☼☼ مريم ..أنا بنتكس ☼☼ مسلسل جديد تابعونا

[رضوىٰ عبد الرحمـٰن]

رد: ☼☼ مريم ..أنا بنتكس ☼☼ مسلسل جديد تابعونا

ما شاء الله , مسلسل جميل جداً
متابعة بإذن الله وفى انتظـآر الحلقة القادمة إن شاء الله
جزآكـــــــــم الله خــــــــــيــــــــــــراً

[وردة العلم]

رد: ☼☼ مريم ..أنا بنتكس ☼☼ مسلسل جديد تابعونا

بارك الله فيكِ ..

قصة عامرة بالعبر ..

اللهم ارزقنا الثبات ، و الالتزام عن اقتناع تام ..

[رفقتى]

رد: ☼☼ مريم ..أنا بنتكس ☼☼ مسلسل جديد تابعونا

بسم الله

بارك الله فيكِ اختى

متابعه معكِ إن شاء الله

[*تائبة إلى الله*]

رد: ☼☼ مريم ..أنا بنتكس ☼☼ مسلسل جديد تابعونا

السلام عليكم و رحمة الله و بركاته اخواتي

ان شاء الله سنكمل الموضوع
فتابعونا
جزااااكم الله خيرا و بارك فيكم

[*تائبة إلى الله*]

رد: ☼☼ مريم ..أنا بنتكس ☼☼ مسلسل جديد تابعونا

::: الحلقــــــة السادسة :::

خرجت مريم من منزلها مرددةً دعاء الخروج من المنزل .. توقف

لها تاكسي ولكنها رفضت لأن ذلك يعد خلوة .. وآثرت أن تسير

علي قدميها ..ظلت طول الطريق يلهج لسانها بالذكر

والاستغفار .. إلي أن وصلت إلي العمارة التي تسكن بها رانيا ..

جعلت تطلع إليها وكأنها تري رانيا بداخلها .. ثم ذهبت إلي

البوابة المجاورة وانتظرت ..

خرجت من العمارة سيدة متبرجة سارعت إليها مريم ..

لو سمحتي حضرتك .........
لم تكمل مريم كلماتها فكانت تلك السيدة تنظر لها نظرات ضيق
وغضب .. رافضة بتلك النظرة الحديث مع تلك الفئة من المجتمع
ألا وهي الفئة الملتزمة بشرع الله عز وجل ..

أكملت مريم كلامها ب .. جزاكــِ الله خيرًا


كان الجو شديد الحرارة ولكن مريم ظلت ماكثة أمام باب


العمارة .. خرج منها سيدة مسنة


مريم : السلام عليكم ورحمة الله وبركاته


السيدة : وعليكم السلام ورحمة الله وبركاته


مريم : معلش ممكن أسأل حضرتك عن حاجة ؟؟


السيدة :إتفضلي يا بنتي


مريم : هو حضرتك فيه واحدة ساكنه هنا في العمارة إسمها ندي


في سنه تانية كليه تربية ؟؟؟


السيدة : والله يا بنتي زي ما أنتي شايفة كده أنا ست كبيرة ومش


بقدر أخرج من شقتي إلا قليل فما أعرفش والله يا حبيبتي مين


اللي ساكن معانا في العمارة ..


مريم : جزاكــــِ الله خيرًا معل تعبت حضرتك معايا

السيدة : لا عادي يا حبيبتي تحت أمرك ..


مريم : طيب ممكن أساعد حضرتك في حاجة ؟؟


السيدة : ربنا يبارك فيك يا بنتي ده أنا بس رايحة أشتري شوية


حاجات من السوبر ماركت اللي علي أول الشارع .. مش مستاهلة


تعبك معايا ..


مريم : طيب حضرتك إنتظريني هنا أو قوليلي شقتك فين وأنا


أوصل الحاجات لغاية عندك ..


السيدة : لا يا بنتي ربنا يبارك فيك .. ده مشوار بسيط مش


مستاهل تعبك ..


مريم : معلش بس حضرتك ريحيني بس أجيب إيه وأقابلك فين

؟؟؟


أخبرت تلك السيدة مريم بما تريد وأخبرتها بأنها ستنتظرها في


مدخل العمارة ..


وبعد بضع دقائق ..

مريم : السلام عليكم ورحمة الله وبركاته


السيدة : وعليكم السلام ورحمة الله وبركاته .. ربنا يبارك فيك يا

بنتي .. والله تعبتك معايا ..


مريم : مفيش تعب ولا حاجه ربنا يبارك في حضرتك


السيدة :طيب يا بنتي سلام عليكم


مريم : وعليكم السلام ورحمة الله وبركاته


ظلت مريم منتظرة قرابة النصف ساعة ..إلي أن مرت فتاة صغيرة


مريم : السلام عليكم ورحمة الله وبركاته


الفتاة : وعليكم السلام ورحمة اله وبركاته


مريم : معلش يا سكر تعرفي واحدة اسمها ندي في تانيه تربية


ساكنه في العمارة هنا ؟؟؟


الفتاة : أيوة .. دي ساكنة في نفس الدور بتاعنا ..


مريم : طيب معلش يا حبيبتي ممكن بس تعرفيني مكان شقتها


فين ..


