طالبات الثانوية العامة أجمع ( هنا مركز الثانوية العامة مذاكرة - دروس - ملازم - شرح -تعاون - 99% )

[Dr.Sarah || ~]

رد: أختى فى الثانوية

جدول مراجعة فى 65 يوم

ممكن البدأ فيه من 25/3/2011

وبينتهى تقريبا 31/5/2011

الجدول خفيف وممكن يتنفذ بجانب الدروس اليومية اللى بناخدها

العربى فى 20 يوم

اليوم 1 /
القصة(الجزء الأول الفصول 1.2.3 ) القراءة (أول درس) النحو والبلاغة (عام)

اليوم 2 /
الأدب والنصوص ( المدرسة الشعرية الأولى +النص الأول )

اليوم 3 /
القصة(الجزء الأول الفصول 4.5.6 ) القراءة (ثانى درس) النحو والبلاغة (عام)

اليوم 4 /
الأدب والنصوص ( المدرسة الشعرية الثانية )

اليوم 5 /
القصة(الجزء الأول الفصول 7.8.9 ) القراءة (ثالث درس) النحو والبلاغة (عام)

اليوم 6 /
الأدب والنصوص (النص الثانى والنص الثالث)

اليوم 7 /
القصة(الجزء الأول الفصول 10.11 والجزء الثانى الفصل 1) القراءة (رابع درس) النحو والبلاغة (عام)

اليوم 8 /
الأدب والنصوص ( المدرسة الشعرية الثالثة +النص الرابع )

اليوم 9 /
القصة(الجزء الثانى الفصل 2.3.4 ) القراءة (خامس درس) النحو والبلاغة (عام)

اليوم 10/
الأدب والنصوص ( المدرسة الشعرية الرابعة +النص الخامس )

اليوم 11/
القصة(الجزء الثانى الفصل 5.6.7 ) القراءة (سادس درس) النحو والبلاغة (عام)

اليوم 12/
الأدب والنصوص (النص السادس )

اليوم 13/
القصة(الجزء الثانى الفصل 8.9.10) القراءة (سابع درس) النحو والبلاغة (عام)

اليوم 14/
الأدب والنصوص ( المدرسة الشعرية الخامسة +النص السابع )

اليوم 15/
القصة(الجزء الثانى الفصل 8.الجزء الثالث الفصلين 1 . 2 ) النحو والبلاغة (عام)

اليوم 16/
الأدب والنصوص ( المدرسة الشعرية السادسة+النص الثامن )

اليوم 17/
القصة(الجزء الثالث الفصول 3.4.5) النحو والبلاغة (عام)

اليوم 18/
الأدب والنصوص (النص التاسع)

اليوم 19/
القصة(الجزء الثالث الفصل 5,6,7 النحو والبلاغة (عام)

اليوم 20/
القصة(الجزء الثالث الفصل 9.10.11) النحو والبلاغة (عام)




