answerيا أختى فى الله ؟؟؟؟

[دموع غافلة]

في مواقف كتير بنتعرض لها في حياتنا وأكيد كل واحد بيكون له تصرف مختلف عن التاني.
أنا بقى هطرح عليكم بعض مواقف وكل أخت تفصح عن تصرفها فيها.مش عايزاكم تكتبوا اللي المفروض يتعمل عايزة التصرف الواقعي.
1)أخت مش ملتزمة بالحجاب الشرعي وقفتك في أي مكان وقالتلك الترحة مظبوطة؟؟شكلي حلو؟؟هتقولي ايه؟؟
2)قريبتك لقيتك نازله قالتلك هاتيلي معاك كارت شحن,وانت عارفة انها ممكن تكلم شباب,هتعملي ايه؟وتقولي ايه؟؟
3)واحدة وقفتك في مكان انت عرفاه كويس وقالتلك انا اول مرة آجي هنا وعايزة اروح الحتة الفولانية جوة المكان دة,تصرفك؟؟
4)شخص من غير المحارم مدلك ايده للسلام وهو في سن والدك,تصرفك؟؟وردك؟؟
5)احدى قريباتك من الدرجة الاولى نازلة معاك الشارع بحجاب غير شرعي,التصرف؟؟والرد؟؟
6)ولد عمره 10سنوات فما فوق هتتحجبي(هتنتقبي) قدامه ولا لأ؟؟
7)واحدة عمالة تقول نكت قدامك هتضحكي ولا هتعملي ايه؟؟
8)امك طلبت منك طلب اول ما الاذان اذن ومصرة تعمليه,هتتصرفي ازاي؟؟؟
9)ركبتي تاكسي وكان مشغل اغاني,كيف تتصرفي؟؟؟
10)زميلتك لابسة حجاب الموضة وطلبت منك تمشي معاك,ردك ايه؟؟؟
11)تقدم لك شخص ظاهره الالتزام وانت عايزة تعرفي هل هو ملتزم ام لا, ايش التصرف؟؟؟
12)وانت قاعدة احد اهل بيتك شغل اغاني او منكر عالتلفاز ,كيف تتصرفي؟؟
معلش طولت عليكم بس حبيت نستفيد من سلوكيات بعض. والسلام عليكم ورحمة الله وبركاته
جزانا الله وإياكم الجنة.

[الذليلة لله وحده]

رد: answerيا جميل؟؟؟؟

بصراحة انا واحدة ناس بخاف من ردود الناس لان فيه ناس كتير بتحرج خاصة السواقين عليهم ردود فعل مستفزة اما بالنسبة للعريس بقى ده حكاية ماحدش يفهمها الا من المواقف اللى يتحط فيها وكمان ربنا اللى يعلم بيه.

بالنسة للسلام ماحدش بيمد ايده يسلم غير القراييب ودى مشكلة كبيرة وربنا يهديهم.

الحمد لله كل اللى فى البيت مش بيسمعوا اغانى وربنا يهدى اخويا.

زميلتى امشى معاها واصاحبها وانصحها واحدة واحدة بالنسبة لامى انا باقولها انها تقوم هى كمان تصلى .

[دموع غافلة]

رد: answerيا جميل؟؟؟؟

جزاك الله خيرا أختي الذليلة لله وحده:
مشكورة على الاهتمام والرد.بوركت.
أصلح الله احوالنا جميعا.
في أسئلة لم تتم الاجابة عليها,يا ترى ليه؟؟؟؟

[دموع غافلة]

رد: answerيا جميل؟؟؟؟

ايه يا اخوات محدش منكم بيواجه المواقف ديه ابدا؟؟؟

طاب حتى توقعوا او تخيلوا وشوفوا هتتصرفوا وتردوا ازاي.
جزيتن الجنة.آمين

[مخلصة لرب العالمين]

رد: answerيا جميل؟؟؟؟

بسم الله الرحمن الرحيم



وبه نستعين وعليه نتوكل



جزاكِ الله خيرا



مواقف فعلا واقعية



وبناء على طلبك أنا حقولك تصرفى الشخصى فى مثل هذه المواقف

1)أخت مش ملتزمة بالحجاب الشرعي وقفتك في أي مكان وقالتلك الترحة مظبوطة؟؟شكلي حلو؟؟هتقولي ايه؟؟

