موضوع أحتاج رأى أخواتى فيه!

[التائبه راجيه الفردوس]

السلام عليكم ورحمه الله وبركاته
اخواتى فى الله عايزة رأيكم فى موضوع شاغلنى جدا وهو
كيف انظم يومى بين البيت والاطفال والعباده.
*انا حسه أنى مش عارفه أنظم وقتى جيداّ والحمد لله انا بحاول أقرأ قراّن وتفسير وكتب علم شرعى ولكنى بحس أنى مقصره فى حق الله فأيام أصلى قيام الليل وأحس أنى راضيه عن نفسى وأيام أصلى قيام الليل وأحس أنى مش مركزه وأحس ساعتها بالضيق ولكن نفسى تقول لى معكى العذر فأطفالك صغار وتتعبى معهم طوال اليوم .
*وانا الان حائره فأرجوا من كل أخت تدخل تكتب كيف تقضى يومها وتوازن بين عباده ربها وتربيه أطفالها.
وجزاكم الله كل خير

[nor_islam]

رد: موضوع أحتاج رأى أخواتى فيه!

بارك الله لك الوقت وعائلتك

[احلام انسانة مسلمة]

رد: موضوع أحتاج رأى أخواتى فيه!

السلام عليكم ورحمة الله وبركاته

ممكن حضرتك تاخدى نية وانتى مثلا بتقومى باعمال البيت ان ربنا بيحب النظافه وهى دى عملك وتاخدى فيها نوايا كتيير

وانتى بتربى اولادك انك تربيهم على الاسلام وتنشيئهم تربية اسلامية

كان فى حديث عن النبى فيما معناه واحدة قالت لسيدنا محمد

ان المجاهدين فازوا بالاجر قالها انتم زى الصائم القائم "لو حد يعرف يجبلك الحديث يبقى افضل


وانتى لازم تحافظى على الفروض وخصصى وقت معين اطفالك يكونو نايمين ومش وراكى حاجه "تبقى بينك وبين ربنا" ووانتى بتقومى باعمال البيت ازكرى الله وشغلى قراّن وشغلى دروس علم على القنوات الاسلامية او على الكمبيروتر


ولو على قيام الليل حاولى تدومى علىه حتى لو ركعتين بس يكونو طووال شوى


نفع الله بنا وبيكى واوعى تنسبنى بقى فى الدعا ء :a6:

[خضوعي لله]

رد: موضوع أحتاج رأى أخواتى فيه!

السلام عليكم و رحمة الله و بركاته

أخيتي أسأل الله أن ييسر أمرك و يرفقنا و إياك لما فيه خير لديننا و دنيانا

لعلي لا أستطيع إفادتك كما ينبغي لأنني لست متزوجة و لم أعش الوضع الذي تتحدثين عنه لكن أراه في عائلتي

أنصحك أخيتي باتخاذ جدول أوقات في البيت
اكتبيه و خليه كبيييييييييييييييييييييييييير و اجعليه في مكان واضح
و حددي فيه اوقات شغل البيت أوقات الطبخ اوقات العبادة و اوقات الأولاد
و خلي الأولاد يشاركو فيه

و ربنا يسعدك و ييسر أمرك يا رب

[التائبه راجيه الفردوس]

رد: الى أختى نور أسلام

جزاكى الله كل خير

[التائبه راجيه الفردوس]

رد: الى أختى أحلام أنسانه مسلمه

شفاك الله وعفاكى.(أسأل الله العظيم رب العرش العظيم أن يشفيكى)
وأسأل الله العظيم أن ييسر لكى سبل النجاح.
ولكى منى جزيل الشكر على النقاط التى وضحتيها لى وأنا أرى بأذن الله أنها سوف تساعدنى.

[التائبه راجيه الفردوس]

رد:الى أختى خضوعى لله

بارك الله فيكى وجزاكى الله كل خير
(أسأل الله القادر الرازق أن يرزقك الزوج الصالح الذى يعينك على طاعه ربك)

[احلام انسانة مسلمة]

رد: موضوع أحتاج رأى أخواتى فيه!

واوعى تنسى طاعتك زوجك من طاعه الله

واحاولى ادخال السرور عليه بالتزين واو اى اشياء اخرى وادخلى السرور على اطفالك ايضا
"اللى يدخل السرور على قلب مسلم ليس له جزاء الا الجنة "


وجزاكى الله خيرا على كلامك الجمييل دا

[التائبه راجيه الفردوس]

رد:أحلام أنسانه مسلمه

بجد أنا ساعات بتعصب على أطفالى جداّ لأنى بكون مرهقه جداّ من طول عملى بالمنزل طوال اليوم ومن شقاوتهم بس بجد أن شاء الله من النهارده هحاول أتماسك شويه ومتعصبش عليهم وجزاكى الله خيراّ على تذكيرى

[أم ضحى وحفصة]

رد: موضوع أحتاج رأى أخواتى فيه!

أعانك الله احتسبي عملك كله لله في طاعة زوجك وفي تربية أولادك احتسبي الأجر وحتلاقي إحساس تاني بإذن الله
أنا غير متزوجة فلن استطيع إفادتك : )
وأيضا مشكلتي تنظيم الوقت

[نور الهدي1]

رد: موضوع أحتاج رأى أخواتى فيه!

