Tweet
:lll:
الصداقة في الاسلام
بسم الله الرحمن الرحيمالصداقة في الاسلام
طبعا احنا كلنا عارفين الكلمة دي(الصداقة)واكيد كل واحد بيفكر في الكلمة بمحور معين اللي بيفكر فيها اني صاحبك يكون معاك دايما سواء في الحلال او الحرام او صاحبك يتصل بيك كل يوم ويرغى معاك في كلام فاضي عن وعن وعن او صاحبك يعزمك وتعزمه على ايا كان وهكذا يعنى في اكيد ناس بتفكر في الجانب النفسي في مغزى الكلمة دي
انا قريت ايه بتقول(الأخلاء يومئذ بعضهم لبعض الا المتقون) صدق الله العظيم
وجيت أتأمل في الآية مش عارف وجيت أفكر يعنى ولمواخذة أفرز صحابي واحد واحد مش لاقيت بكتيره الا اتنين من اصل يمكن 20 أو أكتر هم الصحاب الصح ومش هقول صاحبي عشان عزمنى مرة ودانى عشانى في المكان الفلاني أو أي حاجة بطلبها منه بيعملها لا صراحة دي أكيد حاجات يشكر عليها مدام في الخير بس يعنى الصاحب فعلا بيظهر اوى لما تكون محتاج تكلمه والكلام ده حاسس انك بعده هاترتاح تحسه بيشيل عنك من كل ناحية حسية او معنوية الصاحب بيفدى نفسه ويأثر نفسه كتير عشان غيره تعالوا كده نفكر كلنا في صحابنا اكيد يعنى هاتلاقي ولو مش لاقيت مااعرفش هاتعمل ايه
بس انا لاقيت
معلش دي خواطر مش عارف ايه اللي خلاني أحطها هنا بس بجد نصيحة يمكن صاحبك ده ينفعك لما القيامة تقوم وصاحبك الوحش اللي شجعك على .. وعلى.. يوم القيامة ولا يعرفك وبالعكس تتخانق انت وهو في النار وتقول انت اللي اللي دخلتنى وهو يرد لا انت ياااااه وتفضلوا كده اهوه لانفعك ولا انت نفعته
اما صاحبك التاني اللي كان بيشجعك ع الخير يمكن الخير اللي كنت بتعمله بسببه ده اللي دخلك الجنة والله اعلم يعنى هاتدوم الصحبة في الجنة باذن الله مع سيد الأنبياء والمرسلين ومع اصحابه رضي الله عنهم
وصلى اللهم على محمد وعلى آله وصحبه وسلم
آسفة على الاطالة وشكرا......
تعليق