Tweet
أنت ................ أنتى
أنتى...............أنت
مش كفايه بقى ولا أيه ؟
مش كفايه الى حصل أيوه كفايه صدقونى
هتقولوا
أيه المجنونه دى ألى داخله تقول
كفايه... كفايه
أيوه هاقووووووووووول
كفـــــــــــــــــــــــــــايه
كفايه اوى لحد كده
أنت مش ناوى،أنتى مازهقتيش
أنت عايز أيه،أنتى عايزه أيه
انت لسه هاتفكر
ياجماعه القضيه واضحه وضوح الشمس
عايزين نتوب بقى..عايزين رضا ربنا..عايزين الجنه
وعااااايزين الهمـــــــــــه
عايزين نبدأ بخطوه
أيد بأيد بس نبدأ
كل واحد يبتدى بنفسه ومحدش يقولى هو انا يعنى الى هاصلح الكون
أيوه انت الى هاتصلحه
وأنتى كمان الى هاتصلحيه
أزاى؟!أزاى؟!
ماهو لو كل واحد عمل الى عليه وصلح من نفسه وأبتدى حالنا هايتعدل
والله كفايه لازم نتوب ونرجع لربنا الطريق واضح جدا وسهل جدا
مأحنا ياأما هانتوب.............
يا..........................
ياأما هانتوب برده.................
أوعى تقول انك مش هاتوب
هما طريقين مفيش غيرهم
يارضا الله ياسخط الله
ورضا ربنا (الجنه)
وسخط ربنا(النار)
طيب انت هاتقدر عليها
طيب انتى هاتقدرى عليها
على النار
احنا هانقدر عليها
هات شمعه كده وحط صابعك على مقربه من نارها دقيقه
هاااااااااااااااااااااااا
هاتستحمل ولا أيه؟
فمابالك بنار الأخره
كفايه بقى ده احنا رسولنا أشتم أتهان وانت واقف مكانك ماعملتش حاجه وانتى عملتى ايه ولا هو احنا كل الى علينا اننا بنحب النبى واحنا بتوع النبى والى يحب النبى يزق
عايزين نفوق بقى ياجماعه
أنت لسه على الشات بتكلم بنات بطل بقى الكلام الفاضى ده ،أقلع السلسله وأخلع الخاتم من صابعك أرمى البناطيل الساقطه والتيشرت الضيق أعفى اللحيه بقى أرحمها
وانت لسه قاعد على القهوه وبتلعب وكش ملك ماتكش أنت ياعم يلا قوم صلى عيب عليك ده الآذان بيأذن وانت لسه قاعد بتتفرج على الماتش وتقول ربك رب قلوب
كفايه بقى ولا أيه؟
وانتى لسه ماشيه مع الواد ده فى الحرام فين حجابك وأيه المانكير الى انتى حاطاه على أظافرك ده هو أنتى مابتصليش ولا أيه أوعى تكونى مابتصليش دى صله بينك وبين ربك هانت عليكى هان عليكى تقطعى صلتك بربك قدرتى ياأختى
أستنى هنا ايه البنطلون ده أرميه يلا أسترى عوراتك أنتى مش عارفه انك أسهل وسيله لتدمير الأمه
هاتقولى انا؟!!!!!!!
أيوه أنتى
مش أعداء الاسلام قالوا" كأس وغانيه يدمران أمة محمد"
طيب أنتى يرضيكى أنك كونى سبب فى ضياع الأمه ألى الرسول ضحى بنفسه عشانها
لأ وألف لأ
ماأعتقدش أنك عايزه تكونى كده
يلا ياجماعه نحول انفسنا ونحول اعمالنا يلا بقى بلاش نهمل فى حق ربنا أكتر من كده
لازم نتغير لازم نتغير
ولست أرى السعاده فى جمع مال ولكنى أراها فى التقوى
"ومن يتق الله يجعل له مخرجا ويرزقه من حيث لا يحتسب"
عرفتوا بقى انا ليه بقول كفايه
لأنى قلبى عليكم
..........
انا لا أريد منك ولا منها اجر ولا جزاء
أنما أجرى أحتسبه عند الله تعالى
وأختم بقوله سبحانه وتعالى"ألم يان للذين أمنوا ان تخشع قلوبهم لذكر الله وما نزل من الحق"
صدق الله العظيم
والسلام عليكم ورحمة الله وبركاته
تعليق