مين قال إن ربنا مش حيغفر له؟

[عاشقة التوبة]

سبحان الله...



مين إحنا عشان نقول مش ممكن ربنا يغفر له ...

أو مش ممكن ربنا يهديها...

هو مين كان هداك؟

مين كان يعرف إنك حتتوب أو حتى انت متأكد إنك كده
ربنا قبل توبتك؟

ربنا غفر لك ومش حيغفر لغيرك لمجرد إنه عاصي؟

طيب ما ربنا غفر للكفار اللي أسلموا...

ربنا غفر للعصاة والزناة واللي عملوا وعملوا وعملوا...

مين اللي قال إنه مش حيغفر...؟

أخواتي في الله... بالله عليكم..



لما تلاقوا عاصي أو عاصية..

واحنا منهم...


مهما كنا ملتزمين أكيد بنذنب

ونتوب ونرجع لله ونستغفر..


لازم نشفق على من أخذته الغفلة

وندعوا لهم... مش عليهم



لأن كان ممكن تكون انت أو انتي في مكانه...

وصدقوني كنا حنتمنى حد يدعيلنا


مش يزعق في وشنا



منــاجـــــاه


بحبك يا رب... لأنك رحيم أوي



بحبك يا رب لأنك غفور وتواب ومن رحمتك بينا إنك تمهل


ومن كرمك لينا إنك سيبتلنا الباب مفتوح


لحد الغرغرة ولحد الشمس ما تشرق من الغرب...


سيبتلنا بابك مفتوح وعلمتنا إزاي نتوب ونستغفر


بحبك يا رب... لأنك ربي


بحبك يا رب... لأنك حبيبي اللي عارفني وبيديني وانا ماستاهلش

بحبك يا رب

[التائبه راجيه الفردوس]

رد: مين قال إن ربنا مش حيغفر له؟

جزاكى الله خيراّ وجعله فى ميزان حسناتك
(يا مقلب القلوب ثبت قلبى على دينك)

[عاشقة التوبة]

رد: مين قال إن ربنا مش حيغفر له؟