ممكن تساعدونى

[banih]

اخواتى فى الله محتاجة مساعدة لو سمحتم انا بحاول نشر القصص الدعوية اللى موجودة فى الموقع وبحاول وضعها على منتدى الكلية علشان الشباب يمكن حد ربنا يهديه بيها لكن المشكلة فى الردود لما بيكون من بنت برد عادى ولو ولد مش بعلق خالص لكن فى ولد رد عليا زى ما هو متعود يرد على البنات عادى مش قصده حاجة انا هنقلكم رده وياريت بجد تساعدونى انى ارد عليه بطريقة اوصله فيها ان ده غلط زى مثلا حكم الشؤع فى كده وجزاكم الله خيرا

الله عليكى يا **** بجد موضوع جميل جدا وانا هبعتله لكل اللى عندى على الميل بجد تسلم ايدك وربنا يجعله فى ميزان حسناتك عجبنى اوى اوى اوى الموضوع ليكى يا قمر ربنا يخليكى يا رب


ياريت بجد تساعدونى وجزاكم الله خيرا

[احلام انسانة مسلمة]

رد: ممكن تساعدونى

https://forums.way2allah.com/showthread.php?t=70005

بصى الرابط دا لقيته هنا هينفعك اوى اوى

وكمان دا
https://forums.way2allah.com/showthread.php?t=77965 وفيه موضوع هنا برضو اسمه ما الذى سلب منك فى عالم الانترنت هينفع برضو ولو احتجتى اى حاجه بخصوص الموضوع قولى لى


"اختى احذرى الاختلاط قدر الامكان " وانا برضو زيك كدة بنقل مواضيع واحطها فى منتدى الكليه بتاعتى
وانا بحب اوووى نشر المواضيع الاسلامية وزيك كدة وبرضو بتقابلنى حااجات زى كدة وتعليقات كدة برضو
ربنا يحفظنا يااارب

[banih]

رد: ممكن تساعدونى



ربنا يكرمك ويحفظنا يارب

[banih]

رد: ممكن تساعدونى

ربنا يكرمك هو موضوع حلو جدا بس انا اخاف احطه وهما مش ملتزمين يكون سبب فى كلام اكتر وولاد وبنات يعلقوا ويبقى اختلاط اكتر ياريت لو فى رد مباشر عن هل يجوز ان البنت والولد يردوا على بعض فى الشات وجزاكم الله خيرا

اسفة على الازعاج معلش سامحونى مفيش حد غيركم ألجا إليه وأساله ربنا يجعله فى ميزان حسناتكم

[احلام انسانة مسلمة]

رد: ممكن تساعدونى

السلام عليكم ورحمة الله وبركاته :a12:
بصى احنا مش هنغيير الكون والاختلاط دا هيبقى موجود مش هنقدر نمنعه (الخير والشر موجودين لليوم الدين )

احنا اللى نقدر نعمله نفكرهم ب ربنا"واهى خطوة هما هيقربو بيها ل طريق ربنا وكل الناس فطرتهم طيبه وبيحبو الدين" وتنزلى موضايع اسلامية وتنزلى الموضوع اللى بعتهووهولك دا بتاع اختطاف البنات فى الدهاليز دا وتكتبى تحتية ارجو اتقاء الله فى ردودكم ومحدش يرد عليا خلاف النهج الاسلامى

وانتى كمان اتقى ربنا ولو خايفه ان دا ممكن يئاثر على قلبك وتضعفى وتبقى زيهم يبقى بلاش احسن هذا والله اعلم

ولو في راى تانى احسن من راى دا خدى بيه "وبرضو انا زيك كدة "

[عيون الجنة]

رد: ممكن تساعدونى

عزيزتى اذا اردت ان تعملى بالدعوة فلابد لك من تحمل هذة المضايقات ولا تلتفتى لها استمرى بنقل المواضيع الاسلامية واختارى منها الرقائق اولا حتى تلين القلوب اختارى مواضيع عن وصف الجنة وما بها من نعيم ووصف النار واحوال حسن الخاتمة للمؤمنين وسوء الخاتمة والعياذ بالله للعاصين وشيئا فشيئا ادخلى على مواضيع العقيدة وبسطى الكلام واجعلى توقيعك يدل على انك فتاة جادة لا ترحبين بالاختلاط ووضحى انك ستتجاهلين اى ردود بها اسفاف
وقبل كل شىء اسالى الله ان يرزقك الاخلاص فى القول والعمل وتاكدى ان ما خرج من القلب وصل الى القلب وان ما خرج من اللسان لايتجاوز الآذان
وفقك الله الى مايحب ويرضى