ممكن أنصحها

2)قريبتك لقيتك نازله قالتلك هاتيلي معاك كارت شحن,وانت عارفة انها ممكن تكلم شباب,هتعملي ايه؟وتقولي ايه؟؟

حقولها انتى عارفة انى بتكسف أدخل سنترال لأنه ملئ بالشباب والحمد لله ان بابا هو اللى بيشتريلى

3)واحدة وقفتك في مكان انت عرفاه كويس وقالتلك انا اول مرة آجي هنا وعايزة اروح الحتة الفولانية جوة المكان دة,تصرفك؟؟

لو مكنتش عرفاها حوصف لها الطريق الذى يؤدى الى هذا المكان ولو أعرفها أروح معاها بنفسى

4)شخص من غير المحارم مدلك ايده للسلام وهو في سن والدك,تصرفك؟؟وردك؟؟

طبعا انتى مش عايزة كلام مرسل وأقولك لا طبعا لايجوز ولكن أنا شخصيا بفضل عدم الظهور على الرجال الأجانب وبزعل لما حد يقول :"زميل بابا كان عندنا امبارح وكنا قاعدين كلنا"معلش فى النقطة دى أنا عايزة أقول المفروض

أخواتى الفاضلات لما يجى حد غريب البيت (زميل بابا _زميل أخوك((مع ان الأصح أن أخوك ميدخلش اصحابه البيت عشان أمه وأخته يأخدوا راحتهم وميتحبسوش فى الغرفة))المهندس_الكهربائى_أى حد غريب.. يا ريت تدخلى غرفتك تقعدى فيها لحد ميمشوا
. معلش أرجع تانى للإجابة على سؤالك أختى لو مثلا بابا قابل زميلة فى الشارع وكنا كلنا مع بابا فى الموقف ده .. ممكن أنا وماما نرجع شويه ..نبعد شويه قصدى قبل ميوجه أى كلام أو أى سلام وبابا وأخويا هما اللى يتكلموا معاه.. وطبعا الرجل الغريب يتكسف يسأل هما ليه الجماعة (أنا وماما يعنى )واقفين بعيد ؟؟؟

)احدى قريباتك من الدرجة الاولى نازلة معاك الشارع بحجاب غير شرعي,التصرف؟؟والرد؟؟

أحاول أجيبهالها بطريقة لطيفة

6)ولد عمره 10سنوات فما فوق هتتحجبي(هتنتقبي) قدامه ولا لأ؟؟

أيوه أتحجب قدامة لأن الله أعلم ان الولد فى السن ده خلاص مبقاش صغير.

7)واحدة عمالة تقول نكت قدامك هتضحكي ولا هتعملي ايه؟؟

لو كانت النكته مفهاش سخريه من حد ولا تسئ للدين أبتسم عشان محرجهاش ..أما لو كانت غير كدة فطبعا لازم أنصحها

8)امك طلبت منك طلب اول ما الاذان اذن ومصرة تعمليه,هتتصرفي ازاي؟؟؟

الحمد لله ..لما الآذان بيأذن ماما مش بتطلب منى حاجة ..ولو طلبت حقولها بعد اذنك خليها لما نصلى

9)ركبتي تاكسي وكان مشغل اغاني,كيف تتصرفي؟؟؟

مش حقدر أنصحه لأنه رجل ..ولكن أكتفى بانكار المنكر بقلبى

10)زميلتك لابسة حجاب الموضة وطلبت منك تمشي معاك,ردك ايه؟؟؟

عادى مش ححرجها وأحاول أنصحها بأسلوب حلو..

11)تقدم لك شخص ظاهره الالتزام وانت عايزة تعرفي هل هو ملتزم ام لا, ايش التصرف؟؟؟

أخلى بابا وأخويا يقعدوا معاه كذا مره إن شاء الله

12)وانت قاعدة احد اهل بيتك شغل اغاني او منكر عالتلفاز ,كيف تتصرفي؟؟

أنصح بذوق ..أو أخرج من الغرفة اللى فيها أغانى

[مسلمه لله 3]