الإنجليزى فى 12 يوم

اليوم الأول /
الوحدات 1.2.3 والفصلين 1.2

اليوم الثانى /
الوحدات 4.5.6 والفصلين 3.4

اليوم الثالث /
مراجعة

اليوم الرابع /
الوحدات 7.8.9 والفصل 5

اليوم الخامس /
الوحدات 10.11.12 والفصلين 6

اليوم السادس /
مراجعة

اليوم السابع/
الوحدات 13.14.15 والفصل 7

اليوم الثامن /
الوحدات 16.17.18

اليوم التاسع /
الفصول 9.10. 8

الأيام العاشر والحادى عشر والثانى عشر / مراجعـــــــــــــــــــة


الفيزياء فى 13 يوم

اليوم الأول/ الفصول 1.2

اليوم الثانى/ الفصل 3

اليوم الرابع /الفصل 4

اليوم الخامس / الفصل 5

اليوم السادس/ الفصل 6.7

اليوم السابع /الفصل 8

اليوم الثامن / الفصل 9 . 10

اليوم العاشر /الفصل 11

اليوم الحادى عشر / الفصل 12 .14

اليوم الثانى عشر والثالث عشر / مراجعــــــــــــــة




يبقى وصلنا ل 45 يوم

باقى 20 يوم ممكن نوزعهم على المادتين اللى فاضلين

بالنسبة لى الرياضة ممكن تتذاكر فى 5 أيام وال15 يوم التانيين للمادة الأدبى

يارب يكون بفايدة

جزاكِ الله خيرا

موفقة ياآية

بس لى ملاحظات

65 يوم دول كتير اوى

انا عاوزة جدول مكدس يكون مراجعة شاملة فى شهر واحد

عشان نراجع مرتين قبل الامتحانات

ده بجانب مراجعتك مع المدرسين

فاهمة؟

عاوزة ألم المنهج بشكل كبير

ولا انتى رأيك ايه؟؟؟

وكمان انا افضل انه منقسمش المواد كدة

يعنى مثلا نقسم كل اسبوع جزئ من كذا وكذا وكذا

لاننا لو فضلنا نذاكر مادة واحدة مدة معينة هنزهق منها

فى انتظار تعليقك يامسلمة

[Dr.Sarah || ~]

رد: أختى فى الثانوية

أنا بقى عايزكم تقولولي أدخل أحياء ولا كيميا لأني في حيرة ؟؟؟؟؟؟؟

ادخلى كيميا يااسراء

انا جربتها مش صعبة اوى

انا بردة كنت فى حيرة زيك

بس الكيميا حلوة

بس نصيحة ركزى واهتمى من اول السنة

[Dr.Sarah || ~]

رد: أختى فى الثانوية

الورقة الرابعة : المراهقة..



ما أن تبدأ مرحلة البلوغ وعلاماته حتى تأخذ المراهقة مسالك شتى في حياة الطالبة



فالتغيرات الجسمانية والوجدانية تصيب الفتاة باضطرابٍ انفعالي شديد


تميل فيه ربما إلى الثوران وعدم الهدوء أو تعيش العزلة القاتلة



التي تلجأ حينها إلى أحلام اليقظة لإخراج وبث همومها وأحزانها وما يدور في خلدها من عواطف وأفكار .


الطالبة المراهقة..





تنتقل من المنزل لتتصل بالجميع وتكون الثانوية البوابة الأولى
فالراحة الشديدة دليل مشاعرها وإحساسها والصراحة والقسوة والكلمة الجارحة
تسبب الألم الشديد فرده فعل المراهقة سريعة وشديدة وخاصة عند الأخبار السارة والعكس ..



لتتنوع درجات الضحك من مراهقة لأخرى .. فمشاعر هشه ،



وتجربة قليلة وتحمّل ضعيف لتقع في القابلية الشديدة للإيحاء الذي يرضي مشاعرها فجذب الانتباه أسلوب تحرص عليه بارتداء ملابس أو متابعة أدوات الزينة أو الإكسسوارات المختلفة ..



ولا مانع من سوء العلاقة مع الآخرين مقابل إثبات نفسها لنفسها ومن حولها
الطالبة المراهقة ..


تحب الاستقلال مع عجزها إلا أنَّها تتطلع إليه وبقوة ولو كان عن طريق العدوانية والنقد والنقاش والجدال العقيم فهي ترى نفسها شيئاً آخر فكم تفرح حينما تنادى باسمها وبصوت رسمي
أختي الطالبة الكريمة :


لا نريد الفتاة تعيش قمة المراهقة بسحرها القاتل



فتخرج للسوق وحدها لتبهر بجمالها العيون الشاردة



وتفتن بدلالها القلوب الحائرة لتسقط فريسة سهلة لشاب معاكس


يخطط لؤد عفتها وقتل شرفها أو تعيش مع سماعة الهاتف الساعات الطويلة



تفشي سرّها لغيرها أو تسقط ضحية الإعجاب والحب الزائف


فتتأثر لأي حركة ولو كانت غير مقصودة

أو تقضي جلَّ وقتها تنتقل بالريموت من قناة لقناة عبر الفضائيات أو

تتابع المجلة الماجنة من عدد لآخر أو تقضي آخر أسبوعها في ارتياد المطاعم أو الملاهي ابتلاء الرفاهية المرير مشاهد ..


يطول المقام بذكرها واستعراضها كي تسقط الفتاة حينها في أوهام قاسية في ظل فقد الموجة والمرشد والصحبة الصالحة.


أختي في الثانوية ..
تقوية العلاقة بالله عز وجل في هذه المرحلة صمام الأمان لكِ في هذه الفترة الحرجة وذلك بالمحافظة على الصلوات في وقتها والإكثار من نوافل العبادة مع الاهتمام بالقدوة الحسنة وفهم الواقع والحاجة إلى الأمن والأمان ..



