نصايح عامه لامتحان الاورال

[كونى قوية]

السلام عليكم ورحمه الله وبركاته

احببت ان اقدم هذا الموضوع لكل طلاب الكليات العمليه اللى بيكون عندهم امتحان (اورال) شفوى ولان احيانا بيبقى الامتحان ده عليه درجات كتير جدااااااااا ولانه يبفرق مع تفدير ولان كمان فى طلبه ممكن بتكون مرعوبه منه (زى حالاتى)
فحبيت النهارده اقدم نصايح بسيطه من الواقع اللى بنعيشه يمكن تفيدنا نبدا بسم الله

1-التوكل على الله والدعاء قبل الدخول وخاصه دعاء(اللهم اكفنيهم بما شءت انك على على كل شئ قدير) والله ثم والله ما من مره قلت هذا الدعاء الا وجدت تيسيرا كبيرا ولله الحمد

2- الثقة بالنفس دى حاجة مهمة اوى لان الدكتور لما بيلاقى الطالب اللى قدامه مرتبك ومتردد فى الاجابة بيفتكره مش عارف وممكن ينقصه
يعنى انا بعتبر وانا داخلة شفوى كانى بتناقش مع دكتور عادى مش امتحان بحيث ابعد عنى تماما الخوف والقلق

3-لو الدكتور سالك مذاكر ايه من المنهج ؟ حتى لو انت مش مذاكر كله (لا قدر الله )
متقولوش كده لان دى حاجة بتنرفز الدكتور وبيبتدى ينقص الطالب اللى قدامه
لاء حاول تبينله انك مذاكر

4- لو الدكتور سالك عن حاجة متكتفيش باجابة مختصرة لاء اشرح للدكتور الموضوع كويس بس ده طبعا مش فى كله فيه اسئلة اجابتها محددة ومش محتاجة شرح

5- لو انت داخل مع كذا طالب يفضل انهم يكونوا من صحابك
وكذلك البنات تدخل مع صاحبتها ليه بقى ؟؟؟؟؟
عشان لو دكتور external وسال سؤال ملغى من عليكوا كلكوا تقولوا للدكتور اننا ما اخدناش الجزء ده وبالتالى الدكتور يغير السؤال ومينقصش حد
لكن لو انتى داخلة مع بنات بياخدوا مثلا درس بره وكان الدكتور بتاع الكورس شرح الجزء ده فى الدرس
هتجاوب وانتى لاء وبالتالى الدكتور هيفتكرك مش مذاكرة وهينقصك
فيفضل دايما الدخول مع الاصدقاء
6- لو الدكتور سالك عن سؤال بس انت مش فاكر اجابته اوعى تسكت لاء حاول تتكلم عن حاجة ليها علاقة بالموضوع بحيث متنقصش الدرجة كلها
يعنى مثلا الدكتور سالك عن المواد الفعالة فى senna مثلا يعنى ؟؟ معلش انا هدى مثال من مهنتى
وانت مش فاكر ال anthraquinones
قل له ان المواد الفعالة لها laxative effect
وبتستخدم لعلاج ال constipation
كده انت مخرجتش عن السؤال اوى وفى نفس الوقت جاوبت
7- لو الدكتور سالك سؤال عام جاوب اجابة كبيرة مش مختصرة
لان الدكتور هيفتكر انك مش عارف

8-متسالش بعد ما تخلص عن درجتك لا توكل على الله وان شاء الله درجة ممتازة
الدكاترة مش بيحبوا ان الطلبة يزنوا عليهم ويعرفوا الدرجات

9- لو الدكتور سالك عن الامتحان النظرى خاصة لو هوا من الكلية اوعى تقول ده كان صعب ومعرفتش احل كويس
لان ده هيدى انطباع عن انك مش شاطر حتى لو كان الامتحان صعب فعلا لانه من وجهة نظر الدكاترة سهل

10- وكمان يا جماعة من واقع تجربتى فى الشفوى
انصح بعدم الدخول للدكتور فى الاخر لعدة اسباب:
الدكاترة بتسخن على الطلبة اللى بيستنوا للاخر خالص
لانهم بيحسوا ان الطلبة دول خايفين ومش مذاكرين
ايه؟ لان اللى بيدخل الاول الاسئلة بتكون سهلة جدا وممكن يسأل الدكتور من امتحان النظرى
لكن لما أسال زملاتى اللى بيدخلوا فى الاخر يعيطوا ويقولوا ان الدكتور عصرهم فى الاخر

تانى سبب ان الطلبة للاسف بيوتروا بعضيهم

يعنى مثلا مرة واحدة طلعت تعيط من الشفوى وخربت الدنيا

وفى الاخر طلعت هية اللى ماكنتش مذاكرة واللى دخلوا بعديها
قالوا ان الدكتور زى الفل واسئلته سهلة جدا
السبب الخير ان الدكتور لما يبقى لسه داخل بيكون لسه مش مجهز الاسئلة فى دماغه فيسأل الاسئلة الشائعة والسهلة
وكمان اضيف انك لما تدخل للدكتور الاول مش هيكون فى حد قبليك يعنى الدكتور مش هيقارن بينك وبين حد تانى لكن لو استنينا للاخر الدكتور هيشوف اللى قبليك مش مذاكرين ايه ويسألك فيه

