ده بيغضب ربنا يبقى خلاص معملوش لإن أنا لو عرفت السبب للتحريم مش هيغير من رأى برده


أنا هدفى من الموضوع إن إحنا نفوق ونعرف إن الواحد مش ضامن عمره



هل حضرتك لما تسمع أغانى وقرآن هل حضرتك ضامن تموت على القرآن ما هو ممكن تموت على الأغانى ولا إيه محدش عارف هيمةت إمته



وعلى فكرة لكل إنسان قرين معاه داسما ملازمه وبيعمل دايما على إنه يزين له الشر بأى شكل فمتسبوش ينصر عليك



"... إِنَّ كَيْدَ الشَّيْطَانِ كَانَ ضَعِيفاً " ( النساء :76 )



هدفى إن إحنا نعرف إن لكا إنسان هدف وظيفة فى الحياة لازم يشتغل عشانه



ممكن حضرتك تقرأ المساكة دى



((((






السلام عليكم ورحمة الله وبركاته !!

كيف حالكم يا أحلى شباب ؟؟

والله العظيم وحشتوني موووووت ،،


النهارده بعد صلاة العشا طلعت الموبايل من جيبي وجيت أتصل ..

ردت عليا واحدة قالتلي ( عفوًا رصيدك الحالي لا يكفي لاتمام هذه المكالمة )

فبجد اتضايقت أوي وجريت على السنترال وشحنت 5 جنيه عالهوا عشان المكالمة كانت فعلا ضرورية ،،


وساعتها جه ف بالي موقف احكيهولكم وانتو عيشو معاه ، ماشي ؟



تخيل يوم القيامة .. وكلنا موقوفين بين يدي الله سبحانه

ومنا اللي هيدخل الجنة - ربنا يجعلنا منهم - ،،

ومنا والعياذ بالله اللي هيدخل النار - الله لا يجعلنا منهم - ،،


فتخيل لو انتا جيت تدخل الجنة فنادت عليك الملايكة مع الفارق طبعًا ،


( عفوًا رصيدك الحالي لا يكفي لدخول الجنة )


شعورك ساعتها هيكون إيه ؟

وطبعًا رصيدك ميكفيش عشان كفة السيئات رجحت على كفة الحسنات
طيب السؤال : ليــــــــــــــــــــــــــــــــــــــه ؟؟ !!
دي الحسنة بعشر أمثالها .. والسيئة بسيئة واحدة بس ،،
فلما كفة السيئات ترجح على كفة الحسنات أكيد فيه خلل حصل ، صح ؟
الخلل ده هو ( التهاون في ارتكاب السيئات )

وعلى الصعيد الآخر ( التكاسل عن فعل الحسنات )


فكانت النتيجة إن كفة السيئات رجحت على كفة الحسنات ، وبقى :


رصيدك لا يكفي لدخول الجنة !!!!!


وطبعًا لما بيرد عليك الكمبيوتر عشان يقولك

.. عفوًا رصيدك الحالي لا يكفي لاتمام هذه المكالمة ..
بيكون على سبيل التنبيه ، يعني ممكن تروح تشحن وتتكلم براحتك ،،

إنما ( عفوًا رصيدك الحالي لا يكفي لدخول الجنة ) مفهاش رجوع تاني خالص !!


عشان كده وعشان منسمعش كلمة زي دي يوم القيامة والعياذ بالله ،

يلا نحافظ على رصيدنا من الحسنات ونزوده .. ونشحن أول بأول !!
ونحاول على أد ما نقدر نتجنب السيئات عشان ندخلها سوا يا شباب

..الجنــــــــــــــــــــــــــــــــــــــــــــ ــــــة ..


وبدل منسمع إن رصيدنا ميكفيش لدخول الجنة ، نسمع :


" ادخلوها بسلام آمنين .. "


جعلنا الله وإياكم من أهلها


آمين ،،


.



.



.



دي مجرد تذكرة بسيطة جت على بالي وقولت أشارككم فيها ،

وإن كان من خير فمن الله وحده

وإن كان من شر فمني والشيطان ،،


.



سبحانك اللهم وبحمدك ، أشهد ألا إله إلا أنت


أستغفرك وأتوب إليك !!

• _ ))))
  
  

جزى الله كل خير كاتبها ......