الفتاة : طيب تعالي معايا


مريم : جزاكــِ اله خيرًا


وصعدت مريم والفتاة إلي الدور الثالث ..وعندها


الفتاة : هي الشقة دي


مريم : جزاك الله خيرًا يا حبيبتي .. ممكن أعرف اسمك ايه؟؟


الفتاة: اسمي ريم


مريم : جزاكـِ الله خيرا يا ريم .. ربنا يبارك فيك يا حبيبتي اللهم


امين


ريم :ماشي يلا سلام عليكم

مريم : وعليكم السلام ورحمة الله وبركاته

طرقت مريم الباب ودقائق .. فتحت والدة ندي الباب ..


والدة ندي :أهلا وسهلا ..إزيك يا رانيا يا حبيبتي .. وحشتينا كلنا


والله .. عاملة إيه يا حبيبتي .. يا ندي يا ندي .. رانيا يا ندي


مريم : معلش أنا مش رانيا .. أنا صاحبتها


والدة ندي : سبحان الله نفس الشكل والهيئة .. علي العموم ..إحنا


بنحب رانيا وأصحاب رانيا كمان ..اتفضلي يا حبيبتي في


الصالون ..ثواني وندي هتجيلك ..


مريم : ربنا يبارك في حضرتك


ندي : ( من بعيد ) مين يا ماما رانيا ؟؟؟


والدتها : لا يا حبيبتي صاحبتها


ندي : سلام عليكم


مريم : وعليكم السلام ورحمة الله وبركاته


ندي : طيب ارفعي النقاب عشان أشوف شكلك طيب :)


مريم : فيه رجال في المنزل ؟؟؟


ندي : لأ بابا خرج للشغل من بدري .. وأخويا في النادي مع


أصحابة ..


مريم : طيب خلاص ورفعت النقاب


ندي : اللهم بارك حاسة كأن وشك منور .. ولا الصَن بلوك اللي


بستعملة ولا الكلام ده .. سبحان الله ..


بس أنتي مش متضايقة من الحر يعني في اللبس ده؟؟


مريم : لأ .. سبحان الله .. بالرغم من أني كنت مفكرة زيك كده ..


وكنت بقول لنفسي أحتسب عشان أفوز بالأجر العظيم ده .. لكن


سبحان الله .. ربنا فعلًا ما بيأمرش بحاجة وفيها ضرر .. بحس


بقمة الراحة والنعيم وأنا في اللبس ده .. كأني ملكة والكون كله


بيزفني .. عقبالك إن شاء الله


صمتت ندي لبرهه ثم ابتسمت لمريم قائلة :إن شاء الله

قدمت والدة ندي بالعصائر ..


والدة ندي :اتفضلي يا حبيبتي


مريم : جزاكــــِ الله خيرًا


(وبعد أن تناولت مريم العصير )

مريم : سبحان الله رانيا بتحبك جدا وكلمتني عنك كتير خالص


ندي :وأنا كمان بحبها جدا والله ووحشتي جدااا ..هي بتكلمني في


التليفون بس نفسي أشوفها


مريم : طيب وانتي ما فكرتيش خالص تروحي تزوريها ؟؟؟


ندي : أيوة أنا استأذنت من بابا وهروح لها بعد بكرة إن شاء الله


فتحت مريم حقيبتها


مريم :طيب معلش يا ندي يا ريت توصليلها الحاجات دي


وسلميلي عليها كتير


وظلت مريم تتحدث مع مريم عن دراستها ..إلي أن جاءت الساعه


11


مريم :معلش أستأذن لأني اتأخرت


ندي : طيب أتفضلي بس يا ريت الزيارة الحلوة دي تتكرر تاني


مريم : أكيد طبعا


همت مريم بالخروج من المنزل


ندي : مريم يا مريم نسيتي الشنطة دي


مريم : لأدي ليكي يا حبيبتي

ندي :معقول ليا أنا !!!


ربنا يبارك فيك شكلها هدية جميلة .. بس ليه تعبتي نفسك ..


مريم : مفيش تعب ولا حاجه يا حبيبتي كان نفسي أجيب لك


حاجة أفضل


يللا إتأخرت السلام عليكم ورحمة الله وبركاته


ندي : وعليك السلام ورحمة الله وبركاته



تري !! ما مضمون الرسالة وما أثرها علي رانيا !! هذا ما


سنعرفه في المرات القادمة

[محبة لا اله الا الله]

رد: ☼☼ مريم ..أنا بنتكس ☼☼ مسلسل جديد تابعونا

جزاكي الله كل خير القصه جميله جدا

[*تائبة إلى الله*]

رد: ☼☼ مريم ..أنا بنتكس ☼☼ مسلسل جديد تابعونا

جزاكي الله كل خير القصه جميله جدا

و جزاكم خيرا منه أختي
نورتي الموضوع

[*تائبة إلى الله*]

رد: ☼☼ مريم ..أنا بنتكس ☼☼ مسلسل جديد تابعونا

::: الحلقة الســـــــــابعة :::





وفي اليوم المحدد لزيارة ندي .. إستيقظت ندي من

نومها فرحةً


لأنها ستذهب إلي رانيا .. وبالرغم من الإختلاف في


هدف رانيا

وندي إلي أن ندي تشعر براحة نفسيةٍ غريبة عن الحديث معها ..