اختي

اعملي كل شيء بحب اوي من قلبك
هيتعمل صح اوي
وهيخلص بسرعه اوي
واول متصحي من النوم اندري كل اعمالك لوجه الله عز وجل
فممكن تقولي وانتي بتعملي الاكل تقولي انا اعمل هذا لله
فتخذي اجر علي كل من اكل منه سواء كان زوجك او اولادك
او حني قطه
وهكذا


فكده هتخدي حسنات علي كل وجباتك اليوميه ان شاء الله
وفققي الله

[التائبه راجيه الفردوس]

رد: موضوع أحتاج رأى أخواتى فيه!

جزاكم الله خيراّ وبارك فيكم أخواتى فى الله(حياتى فى ألتزامى ؛نور الهدى)

[عيون الجنة]

رد: موضوع أحتاج رأى أخواتى فيه!

أخيتى هذة ليست مشكلتك لوحدك فكثير منا فى نفس الظروف ولكنى اطمئنك انى سمعت كلام لفضيلة الشيخ محمدحسين يعقوب بارك الله فى عمره وعلمه ونفع به (تلاقى الاخت تقول انا كنت باصلى سنن كتير واصوم تطوع كتير واصلى قيام ليل واساعد فى اعمال البر وبعد الزواج معنتش قادرة على حاجة من دى وحاسة ان ايمانى فى نقصان اقول لها لانك قصرت مفهوم العبادة على هذة الاشياء فقط ليه متعمليش كل شغلك بنية وذكر يعنى انتى بتاكليهم زوجك واولادك علشان يتقووا لعبادة الله وبتنضفى بيتك وتجمليه لان الله جميل يحب الجمال وما منعك ان تذكرى الله اثناء اداء واجباتك المنزلية)
وانا عن نفسى اقول لك احتسبى ذلك كله عند الله حتى نومك اجعليه بنية ان يعيد اليك نشاطك لتخدمى اسرتك المسلمة وبالنسبة لاولادك اعملى لهم غرفة يلعبوا فيها طول الوقت ويكركبوها زى ما يحبوا وعلميهم بعد مايخلصوا لعب ينضفوا المكان وانتى معاهم وخدى وقت حفظيهم القرءان واحفظى معاهم اجمعيهم على اذكار الصباح والمساء والادعية الماثورة مثلا الخروج من المنزل والدخول اليه قبل النوم وعند الاستيقاظ وعند ركوب الدابة ودخول الخلاء ولبس الثوب وحاولى ان تجعلى من عاداتك عبادات ولا تنسى ان حسن تبعل المراة لزوجها يعدل الجهاد فى سبيل الله كما ذكر رسولنا ومعلمنا صلوات ربى وسلامه عليه وعلى أله وسلم عندما جاءته وافدة النساء ولولا انى اخشى الاطالة لذكرت لك الحديث كاملا
ربنا هب لنا من ازواجنا وذرياتنا قرة اعين واجعلنا للمتقين اماما
وأخر دعوانا ان الحمد لله رب العالمين

[التائبه راجيه الفردوس]

رد: الى أختى عيون الجنه

جزاك الله خير الجزاء أختى الفاضله عيون الجنه وانتى لم تطيلى الحديث أبداّ بل أنى أستمتعت بكلامك الجميل وأستفدت منه خير الأفاده ولكن لى ملاحظه وهى أنى أبنائى تؤام يبلغوا(3) سنوات وهم أشقياء ويخرجونى عن شعورى دائماّ ولكنى أحاول جاهده أن أمسك أعصابى معهم وهم يتأخروا فى النوم جدا وأجد نفسى وقتى يضيع ولا أستطيع الصلاه ليلا فى هدوء ولكنى والحمد لله أشكر ربى عليهم.

[عيون الجنة]

رد: موضوع أحتاج رأى أخواتى فيه!

ربنا يباركلك فيهم *أختى* ويجعلهم ذرية صالحة
واولادى واولاد المسلمين اللهم آمين
انا عندى خمسة اكبرهم اولى جامعة واصغرهم اولى ابتدائى
لما كانوا صغيرين كنت باخلى كل وقتى ليهم العب معاهم واغنى لهم
واحكى حكايات من تاليفى حسب الموقف والجا لمواقف من حياة الصحابة
والصالحين واخليهم يساعدونى فى شغل البيت واحنا بنلعب
انا عايزة اقولك هم دول كنزك الحقيقى وطاقتهم دى ادعى ربنا يحفظها عليهم ويجعلها فى خدمة الاسلام
وعايزة اقولك اقرءى كتير عن تربية الاولاد او على الاقل اسمعى محاضرات عن طريق الكمبيوتر
واتفرجى معاهم على كارتون اسلامى ولما تلاعبيهم متفرضيش عليهم انت تبقى كذا وانت كذا انزلى انتى لمستواهم وخليهم يختاروا اللعب وطريقة اللعب ومن خلال اللعب قولى كل اللى انت عايزاه حيحبوه ويعملوه وهم مستمتعين بيه
وادعى اللهم هب لنا من ازواجنا وذرياتنا قرة اعين واجعلنا للمتقين اماما دبر كل صلاة
وقولى (يارب ربيهم لى ) بالبلدى ومن قلبك ولما يغلبوكى قوى فعز غيظك اصرخى يارب اهديهم واصلح حالهم
والحاجة اللى بيعملوها وانت متاكدة انهم بيستفذوك فيها تجاهليها تماما حتى يدركوا انها لا تؤثر معك تجديهم من نفسهم يبطلوها
ربنا معاكى ويوفقك لكل خير باذن الله وانا تحت امرك دائما