والمشاركة دى كمان



((((







درس رائع جدا




أنصح الجميع بسماعه
















حفظ المادة




)))))






جزى الله كل خير كاتبها ......




والمشاركة دى كمان معلش



((((








سألت نفسك دورك إيه بعد الأحداث الأخيرة ؟؟



دورك مش إنك تقول فلان صح و فلان غلط و كل ده و إنت قاعد في بيتك


لازم تقدم حاجة لدينك و لأمتك !



استنى بس,,,



متقولش أنا ماليش دعوة بالموضوع ده


أنا لسه في البداية


دلوقت مينفعش تقول كده !



دلوقت لازم تبقى راجل و تتحمل المسئولية و ماتتخلاش عن دينك في الوقت الصعب ده .



لازم تدور على الثغر اللي انت تقدر تقف عليه و تخدم دينك بيه


لكن متقفش تتفرج في وسط كل اللي بيحصل ده !



كل واحد فينا مطلوب منه حاجتين في غاية الأهمية


ومطلوب منه إنه يسرع في تحقيقهم بأقصى سرعة


1- تصلح نفسك

2-تخدم دينك

))))




جزى الله كاتبها كل خير .....




ها إيه رأى حضرتك؟؟



فى الإنتظار بإذن الله

[رقية 2]

رد: سؤال مهم .... يا ترى إيه الإجابة ؟

بصراحة السؤال صادم جدا وعايز بحث داخل النفس
ربنا يسترنا فى الدنيا والآخرة

الؤلؤة المكنونة .... شكرا على التكملة .... آآآمين يا رب العالمين

وياريت تكون الاستجابة عملية .... أجوكم يا جماعة عاوزبن بجد نعمل حاجة

جزاكى الله خيرا ونفع بكى

جزاكى الله خيرا
ربنا يرحمنا برحمته
يارب خلصني من ذنوبي وتب علي

جزاكى الله خيرا .... ما قولتليش عملتى إيه النهارده لربنا ؟

أكيد عملتى حاجة

فى انتظارك

بإذن الله

جزاكم الله خيرا وبارك الله فيك ونفع بك
اسال الله العظيم ان يردنا الى الحق ردا جميلا
تقبل الله منا ومكنكم صالح الاعمال
بوركت

جزاكى الله خيرا ..... اللهم آمين آمين يار العالمين

عملتى إيه النهارده لربنا ؟؟

بارك الله فيكى أختى وفقنا الله للعمل الصالح الذى يقربنا إليه

جزاكى الله خيرا ونفع بكى .... اللهم آآمين

عملت ىإيه النهارده لربنا


____________________

حملتوا يا بنات الخطبة ؟؟؟

وصليتوا الفجر النهارده زى ما اتفقنا ولا لاء ؟؟؟

بارك الله فيكن جميعا



فى انتظارك ياراجية

[رقية 2]

رد: سؤال مهم .... يا ترى إيه الإجابة ؟

أختى مهووسة بنقابى

شايفاكى فى المتواجدين الآن ..... أكيد رأيك برده يهمنى تحبى نزود حاجة على الكلام إلى أنا قولته ولا إيه ؟

[رقية 2]

رد: سؤال مهم .... يا ترى إيه الإجابة ؟

راجية معلش كنت بكتب بسرعة قياريت تعدلى حاجة فى الموضوع لما تيجى تنقليه وهيا

ومهما طااااااالت فهى طويلة

الدنيا مهما طااااااااالت فهى قصيرة بدلى الكلمة بقى

[مهووسة بنقابى]

رد: سؤال مهم .... يا ترى إيه الإجابة ؟

ماشاء الله رقية ردك جميل ومقنع
ربنا ينفع بيه
والحمدلله منتظمة معاكم

[رقية 2]

رد: سؤال مهم .... يا ترى إيه الإجابة ؟

تعديل تانى

شعور جميل..... صح ؟؟؟؟ ؛لى حاجة الوسط و إن الواحد

أحلى حاجة

[رقية 2]

رد: سؤال مهم .... يا ترى إيه الإجابة ؟

تعديل

المفروش نكون مقتنعين بيهل

المفروض نكون مقتنعين بيها

....