وبعد العصر ..إتصلت ندي بمنزل رانيا لترد علي


الهاتف والدتها


ندي : ألو .. ممكن أكلم رانيا ؟؟

والدة رانيا : حضرتك مين؟؟؟

ندي : أنا ندي يا طنط

والدة رانيا : أهلا وسهلا إزيك يا ندي يا حبيبتي ..

ندي : الحمد لله بخير والله أخبار حضرتك إيه ؟؟


والدة رانيا : الحمد لله والله بخير .. ثواني يا حبيبتي

أناديلك رانيا

رانيااااااااا يا رانيااا

رانيا : نعم يا أمي


والدة رانيا :كلمي .. ندي علي التليفون

رانيا : حاضر

خرجت رانيا من حجرتها إلي الصالة حيث التليفون


رافعة سماعة التليفون


رانيا : السلام عليكم ورحمة الله وبركاته



ندي : لا والله لسه فاكرة ..


رانيا : طيب ردي السلام وبعدين نتفاهم


ندي : ماااشي .. وعليكم السلام


بس بجد أنتي عارفةإنك مصاحبة واحدة اسمها ندي في


ثانية تربية .. نفس دفعتك يعني ..


في العمارة اللي علي يمين عمارتك؟؟


رانيا : أيوة طبعا فاكرة .. ودي حاجة أقدر أنساها


ندي : أيوة ..ما هو واضح علي العموم أنا عندي


خبرين ناااااااار


أما عن الأول فهقوله حالأ أما الخبر الثاني فبعد شوية


رانيا : إتفضلي يا أم الأخبار النار


ندي : الخبر النار الأول أنا ممكن أتكرم وآجي أزورك


كمان



شوية ..أما الخبر النار الثاني فلما أجيلك إن شاء الله


رانيا : اللهم بــــــــــــــــارك


والله أدخلتي السرور علي قلبي .. ربنا يبارك فيك


ندي : طيب ممكن سيادتك تسيبيني أمشي عشان سيادتي تلحق


تلبس


رانيا : أيوة طبعا


ندي : طيب سلام عليكم


رانيا : عليكم السلام ورحمة الله وبركاته






أخبرت رانيا والدتها بذلك الأمر ففرحت لقدوم ندي وبعد قليل


تطرق ندي الباب


فترد والدة رانيا : ميييييين؟؟؟


ندي :إيه يا طنط هي رانيا ما قالتش لحضرتك إني جاية ولا إيه

:)


فتحت والدة رانيا الباب


والدة رانيا : أهلا وسهلا تعالي اتفضلي يا ندي


ندي :إزيك يا طنط أخبار حضرتك إيه ؟؟؟


والدة رانيا : بخير يا حبيبتي ..



ندي : رانيا فين يا طنط؟؟؟


والدة رانيا : رانيااااااااااااا .. يا رانيا اا


رانيا : وهي خارجة من حجرتها السلام عليكم ورحمه الله

وبركاته


إزيك يا ندي وحشتيني خالص والله


ندي : أيوة ما هو واضح..







وأخذت رانيا بيد ندي إلي حجرتها

ندي : مالك يا رانيا خسيتي كده ليه !! إنتي من بتوع الرجيم:)


رانيا : لأ مش من بتوع الرجيم .. سيبك مني ومن الرجيم


أخبارك إيه؟؟؟


دخلت والدة رانيا بالعصائر والساندوتشات






والدة رانيا : يا ريت يا ندي تأكلي صاحبتك ..


وخرجت من الحجرة


ندي :إيه يا رانيا إنتي بجد مش بتاكلي ليه !!!


رانيا : عادي بس مش عاوزة آكل


ندي : علي فكرة أنا كمان بكون زيك كده في الصيف .. مش


بيكون ليا نفس للأكل .. من الحر



رانيا : مبتسمة سيبك مني ومن الحر أخبارك إيه ؟؟


ظلت ندي تتحاور مع رانيا إلي أن قالت لها


بعد ما نكدت عليكــ بأخباري العسل أقولك الخبر النار الثاني ..


رانيا : نكدتي إيه بس .. ربنا يهديك


علي العموم اتفضلي يا ستي


ندي : واحدة صاحبتك كانت عندي


رانيا : صاحبتي !!!



ندي : أيوة مريم


دمعت عينا رانيا ولكنها أخفت دموعها بابتسامة



ندي :أيوة لما كلمتك عن مريم دمعتي لكن أنا !!! يللا الحمد لله



بس علي فكرة هي ماشاء الله عليها .. وعلي فكرة سابت لك


وفتحت حقيبتها


الكتيبات دي والرسالة دي





ثم أذن المغرب


ندي : أنا إتأخرت لازم أمشي .. معلش يا رانيا



رانيا : لسه بدري طيب نصلي المغرب مع بعض



ندي : مرة تانية يللا سلام عليكم


رانيا : وعليكم السلام ورحمة الله وبركاته


واصطحبت رانيا ندي إلي الباب قائلة مع السلامة يا ندي .. ربنا


يجزيك خير علي الزيارة الحلوة دي


ثم دخلت مسرعة إلي غرفتها لتخفي الكتيبات والرسالة في درج


مكتبها


توضأت لتصلي المغرب وأثناء الصلاة ..


دخلت والدة رانيا الحجرة ....



تري ما الذي سيحدث إنتظرونا في الحلقات القادمة ...