وفى الاخر أحب أقول ان ده توفيق من عند ربنا

وفى نفس الوقت لازم الواحد يكون زكى برضه وميضيعش
معلوماته من التوتر وهو داخل نتيجة كلام اصحابه
انا كده نصايحى قولتها واللى عنده حاجة تانى يضيف وكلنا نفيد بعض

[Noda Nada]

رد: نصايح عامه لامتحان الاورال

جزاكي الله خير ع الموضوع هو فعلا مهم
ومن اهم الحاجات اللي ذكرتيها الثقه بالله ثم الثقه بالنفس دي عليها عامل كبيييييييير لاني بشوف احيانا ناس بتكون مذاكره كويس وتدخل وماتعرفش تعمل حاجه

[كونى قوية]

رد: نصايح عامه لامتحان الاورال

ايه يا اخوات محدش عنده نصايح او تجارب يحكهلنا ولا اييييييييييه؟؟؟؟

[moslma lillah]

رد: نصايح عامه لامتحان الاورال

وعليكم السلام ورحمة الله وبركاته
مرحب مرحب اختنا
عوداً حميداً لقسمك
وما شاء الله موضوع رائع جداا
ونصائحك رائعة بمعني الكلمة لابد أن تؤخذ في عين الاعتبار عند اي امتحان الشفوي ,
بس إلا امتحان الشفوي الخاص بالقرءان
يا حافظة يا مش حافظة مفيش تأليف او احاول اعرف الدكتور اني حافظة فأدخل السور في بعضها
مستحيـــــــل
فذلك هذا اصعب امتحان مرّ عليّ ولكن بفضل الله وتوفيقه وحده بيمر بسلام .

ولكن موضوعك غاية في الجمال والاهمية
ومتابعة معاك بإذن الله
ولو عندي اي اضافة هضيفها بإذن الله
ولكني اتسائل مع اختنا صيدلانية
فين تجارب الناس ؟
وفين ردود الناس ؟
مفيش غير اختنا ندي ندي بس ؟؟؟؟
ايه كلكوا الشفوي عندكوا سهل للدرجادي
دا عفريت اي كلية عملية
الشفوي

[كونى قوية]

رد: نصايح عامه لامتحان الاورال

وعليكم السلام ورحمة الله وبركاته

مرحب مرحب اختنا
عوداً حميداً لقسمك
وما شاء الله موضوع رائع جداا
ونصائحك رائعة بمعني الكلمة لابد أن تؤخذ في عين الاعتبار عند اي امتحان الشفوي ,
بس إلا امتحان الشفوي الخاص بالقرءان
يا حافظة يا مش حافظة مفيش تأليف او احاول اعرف الدكتور اني حافظة فأدخل السور في بعضها
مستحيـــــــل
فذلك هذا اصعب امتحان مرّ عليّ ولكن بفضل الله وتوفيقه وحده بيمر بسلام .

ولكن موضوعك غاية في الجمال والاهمية
ومتابعة معاك بإذن الله
ولو عندي اي اضافة هضيفها بإذن الله
ولكني اتسائل مع اختنا صيدلانية
فين تجارب الناس ؟
وفين ردود الناس ؟
مفيش غير اختنا ندي ندي بس ؟؟؟؟
ايه كلكوا الشفوي عندكوا سهل للدرجادي
دا عفريت اي كلية عملية
الشفوي

اهلا باختى مسلمه نورتى الموضوع ربنا يبارك فيكى
وانا نفسى اعرف اين باقى الاخوات عاوزين تجارب حصلت لكل اخت تقوللهلنا عشان نفيد بعض
وشكرا مره ثانية لمرورك يا اختى

[moslma lillah]

رد: نصايح عامه لامتحان الاورال

الموضوع منور باصحابه
ربنا يكرمك اختنا
الاخوات باين عليهم عايزين الجردل بتاع زمان فهم لا يأتون إلا به

[~باغية الجنان العلى~]

رد: نصايح عامه لامتحان الاورال

السلام عليكم
جزيتِ كل خير أختي صيدلانية على تلك الدرر
أسأل الله ان ينفع بكِ ويوفقك لكل خير
______
فعلا صدق التوكل ثم الثقة بالامكانيات
لها أكبر الأثر في الاستعداد وبعدها ييسر الله لمن اجتهد
نقطة اخرى أحببت ان اضيفها
حاول ان تتعرف على الدكتور المسؤول عن اختبارك
اما يكون بيجيلك ف النظري
لذا تعرف ما يحب وما يريد وعلام يركز
أو بسؤال الطلبة من المراحل الاعلى
فغالبا لا يعرف الدكتور الا بعد الامتحانات
فالاستفادة من خبرات الاخرين لها أثرها

وفي نفس الوقت مينفعش الواحد يبخل على المراحل اللي اقل منه
بتقديم النصح بتقرير مفصل عن الدمتور وطبيعته

[كونى قوية]

رد: نصايح عامه لامتحان الاورال

جزاكى الله خيرا اختى على مشاركتك

[فاطمة سعد]

رد: نصايح عامه لامتحان الاورال

لطلاب العلم المسلمين