إلى كل منتقبات المنتدى............ محتاجة تفاعلكم معايا

[الشيماء87]

السلان عليكم........
في البداية كدة ممكن تلاقوا طلبي غريب شوية خصوصا لما أكون بكتب للمنتدى أول مرة..........
المهم وباختصار
عندي استشارة دعوية محتاجة فيها مشاركاتكم كلكم
سؤالي لكل واحدة فيكم من خلال تجربتها مع نفسها ومع أخواتها وصديقاتها وقريباتهالما كل واحدة تبدأ تسلك طريق الإلتزام وتحقق نجاح في طريقها وتيجي قدام موضوع النقاب وتتردد ايه هي أكثر مواد دعوية من شرايط وكتيبات أو مطويات أو فلاشات أثرت جدا في قرارك وحسيتي انها فعلا كانت متوجهالكببساطة حواليا كتير من صاحباتي مش قادرة أدخلهم من نفس الطريق اللي دخلت أنا منه بعد فضل ربنا ورحمته بيا
مش عارفة ليه مش قادرين يتخيلوا ان المسلمة يعني مستسلمة لكل أوامر الله سبحانه وتعالى
يبقى أكيد كل واحدة ليها مدخل غير الثانية
يلا يلا يلا .........
فكروا كدة وركزوا قوي وحطوا كل التجارب اللي قابلتكم وأهم المواد الدعوية اللي لمستم بنفسكم أثرها هناهابدأ بنفسي الأول.. درس شبهات حول النقاب لفضيلة الشيخ مسعد أنور

[أم المجاهدين]

رد: إلى كل منتقبات المنتدى............ محتاجة تفاعلكم معايا

أولاً نورتينا أختنا الحبيبه الشيماء
ربنا يبارك فيكِ أختنا
............
هقولك حبيبتى أنا عن نفسى مش شريط ولا درس ولا كلمه
دى حاجات كتير أوى
لكن حبيبتى عارفه لو حسوا بحبك للنقاب
وفرحتك بيه
وإزاى حياتك فرقت عن قبل ما تلبسيه عارفه بجد هما الى هيقربوا منك ويحاولو يعرفوا كل حاجه عن النقاب
..
تعرفى أنا مثلاً حاولت كتير مع أخواتى هما بفضل الله مختمرات لكن نفسى يلبسوا النقاب .. اللهم آمين يارب يرزقهن النقاب وكل نساء المسلمين
زوجة أخى الأكبر مختمره هى الأخرى لكنها كانت لا تعترف بفرضية النقاب وتقول يكفينى خمارى
وفى كل مرة أكلمها عن النقاب.... لا أتعمد التحدث عنه ولكن أنتظر الفرص لأتحدث عن جماله وكيف أشعر أنى ملكة فى وسط وصيفاتى
إلى أن آتتنى منذ يومان وقالت لى إن شاء الله سأرتدى النقاب
عارفه حسيت بفرحه ملأت قلبى لأنها حبت تلبسه عن حب وإقتناع
وقالت إنت عارفه أنا حسيت إنى حبيته.. بغض النظر عن فرضيته
......
ونفس الموقف مع خطيبة أخى يوم ذهب أخى لرؤيتها تحدث معها عن النقاب .. ووجد أنها لا تفضله .. ولما أراد الله أن تكتمل الخطبه قال إن جعلها ربى لى زوجه سوف أجعلها ترتدى النقاب
وفى كل مرة كنت أراها فيها كنت أحدثها عن لفرق الذى اشعر به فى حياتى قبل وبعد النقاب ..واخى من ناحية اخرى يحدثها عن فرضيته وقيمته فى زمننا
إلى أن وجدناها تطلب منا أن نقنع والدها بأن يجعلها ترتدى النقاب.. وتعيش معه هذه الأيام صراع لأجل أن ترتديه
...
الشاهد أختنا الحبيبه من كل ذلك هو أن يشعركل من حولك بجمال النقاب وقيمته منك انت ليس حديثاً فقط ولكن واقع أيضاً
..
وبعدين أختنا إن صدقت الله فى نيتك فسيكون هو عونك
..
الله المستعان

[الشيماء87]