[نسمة بسمة الياسمين]

رد: ☼☼ مريم ..أنا بنتكس ☼☼ مسلسل جديد تابعونا

يلا يا أختي بارك الله فيكي
بجد والله شوقتيني
ربنا يااارب يجعل كل حرف في ميزان حسنات إللي كاتبها وإللي مألفها واللي قارئها واللي مستفاد بيها..اللهم آمين
مستناكم ياقمرات

[روميساء الجنة]

رد: ☼☼ مريم ..أنا بنتكس ☼☼ مسلسل جديد تابعونا

بارك الله فيك وجزاك كل خيرأخيتي

[*تائبة إلى الله*]

رد: ☼☼ مريم ..أنا بنتكس ☼☼ مسلسل جديد تابعونا

يلا يا أختي بارك الله فيكي
بجد والله شوقتيني
ربنا يااارب يجعل كل حرف في ميزان حسنات إللي كاتبها وإللي مألفها واللي قارئها واللي مستفاد بيها..اللهم آمين
مستناكم ياقمرات

ربنا يبارك فيك يا غالية
تابعينا

بارك الله فيك وجزاك كل خيرأخيتي

و خيرا جزاك أختي

[*تائبة إلى الله*]

رد: ☼☼ مريم ..أنا بنتكس ☼☼ مسلسل جديد تابعونا

::: الحلــقة الثامنة :::



كانت رانيا ساجدة تبكي وتضرع لله أن يجزي مريم عنها خير


الجزاء وأن يجمعهما في ظل عرشه يوم لا ظل إلا إلا ظله


وأثناء الدعاء والبكاء شعرت بوالدتها في حجرتها ..


رفعت من سجودها ثم قالت الدعاء بين السجدتين وسجدت

السجدة الثانية وهي تدعو أن يكفيها الله أمر والدتها


بما شاء وكيف شاء .. يااااااارب اللهم أنت عضدي


ياااااااارب اللهم أنت أنت نصيري ..



يااااااااااااااارب اللهم ارحم ضعفي ..



ارحم اللهم ذلي ومسكنتي بين يديك .. وظلت تبكي وتبكي



إلي أن أنهت صلاتها ..لتجد والدتها تجلس علي طرف سريرها


والدة رانيا : خلصتي صلاة يا حبيبتي


رانيا : الحمد لله يا أمي .. حضرتك عاوزة حاجة


والدة رانيا :كنت عاوزة أتكلم معاكي شوية


رانيا :إتفضلي يا امي


والدة رانيا :مالكــ يا حبيبتي .. حاسة إن نفسيتك تعبانة


إحنا مقصرين معاكي في حاجة !!


لبس وإشتريت لكــ أحسن لبس من أفخم محلات .. خروجات


بنتحايل عليكــِ كل يوم عشان تخرجي معانا ..


وممكن نفسحكــ في المكان اللي أنتي عاوزاه ..


اللي تطلبيه إحنا تحت أمركــ..

كليتك .. والحمد لله نجحتي وربنا وفقك ..


إيه اللي مزعلك كده !!!



رانيا: يااااااااه يا أمي إيه اللي مزعلني كده ..


يا أمي أنا مش عاوزة فسح , ولا خروجات , ولا لبس من أفخم


المحلات .. يا أمي أنا عارفة إن الدنيا دي دار إمتحان ..


نفسي يا أمي أدخل الجنة .. نفسي يا أمي أقابل الرسول


صلي الله عليه وسلم علي الحوض ..


نفسي يا أمي أشرب من ايده شربة هنيئة لا أظمأ بعدها أبدًا ..


خايفة أوي يا أمي من أهوال القبر .. خايفة من النار ..


خايفة من الصراط وقنطرة المظالم ..


نفسي يكون ليا قصر كبير في الجنة ..


ونفسي يا أمي تكونوا معايا ..


والله يا أمي دي السعادة .. واحد من الصالحين كان بيقول


إن في الدنيا بتاعتنا دي جنة اللي مش هيدخلها .. مش هيدخل


جنة الآخرة.. عارفة يا أمي دي جنة إيه !!


جنة العبادة والعمل الصالح .. لذة السجود .. متعة الصدقة ..


متعة والله يا أمي ..



والدة رانيا : وقد بدأت تتأثر بكلام رانيا ولكنها لا تود إبداء ذلك

لها " أيوة ماشي بس .. إنتي بصراحة متشددة وأفكارك غريبة

مش عايشة العصر اللي إحنا فيه ..قوليلي كده بنت مين في


المنطقة اللي احنا فيها بتلبس زي ما كنتي بتلبسي !!



ولا بتعمل زيك !! مش عايشه سنك ولما تكبري هتندمي علي


كل اللي بتعمليه وتتأكدي إنك كنتي غلط ..


رانيا : طيب يا أمي ممكن أقول لحضرتك علي حاجة ؟؟


والدة رانيا :بصي يا رانيا أنا مش عاوزة أتنرفز عليكي ..


وأنتي مفيش غير اللي في دماغك ..وأنا ما عنديش استعداد


للكلام الكتير .. الخلاصة إحتمال نخرج بعد ما بابا يرجع من


برة هتخرجي معانا ؟؟


رانيا : لأ يا أمي مش عاوزة أخرج ..


والدة رانيا : براحتك



وتركت الغرفة وخرجت في الصلاة ويدور برأسها كلام رانيا


ولتبعد نفسها عن تأنيب الضمير فتحت التلفاز .. لتضيع وقتها


إلي أن يأتي زوجها من الخارج


وبعد مرور ساعتين .. قدم والد رانيا من الخارج ..


