تعبت جداً ومش عارفه اعمل ايه..ممكن تساعدونى؟

[هبه الحمزاوى]

انا تعبت وحسيت انى خلاص مخنوقة لدرجة انى كرهت كل شئ، ومفيش حاجه بتصبرنى غير الصلاة والذكر والحمد لله، لكن انا عندى مشكلة ادعوا الله انه يرحمنى منها هى زوجى(خطيبى)
رافض يلتزم لانه معندوش ثقة فى الملتزمين كل مايعرف واحد ملتزم يلاقيه بيعمل اخطاء جامدة جدا لدرجة انه معتقد ان كلهم كذابين، وفاكر انه لو التزم هايبقى زيهم وانه كده احسن من الملتزمين، مش حابب صلاة الجماعة عشان مايختلطش بيهم، غير كده مدخن ومش قادر يبطل سجاير وانا تعبت وبادعيله فى كل صلاة وعندى يقين ان ربنا هايرحمنى لانه مش هايسيبنى كده وكل ما بحس بضيق اكتر بتأكد انه هايفرج همى.
أرجوكوا لو عندكوا حل قولولى وادعولى بظهر الغيب.

[محبة السلف]

رد: تعبت جداً ومش عارفه اعمل ايه..ممكن تساعدونى؟

حياكِ الله أختي ومرحبا بكِ بين أخواتك في الله ..
بالنسبة لمشكلتك أختي :
طالما انك تعرفي عنه هذه الأمور بالتفصيل فهذا معناه إن فيه كلام بينكم فلو كان هذا صحيح بدون عقد فهو مازال أجنبي عنكِ ولايجوز ذلك ,, وأعلم والله تماما أن الأمر ليس بالسهل أبدا ولكن حاولي وادعي ربكِ لو كان خيرا اهديه يارب وتمم الأمر والعقد
ولو كان شرا يصرفه عنكِ وينزع ما تعلق به قلبكِ ويخلف عليكِ بمن هو خير منه ..

..:: لي استفسار ::..
لماذا وافقتي عليه من الأول أختي وهو على هذا الحال ؟ نعم كلنا أصحاب ذنوب لكن هناك ثوابت لا تتخلي عنها أختي فهذا ليس محبا للالتزام أو أصحابه فكيف ستكون حياتك فيما بعد .. ومتضحكيش على نفسك وتقولي هحاول أغيره ,, لأن الغالب أن المرأة تتأثر بزوجها وأفعاله وكما يقولون المرأة على دين زوجها .. يعني غالبا الزوج هو من يعين المرأة لا العكس .. إلا حالات قليلة جدا .. فلا تضعي نفسك في موطن فتنة ,, فإنما الدنيا زائلة يوما ما فلنفكر في دارنا التي تنتظرنا وما يوصلنا للنعيم الموجود فيه ..
ياريت لو تراجعي حساباتك من جديد بقلب يرجو ربه أولا قبل أن يتعلق بشريك حياته ..
أرجو ألا يكون كلامي أزعجك فما كتبته إلا لحرصي عليكِ وخوفي عليها كما أخاف على نفسي
إن شاء الله باقي الأخوات يتعاونوا معكِ
ربنا يحبكِ ويرضى عنكِ أختي في الله

[eng-my]

رد: تعبت جداً ومش عارفه اعمل ايه..ممكن تساعدونى؟

السلام عليكم أختى هبه
أتمنى تقبلى نصيحتى أختى ( على فرض إنه زوجك مكتوب كتابك يعنى)
صدقينى اللى شايفاه حلو دلوقتى منه ممكن يتحول ويبقى جحيم لأن من لا يعرف الطريق إلى الله لن يتقى الله فيكى
للأسف فى شباب كتير غير ملتزمين لكن يحبون الإلتزام نفسه ويحبون الشيوخ مثلا لو لم يكن له شيخ يسمعه فإبدئى بالقلق وأيضا ليس بالكلام بل يجب أن تتأكدى أنه يسمع للشيخ فعلا ليس أقل من 30 محاضره حتى تصدقيه
لحظه على فرض أنه طيب وأخلاقه حلوه صدقينى لا تدوم الصوره حلوه طالما لا يعرف الإلتزام
وبعدين هؤلاء الملتزمين إن كانت أخطاءهم كبيره مثلا فلأنفسهم ولا تسوء الإلتزام وقوليله لا تذر وازرة وزر أخرى ومش هيشيل ذنبهم وليكن هو مثل جيد للإلتزام ولكن الحجج التى يقولها هذه فارغه وإنما يقولها لأنه بعيد عن الطريق وشيطانه يسيطر عليه لأن نفسه ضعيفه لا تريد أن تتبع ولو كان صادق النيه لسخر الله له صديقا يأخذه لطريق الله
وقوليله أن الطريق إلى الله ليس مفروشا بالورود وليس سهلا وإن لم نتعب للوصول إلى الجنه فلأى شئ نتعب والدنيا زائله
أخيرا أختى راجعى نفسك كويس جدا لأنى كنت بعرف بنات صحباتى قالوا زيك وأزواجهم كانوا عاديين وبعد أن كانت البنت تحفظ القرآن إتلهت فى الدنيا لأن زوجها لا يعرف فضل القرآن ولا يؤمن بأن الدروس فى المساجد قد تغير حياتك
حاولى أختى تهدى له شرايط للشيخ حازم مثلا تكون مؤثره وتتناقشى معاه فيها علشان تتأكدى إنه بيسمعها بس مش بطريقة إنك اللى عارفه وهو جاهل إستخدمى ذكائك فى جذب إنتابهه للإلتزام وصدقينى لو هو مش مهتم هتتعبى قوى وممكن تعبك يروح فى الهوا بعد الجواز
أعذرينى إن كنت حاده فى الرد لكن والله أخاف عليكى وأعرف شكوتك جيدا ورأيتها بعينى كثيرا