فما أجمل الفتاة المراهقة حينما تكون..



عزيزة النفس ، كريمة الخلق ، مبتسمة ، مثابرة ، داعية للخير ، معتدلة ، حازمة ، صبورة ، وفية ، مصلية ، متهجدة ، تاليه ، ذاكره ، داعية ، لا تتعمد الأخطاء .. راجـحـة العقل .. رحيبة الصدر ، بارّةً بوالديها و أهلها ..



يحبها الصديقات ويدنون منها ويحفلون بها ويكبرونها لمزاياها وأخلاقها ..



بيانها ومنطقتها يأخذ لباب معلماتها وتقديرهم فالصغيرة في عينها كبيرة فتأخذ بالخواطر وتشارك غيرها في السرّاء والضرّاء تعرف مجتمعها عن قرب لتتعامل بمالها

وما عليها بشخصية قوية ومبادرة .


يتبع بمشيئة الله

[اسراء حفيدة الزهراء]

رد: أختى فى الثانوية

[اسراء حفيدة الزهراء]

رد: أختى فى الثانوية

ادخلى كيميا يااسراء

انا جربتها مش صعبة اوى

انا بردة كنت فى حيرة زيك

بس الكيميا حلوة

بس بيقولوا إن الأحياء مع الفيزيا صعبين
وبيقولوا بردو إن الكيميا أضمن
يعني بيكون قدامك طريقين علمي علوم وعلمي رياضة
مش عاااااارفة :(

بس نصيحة ركزى واهتمى من اول السنة
لما تبدأ السنه أنا بس بختار الاول عشان اكتب ورقة الرغبات

[esraa yehia]

رد: أختى فى الثانوية

السلام عليكم

انا كمان سنة تانية كيميا ومعاكى ان الكيميا

حلوة ولذيذة جدا بس فعلا الاحياء طويلة جدا بس اختى قالتلى انها سهلة

شوفى ايه اكتر مادة تقدرى تجيبى فيها مجموع عالى ف سنة تانية
وخديها لانك لو جبتى مجموع عالى ف تانية هترتاحى اوى ف تالتة

[esraa yehia]

رد: أختى فى الثانوية

رائع جدا والله الموضوع ده


محتاجاة كل واحدة ف ثانوية عامة

[~باغية الجنان العلى~]

رد: طالبات الثانوية العامة أجمع ( هنا مركز الثانوية العامة مذاكرة - دروس - ملازم - شرح -تعاون - 99%

أختي في الثانوية ..
تقوية العلاقة بالله عز وجل في هذه المرحلة صمام الأمان لكِ في هذه الفترة الحرجة وذلك بالمحافظة على الصلوات في وقتها والإكثار من نوافل العبادة مع الاهتمام بالقدوة الحسنة وفهم الواقع والحاجة إلى الأمن والأمان ..



فما أجمل الفتاة المراهقة حينما تكون..



عزيزة النفس ، كريمة الخلق ، مبتسمة ، مثابرة ، داعية للخير ، معتدلة ، حازمة ، صبورة ، وفية ، مصلية ، متهجدة ، تاليه ، ذاكره ، داعية ، لا تتعمد الأخطاء .. راجـحـة العقل .. رحيبة الصدر ، بارّةً بوالديها و أهلها ..



يحبها الصديقات ويدنون منها ويحفلون بها ويكبرونها لمزاياها وأخلاقها ..



بيانها ومنطقتها يأخذ لباب معلماتها وتقديرهم فالصغيرة في عينها كبيرة فتأخذ بالخواطر وتشارك غيرها في السرّاء والضرّاء تعرف مجتمعها عن قرب لتتعامل بمالها

وما عليها بشخصية قوية ومبادرة .

مااااااااااا أجملها
شوقتني الى تلك الايام
كنت أحبها جدا خصوصا اخر سنتين
كانت عندنا مدرسة كل ما تتكلم تقول الكلية والجامعة احلى ايام
كنت ف نفسي مش مقتنعة
وفعلا الان ربما تمر لحظات وايام حلوة فهي ايام الشباب
لكن لحياة الجامعة سلبياااااااااااااات كثييييييييييرة ...نسأل الله العافية
حين اتذكر ايام الثانوية ...احس نحوها بحنين
لكن لكل منا عمره ...الايام لا تعود
ولكل فترة مميزاتها

وفقكن الله ويسر أمركنّ

(على فكرة انا مش فاهمة خااااالص قصة الدراسة الثانوية عندكم !!!)