والد رانيا : إيه يا أم رانيا جاهزين ؟؟


والدة رانيا : والله كالعادة أنا جاهزة لكن رانيا عاوزة تقعد في البيت


والد رانيا : براحتها .. هنعمل لها إيه يعني ..

مفكرة إن كل الناس غلط وهي اللي صح



خرج والد رانيا ووالدتها وتركا رانيا وحدها في المنزل ..



بعد خروجهما كانت رانيا شديدة الفرح .. لأنها ستقرأ رسالة مريم


وتقرأ كتيب أو كتيبين علي الأقل ..




في تلك الأثناء كانت والدة رانيا تتحدث مع والدها

والدة رانيا : رانيا من شوية فضلت تتكلم معايا وتكلمني عن ربنا


وحسيت إنها علي حق .. وحسيت إن إحنا ظالمينها ..


وظالمين نفسنا كمان ..



والد رانيا : ليه يعني !! قالت لك إيه


والدة رانيا : كلمتني عن ربنا وإنها مش عاوزة الدنيا دي كلها


وعاوزة تفوز بالآخرة وكلام كتير زي كده ..


والد رانيا : يا أم رانيا ريحي نفسك .. دول كلمتين سامعاهم في شريط ولا حد قايلهم قدام بنتك


إنتي يعني تايهه عنها .. عاطفية وما بتفكرش بعقلها ..


ما سمعتيش الجيران بيقولوا بنتك ممكن يجرالها إيه !!


ساعتها هتكوني فرحانة !! وبعدين إحنا وحشين !! احنا بنصلي


وبنصوم وفي نفس الوقت عايشين دنيتنا وحياتنا ..


ربنا يرجع لها عقلها .. هتندم والله البنت دي


والدة رانيا : عندك حق .. وإحنا بنبعد عنها كل حاجة تبعدها عن الطريق ده ..


في تلك الأثناء كانت رانيا قد أمسكت الرسالة




وهي تبكي شوقا لصديقتها وحبيبتها في الله ..

قائلة : ربنا يبارك فيك يا حبيبتي .. ويجعله في ميزان حسناتك


اللهم آمين



وفتحت الرسالة ...




تري ما مضمون تلك الرسالة !!!! هذا ما سنعرفه في الحلقة

القادمة

[*تائبة إلى الله*]

رد: ☼☼ مريم ..أنا بنتكس ☼☼ مسلسل جديد تابعونا

::: الحلـــقة التاسعة :::

بسم الله والصلاة والسلام علي رسول الله

صلي الله عليه وسلم

أما بـــــعد

أختي وحبيبتي في الله بل والله قرة عيني : رانيا

أشهد الله العلي العظيم أني أحبك في الله

وأسأل الله أن يجمعنا بهذا الحب في ظل عرشه يوم لا ظل إلا ظله ..

والله يا رانيا أنتي وحشتيني جدااااااااااااا ...

وربنا اللي يعلم حالي وقلقي عليكي ..

بس والله مش بنساكي خالص من الدعاء يا أنا ..

والحمد لله إن ربنا من علي ٍّ بفكرة الرسالة ..

كنت عاوزة أكلمك في شوية حاجات ..

بالنسبة لظروف البيت فانتي في إبتلاء

ووالله بغبطك عليه ..

كنت بدأت أكلمك عنه في التليفون

وباقي كلامي ..إنه من ثمرات الإبتلاء

تمييز الخبيث من الطيب

الابتلاء اللي إنتي فيه اختبار من الله سبحانه وتعالي

فيه ناس كتييييييييييييير بتلتزم بدين الله عز وجل ..

منهم صادقين .. ومنهم غير كده

فلازم تحصل التصفية دي كل فترة ..

ومن نعم ربنا عليكِ إنك عارفة إنك في ابتلاء

فيه ناس بتبتلي في دينها والابتلاء يخلص

وهي ولا هي هنا ..

ولا حاسين بحاجة .. فاحمدي ربنا يا حبيبتي

(( مَا كَانَ اللَّهُ لِيَذَرَ الْمُؤْمِنِينَ عَلَى مَا أَنْتُمْ عَلَيْهِ حَتَّى يَمِيزَ الْخَبِيثَ مِنَ الطَّيِّبِ ))

والإختبارات دي يا رانيا بتيجي بعد ما بنمشي شوية في الطريق

يعني زي ما حصل معاكِ كده بالضبط ..

وبرده بتكون مفاجأة

ودي سنة كونيه ما تخافيش منها

وكمان يا حبيبتي من ثمرات المحن

تربية النفس علي عبادة الله في السراء والضراء

الابتلاءات دي يا رانيا يا حبيبتي تخليكي مدربة في كل الأجواء علي عبادة الله عز وجل ..

مثلا مثلا يا رانيا

فيه واحد سليم وكويس جدا جدا

وبيقوم بدوره في الحياة بكل نشاط ..

ولكنه متعود علي جو معين ونظام معين

لو النظام ده اتغير ..

يبقي خلاص كل حاجة وقفت

وهو كمان بقي مريض ....

لكن المدرب من الأول مفيش فرق عنده حتي

ولو ظهرت عليه بعض آعراض المرض ..