[تلميذة حازم شومان .]

رد: تعبت جداً ومش عارفه اعمل ايه..ممكن تساعدونى؟

ما شاء الله
الاخوات قولوا كل شىء
بس اختى الفاضلة بعد اذنك اضيف شىء واحد
الملتزميييييييين اخلاقهم سيئة
وده خطا فى ملتزمين اخلاقهم مش كله صح زى ما فى مش ملتزم اخلاقه كده
العيب مش فى الالتزام العيب فى الاشخاص اختى الفاضلة
ومش معقول لو قبلت حد وحش يبقى كل الناس كده
ايه رايك قول له التزام انت واظهر الاخلاق الحقيقة للاسلام

بارك الله فيك

[هبه الحمزاوى]

رد: تعبت جداً ومش عارفه اعمل ايه..ممكن تساعدونى؟

شكرا لردودكم جميعا بس انتوا مافهمتونيش صح
انا اسفة انى مقدرتش اوضح لكم الصورة صح
المشكلة انه مش كاره الالتزام كالتزام لأ المشكله انه خايف من كل شئ
معتقد انه لو التزم مش هايعرف يفرق بين الملتزم بجد والمتخفى ورا الالتزام
فاكر ان هو حياته كده افضل من انه يبقى مش قادر يعمل حاجة
زائد ان بيت اهله ما شاء الله تليفزيون واغانى وسجاير زى مانت عايز التزام ولحية ومفيش فرح تبقى اتجننت ونستهزأ بيك ليل ونهار
هو بدأ واطلق اللحية بس مش طويلة اوى زائد انه الحمد لله التزم بالصلاة والاحظ انه بدأ يسألنى فى الدين ويحكيلى من غير ما يقصد انه بيتناقش مع اخوه وزملائه فى فتاوى وغيرها من امور الدين
لكن المشكلة انى عايزاه يبقى احسن من كده وكل ما نتكلم مع بعض فى الموضوع ده يحصل مشكلة بيننا
بس مرة قاللى حاجه هى اللى بتصبرنى قالى اقسملك بالله اننا اول ما نتمم الجواز هاتكونى انتى سبب التزامى بجد عشان هاكون قدرت ابعد عن البيئة دى ايه رايكم اعمل ايه اساعده بيه عشان يحس انه مش هاينتكس هو خايف وانا تعبانه جدا.
(على فكرة انا معقود عليا)

[شيرين ابراهيم]

رد: تعبت جداً ومش عارفه اعمل ايه..ممكن تساعدونى؟

السلام عليكم ورحمه الله وبركاته
اختى فى الله انتى قلتى انه بدا فى الالتزام ما شاء الله اللهم بارك
لكن يا اختاه هذا التوفيق من عند الله جل وعلا ونحن لا نقدر عليه
فالهدايه نةعان
هدايه ارشاد وهدايه توفيق
اما هدايه الدلال والارشاد فهى ان تدليه على الطريق الصحيح والالتزام الحقيقى
اما هدايه التوفيق فهى بيد المولى جل وعلا وهى لا يمتلكها لا ملك مقرب ولا نبى مرسل
فانتى الان عليك ان تدليه على طريق الالتزام الصحيح طريق الحق التوفيق لا يكون الا من عند الله جل وعلا
والان ليس امامك الا الدعاء ثم الدعاء ثم االدعاء
التمسى اوقات اجابه الدعاء مثلا فى جوف الليل بيبن الاذان والاقامه
واطلبى من الله جل وعلا ان يوفقه لما يحبه ويرضاه

[Horalgna]

رد: تعبت جداً ومش عارفه اعمل ايه..ممكن تساعدونى؟

الحمد لله ربنا يصبرك وادعيله كتيييييييير خاصة فى الثلث الأخير من الليل

وحسبى الله ونعم الوكيل فى الى وصل صورة الملتزمين بهذه الصورة

عشان كدا الالتزام مش نقاب او لحية بس لأ ده اكبر من كدا بكتير وياريت الناس تفهم كويس مين الملتزمين حقآ ولا حول ولا قوة الا بالله