[banih]

رد: ممكن تساعدونى

جزاكم الله خيرا انا فعلا بحاول احط المواضيع اللى فيها رقائق دى كانت القصة بعنوان اشتقت الى ان اتزوج عامة انا فعلا هحاول اكتب توقيع تحت ان محدش يرد وخاصة الاولاد وجزاكم الله خيرا دى فعلا فكرة حلوة وحل مناسب جدا ربنا يرزقنا الاخلاص

[لؤلؤ ومرجان]

رد: ممكن تساعدونى

السلام عليكم ورحمة الله وبركاته
حياكِ الله أختي الفاضلة

أولا جزاكِ الله خيرا لإرادتك تعميم النفع والدعوة

ثانيا بالنسبة لردود الإخوة على الأخوات والله المستعان
رد الأخ عليكِ سىء جداا والله المستعان

أولا : أخشى عليكِ وعلى ثباتك في هذا المكان
إنتِ ممكن تشتغلي في الدعوة من غير ما تعرضي نفسك للفتن
وبصراحة أنا خايفة عليكِ
ممكن كلمة من ولد يزينها لكِ الشيطان تكون بداية لنهاية مش كويسة
وبكدة إنتِ أمامك خيارين

إما إنك متشاركيش نهائي حتى لا يرد عليكِ ولد ويقع رده في قلبك حفظكِ الله
أو
إنك تضعي الموضوع وتضعي في آخره
عفوا ... يمنع الرد من الرجال
ولا تردي نهااااائي على أي ولد وإن رد أحد تطلبي حذف مشاركته
وتضعي حكم كلام النساء مع الرجال في المنتديات
- طبعا كلام الولاد والبنات والردود على الشاات لا يجووووووز >> انتبهي -
طبعا الحل التاني ده لو انتِ متأكدة إن ان شاء الله لن تصيبك فتنة في هذا المكان
حفظكِ الله وسلمكِ من كل سوء

بوركتِ أختي

[banih]

رد: ممكن تساعدونى



انا فعلا عملت الحل التانى وان شاء الله ربنا يحفظنا من الفتن
وجزاك الله خيرا على خوفك عليا ولكن ان شاء الله ربنا يحفظنى انا دخولى نادر على الموقع ايام الامتحانات بس وفعلا مش برد على اى ولد وكتبت فعلا ان يتقوا الله فى ردودهم ولو فى رد يكون عام على الموضوع ودى اول حاجة تقابلنى كده لكن بجد فعلا ياريت لو تقدرى تساعدينى فى انى اضع لهم فتوى ان الرد لا يجوز لان طبعا المنتدى عامل زى السلطة ربنا يعافينا.
وبجد فعلا ربنا يكرمك يارب ويجازيكى خير وكل اخواتنا فى المنتدى

[الريحانةالمتفائلة]

رد: ممكن تساعدونى

السلام عليكم ورحمة الله وبركاته:

أختي الفاضلة بارك الله في جهودك المباركة ووفقك وحقق لكي آمالك وأحلامك في كل مايحبه الله ويرضاه
مثل ماقالو الاخوات الحبيبات أنتبهي لأن بعض الشباب بيكتبو كلام من غير ما يثمنوه وهم محاسبين عليه وأكتبي لاأستقبل ردور الاْولاد أو خاص في البنات

وربنا يوفقك

أخيتك في الله:الريحانة المتفائلة

[راجية الانس بالله ورضاه]

رد: ممكن تساعدونى

السلام عليكم ورحمة الله وبركاته أخيتى الكريمة

أنا رأيى أختى تبتعدى عن هذا الموقع لأنه يوجد فيه اختلاط

وهذه فتنة لكى أخيتى ولو كنتى تقولين بغير ذلك فانه وهم

فمؤكد أختى أن ردود أى أخ عليكى بهذا الشكل سيؤثر فيكى

ويشغل تفكيرك بعيدا وأنا أخاف عليكى أختى الفاضلة من ذلك

أرجو منكى أن تأخذى بنصيحة أخت تخاف عليكى كثيراا

حفظكى الله أختى من الفتن ومن كل سوء يارب العالمين

[banih]

رد: ممكن تساعدونى

أختى الريحانة المتفائلة

أختى الراجية الأنس بالله ورضاه

بارك الله فيكم وجزاكم خيرا على مساعدتكم ونصائحكم وخوفكم عليا ربنا يجعله فى ميزان حسناتكم