بصى با راجية لما تلاقى أى خطأ إملائى صلحيه .... واقرئى الموضوع كويس ـرجوكى

ميتنياكى بإذن الله

[رقية 2]

رد: سؤال مهم .... يا ترى إيه الإجابة ؟

ماشاء الله رقية ردك جميل ومقنع
ربنا ينفع بيه
والحمدلله منتظمة معاكم

ربنا يبارك فيكى ...... يارب .... معندكيش حاجة نضيفها مثلا

[مهووسة بنقابى]

رد: سؤال مهم .... يا ترى إيه الإجابة ؟

بصراحة ماشاء الله انتى غطيتى كل الجوانب اعتقد
ورديتى بالتفصيل
معنديش اضافة والله

[رقية 2]

رد: سؤال مهم .... يا ترى إيه الإجابة ؟

ما شى أختى الفاضلة وفقكى الله إلى كل خير ...... طبعا صلينا الفجر النهارده الحمد لله

اللهم أدمها علينا نعمة ياااارب

[راجيه رحمة ربها]

رد: سؤال مهم .... يا ترى إيه الإجابة ؟

بسم الله ما شاء الله يا رقيه
ردك هااااااااايل بجد
وبالتفصيل مفيش حاجه الا لما رديتى عليها
بجد جزاكى الله خيرا وهقرأها اكتر من مره وبالنسبه للأخطاء الاملائيه فكفايه عليكى الرد الهااااااايل ده
بجد جزاكِ الله كل خير
اصلا المنتدى ده منتدى الجامعه بتاعتنا وانتى عارفه شباب الجامعه
ربنا يهدينا جميعاً اللهم امين

[راجيه رحمة ربها]

رد: سؤال مهم .... يا ترى إيه الإجابة ؟

نعيش لاخرتنا ونعمل لاخرتنا : معناه إ، حضرتك هتشتغل فى الدنيا للآخرة
مش فاهمه الجزئيه دى معلش ممكن توضيحها
وعلى فكره هو مش ماشى بمبدأ ساعه وساعه دا انا اللى بقوله هو انت ماشى بالمبدأ ده ولا ايه
قالى ((لا والله مش عشان مبدا ساعة لقلبك وساعة لربك
بس يعنى عموما مين مابيسمعش اغانى
كل الناس بتسمع اغانى
وبتتفرج عالتليفزيون
وبتعمل كل حاجة
وبعدين مثلا بيبقى يوم الجمعة الناس كلها او معظمها بلاش كلها دى بتصلى الجمعة
هل معناه ان الناس دى كلها مابتسمعش اغانى
طاب ولو مش بتسمع اغانى
يبقى مين اللى بيسمع ؟؟))

انتى ردك كافى جدا فى موضوع الاغانى ده مش محتاجه رد تانى

بس سؤال ليا انا
زمايلى بقولهم يا بنات متسمعوش اغانى الاغانى حرام
يردوا عليا ويقولوا ما احنا عارفين وانتى كنتى بتسمعى (اغانى ربنا يغفرلى ويتوب عليا) اقول لهم كنت بس مبقتش بسمع يقولولى واحنا كمان هيجى علينا فتره ونبطل نسمعها طبعا بسكت واقولهم انتوا حريين

[رقية 2]

رد: سؤال مهم .... يا ترى إيه الإجابة ؟

نعيش لاخرتنا ونعمل لاخرتنا : معناه إ، حضرتك هتشتغل فى الدنيا للآخرة
مش فاهمه الجزئيه دى معلش ممكن توضيحها

هو كان قصده هنا .... " هو فهم من الموضوع إن أنا بقول نعيش للآخرة يعنى منتعلمش ولا نعمل أى حاجة سوى العبادة .. وأنا مقلتش كده .... هو قال جملتين

نعيش لدنيتنا ونعمل لآخرتنا
نعيش لآخرتنا ونعمل لآخرتنا

فأنا كان قصدى إن سواء فى الحالتينكده كده هيشتغل للآخرة يبقى هو مقتنع بكده يبقى مختلفناش

فهمتى ولا ؟؟؟

يارب تكونى فهمتى .... لو مفهمتيش قولى بالله عليكى

وعلى فكره هو مش ماشى بمبدأ ساعه وساعه دا انا اللى بقوله هو انت ماشى بالمبدأ ده ولا ايه

