لاول مره فى حياتى ابكى لهذا السبب

[مسلمه مصريه ولى الفخر]

:LLL:

بجد مش هينفع أسكت اكثر من كده
لو فضلت ساكته هيحصلى حاجه
محتاجه اتكلم
ومش هلاقى غير اخواتى هنا يسمعونى ويشاركونى كمان
بجد يا جماعه أول مره فى حياتى ابكى للسبب ده

اول مره ابكى بسبب دعوتى لحد
انا بفضل الله متعوده انى لما بدعو حد لحاجه او بنهى عن منكر مش بقولها باتهام للشخص الى بكلمه
بالعكس بقولها كانها على نفسى وابدء افسر تركى للشيء ده عن طريق احكام القرآن والسنه
فهمنى طبعا
المهم انا كنت بعمل بحث عن عمل المرأه
وانا بدور من خلال النت
وقع فى ايدى لينك بتاع موقع
دخلت عليه وشوفت المواضيع
لقيته فى اختلاط بين البنات والولاد
وزى ما بيقولوا انهم كلهم بيعتبروا نفسهم اخوات لبعض
فأنا كتبت موضوع ونقلتلهم فيه حكم الاسلام فى الردو د والاختلاط بين البنات والشباب فى المنتديات وكمان نقلتلهم الحدود الى تكون بينهم فى المشاركات
والاقى الردود كلها فظيعه
ولكن للحق فى ناس قالت انها مش بتحاول على قد ما تقدر تتحكم فى الموضوع ده
لكن الباقى ردوا بطريقه مستفذه
وكثير منهم رد فيما معناه لو مش عجبك سيبى المنتدى ولكن بأسلوب ميوضحش كده
ونيجى بقى لعمل المرأه بيتكلموا عن الاختلاط فى العمل وان المرأه تصون نفسها
ولقيت ردود احد البنات هناك بتقول كده بالحرف
احنا لسه بنتكلم عن عمل المرأه والناس بتتقدم وتتطور طول ما احنا كده هنفضل زى ما احنا وعمرنا ما هنتطور
وطبعا انتم تقدروا تفهموا حاجات كتير من مقولتها دى
وما جعلنى ابكى حزنا على امتنا
واحد من الاعضاء هناك كتب موضوع عن سب الرسول
فأنا اتكلمت فى الموضوع
وذكرت اننا لازم نقوم من غفلتنا
وذكرت التبرج الى فى البنات
والتفاهات الى بتهم الشباب
وانهم تركوا الدين والسنه وكده
وبرضه لقيت بنت بترد على كلامى وبتقولى
بدل ما انتى نازله بستفه وتهزيق فينا
وندم على الحياه الى بنعشها
اعدلوا نفسكم الاول
يعنى انتم الى صح ومتبعين السنه اوى
الكلام ده طبعا كان متوجهلى
والله يا جماعه حتى المواضيع الدعويه مبيعتموش بيها
سبحان الله
انا والله العظيم بكيت على حال الامه
وعلى استهارهم بالذنوب والمعاصى
للاسف الشديد ان ده يبقى حال امه محمد
انا عارفه انى طولت عليكم
بس كنت محتاجه اخرج الكلام ده من جوايا
جزاكم الله خيرا
ونفع بكم الاسلام
وثبتنا جميعا على الحق

[رشيده]

رد: لاول مره فى حياتى ابكى لهذا السبب

جزاكى الله خيرا أختى مسلمه وماتزعليش نفسك الناس دى والله مش حاسه وكمان ممكن يكونوا بيفتكروا اننا بننصحهم واننا مابنعملش بالكلام الى احنا بنقوله بس انا مش عايزاكى تزعلى طالما انك اصلحتى نيتك فى الدعوه مايهمكيش من حد انتى لما بتدعى حد ده طبعا بيكون ابتغاء وجه الله وانك عايزه الامه المحمديه تكون بخير وتتبع السنه بس المشكله فعلا اننا فى غفله من الموت ومش عارفين نعمل ايه والحياه والشهوات بقت همنا الاكبر انا مش بتكلم كده عن حد انا بتكلم كده عن نفسى والله لانى فعلا تعبانه اوى من الى انا فيه وساعات بحس انى منافقه ودى حاجه بتزعلنى من نفسى اوى عشان كده انا مابدعيش حد غير لازم اكون بعمل الحاجه الى انا بدعى ليها يعنى طبعا مينفعش ادعى اخت للحجاب وانا مش محجبه اقل حاجه هاتقولهالى اتحجبى انتى الاول المهم أختى ماتزعليش واحنا مانملكش حاجه غير الدعاء لانفسنا وليهم ان ربنا يهدينا ويتوب علينا