إنتي يا رانيا لازم تكوني ملتزمة في كل مكان

وكل زمان وفي أي ظروف ..

محنتك دي نعمة والله لأنك من خلالها هتربي نفسك

مش قلتلك بعض العلوم لا يتعلم إلا من البلاء ..

وكمان يا رانيتي

التدرب علي التضحية لأجل دين الله

بالله عليكِ

وإنتي في أول التزامك وبعدها بفترة وأهلك مساعدينك في كل حاجة لغاية ما بدأ الفتور ..

كنتي لو سمعتي مثلا عن واحد زي سيدنا جعفر

جعفر بن أبي طالب .. تلاقيكي تقولي لنفسك ..

لو أنا مكانه كنت عملت كدة وأكتر كمان ..

فربنا يرزقنا الإبتلاء ويبتلي المرء علي قدر دينه

عشان نري الله صدقنا

هل لو كنا مكانه كنا عملنا زيه !!!

و المحن يا رانيا هي دي الأوقات اللي هتحسي فيها بالرحمات ..

لكن عن نفسي بحس إن أوقات الرخاء مفيش منها فايدة للآخرة ..

الوقت اللي بتمري بيه ده هو أكتر وقت هيسيب بصمة في حياتك

أقولك إزاي

فاكرة الآية دي ؟

(( وَإِذَآ أُنزِلَتْ سُورَةٌ أَنْ آمِنُواْ بِاللّهِ وَجَاهِدُواْ مَعَ رَسُولِهِ

اسْتَأْذَنَكَ أُوْلُواْ الطَّوْلِ مِنْهُمْ وَقَالُواْ ذَرْنَا نَكُن مَّعَ الْقَاعِدِينَ ))

أولو الطول اللي هما المترفين ..

يعني لما يكثر الترف يقل الإلتزام بالدين

وكمان يا رانيتي ..

اتقان الطاعات القلبية

وقت السراء كلنا نعتمد علي طاعات الجوارح فقط

وممكن يكون فيها خلل كمان

لكن وقت الابتلاء تلاقي الطاعات القلبية

من انكسار وتوكل علي الله والخوف من الانتكاس

من الآخر إنتي في معهد تربوي ..

وواجبك يا رانيا في الجو ده

الدعاااااااااااااااء .. مش ربنا بيقول

(( قُلْ مَا يَعْبَأُ بِكُمْ رَبِّي لَوْلَا دُعَاؤُكُمْ ))

وكمان يا رانيا إنك تحاولي تغيري نفسك وتغيري الآخرين علي قد ما تقدري

وبحكمة طبعا ..

فاكرة الآية دي ؟؟

(( إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ ))

وتحاولي يا رانيا تكوني ثابته علي كل ما يحبه الله عز وجل

لا للتبديل وقت المحن

ومش كده وبس

يكون عندك سرعة في الإستجابة لأوامر الله ونواهيه

فاكرة الآيه دي ؟؟

((الَّذِينَ اسْتَجَابُواْ لِلّهِ وَالرَّسُولِ مِن بَعْدِ مَا أَصَابَهُمُ الْقَرْحُ لِلَّذِينَ أَحْسَنُواْ مِنْهُمْ وَاتَّقَواْ أَجْرٌ عَظِيمٌ ))

أما بالنسبة للفتور يا رانيتي ..

ده طبيعي جدا أول ما أي حد بيلتزم بشرع الله عز وجل

ربنا بيقذف في قلبه معاني كتييييييير وجميلة جدا ..

ولكنها بعد فترة بتختفي عشان إنتي تجاهدي وترجعيها تاني

فحاولي يا حبيبتي

والكتيبات اللي مع الرسالة

حاولي تقرأي منها

هي هتعلي همتك

معلش كلهم للعريفي

بس دي كانت أفضل مجموعة في المكتبة يوم ما كنت هناكــ

وأخيرًا ..

أسأل الله العظيم أن يقر عيني برؤيتك قريبا

وأن يجعل لكِ من كل ضيق فرجا ومن كل هم مخرجا

وأن يرزقك رزقا كالمطر من حيث لم تحتسبي

والسلام عليكـم ورحمة الله وبركاته يا أنا

بعد أن قرأت رانيا الرسالة قرأتها للمرة الثانية

وفي أثناء المرة الثالثة شعرت بقدوم والدها ووالدتها

سارعت في مسح دموعها .. ثم أخفت الرسالة

ما الذي ستفعله رانيا هذا ما سنعرفه في الحلقات القادمة ..

[*تائبة إلى الله*]

رد: ☼☼ مريم ..أنا بنتكس ☼☼ مسلسل جديد تابعونا

::: الحلــــــــــــقة العاشرة :::

ِ شعرت رانيا كما لو أن تلك الأحرف والكلمات هي رسالة

رسالة من الله إليها ..

فهو وحده الذي سخر مريم لتلك المهمة

وهو وحده الذي أنطقها بتلك الكلمات

مما جعل تعلقها بالله عز وجل يزداد لحظة بعد لحظة

ويوما بعد يوم

كانت تقضي يومها بين الدعاء والإستغفار

وتحاول قدر استطاعتها الإستجابة لنصائح مريم

وبالرغم مما هي فيه إلا أنها كانت تشعر بقرب الفرج

كانت تشعر بمعاني عالية

بدأت تجاهد نفسها للحفاظ علي تلك السنن التي كانت قد هجرتها

بدأت تحتسب نوايا لكل ما تقوم به من أعمال بسيطة في


يومها ..