لا مش إنتى إلى قايلاله كده هو قايل فى كلامه إيه

قال ممكن نسمع قرآن ونسمع أغانى

يعنى بالبلدى ساعة وساعة برده

قالى ((لا والله مش عشان مبدا ساعة لقلبك وساعة لربك
بس يعنى عموما مين مابيسمعش اغانى
كل الناس بتسمع اغانى
وبتتفرج عالتليفزيون
وبتعمل كل حاجة
وبعدين مثلا بيبقى يوم الجمعة الناس كلها او معظمها بلاش كلها دى بتصلى الجمعة
هل معناه ان الناس دى كلها مابتسمعش اغانى
طاب ولو مش بتسمع اغانى
يبقى مين اللى بيسمع ؟؟))

بصى أختى

هو بيبرر لنفسه ..... يعنى نفترض إن كل الناس مش إلى بيصلوا الجمعة بس بتسمع أغانى وعاصية لربنا يبقى هو كمان يعصى ربنا .... يعنى بيمشى تبع الناس !.... بدون تفكير !.... أمال بقى ربنا ميزنا عن بقية المخلوقات بالعقل ليه .... عشان نركنه على جمب !!

وبعدين كل إلى بيصلوا الجمعة بيسمعوا أغانى .... طيب هل كلهم بياخدوا حسنات على الصلا ؟ ..... طيب هياخدوا حسنات إزاى ..... عن طريق الخشوع فى الصلاة .... طيب هل كلهم بيخشعوا فى الصلاة؟..... طيب إزاى هيخشعوا فى الصلاة ..... عن طريق القلب السليم ..... طيب إزاى هيكون القلب سليم وهو بيعصى ربنا

بنشوف ناس فى صلاة الجمعة بتتاوب .... والتانى مغمض عينه .... والتالت بيهرش فى شعره .... والرابع بيبص للجمبه .... وفى واحد تلاقى تعابير وشه متغيرة كده وخاشع فى الصلاة ....

هو يعنى إيه الخشوع ؟؟؟ طب إزاى هخشع ؟؟.... إنت لما بتستشعر وجود ربنا معاك فى كل وقت فى حياتك كل ثانية فى حياتك ربنا شايفك إنت بتعمل إيه لما بتستشعر وجود ربنا معاك يبقى مش هتعصيه يبقى مش هتسمع أغانى يبقى قلبك سليم يبقى هتخشع فى الصلاة لإنك فى الصلاة بتبقى واقف بين إيدين ربنا تصور بقى يبقى هتخشع وهتستشعر الآيات بعمق أووووى يبقى هتاخد حسنات

بس سؤال ليا انا
زمايلى بقولهم يا بنات متسمعوش اغانى الاغانى حرام
يردوا عليا ويقولوا ما احنا عارفين وانتى كنتى بتسمعى (اغانى ربنا يغفرلى ويتوب عليا) اقول لهم كنت بس مبقتش بسمع يقولولى

حبيبتى إنتى ربنا غفرلك فعلا إن شاء الله ....... والمفروض كل واحد فينا يشكر دهإلى جانب إنك تبتى تشكرى ربنا إنه أذنلك إنك تتوبى .... لإن كل إنسان عمره ما هيتوب والإيمان يوصل لقلبه إلا بإذن من الله فى ناس ولعياذ بالله ربنا طابع على قلبها مخليها متحسش إن إلى هيا بتعمله ده غلط

الحمد لله على نعمة الإسلام وكفى بها نعمة .... هذا من فضل ربى .....

واحنا كمان هيجى علينا فتره ونبطل نسمعها طبعا بسكت واقولهم انتوا حريين

هممممم ... طب مثلا هما ضامنين إن اليوم ده ييجى قبل ما يموتوا .؟؟؟ !!! .... ضامنين يعيشوا يعنى لحد لما ييجى اليوم إلى هيبطلوا فيه سماع الأغانى .... لو ضامنين الحياة خليهم يسمعوا لحد لماااااااااااااااااااااااااا ييجى اليوم الموعود .... واليوم الموعود ده مش يوم ما يبطلوا لاء يوم مايموتوا .... لإن الشيطان دايما هيحسسهم إنه ليه بدرى بكرة .... بكرة ... لحد ما يموتوا

ربنا ياااااااااارب يهديهم للحق

رد الأخ عليكى كان إيه ؟؟؟

جزاكى الله كل خير ونفع بكى