[مسلمه مصريه ولى الفخر]

رد: لاول مره فى حياتى ابكى لهذا السبب

جزاكى الله خيرا أختى مسلمه وماتزعليش نفسك الناس دى والله مش حاسه وكمان ممكن يكونوا بيفتكروا اننا بننصحهم واننا مابنعملش بالكلام الى احنا بنقوله بس انا مش عايزاكى تزعلى طالما انك اصلحتى نيتك فى الدعوه مايهمكيش من حد انتى لما بتدعى حد ده طبعا بيكون ابتغاء وجه الله وانك عايزه الامه المحمديه تكون بخير وتتبع السنه بس المشكله فعلا اننا فى غفله من الموت ومش عارفين نعمل ايه والحياه والشهوات بقت همنا الاكبر انا مش بتكلم كده عن حد انا بتكلم كده عن نفسى والله لانى فعلا تعبانه اوى من الى انا فيه وساعات بحس انى منافقه ودى حاجه بتزعلنى من نفسى اوى عشان كده انا مابدعيش حد غير لازم اكون بعمل الحاجه الى انا بدعى ليها يعنى طبعا مينفعش ادعى اخت للحجاب وانا مش محجبه اقل حاجه هاتقولهالى اتحجبى انتى الاول المهم أختى ماتزعليش واحنا مانملكش حاجه غير الدعاء لانفسنا وليهم ان ربنا يهدينا ويتوب علينا

ربنا يكرمك يا حبيبت قلبى
انا مش مزعلنى غير الاستهتار
انا عايزه اعرف معنى كلمه قالوها
وانا مش قادره افسرها
بيقولوا انهم اخوات كلهم وكلامهم ومواضعهم محترمه
هو فيه اختلاط وصحوبيه محترمه وغير محترمه
مش عارفه والله
انا بحس لما بقولهم مفيش حاجه اسمها صحوبيه او اخوه بين بنت وولد محترمه
بشعر انهم بيقولوا عليه متخلفه
بس والله لو كان تمسكى بدينى وباخلاق اسلامى تخلف
فانا راضيه انى اكون متخلفه وراجعيه كمان
اللهم ثبتنا على دينك
واهدينا وكل امه الاسلام

[عاشقة الشهاده]

رد: لاول مره فى حياتى ابكى لهذا السبب

السلام عليكم
معلش يا فجر ربنا يجعل ده في ميزان حسناتك...أحسبك على خير ده من اخلاصك...والرسول صلى الله عليه وسلم قال من لم يهتم بأمر المسلمين فليس منهم فقولي حسبي الله ونعم الوكيل وربنا المستعان...أنا على فكره حصل الموضوع ده معايا في أحد المواقع بس كان للاسف في موقع اسلامي سني وعشان رديت بس وقولت يا جماعه في أداب للاختلاف مينفعش كده احنا مسلمين زي بعض وعلى كتاب وسنه واحده...اتحزف الموضوع أصلا ومتعرضش..حسبي الله ونعم الوكيل

[مسلمه مصريه ولى الفخر]

رد: لاول مره فى حياتى ابكى لهذا السبب

السلام عليكم


معلش يا مسلمه ربنا يجعل ده في ميزان حسناتك...أحسبك على خير ده من اخلاصك...والرسول صلى الله عليه وسلم قال من لم يهتم بأمر المسلمين فليس منهم فقولي حسبي الله ونعم الوكيل وربنا المستعان...أنا على فكره حصل الموضوع ده معايا في أحد المواقع بس كان للاسف في موقع اسلامي سني وعشان رديت بس وقولت يا جماعه في أداب للاختلاف مينفعش كده احنا مسلمين زي بعض وعلى كتاب وسنه واحده...اتحزف الموضوع أصلا ومتعرضش..حسبي الله ونعم الوكيل