رد: answerيا جميل؟؟؟؟

في مواقف كتير بنتعرض لها في حياتنا وأكيد كل واحد بيكون له تصرف مختلف عن التاني.
أنا بقى هطرح عليكم بعض مواقف وكل أخت تفصح عن تصرفها فيها.مش عايزاكم تكتبوا اللي المفروض يتعمل عايزة التصرف الواقعي.
1)أخت مش ملتزمة بالحجاب الشرعي وقفتك في أي مكان وقالتلك الترحة مظبوطة؟؟شكلي حلو؟؟هتقولي ايه؟؟
هقولها ماشائ الله هتكونى زى القمر لو طولتى الحجاب عن كدا وهبتسملها
2)قريبتك لقيتك نازله قالتلك هاتيلي معاك كارت شحن,وانت عارفة انها ممكن تكلم شباب,هتعملي ايه؟وتقولي ايه؟؟
مش هتكسف منها لانها قريبتى ولازم انصحها هاقولها لو هتكلامى فلان الفلانى مش هاجيب لانه مينفعش
3)واحدة وقفتك في مكان انت عرفاه كويس وقالتلك انا اول مرة آجي هنا وعايزة اروح الحتة الفولانية جوة المكان دة,تصرفك؟؟
هفوصفهلها وصف دقيق
4)شخص من غير المحارم مدلك ايده للسلام وهو في سن والدك,تصرفك؟؟وردك؟؟
مش همد ايدي اسلم وهاغير الموضوع ونطاق الحوار ( زى مثلا بجد انا مبسوطه جدا ان حضرتك شرفتنا انهردة ) او اى حاجه
5)احدى قريباتك من الدرجة الاولى نازلة معاك الشارع بحجاب غير شرعي,التصرف؟؟والرد؟؟
هنزل معاها وهبدا معاها حوار واحنا ماشيين عن الزى واعرف وجهه نظرها ونبدا نتحاور واقنعها
6)ولد عمره 10سنوات فما فوق هتتحجبي(هتنتقبي) قدامه ولا لأ؟؟
بيتهيالى 10 سنين دة لسه فى ابتدائى مايكونش بلغ انا هتجحب قدام الصبى الى بلغ انما بيتهيالى 10 سنسن دة يكون فى 4 ابتدائى لسه مش بلغ
7)واحدة عمالة تقول نكت قدامك هتضحكي ولا هتعملي ايه؟؟
لو احنا بنات لوحدنا واصحاب اه هضحك انما لو فى الشارع او فى مكان عام لا مش هضحك هبتسم بس :)

8)امك طلبت منك طلب اول ما الاذان اذن ومصرة تعمليه,هتتصرفي ازاي؟؟؟
هقولها بعد اذنك يا امى هصلى الاول وهى اكيد مش هتمانع
9)ركبتي تاكسي وكان مشغل اغاني,كيف تتصرفي؟؟؟
مش هتكلم علشان مادخلش معاه فى حوار لو بامكانى انى انزل هنزل لو متاخرة مش هقدر انزل هسكت واشغل نفسى بذكر ربنا

10)زميلتك لابسة حجاب الموضة وطلبت منك تمشي معاك,ردك ايه؟؟؟
مش عارفه بصراحه بس غالبا همشى معاها واحنا ماشين هتكلم معاها عن الزى الشرعى وكدا بس فلو مششىى معاها هيكتر الكلام عنى هتقى الشبهات واقولها متاسفه مش هقدر
11)تقدم لك شخص ظاهره الالتزام وانت عايزة تعرفي هل هو ملتزم ام لا, ايش التصرف؟؟؟
لا مش هوافق لان انا حلمى ان الاقى شخص يكون ملتزم جدا ونكون اسرة مسلمه
12)وانت قاعدة احد اهل بيتك شغل اغاني او منكر عالتلفاز ,كيف تتصرفي؟؟
هقولهم اقفلوا الاغانى واو حولوا وهاحاول لو مش رضوا هحاول ابعد عن المكان دة

color][/size][/color][/size]

جزاكى الله خيرا
اسئله ومواقف واقعه
جزاكى الله خيرا

[مسلمه لله 3]

رد: answerيا جميل؟؟؟؟

انا فهمت سؤال 11 غلط:)
الاجابه: هنسال عليه كويس وهصلى استخارة وبابا له راي اكيد هاخد براى باباب

[الذليلة لله وحده]

رد: answerيا جميل؟؟؟؟

بالنسبة للولد من عشر سنين وطالع المفروض انى اتحجب قدامه حجاب كاااااامل.

بالنسبة لقريبتى اللى عاوزانى اشترى لها كارت شحن هحاول اهرب منها ولو معرفتش احاول انصحها.

بالنسبة للى عمالة تقول نكت لو معروف عنها كده ابعد اما احس انها هتبدا فى النكت دى بلطافة.