كان لرانيا خالًا واحدًا وهو يكبر أمها ببضع سنوات

له 3 أبناء تزوجوا جميعا

ليعيش هو وزوجته في منزل كبير في محافظة أخري

تبعد عن تلك المحافظة التي تسكن بها أخته الصغري

اعتاد ذلك الرجل علي زيارة أخته كل صيف ..

ليمكث عندها أسبوعا علي الأقل

كانت رانيا شديدة التعلق بخالها

فكان في منزلة والدها وكان يحب ابن أخته كثيرا

وفي يوم من الأيام .. وفي الصباح الباكر

يستيقظ الجميع علي صوت جرس الباب ..

والد رانيا : يا تري مين اللي جاي لنا بدري كده

ربنا يستـــــــــــــــــر

ويخرج في الصالة بجوار الباب

والد رانيا : مين ؟؟؟

خال رانيا : أحمد يا أبو رانيا

والد رانيا : وهو يفتح الباب أهلا وسهلا حمدًا لله علي سلامتك

مش كنت تقول إنك جاي يا راجل ننتظرك في الموقف

خال رانيا : حبيت أعملكم مفاجأة ... معلش يا أبو رانيا شيل

معايا الحاجات دي ندخلها بس

والد رانيا : ليه بس كده تاعب نفسك ليه

خال رانيا : يا عم لا تعب ولا حاجة

وبعد أن أدخلا الهدايا التي جاء بها خال رانيا وجلسا في الصالة

خرجت والدة رانيا

والدة رانيا : والله ما مصدقة نفسي أحمد أخويا

وتسلم علي أخاها الأكبر

إزيك يا أحمد .. أخباركــ إيه ؟؟

وحشتنا خالص والله

خال رانيا : الحمد لله أخباركــ إنتي إيه يا أم رانيا

والدة رانيا : إحنا بخير والله .. أمال أم محمود فين ؟؟

خال رانيا : والله أختها تعبانة .. وبتروح تساعدها في شغل

البيت

فما عرفتش تيجي معايا

والدة رانيا : لأ ..ألف سلامة عليها .. وإنت أكيد معانا أسبوعين

كده ولا حاجة

خال رانيا : أسبوعين ياااااااااااه ده أنا همشي آخر النهار

والد رانيا و والدتها: آخر النهار !!!

خال رانيا : أيوة ما أنتوا عارفين إن البيت فاضي

وأم محمود بترجع علي المغرب كده

وبتخاف تقعد في البيت لوحدها ..

والد رانيا : طيب خليكــ لبكرة بس

خال رانيا : والله مش هينفع

أمال فين البت رانيا !!!

قامت والدة رانيا لتحضير وجبة الفطور

وحشتني البت دي والله وحيرتني معاها ..

لفيت لف عشان أجيب لها هدية :)

اللبس قليل وكتير بس عشان نقابها والأسود مش عارف


أشتريلها حاجة

أروح محلات البرفان وبعدها أفتكر إنها مش بتستعمله

وبتقول حرام ..

في الآخر جبتلها عباية بيت ومسكـ أبيض تعطر سجادتها ولبس

البيت

والد رانيا : هي مزوداها شويتين بس الغلط كان مننا في الأول

خال رانيا : هي فعلا أفكارها غريبة ووالله أم محمود كانت لسه

بتكلمني في الموضوع ده

إمبارح بالليل .. وإنها بتدفن نفسها ومش عاوزة تعيش حياتها

وزعلانين عشانها أوي والله

ربنا يهديها هنعمل إيه :)

وبعد قليل قدمت رانيا

رانيا : السلام عليكم ورحمة الله وبركاته

خال رانيا ووالدها : وعليكم السلام يا ستي :)

رانيا : إزيك يا خالو وحشتني خالص والله

خال رانيا : إنتي مالك خسيتي أوي كدة ليه ؟؟؟

والدة رانيا : رانياااااااا تعالي شيلي معايا الفطار

رانيا : ثواني معلش يا خالو .. حاضر يا أمي

..تري ماذا ستفعل رانيا مع خالها ..



هذا ما سنعرفه في الحلقات القادمة ..

[*تائبة إلى الله*]

رد: ☼☼ مريم ..أنا بنتكس ☼☼ مسلسل جديد تابعونا

::: الحلـــقة الحادية عشر :::

وبعد أن تناول الجميع وجبة الإفطار جلست أسرة رانيا مع

خالها

خال رانيا : إيه رأيك يا رانيتي ل




و تيجي تقضي معانا كام يوم ؟؟

أهو تغيرى جو برده إيه رأيك !!

والدة رانيا : يا ريت توافق والله ده أنا شخصيا عندي إكتئاب

من قعدتها في البيت

خال رانيا : طيب إيه رأيك يا رانيا ..