ربى يعلم انى اعمل ذلك لوجه الله
وأسأل الله العظيم ان يكون عملى هذا خالصا لوجهه الكريم
لكن والله يا اختى انا هقولك على موقف انا كتبت موضوع عن النمص
تخيلى ان الموضوع ميردش عليه غير واحده بس
وكان ردها انها مقرتش الموضوع لانها مش من الناس الى بتتنمص
والله والله انا فرحت جداااااااااااااا
وقولتلها مش لازم تقرى الموضوع
المهم انك مش منهم دى اهم حاجه
لكن تخيلوا محدش من بنات المنتدى يرد خالص
وده طبعا تأكيييييييييييييييد انهم بلا استثناء بيتنمصوا
ومعنى انهم مردوش انهم رافضين الموضوع
طبعا ده الى يتفهم من عدم الرد واهمالهم للموضوع
انا مش زعلانه ان الموضوع اهملوه
انا زعلانه لان الاستنتاج انهم كلهم بيتنمصوا
ودى كاااااااااااااااااااااارثه
كام فتاه ملعونه من ربها
والاكثر من كده انهم رافضين الدعوه
حسبى الله ونعم الوكيل
ربنا يستر علينا ياااااارب
ربنا يهديهم ويهدينا

[د.منه]

رد: لاول مره فى حياتى ابكى لهذا السبب

اختى الحبيبة مسلمة الدعوة تحتاج الصبر
ذات مرة حضرت درس فى احد المساجد وكانت داعية ونحسبها على خير
المهم وكان الدرس يومها عن الدعوة الى الله وقالت يومها
انى عندما ارى فتاة تسير فى الشارع متبرجة استوقفها واثنى على جمالها
بمعنى ماشاء الله انت جميلة لانها لا تستطيع البداية بغير ذلك هى منتقبة والفتاة متبرجة فسيحدث نفور من البنت لو لم تقل ذلك وتلك البداية للجذب
المهم قالت لها ماشاء الله انت جميلة لدرجة انك لفت نظرى جدا فما بالك بالرجال فى الشارع وتعطى مطوية فى النهاية وتحاول اقناعها
وعندئذ سالتها هل قابلت من يتلفظ بالفاظ ليست كما يجب قالت نعم هناك من تسب -تشتم- ولكنها قالت
نعم تسب ولكن لااحزن لنفسى حتى اخذ الاجر من الله كاملا فكرامتى فى سبيل الله
واعلم يا مسلمة انك حزينة عليهم هم اعلم حبيبتى ولكن الصبر والبداية التى يفرحوا بنفسهم فيها هههههههههه -سياسة الجذب- وبعدها قولى ما ينبغى ان يقال فهمتينى حبيبتى

[مسلمه مصريه ولى الفخر]

رد: لاول مره فى حياتى ابكى لهذا السبب

اختى الحبيبة مسلمة الدعوة تحتاج الصبر

ذات مرة حضرت درس فى احد المساجد وكانت داعية ونحسبها على خير
المهم وكان الدرس يومها عن الدعوة الى الله وقالت يومها
انى عندما ارى فتاة تسير فى الشارع متبرجة استوقفها واثنى على جمالها
بمعنى ماشاء الله انت جميلة لانها لا تستطيع البداية بغير ذلك هى منتقبة والفتاة متبرجة فسيحدث نفور من البنت لو لم تقل ذلك وتلك البداية للجذب
المهم قالت لها ماشاء الله انت جميلة لدرجة انك لفت نظرى جدا فما بالك بالرجال فى الشارع وتعطى مطوية فى النهاية وتحاول اقناعها
وعندئذ سالتها هل قابلت من يتلفظ بالفاظ ليست كما يجب قالت نعم هناك من تسب -تشتم- ولكنها قالت
نعم تسب ولكن لااحزن لنفسى حتى اخذ الاجر من الله كاملا فكرامتى فى سبيل الله
واعلم يا مسلمة انك حزينة عليهم هم اعلم حبيبتى ولكن الصبر والبداية التى يفرحوا بنفسهم فيها هههههههههه -سياسة الجذب- وبعدها قولى ما ينبغى ان يقال فهمتينى حبيبتى

والله يا منه انا بعمل كده
لكنهم اصلا مبيقبلوش الدعوه
سبحان الله ربنا الهادى
فلوب البشر بين اصبعى الرحمن يقلبها كما يشاء
اللهم اهدينا وكل امه الاسلام
اللهم امين

