طالبات الثانوية العامة أجمع ( هنا مركز الثانوية العامة مذاكرة - دروس - ملازم - شرح -تعاون - 99% )

[Dr.Moslima]

رد: طالبات الثانوية العامة أجمع ( هنا مركز الثانوية العامة مذاكرة - دروس - ملازم - شرح -تعاون - 99%

يا جماعة احنا عايزين نتقسم فرق او مجموعات
يعني تانية يبقوا مجموعة لوحددها
وكذلك تالتة
وبردة اللي خلصوا يبقوا مجموعة واحدة
عشان تسهل الاستفادة والتعاون
ايه رأيكم

[moslma lillah]

رد: طالبات الثانوية العامة أجمع ( هنا مركز الثانوية العامة مذاكرة - دروس - ملازم - شرح -تعاون - 99%

جميل يا دكتورة
انا سايباكوا تديروا انتو الموضوع لان انتم ادري به

والموضوع هيتنظم اكتر بعد رمضان بإذن الله
لان الاقسام كلها هتتقفل في رمضان

كل عاااااام انتم بخير

[Dr.Moslima]

رد: طالبات الثانوية العامة أجمع ( هنا مركز الثانوية العامة مذاكرة - دروس - ملازم - شرح -تعاون - 99%

بس كنا عايزين ننظم حكاية الفرق دي قبل رمضان
عشان بعد العيد نبدأ الجد ان شاء الله
بس مستنية رأي الاخوات

[اسراء حفيدة الزهراء]

رد: طالبات الثانوية العامة أجمع ( هنا مركز الثانوية العامة مذاكرة - دروس - ملازم - شرح -تعاون - 99%

انا تانية يا دكتور :)
علمي علوم واخدة السنة دي أحياء بإذن الله

[Dr.Moslima]

رد: طالبات الثانوية العامة أجمع ( هنا مركز الثانوية العامة مذاكرة - دروس - ملازم - شرح -تعاون - 99%

مااشي يا اسراء
لو تعرفي حد تاني تانية قولي
وبلاش دكتورة دي احنا اخوات

[Dr.Moslima]

رد: طالبات الثانوية العامة أجمع ( هنا مركز الثانوية العامة مذاكرة - دروس - ملازم - شرح -تعاون - 99%

انا هاعرض عليكم يا جماعة فكرة عايزاكم تشاركوني آرائكم...
انا بقترح ان سنة تانية يعملوا موضوع منفصل...
وتالتة موضوع منفصل...
والموضوع دة الاخت غيورة تكمل فيه اللي هي بداته...
وموضوع تالت للمواد المشتركة بين السنتين اللي هي الكيميا والفيزيا والمواد الادبية...
ونعمل جدول من اربع ايام...
مثلا السبت يوم العربي اي حد عايز يسأل في العربي يسأل يوم السبت وهكذا....
وانا والاخوات اللي خلصوا هنتولى مساعدتكم والاشارة للنقاط المهمة في المنهج وكدة
وهنعملكم اختبارات ودة طبعا هيبقى بالتنسيق بيننا اللي انا مش عارفة ...
هيتم ازاي
(يا ريت المشرفة تقترح)

ايه رأيكم؟؟؟؟؟؟

[اسراء حفيدة الزهراء]

رد: طالبات الثانوية العامة أجمع ( هنا مركز الثانوية العامة مذاكرة - دروس - ملازم - شرح -تعاون - 99%

اللي فاكراهم دلوقت
أمة الرحيم الرحمن >> تالتة كميا
ديمة >> تالته كميا
راجعه لك يارب >> تالته كميا
الغيورة على الدين >> تالته بس مش عارفة هتكمل أحياء ولا رياضة 2

الفضفضة >> تانية كميا

محدش زيي ؟؟ :(

[اللهم لك الحمد حتى ترضى]

رد: طالبات الثانوية العامة أجمع ( هنا مركز الثانوية العامة مذاكرة - دروس - ملازم - شرح -تعاون - 99%