رد: إلى كل منتقبات المنتدى............ محتاجة تفاعلكم معايا

حبيبتي أم المجاهدين
جزاك الله عني خيرا بصراحة نبرة كلامك جعلتني أشعر بحماسة كبيرة كنت بدأت أفقدها بسبب اعراض الكثيرات عن خير كبير أحاول جاهدة تقديمه لهن ولكن ان شاء الله سأحرص علي ابراز حبي لنقابي فوالله ما تعلق قلبي بشيء أبدا كما تعلق به حقا دفعتي في قلبي شحنة قوية من الأمل والتفاؤل جعلها الله في ميزان حسناتك

[amtallah]

رد: إلى كل منتقبات المنتدى........... إنتباه......محتاجة مشاركتكم جدددددددددا

السلام عليكم انا عاوزة احكي حكاية واحدة اعرفها البنت دي مكنتش ملتزمة خالص وسبحان الله مكنتش بتعرف تنام ابدا بليل علي طول حاسة بخنقة وحاولت تفرج عن نفسها باي وسيلة بس بردو الخنقة مرحتش واحدة صاحبتها خادتها لدرس د حازم في السلاب سبحان الله علي اخر الدرس حسيت انها ماشية وهدومها مش ساتراها وطلعت منة لبست الاسدال وسبحان الله علي الاحساس الي كانت حساة بعد الاسدال احساس بالانس باللة جميل والاطمءنان والهدوء وبدات ترجع لربنا وتحضر دروس وحبت اوي شكل الخوات المنتقبات وتمنت ان تكون مثلهم فتشبهت بيهم ولبست النقاب ورزقها الله صحبة صالحة وصدق اللة في قولةبسم الله الرحمن الرحيم"ومن اعرض عن ذكري فان لة معيشة ضنكا"

[فجـــــــــــــــر]

رد: إلى كل منتقبات المنتدى........... إنتباه......محتاجة مشاركتكم جدددددددددا

السلام عليكم ورحمة الله وبركاته
جزاكي الله خيرا أختاه ونفع بكي
ربنا يرزق جميع أخواتنا النقاب
اميــــــــــــــــــن
بصي أختي في الله شريط**مستنيه ايه**
للدكتور :حازم شومان
رااااااااااااااااائع

والدعاء أختي أوصيكي بالدعااااء

[مسلمه مصريه ولى الفخر]

رد: إلى كل منتقبات المنتدى........... إنتباه......محتاجة مشاركتكم جدددددددددا

السلام عليكم ورحمه الله وبركاته
اولا اهلا بيكى اختى فى الله معانا فى المنتدى
ثانيا بالنسبه لموضوع النقاب
قبل ما اى حد واعتقد معظمنا كده
يسمع شريط عن الحجاب او النقاب او يتأثر بحاجه
كان جوانا اصلا حب ارتدائه
فلما كنا بنسمع شرائط او نقرأ مطويات بتأثر فينا
وغير كده لما بنلتزم احنا بنفسنا الى بنبحث عن الصح علشان نعمله مش بننتظر حد يقولنا
ولكن من الحاجات الجميله عن الحجاب
كانت شرائط الشيخ حسين يعقوب
الشيخ محمود المصرى
الشيخ مسعد انور
وربنا يهدى كل بنات المسلمين للحجاب والنقاب الذى يرضى الله
ويثبتنا واياكم على الحق

[غفرانك ربي]

رد: إلى كل منتقبات المنتدى............ محتاجة تفاعلكم معايا

اهلا بيكي حبيبتي وسط اخواتك

مش هزود عن كلام حبيباتي في الله انا هأكد فعلا كلامهم

ان لازم الاول تحسسي اصحابك اد ايه انتي حباه واد ايه سعادتك وانتي لابساه واحساسك انك ملكه بيه

انا بردو لبست النقاب عن حب اولا وعن اقتناعي انه فرض ثانيا

ولما كونت بشوف المنتقبات والله كنت بحس انهم ملكات جمال انهم غاليين اوي اوي

فكونت بقول يارب ابقي زيهم

والحمد لله وبفضل الله لبسته عن حب ورضا واقتناع

والشرايط بقي عندك ياستي مستينه ايه دكتور حازم شومان ربنا يحفظه ويبارك فيه

والشيخ مسعد انور بس مش فاكره اسم الشريط بردو بيتكلم عن النقاب

ربنا يرزق فتيات المسلمين جميعااااااااا بالنقاب ...اللهم آمييين

[رشيده]