[e88sajedah_lellah]

رد: لاول مره فى حياتى ابكى لهذا السبب

عليكم السلام ورحمة الله وبركاته

أختي الحبيبة/مسلمة مصرية ولي الفخر

ربنا يجزيكي كل خير على حرصك وخوفك على إخواننا في الدين

أنا اتعلمت حاجه من هنا وعلمتهالي بالتحديد أم المجاهدين وكنت متدايقة من موضوع مشابه لده

المهم في الاخر فهمت اني طالما بحاول اعمل اللي اقدر عليه خلاص مش اقلق أنا مهمتي الدعوة والنصح وعدم الملل ولا التوقف وهما سمعوا مش سمعوا

(إنك لا تهدي من أحببت ولكن الله يهدي من يشاء)


وعلى فكرة هما ممكن يكونوا بيدخلوا ويقروا الموضوع لكن بدون مشاركة

وأكيييييييييد أكيييييييييييد يقينا في الله

حد منهم هيرجع ويفكر تاني في حياته دي


لا تتوقفي وبالتدريج معاهم من المهم فالاهم

وموضوع كل يوم ويوم يبأى كويس قوي بإذن الله

والله الموفق لنا جميعا

اللهم ارزقنا الاخلاص في القول والعمل

اللهم ائذن لدينك وتعاليمه أن تسود

اللهم استخدمنا لنصرة دينك وتبليغ دعوة رسولك صلى الله عليه وسلم

آمين
آمين
آمين

[مسلمه مصريه ولى الفخر]

رد: لاول مره فى حياتى ابكى لهذا السبب

عليكم السلام ورحمة الله وبركاته

أختي الحبيبة/مسلمة مصرية ولي الفخر

ربنا يجزيكي كل خير على حرصك وخوفك على إخواننا في الدين

أنا اتعلمت حاجه من هنا وعلمتهالي بالتحديد أم المجاهدين وكنت متدايقة من موضوع مشابه لده

المهم في الاخر فهمت اني طالما بحاول اعمل اللي اقدر عليه خلاص مش اقلق أنا مهمتي الدعوة والنصح وعدم الملل ولا التوقف وهما سمعوا مش سمعوا

(إنك لا تهدي من أحببت ولكن الله يهدي من يشاء)

وعلى فكرة هما ممكن يكونوا بيدخلوا ويقروا الموضوع لكن بدون مشاركة

وأكيييييييييد أكيييييييييييد يقينا في الله

حد منهم هيرجع ويفكر تاني في حياته دي

لا تتوقفي وبالتدريج معاهم من المهم فالاهم

وموضوع كل يوم ويوم يبأى كويس قوي بإذن الله

والله الموفق لنا جميعا

اللهم ارزقنا الاخلاص في القول والعمل

اللهم ائذن لدينك وتعاليمه أن تسود

اللهم استخدمنا لنصرة دينك وتبليغ دعوة رسولك صلى الله عليه وسلم

آمين
آمين

آمين

انا فعلا قررت اعمل كده
ربنا يكرمك
جزاك الله خيرا

[نداء الحق]

رد: لاول مره فى حياتى ابكى لهذا السبب

ربنا يهدى شباب المسلمين جميعا ويردهم الى الاسلام ردا جميلا
اللهم امين

[غفرانك ربي]

رد: لاول مره فى حياتى ابكى لهذا السبب

ربنا يكرمك يامسلمة وايانا
انا حسه بيكي لأني اتعرضت لموقف مشابه ولسه بتعرض له كتير
لكن من جوه البيت مش من بره كمان
وكنت لوحدي بواجه اكتر من 5 تقريبا وجها لوجه يعني مش كلام في موضوع
وكلام ورب الكعبة قلبي كان هينفطر
وانتهي الموقف بأني متزمته ووووو
وكان ده كمان قبل مانتقب
فتخيلي بقي الوقتي المعاناة اللي انا فيها
ولا حول ولا قوة الا بالله
لكن الحمد لله اتعلمت انك تنصحي وتعملي اللي عليكي
لان ده منكر قدامك لازم تغيريه
يعملوا بقي اللي يعملوه احنا بننصح لله وبننتظر الاجر من الله
وبعدين هنيجي فييييييين جمب النبي والصحابة اللي اتأذوا اشد الايذاء
فكري في كده ده هيهون عليكي شوية
-------------
هقولك علي حاجه سمعتها من شيخي الجليل الشيخ محمد حسان ربنا يحفظه ويبارك في عمره يارب