3)واحدة وقفتك في مكان انت عرفاه كويس وقالتلك انا اول مرة آجي هنا وعايزة اروح الحتة الفولانية جوة المكان دة,تصرفك؟؟

السؤال ده بصراحة مش فاهماه

[الذليلة لله وحده]

رد: answerيا جميل؟؟؟؟

اسفة الرابط اتحط غلط.

انا قصدى ع السؤال لو واحدة قابلتنى وسالتنى عن مكان هى اول مرة تيجى فيه

[اللؤلؤةالمكنونة]

رد: answerيا جميل؟؟؟؟

في مواقف كتير بنتعرض لها في حياتنا وأكيد كل واحد بيكون له تصرف مختلف عن التاني.
أنا بقى هطرح عليكم بعض مواقف وكل أخت تفصح عن تصرفها فيها.مش عايزاكم تكتبوا اللي المفروض يتعمل عايزة التصرف الواقعي.
1)أخت مش ملتزمة بالحجاب الشرعي وقفتك في أي مكان وقالتلك الترحة مظبوطة؟؟شكلي حلو؟؟هتقولي ايه؟؟
والله يا أختى هو الموقف محصلش معايا لكن أنا فى الطبيعى بتاعى بما ان أصحابى القدامى قبل الالتزام ومازالوا أصحابى بعد الالتزام فبقول الأول موقفى ورأيى من عدم قبولى لهذه الملابس

وبعدين أقول ان الشكل مقبول

أما ان كان حد مش يعرفنى وقابلنى فأعتقد انه مش هيحصل أصلا لأنها أكيد هتستحى انها تسأل واحدة منتقبة بالحجاب الصح لأنها أكيد عارفة ان المنتقبة دى مش متفقة مع لبسها اللى لابساه فبتسأل حد من نفس شكلها،أما لو حصل فأعتقد انى هجاوبها على طول لكن مع توجيه بأسلوب طيب(وأعتقد ان ده رد فعل سلبى) ولكنى أقول الواقع الذى ربما يصدر منى

2)قريبتك لقيتك نازله قالتلك هاتيلي معاك كارت شحن,وانت عارفة انها ممكن تكلم شباب,هتعملي ايه؟وتقولي ايه؟؟

لأ لو أنا عارفة انها هتكلم شاب ،هتهرب بأى طريقة وإن معرفتش اتهرب ،هقولها بكل صراحة وتعاونوا على البر والتقوى ولا تعاونوا على الإثم والعدوان..وفيه موقف مشابه لده(بس واحده صاحبتى كنت ماسكه ليها المرآة وكانت هتظبط المكياج ، فعطيتها ليها تانى وقلتلها مش هقددر أمسكها وقال الله تعالى وتعاونوا على البر والتقوى ولا تعاونوا على الإثم والعدوان ، وسبحان الله العظيم واحدة صاحبتنا تانيه وهى بتاخدها منى قامت المراية واقعه مكسورة (وكأنها هى الأخرى لا تريد أن تشارك فى مثل هذا الأمر) ولله الأمر من قبل ومن بعد

3)واحدة وقفتك في مكان انت عرفاه كويس وقالتلك انا اول مرة آجي هنا وعايزة اروح الحتة الفولانية جوة المكان دة,تصرفك؟؟

أنا بصراحة مش فاهمة قصدك ايه ، هو السؤال عادى جدا ،لو مكان عارفاه أكيد هوصلها، (هل فى قصد تانى؟؟؟)

4)شخص من غير المحارم مدلك ايده للسلام وهو في سن والدك,تصرفك؟؟وردك؟؟

ياااااااه سؤال جاى ع الجرح اللى بينزف أختى والله ، انا طبعا لعدم المشاكل على طول بمد ايدى ، لكن فيه نقطة : انهم بيعرفوا بعد كده انى مش بسلم على حد ، بدليل ان انا اللى لما بدخل عليهم فبألقى السلام بس

لكن رغم كده ان الموقف بيتكرر لما هما اللى بيكونوا داخلين (للأسف الوضع عندنا لا يسمح بقبول الأمر بسهولة