[اسراء حفيدة الزهراء]

رد: طالبات الثانوية العامة أجمع ( هنا مركز الثانوية العامة مذاكرة - دروس - ملازم - شرح -تعاون - 99%

(على فكرة انا مش فاهمة خااااالص قصة الدراسة الثانوية عندكم !!!)

عندنا فى الثانوية اختيارين علمي أو أدبي
الأدبي بيدرسوا تاريخ
والعلمي تاخدي كيميا أوأحياء فى تانية
لو أخدنا كيميا فى سنة تانيه يبقي قدامنا طريقين يا اما ناخد أحياء وفيزيا في تالته ونكمل علمي علوم
أو ناخد رياضة 2 وفيزياء ونكمل علمى رياضة 2
ولو أخدنا أحياء في سنة تانية يبقي قدامنا طريق واحد وهو إن احنا ناخد في تالته كيميا وفيزيا ونكمل علمي علوم
وفيه ناس بتحول من أدبي
يارب اكون عرفت اوضح لكِ

[اسراء حفيدة الزهراء]

رد: أختى فى الثانوية

السلام عليكم

انا كمان سنة تانية كيميا ومعاكى ان الكيميا

حلوة ولذيذة جدا بس فعلا الاحياء طويلة جدا بس اختى قالتلى انها سهلة

شوفى ايه اكتر مادة تقدرى تجيبى فيها مجموع عالى ف سنة تانية
وخديها لانك لو جبتى مجموع عالى ف تانية هترتاحى اوى ف تالتة

ربنا ييسر
أنا هسلم ورقة الرغبات يوم الاحد ولسه مش عارفه
بس أنا ميالة أكتر للأحياء وخايفه

[moslma lillah]

رد: طالبات الثانوية العامة أجمع ( هنا مركز الثانوية العامة مذاكرة - دروس - ملازم - شرح -تعاون - 99%

السلام عليكم ورحمة الله وبركاته
بالنسبة لاسراء
علوم ولا رياضة !
اولا صلّي استخارة
ثانيا انتي نفسك تدخلي كلية ايه ؟ كلية تبع علوم ولا رياضة؟
ثالثا اختاري كيمياء اضمن في ثانية لانها اتقل تقريبا من الاحياء
الاحياء اغلبها حفظ ورسومات وكدة فهتبقي حلوة من الفيزياء في تالتة ,
فالكيميا لوحدها في تانية احسن لانها اتقل من الاحياء
واضمن لان ممكن المجموع يخونك _ بعد الشر _ فممكن تلحقي رياضة وديناميكا واستاتيكا بقي واخر تظبيط .

والله اعلم
------------
ومتترديش
ولا تقلقي
انتي صلي استخارة
واديكي اخذتي بالمشورة
وربنا ييسرلك الخير يارب
واعرفي ان كل شيء بيكون خير والله حتي لو انتي كنتي تعتقدي ومتأكدة انه شر
بس هو خير عظيم , سبحان الله .
------------

[moslma lillah]

رد: طالبات الثانوية العامة أجمع ( هنا مركز الثانوية العامة مذاكرة - دروس - ملازم - شرح -تعاون - 99%

لكن لحياة الجامعة سلبياااااااااااااات كثييييييييييرة ...نسأل الله العافية
حين اتذكر ايام الثانوية ...احس نحوها بحنين

صدقتي باغية الجنان
ايام الثانوية ايام رااااااااااااائعة بكل ملازمها ودروسها وورقها وموادها بصحابها بمدرسيها
واشد علي مدرسيها فهم كانوا من اكثر الناس تأثراً فيا ربنا يمسّيهم بكل خير يارب

فيا طلاب الثانوية عيشوا اللحظة _ طبعا بطاعة الله _
فهي لا تعود ثانية

لي عودة بإذن الله عشان نشوف موضوع الجدول والمذاكرة
بس انتوا كدة قسّموا نفسكوا لسنة ثانية وثالثة
وهل كلكوا علمي مفيش حد فلفسي او تاريخي قصدي ادبي ؟

[Dr.Sarah || ~]