أنا كنت في 3 وخلصت أحياء

[راجعة لك يارب]

رد: طالبات الثانوية العامة أجمع ( هنا مركز الثانوية العامة مذاكرة - دروس - ملازم - شرح -تعاون - 99%

يا بنات حد يقوللي حاجة عن الملخصات أجيب ايه ولا استنى اما اشوف مذكرات المدرسين؟؟؟؟؟؟؟؟

[Norhan.sweet]

رد: طالبات الثانوية العامة أجمع ( هنا مركز الثانوية العامة مذاكرة - دروس - ملازم - شرح -تعاون - 99%

انا معاكم برضه متنسنيش انا فى تانية ثانوى علمى علوم ان شاء الله ونفسى اوى اطلع دكتورة ادعولى يااااااارب

[راجعة لك يارب]

رد: طالبات الثانوية العامة أجمع ( هنا مركز الثانوية العامة مذاكرة - دروس - ملازم - شرح -تعاون - 99%

ربنا يوفقك للخير ياااااااااااااااارب يا نورهان انت وسائر طلاب المسلمين

[Dr.Sarah || ~]

رد: طالبات الثانوية العامة أجمع ( هنا مركز الثانوية العامة مذاكرة - دروس - ملازم - شرح -تعاون - 99%

الغيورة على الدين >> تالته بس مش عارفة هتكمل أحياء ولا رياضة 2

أحياء ان شاء الله.

[Dr.Sarah || ~]

رد: طالبات الثانوية العامة أجمع ( هنا مركز الثانوية العامة مذاكرة - دروس - ملازم - شرح -تعاون - 99%

يا بنات حد يقوللي حاجة عن الملخصات أجيب ايه ولا استنى اما اشوف مذكرات المدرسين؟؟؟؟؟؟؟؟

بصي استني مذكرات المدرسين لانها اجباري

وبعدين ان شاء الله هنشتري مع بعض الملخصات

على فكرة انا مبشتريش ملخصات شرح

انا بشتري ملخصات اسئلة .

اللهم الا الانجليزي الي كنت جايبة ملخص شرح بس بردة كنت بذاكر مع الاستاذ.

ادعولي يا بنات

المدرسين الي روحت عندهم المواعيد معظمها ملغبطة مع بعضها

وأنا مش عارفه احدد اوقاتي كله داخل في بعضه

والاساتذة متزمتين جدا

محدش راضي يغير وبيقولوا الي مش عاجبه يروح عند غيري

محدش هنا قريب من طلخا والمنصورة يقولي على مدرس فيزيا

[اسراء حفيدة الزهراء]

رد: طالبات الثانوية العامة أجمع ( هنا مركز الثانوية العامة مذاكرة - دروس - ملازم - شرح -تعاون - 99%

انا معاكم برضه متنسنيش انا فى تانية ثانوى علمى علوم ان شاء الله ونفسى اوى اطلع دكتورة ادعولى يااااااارب

أهلاااااااا يا نورهان
ربنا يحقق لك حلمك يااااااااارب
انتي السنة دي كميا ولا أحياء ؟؟

[Dr.Moslima]

رد: طالبات الثانوية العامة أجمع ( هنا مركز الثانوية العامة مذاكرة - دروس - ملازم - شرح -تعاون - 99%

تمام يا أخوات
هتقل عليكم بقى بس استحملوني
اسراء هتبقي المسئولة عن تجميع اسماء سنة تانية
والاخت الغيورة سنة تالتة
دة بعد اذنكم طبعا لو فاضيين
وانا هجمع اسماء الناس اللي مخلصة واحاول اتواصل معاهم
وكمان عايزين راي الاخوات المراقبات
وان شاء الله
هعرض عليكم الفكرة مكتملة ومعاها جداول المواد قبل رمضان
بس انتوا محدش ليه قال رأيه في الفكرة؟؟؟