5)احدى قريباتك من الدرجة الاولى نازلة معاك الشارع بحجاب غير شرعي,التصرف؟؟والرد؟؟
يا الله ، ماذا أقول أختى؟؟ يؤسفنى أن أقول لكِ أن كل قريباتى من الدرجة الأولى إلى جانب أصحابى كلهم حجاب غير شرعى ،(ماعدا أصحابى بعد الالتزام وهم لا أقابلهم وليسوا معى من بلدى)
أما تصرفى فهو بكل بساطة انى بخرج عادى،مع علمهم بعدم قبولى وانكارى لهذه الملابس
-أعلم انه تصرفا يُعَد سلبيا ولكنى لا أريد أن يأخذ أحد فكرة سيئة عن الالتزام بأنه تشدد وانطواء (كما هم بالفعل يعتبروننى الى حد ما كذلك )
فالأمر بكل بساطة أننى أريد أن أحببهم فيما أنا فيه

وبما أن المجتمع حولى كله كذلك فلا أجد سوى الإختلاط والنصح فى الأوقات المناسبة

6)ولد عمره 10سنوات فما فوق هتتحجبي(هتنتقبي) قدامه ولا لأ؟؟

طبعا فى الزمن اللى احنا فيه ده لازم تنتقبى ، أما لو رجعتى للسنين اللى فاتت فأعتقد انه ممكن من غير نقاب

7)واحدة عمالة تقول نكت قدامك هتضحكي ولا هتعملي ايه؟؟
فى أول نكته هضحك وبعد كده هقولها انها حرام وانها كذب ، وان قالت تانى مش هضحك طبعا ان شاء الله، طبعا لما هتلاقينى مش بضحك هتتكسف وتسكت
8)امك طلبت منك طلب اول ما الاذان اذن ومصرة تعمليه,هتتصرفي ازاي؟؟؟
أمى الحمد لله مش بتطلب حاجة أثناء الصلاة لأنها الحمد لله عارفة اننا لازم نصلى الأول ،فمش بنبتدى فى عمل شىء إذا سمعنا الأذان، أما إذا كان عمل بشتغل فيه من قبل الصلاة وحضرت الصلاة وإذا تركته يفسد فبالطبع أنهى العمل أولا ثم أذهب للصلاة
9)ركبتي تاكسي وكان مشغل اغاني,كيف تتصرفي؟؟؟

ممكن لو معلى الصوت بنقوله دماغنا مصدع لوسمحت ويقوم قافله ، وان كان الصوت هادى الحقيقة مش بنقدر نقول حاجة ،بقول بس فى حالة لو معايا شريط أديهوله عشان يشغله

10)زميلتك لابسة حجاب الموضة وطلبت منك تمشي معاك,ردك ايه؟؟؟
سبقت الإجابة فى السؤال السابق بتاع القريبات

11)تقدم لك شخص ظاهره الالتزام وانت عايزة تعرفي هل هو ملتزم ام لا, ايش التصرف؟؟؟

دا بقى الله أعلم ،ممكن بمواقف كتير ، أو ممكن بكل صراحة فى الرؤية الشرعية نسأل أسئلة معينةفى الدين،مع أسئلة لمواقف صعبة فى الحياة بيكون فيها حيرة بين إرضاء الله وإرضاء الناس،على حسب رؤيتك انتى فى ان الأسئلة دى اللى توضحلك فعلا هل الشخص ملتزم ولا لا فإن جاوبها يبقى فعلا ، ولو غير كده يبقى مش ملتزم(ده تفكيرى )

12)وانت قاعدة احد اهل بيتك شغل اغاني او منكر عالتلفاز ,كيف تتصرفي؟؟
هو بفضل الله بعد التزامى يستحيى أهل بيتى فى أن يسمعوا شيئا من ذلك ولله الفضل والمنة12
معلش طولت عليكم بس حبيت نستفيد من سلوكيات بعض.
لا عليكِ أختنا ، أنا فعلا جاوبت نصه امبارح وكملت الباقى النهاردة ،موضوع طيب وموفق بإذن الله وأنا أيضا أريد أن أتعلم
والسلام عليكم ورحمة الله وبركاته
وعليكم السلام ورحمة الله وبركاته

جزانا الله وإياكم الجنة.
اللهم آمييييين ياااارب

[دموع غافلة]

رد: answerيا جميل؟؟؟؟


جزاكن الله خيرا.وبارك الله فيكن على الاهتمام.
أختي الذليلة لله وحده:اقصد لو مثلا في جامعتك أو مدرستك أو مكان عملك وأنت موراكيش شغل وحصل الموقف دة معاك,ايه هو تصرفك؟؟؟
أختي مخلصة لربالعالمين:بوركت,وجزاك الله مثله والجنة.
أختي مسلمة لله:جزيت خيرا أخيتي وبارك الله فيك.والله أعلم الطفل ذي 10 سنوات في الوقت الحالي دماغه مش طفولية صدقيني عن تجربة وبيميز.