كانت رانيا شديدة الشوق للخروج من المنزل ولكنها لا تريد أدني

تقصير في حق الله عز وجل

فهي منتقبة وستظل منتقبة إلى أن يجعل الله لها مخرجًا

خال رانيا : بس معلش يا رانيا .. كان فيه شوية حاجات أم

محمود موصياني

أشتريهم لها من هنا فقبل ما ميعاد الأوبيس بفترة هخرج أجيب

الحاجات دي

فلو وافقتي يبقي هرن عليكي تلبسي وتقابليني في الشارع

إنتي عارفة السن يا رانيا يا بنتي :)

عندها جال بخاطر رانيا فكرة إن قدر الله لها الذهاب مع خالها

تضع نقابها داخل حقيبة يدها وتخرج من باب الشقة بدون

النقاب

وتغطي وجهها بالكامل بيدها إو بأي شئ

وبعد أن يغلق والدها ووالدتها باب الشقة ترتدي النقاب علي

السلم

عندها إبتسمت رانيا قائلة : خلاص يا خالو هستخير إن شاء الله

وذهبت رانيا لتتوضأ وصليت ركعتي الاستخارة

وبعد أن إنتهت رانيا من صلاتها إذ بوالدتها تدخل حجرتها

والدة رانيا : بصي يا رانيا أنا هقنع أبوكي إنك

تخرجي بالملحفة بس من غير النقاب طبعا

بس آخر مرة .. عشان ما تقوليش إحنا بنفرض رأينا

بس بكرر كلامي تاني آآآآآآآآآآخر مرة

مفهوم ؟؟؟

رانيا : وهي مبتسمة خلاص إن شاء الله يا أمي

وبعد أن ذهبت والدة رانيا لتجهيز وجبة الغذاء

خال رانيا : رانياااااااااا يا رانيا

والد رانيا : هتلاقيها قاعدة في أوضتها يا أبو محمود

خال رانيا : أقوم أشوف هتعمل إيه

ودخل حجرة رانيا

خال رانيا : إيه يا رانيتي هنعمل إيه !!

رانيا : لو أبي وافق هتكون فيه مشكلة صغيرة

خالها : خير !!

رانيا : وأنا راجعه هنا .. مش عاوزة أرجع لوحدي

خالها : ماشي يا ستي :)

هوصلك لهنا إن شاء الله

رانيا : ربنا يبارك فيك ويجزيك خير يا خالو اللهم آمين

• 

ثم خرجت رانيا من غرفتها إلي الصالة

رانيا : حضرتك موافق يا أبي إني أقضي مع خالو كام يوم ؟؟

والد رانيا : أيوة طبعا موافق أنا مصدق إنك تخرجي تغيري جو؟؟

رانيا: جزاكــ الله خيرًا يا أبي

وبعد أن تناول الجميع وجبة الغذاء خرج خال رانيا ليشتري

تلك الأشياء التي أوصته زوجته بشرائها .. موصيا رانيا بالنزول

عندما يتصل بها علي تليفون المنزل

وبعد العصر .. يرن خال رانيا الهاتف

رانيا : السلام عليكم ورحمة الله وبركاته

خالها : أيوة يا رانيا أنا مستنيكي تحت العمارة يا حبيبتي

رانيا : خلاص أنا نازلة لحضرتك

خالها : ماشي يا حبيبي سلام

وأغلق هاتفه المحمول ..

خرجت رانيا مودعة والدها ووالدها بعد أن وضعت نقابها في

حقيبة يدها

خرجت من باب الشقة وهي تخفي وجهها بيدها بعد أن أغلق

والدها الباب ..

وارتدت النقاب علي السلم

ونزلت لخالها أمام العمارة ..

وبعد أن أوقف خالها التاكسي وركبا

تذكرت رانيا كلام مريم

(وكمان يا رانيا إنك تحاولي تغيري نفسك وتغيري الآخرين علي

قد ما تقدري

وبحكمة طبعا ..

فاكرة الآية دي

1. "إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ"

رانيا : خالو هو حضرتك قلت دعاء ركوب السيارة ؟؟

خالها : لا يا بنتي والله أنا قرأته مرة في الأتوبيس وأنا كنت

مسافر

بس مش فاكره .. هو بيقول إيه !!

رانيا :

النبي صلى الله عليه وسلم ركب دابة

فلما وضع رجله في الركاب قال: «بسم الله» –ثلاثا-

فلما استوى على ظهرها قال: «الحمد لله

سبحان الذي سخر لنا هذا وما كنا له مقرنين* وإنا إلى ربنا

لمنقلبون،

الحمد لله –ثلاثا-، الله أكبر –ثلاثا-،

سبحانك إني قد ظلمت نفسي فاغفر لي فانه لا يغفر الذنوب إلا أنت

خال رانيا : ربنا يباركــ فيك يا بنتي

وبعد أن ذهبا إلي موقف الأتوبيس

وركبت رانيا وخالها الأتوبيس

ذكرت رانيا خالها بدعاء السفر ثم جعلت تنظر من نافذة الأتوبيس

وتتأمل في ملك الله والتفت إلي خالها لتجده قد ذهب في نوم

عميق

تذكرت رانيا

"قُلْ مَا يَعْبَأُ بِكُمْ رَبِّي لَوْلَا دُعَاؤُكُمْ"

ظلت رانيا طيلة الطريق تدعو أن يمكن الله لها دينها

وأن يرزقها الحجاب الذي يرضيه

وأن يرضي والديها به ..

تدعو الله أن يجعل لها مخرجا ..

وأن يهدي والديها ويجزي مريم عنها خير الجزاء ..

إلي أن وصل الأتوبيس إلي تلك المدينة التي يسكن بها خالها ..

تري ماذا ستفعل رانيا في منزل خالها ..

هذا ما سنعرفه في الحلقات القادمة ...