رد: إلى كل منتقبات المنتدى............ محتاجة تفاعلكم معايا

اولا اهلا وسهلا يكى اختى اخت جديده فى الله
ثانيا: أسفه على التأخير
ثالثا: والله ياأختى ردا على موضوعك انا اولا مش منتقبه لكنى مسدله والحمد لله بس ان شاء الله تعالى هالبس النقاب قريبا المهم والله ياأختى انا لما بشوف اخت منتقبه بيبقى نفسى اشيلها من على الارض وفعلا بلاحظ نظرة الاحترام ليها من الناس غير اخت مثلا تكون متبرجه أسأل الله ان يعافينا

[القلم الاحمر]

رد: إلى كل منتقبات المنتدى............ محتاجة تفاعلكم معايا

اختي الحبيبة الشيماء
مرحبا بك معنا
وجزاكِ الله خيرا على حرصك الجميل
وربنا يعينك على دعوتك

---
انا لاحظت ان كل ردود اخواتي وحبيباتي
فيه عامل مشترك واحد

هو حب ارتداء النقاب

وهو ده فعلا كان الحافز اللي خلاني ارتديه
لكن شئ تاني كمان ..
هو خوفي انه فعلا يكون فرض

وانا ليه اسيب نفسي للحيرة ؟؟

طيب لما باكون ماشية والشيطان يغلب اخ ويبص عليا
طب ليه انا اساعد الشيطان واخليه يوقعه في المعصية

انا اعمل اللي عليا واغطي نفسي
عشان انا حريصة اني اخويا ده
يدخل الجنة ان شاء الله

وياريت تحكيلهم حبيبتي الشيماء
على مواقف بتتعرضيلها في الشارع

يعني مثلا ازاي في المواصلات
الناس بتبقى حريصة انك تجلسي

ازاي بتلاقي وانتِ بتشتري طلبات
البائع ممكن تلاقيه يقولك
ادعيلنا يابركة !!!

ومواقف من دي كتير
ربنا بينعم بيها علينا والحمد لله على فضله

وفي شريط للشيخ محمد حسان
عن النقاب جميل جدا
بس مش فاكرة عنوانه

ربنا يعينك يارب
ويثبتك ويثبتنا جميعا

===

[الشيماء87]

رد: إلى كل منتقبات المنتدى............ محتاجة تفاعلكم معايا

:LLL:
حبيباتيamatallah
فجر
مسلمة مصرية ولي الفخر
غفرانك ربي
رشيدة
وأخيرا وليس آخر القلم الحمر
لا تتخيلن مدى سعادتي بتفاعلكن معي أسأل الله عز و جل ان يجعله في موازين حسناتكن
الحمد لله رزقني الله النقاب من حوالي 4سنوات ولي صديقات من أيام طفولتي حاولت جاهدة اقناعهن بما اقتنعت به طوال تلك الفترة ولكن لا ادري لماذا حين يكون الحديث عن النقاب لا تنكره احداهن لكنها تبقى خائفة من مائة حاجة (من اهلها من عدم زواجها أو حتى من نفسها احسن ماتثبتش عليه)
وكان دايما ردي هو محاولة لزيادة اليقين جواهم بان رزقك قسم مقسوم ولن ياخذه غيرك وان ما عند الله لا ينال ألا بطاعته
ومع ذلك يبقي تنفيذ هذا الامر خارج حيز التنفيذ (بس مع صاحباتي دول )جايز لأني مش قادرة اوصل لمفتاح كل واحدة فيهم
عموما من فترة كدة كنت حاولت أقسم المنتقبات حسب آخر حاجة خلتها تنتقب فعلا لعلي من خلال ده أوصل لتصنيف يعرفني الباب الصح اللي أدخل منه للدعوة
ان شاء الله هابعته كمشاركة عالمنتدى وبرضه محتاجة تعاونكم معايا يعني أي واحدة تحب تضيف للتصنيف ده أهلابيها وبمشاركتها
غاليتي رشيدة أسأل الله عز و جل أن يرزقك حبه وحب من يحبه وحب كل عمل يقربنا الى حبه ربما تكون هذه أول مرة أراسلك لكني والله من أسلوبك الذي أشعرني بدفء القلب الذي كتبه أشعر وكأني أعرفك من زمن
تعرفي يا حبيبتي عاوزة أقولك على حاجة من واقع حياتي
لما ربنا رزقني وقررت ألتزم اختمرت سنتين الأول وكانت مشكلة الخوف من الرياء وان عملي كله يحبط دايما قالقاني ووساوس ابليس تحاوطني فحتى لو كنت في مواصلة ومبعملش حاجة أخاف اطلع مصحفي واستغل الوقت احسن أكون مرائية والناس تبصلي على اني متدينة بقى وشيخة وسمعة بقى فضاع عليا أجر كبير جدا لكن تعرفي بعد النقاب لو عملت كدة ومجرد همسة بس من دي تيجي على بالي قلبي بيرد وايه يعني ماهو النقاب أصلا سمت الالتزام وكما يحسب عليا مسك المصحف يحسب عليا كل لفظة وهل تصح من ملتزمة او لا وأهم من كل ده اني بنقابي اصلا محدش عارفني وانا بقى حرة أقرأ قرآن أناجي ربنا أسبح زي ما يعجبني ولا حد له عندي حاجة ولا حد يعرف عني حاجة ولا حتى اللي قاعدة جنبي وكأن نقبي خلوة بالله متى شئت حتى لو حوالية هيصة مولد
بس أوعوا تفتكروا بقى ان ده علطول حالي لأ و الله بس ادعولي ربنا يزيح عن قلبي الغفلة

