Tweet
السلام عليكم
طبعا معروف إن كل الأمهات والبيوت فى مصر وأظن فى بلاد العالم كله تعرف يعنى إيه جمعيه بالبلدى تحويشه كده كل شهر تحطى فلوس وآخر السنه مثلا تقبضيها وهى خطه من خطط الأمهات لتفادى الأزمات والإستعداد للعام الدراسى أو ملابس العيد أو رمضان وخلافه
إيه رأيكم كل واحده تعمل مع نفسها جمعيه ليوم القيامه هو يوم القيامه الواحد ممكن يتأزم فى إيه ؟؟؟فلوس .....طبعا لأ لكن الكارثه بتبقى أزمه فى الحسنات وطيب والحسنات دى فى الأغلب بتبقى بتنفقى إيه ؟؟؟ فى الأغلب عمرك فى طاعه
ممكن نشوف لو أنفقتى كل يوم ساعه قبل الفجر هتحوشى كام يوم القيامه
عارفه الساعه دى ممكن تعملى فيها إيه
ممكن تقرى جزء فى نص ساعه و5 دقايق إستغفار تقريبا 200مره و5 الحمد لله =200مره وكملى النص ساعه بركعتين قبل الفجر فى وقت السحر وقت ينزل الله للسماء الدنيا ويستجاب دعائك بإذن الله
ساعه من 24 ساعه تتفرغى لله وصدقينى أولادك وبيتك لن ينفعوكى بقدر عملك يوم القيامه يوم تنشغل الأم بنفسها عن أولادها وتقول نفسى نفسى وكذلك كل من تنفقى عمرك عليهم وتضيعى على نفسك تحويشة العمر
ولتكن لكى ساعه مع الله تحويشه ليوم القيامه
أول حاجه هيعملها الشيطان معاكى هيحاول يوسوس لك خلى الساعه الصبح والعيال بره طب بالليل لما تخلصى شغلك طب قبل الفجر وطبعا النفس حججها كتير وممكن تروح عليكى الجمعيه وفى الآخر تيأسى وتتلهى فى الدنيا ويوم القيامه تقولى (ياليتنى قدمت لحياتى) الحياه الحقيقيه حياة الآخره التى شغلنا عنها بالحياه الدنيا من الدنو وكأننا رضينا بجناح البعوضه على مالا يخطر ببالنا من النعم والنعيم الأبدى فى الجنه
ياما سهرنا نذاكر وأخدنا شهادات لم تنفعنا فى الدنيا فضلا عن الآخره
ياما سهرنا نتبادل أطراف الحديث مع الأحبه والله أعلم فيما سطر كلامنا فى الحسنات أم السيئات
ياما سهرنا نعد الولائم والطبخات للعزومات
ياما سهرنا أمام أفلام ومسلسلات تافهه
ولم نتعب ولم نشتكى ولم نتكاسل أبدا لأن الدنيا تلاحقنا وحب الدنيا ملأ قلوبنا وأسأل الله أن يجعل الأخره أحب إلينا من كل خير الدنيا الزائل
حب الآخره ليس بالكلام أخواتى إنما بالفعل والإستعداد للآخره يحتاج الكثير من التضحيات كما ضحينا بالعمر والصحه والمال فى بناء مستقبلنا فى الدنيا ولم نبخل بجهد للسعى وراء الدنيا لن ننال من الآخره إلا عندما نتعب لها كما تعب الأولون
تذكرن جميعا عندما تشتركوا فى جمعيه جمعية يوم القيامه وأعظم مشهد لكى فى الحساب وإنتى بتقبضى الجمعيه
أد إيه الساعه قصيره جدا فى عمل الدنيا ولكن أنفسنا تجعلها طويله فى خدمة الآخره
حوشى لنفسك محدش هينفعك غير عملك ولازم تحددى الساعه اللى هتقضيها فى طاعه وتصرى عليها علشان ميضيعش العمر وتتندمى يوم القيامه واللى هتبدأ الأول هتقبض أكتر وربنا يبارك عملنا جميعا