كان في بطل ملاكمة مشهور ومش مسلم راح عشان يكرموه في السعودية
فواحده محجبه تقريبا منقبه اعطتله هديه
كانت ايه الهدية دي كانت كتاب تفسير لمعاني القرآن
ادتهوله ومشت
هو خد الكتاب مع الهدايا وخلاص حط كل مع بعضه وركنه
وبعد 20 سنه شوفي اد ايه
وهو بيرتب مكتبته شاف الكتاب فمسكه وقعد يقرأ
اول ماقرأ قرأ تفسير قل هو الله أحد
وبعده تفسير الفاتحه
ودخل الاسلام قلبه وواسلم
ونزل يوزع مطويات علي شرايط واسلم علي يديه تقريبا اكتر من 100 شخص

تخيلي بقي
ليه بقولك الموقف ده
لان ممكن موضوع زي اللي وضعتيه وواحده ردت عليه بس
ممكن بعد مده واحده تقراه ويكون سبب في هدايتها
ممكن بالفعل بنات قراوه وبطلوا

يعني اعملي اللي عليكي انصحي وحاولي تغيري المنكر اللي قدامك
ولا يهمك من اللي هتسمعيه

معلش طولت عليكي بس عشان حسيت بيكي
الله اسال ان يرد المسلمين اليه ردا جميلا

[أم عبد الله٠١٢]

رد: لاول مره فى حياتى ابكى لهذا السبب

:LLL:

ولايهمك اخيتي في الله انت قمت بالواجب عليك فالدين النصيحة كما اخبرنا نبينا محمد عليه ازكى الصلاة والسلام وان شاء الله وقع اجرك على الله
فلا تحزني واستمري فانت على حق وهم على باطل

[مسلمه مصريه ولى الفخر]

رد: لاول مره فى حياتى ابكى لهذا السبب

والله يا جماعه انا كنت قربت اقرر انى اسيب المنتدى
والغى اشتراكى فيه
بس الحمد لله كلامكم ثبتنى على موقفى
جزاكم الله خيرا
وجزاكى ربى خيرا يا غفرانك
قصتك الى ذكرتيها جميله بجد
ربنا يكرمك
وان شاء الله ربنا هيهدى كل امه محمد
فقلوب البشر بين اصبعى الرحمن يقلبها كما يشاء
ربنا يبارك فيكم

[أم صفية]

رد: لاول مره فى حياتى ابكى لهذا السبب

أختى وحبيبتى فى الله( مسلمة مصرية ولى الفجر )جازاكى الله خيرا

على لموضوع ده وبجد جميل اوى انك تدخلى هذه المنتديات التى

تدور كل أحادثهم فيها على المطربين والفنانين (هداهم الله)

والمواضيع الدينيه بين هذه التفاهات اكيد لم تجد لها مكانا فأصبرى ولا

تيأسى لعل الله يهديهم ويشرح صدورهم فى يوم من الايام ويجعلكى

الله سبب فى هذه الهدايه وجزاكى الله خيرا مرة ثانية

[مسلمه مصريه ولى الفخر]

رد: لاول مره فى حياتى ابكى لهذا السبب

أختى وحبيبتى فى الله( مسلمة مصرية ولى الفجر )جازاكى الله خيرا

على لموضوع ده وبجد جميل اوى انك تدخلى هذه المنتديات التى

تدور كل أحادثهم فيها على المطربين والفنانين (هداهم الله)

والمواضيع الدينيه بين هذه التفاهات اكيد لم تجد لها مكانا فأصبرى ولا

تيأسى لعل الله يهديهم ويشرح صدورهم فى يوم من الايام ويجعلكى

الله سبب فى هذه الهدايه وجزاكى الله خيرا مرة ثانية

جزانا الخير واياكى
ربنا يبارك فيكى
وأسأل الله ان يجعلنا سببا فى هدايتهم
وانا دلواقتى اتعلمت اكتب الموضوع
ومنتظرش تفاعل منهم
المهم انهم يقرأ لعل الله يكتب لاحدهم الهدايه
ربنا يبارك فيكى يا حبيبت قلبى