[(فتاه الاسلام)]

رد: إلى كل منتقبات المنتدى............ محتاجة تفاعلكم معايا

ما شاء الله جزاكم الله خيرا وثبتكم على الطاعه
اهلابكى اختى /الشيماء .
بجد صحيتى فيا فكره النقاب ثانى بعد ان اجلتها واخذتنى الدنيا .فبالنسبه لى انا لما بشوف اخوات منتقبات بحس انى بحبهم اوى بالذات لو كانت الاخت بتتكلم عادى وبتهزر وبتضحك وعاديه زى اى احد بحس ان النقاب ليس بالتقييد وليس شرط ان تكلمى اخت لكى ترتدى النقاب انتى بسلوكك معها هتحب شخصيتك وهتحبك وهتقرب منك وهتيجى فى يوم وتسالك مجرد سؤال عابر انتى ليه لبساه ويمكن مره والتانيه من نفسها تقولك انا عاوزه اتنقب وبكده تكون اتنقبت بس مش بكلام او نصح لمارايت حاجه عمليه امامها بالاضافه انى والله بالنسبه ليا بشوف كل المنتقبات وشوهم منور وده الى محببنى فيه بحس فعلا ان دول احفاد زوجات الرسول .
انا مش منتقبه ولكن اريد ان انتقب وكنت هاخد الخطوه ديه لكن ابى لايوافق ادعولى اخواتى بتيسير امورى لارتداؤه فانى احبه جدا ثوب العفه وهحاول تانى معاه وساعلمكم بارتدائى له ارجو ان يكون قريبا

[aya]

رد: إلى كل منتقبات المنتدى............ محتاجة تفاعلكم معايا

اجمد شريط بجد
اللى مفيش حد سمعه ولم يرتدى النقاااااااااااااااااااااااااب

شريط .....((شبهات في وجه الحجاب))
للشيخ محمد حسين يعقووووووووووب

رائع جدااا جدااااا جداااااااا

واصحابي كلهم لبسوه على هذا الشريط

الله المستعان

أسأل الله ان يمن عليكي بارتداء النقاب
اللهم آميـــــن

[يمامة المسجد]

رد: إلى كل منتقبات المنتدى............ محتاجة تفاعلكم معايا

يا شوشو

انا لدي إسطوانة مخصوص

معمولة لهذه الحالة

إن شاء الله أحضرها لكـــ ِ حبيبتي

[aya]

رد: إلى كل منتقبات المنتدى............ محتاجة تفاعلكم معايا

وفقكى الله لكل خير
يمامة

الله المستعان
دعواتك لنا بظهر الغيب

[رشيده]

رد: إلى كل منتقبات المنتدى............ محتاجة تفاعلكم معايا

بارك الله فيكى يايمامتى والله العظيم أحبك فى الله وربنا يجعلك سببا فى أرتدأنا جميعا للنقاب بفضل الله تعالى وانا كمان نفسى أرتدى النقاب وهاشترى ياأيه الشريط ده بارك الله فيكن