طبعا معروف إن كل الأمهات والبيوت فى مصر وأظن فى بلاد العالم كله تعرف يعنى إيه جمعيه بالبلدى تحويشه كده كل شهر تحطى فلوس وآخر السنه مثلا تقبضيها وهى خطه من خطط الأمهات لتفادى الأزمات والإستعداد للعام الدراسى أو ملابس العيد أو رمضان وخلافه
إيه رأيكم كل واحده تعمل مع نفسها جمعيه ليوم القيامه هو يوم القيامه الواحد ممكن يتأزم فى إيه ؟؟؟فلوس .....طبعا لأ لكن الكارثه بتبقى أزمه فى الحسنات وطيب والحسنات دى فى الأغلب بتبقى بتنفقى إيه ؟؟؟ فى الأغلب عمرك فى طاعه
ممكن نشوف لو أنفقتى كل يوم ساعه قبل الفجر هتحوشى كام يوم القيامه
عارفه الساعه دى ممكن تعملى فيها إيه
ممكن تقرى جزء فى نص ساعه و5 دقايق إستغفار تقريبا 200مره و5 الحمد لله =200مره وكملى النص ساعه بركعتين قبل الفجر فى وقت السحر وقت ينزل الله للسماء الدنيا ويستجاب دعائك بإذن الله
ساعه من 24 ساعه تتفرغى لله وصدقينى أولادك وبيتك لن ينفعوكى بقدر عملك يوم القيامه يوم تنشغل الأم بنفسها عن أولادها وتقول نفسى نفسى وكذلك كل من تنفقى عمرك عليهم وتضيعى على نفسك تحويشة العمر
ولتكن لكى ساعه مع الله تحويشه ليوم القيامه
أول حاجه هيعملها الشيطان معاكى هيحاول يوسوس لك خلى الساعه الصبح والعيال بره طب بالليل لما تخلصى شغلك طب قبل الفجر وطبعا النفس حججها كتير وممكن تروح عليكى الجمعيه وفى الآخر تيأسى وتتلهى فى الدنيا ويوم القيامه تقولى (ياليتنى قدمت لحياتى) الحياه الحقيقيه حياة الآخره التى شغلنا عنها بالحياه الدنيا من الدنو وكأننا رضينا بجناح البعوضه على مالا يخطر ببالنا من النعم والنعيم الأبدى فى الجنه
ياما سهرنا نذاكر وأخدنا شهادات لم تنفعنا فى الدنيا فضلا عن الآخره
ياما سهرنا نتبادل أطراف الحديث مع الأحبه والله أعلم فيما سطر كلامنا فى الحسنات أم السيئات
ياما سهرنا نعد الولائم والطبخات للعزومات
ياما سهرنا أمام أفلام ومسلسلات تافهه
ولم نتعب ولم نشتكى ولم نتكاسل أبدا لأن الدنيا تلاحقنا وحب الدنيا ملأ قلوبنا وأسأل الله أن يجعل الأخره أحب إلينا من كل خير الدنيا الزائل
حب الآخره ليس بالكلام أخواتى إنما بالفعل والإستعداد للآخره يحتاج الكثير من التضحيات كما ضحينا بالعمر والصحه والمال فى بناء مستقبلنا فى الدنيا ولم نبخل بجهد للسعى وراء الدنيا لن ننال من الآخره إلا عندما نتعب لها كما تعب الأولون
تذكرن جميعا عندما تشتركوا فى جمعيه جمعية يوم القيامه وأعظم مشهد لكى فى الحساب وإنتى بتقبضى الجمعيه
أد إيه الساعه قصيره جدا فى عمل الدنيا ولكن أنفسنا تجعلها طويله فى خدمة الآخره
حوشى لنفسك محدش هينفعك غير عملك ولازم تحددى الساعه اللى هتقضيها فى طاعه وتصرى عليها علشان ميضيعش العمر وتتندمى يوم القيامه واللى هتبدأ الأول هتقبض أكتر وربنا يبارك عملنا جميعا
تعليق