رد: طالبات الثانوية العامة أجمع ( هنا مركز الثانوية العامة مذاكرة - دروس - ملازم - شرح -تعاون - 99%

مااااااااااا أجملها
شوقتني الى تلك الايام
كنت أحبها جدا خصوصا اخر سنتين
كانت عندنا مدرسة كل ما تتكلم تقول الكلية والجامعة احلى ايام
كنت ف نفسي مش مقتنعة
وفعلا الان ربما تمر لحظات وايام حلوة فهي ايام الشباب
لكن لحياة الجامعة سلبياااااااااااااات كثييييييييييرة ...نسأل الله العافية
حين اتذكر ايام الثانوية ...احس نحوها بحنين
لكن لكل منا عمره ...الايام لا تعود
ولكل فترة مميزاتها

وفقكن الله ويسر أمركنّ

(على فكرة انا مش فاهمة خااااالص قصة الدراسة الثانوية عندكم !!!)

الله المستعان

بجد عمرى ما اصدق انى ممكن اشتاق للايام دى

مع ان المذاكرة مش بتبقى صاعبة عليه

سعات كتير بتبقى ممتعة جدا والله

بس مجرد التفكير فانى بردة مش عارفه اركز واعطي المذاكرة حقها هو ده الى بيسببلي الم

على العموم الحمد لله انك مجربتيش الثانوية عندنا

اكيد كان هيبقى لكى كلام تانى خالص

[Dr.Sarah || ~]

رد: طالبات الثانوية العامة أجمع ( هنا مركز الثانوية العامة مذاكرة - دروس - ملازم - شرح -تعاون - 99%

صدقتي باغية الجنان
ايام الثانوية ايام رااااااااااااائعة بكل ملازمها ودروسها وورقها وموادها بصحابها بمدرسيها
واشد علي مدرسيها فهم كانوا من اكثر الناس تأثراً فيا ربنا يمسّيهم بكل خير يارب

فيا طلاب الثانوية عيشوا اللحظة _ طبعا بطاعة الله _
فهي لا تعود ثانية

لي عودة بإذن الله عشان نشوف موضوع الجدول والمذاكرة
بس انتوا كدة قسّموا نفسكوا لسنة ثانية وثالثة
وهل كلكوا علمي مفيش حد فلفسي او تاريخي قصدي ادبي ؟

بتفتحي نفسي يامسلمة

لاء تقريبا كلنا علمى

فى الى حضروا الموضوع لغاية الان

[Dr.Sarah || ~]

رد: طالبات الثانوية العامة أجمع ( هنا مركز الثانوية العامة مذاكرة - دروس - ملازم - شرح -تعاون - 99%

ربنا ييسر
أنا هسلم ورقة الرغبات يوم الاحد ولسه مش عارفه
بس أنا ميالة أكتر للأحياء وخايفه

بصي انا كنت ميالة لاحياء اكتر

بس صديقنى خدة كيماء

من وجهة نظرى لاسباب

اولا لان المعظم بياخد كيميا ولما بتاخدى مادة محدش عاكى فيها كتير

يعنى انا من دفعتى بنتين بس احياء

سعات بتملى لانك حاسه ان مفيش حد مشاركك المادة

لو سؤال صعب عليكى

ولا طريقة مذاكرة حاجة او كدة يعنى

لما بتلاقى ناس معاكى الامر بيهون حتى لو كانت المادة صعبة

فاما تكون المادة صعبة وانتى لوحدك فاملا بيذداد تعقيد

السبب الى بعد كدة

المستر بتاعى كان قالى وانا فى سنة اولى ان الاحياء مستواها صعب على طالب سنة تانية

وسبب تانى ان فى سعات الامتحانات بتيجى صعبة شوية فى الاحياء مثلا فانتى تتظلمى لو جه الامتحان فى السنة الى بعدها سهل وسط اصحابك فاهمة؟؟؟

كمان سبب تانى ان الفيرزيا والكيميا فيهم شغل عقلي كتير

فيهم مسائل وافكار وحل اما الاحياء فصعوبتها فى حفظها

لكن مفيهاش شغل عقلى الى حد كبير زى الكيميا والفيزياء

فمينفعش نجمع مادتين يكونوا فيهم نفس المشكلة دى

وعلى العمومصلى استخارة وقوليلنا هتاخدى ايه