[زهور علي الدرب]

رد: answerيا جميل؟؟؟؟

طيب انا هجاوب بس بصراحة ومش عاوزة نقد لان في اجابات مش هتعجبكم
اولا لو واحدة قالتلي الطرحة حلوة ولا لا لو حلوة هقول حلوة لو بايظها هقولها اضبطيها لكن كون الطرحة حجاب اسلامي ولا لا صراحة انا مش هقولها لان كل واحدة خارجة من بيتها وعارفة كويس هي بترضي ربنا في اللبس ده ولا لا وكمان الطريق مش هيتسع ان انصحها
لو واحدة قالتلي هاتي كارت شحن وانا عارفه انها هتكلم شاب هرفض بس فيه اشياء صعب تنفذيها مثلا انا ابن اخويا عاوز يجيب روتر وانا عارفة انه بيستخدمه غلط كنت هشتريله الروتر وبعدين فكرت ورفضت
واحدة بتقول نكت طبعا هضحك همسك نفسي ازاي يعني
الاسئلة جميلة والموضوع جميل
لكن لما والدتي زعلت اضطريت اشتريه مش عارفة انتي ممكن تتصرفي ازاي
السلام علي رجل غريب هحكيلك موقف مرة واحد في المدرسة مد ايده يسلم عليا رفضت بس بصراحة
ندمت بعدها لان احرجته قدام زمايله لو اتكرر الموقف مش هعمل كده رغم اني عارفه انه حرام ورغم اني اصلا مبسلمش
لكن فيه ناس بتعتقد ان ده تكبر دلوقت بحاول اتجنب السلام البس خمار طويل واسلم بيه لو اتفرض عليا الموقف
امي دايما بتطلب مني اقفل الشبابيك قبل مصلي العشا في الجامع برفض واقولها بعد مرجع من الصلاة

["بنت الإسلام"]

رد: answerيا أختى فى الله ؟؟؟؟

وعليكم السلام ورحمة الله وبركاته
----------
جزاكِ الله خيراً أخيتى الفاضلة على هذه الأسئلة الطيبة
ولى عودة -إن شاء الله- للإجابة
اعتذر لكِ أخيتى على تغير اسم الموضوع ، ولكن القسم متاح للإخوة
ننتظر مزيد من موضوعاتك وإبداعاتك ومشاركاتكِ الطيبة
- إن شاء الله-
بوركتِ
----------------------------
هل صليت على حبيبك اليوم؟!>> اللهم صل على محمد وعلى آل محمد كما صليت على إبراهيم و على آل إبراهيم .. اللهم بارك على محمد و على آل محمد كما باركت على إبراهيم و على آل إبراهيم في العالمين إنك حميد مجيد

[دموع غافلة]

رد: answerيا أختى فى الله ؟؟؟؟


أخواتي الفضليات بارك الله فيكن.أنا بجد حاسة إني بستفيد من إجاباتكم أوي.
أختي اللؤللؤة المكنونة:بارك الله فيك وجزاك خيرا موقفك في كارت الشحن جميل,ربنا يكرمك,هقولك حاجة بالنسبة للسلام باليد أنا قبل ما انتقب(بفضل الله) وجيت ابتدي ما اسلم على الرجال كنت مبعرفش ارد حد ولو سلمت اتضايق جدا ,حصلت لي مواقف اللي قدامي مد ايده وانا كنت خلاص همد ايدي بس سبحان الله أمي قالتله هي مبتسلمش فرجع ايده مكانها.وصاحبتي مرة واحد كبير في السن مد ايده لها حطت ايدها ورا ضهرها وقالت له مبسلمش زعلوا منها شوية بس رجعوا تاني عادي .بصي صدقيني الناس هتزعل منك في البدايه ومنهم ممكن والدك ووالدتك بس شوية شوية هيتعودوا على كدة ومن نفسهم هيقولوا لؤلؤة مبتسلمش.ادعي ربنا ييسرلك وهو السميع المجيب القريب.

أختي رحيق :على فكرة إحنا موجودين هنا علشان نساعد بعض عالطاعة وننصح بعض مش عشان ننتقد بعض بارك الله فيك.أنا مش عارفة يعني ايه روتر وبيستخدم غلط؟؟!! وعلى فكرة مش عايزاكي تندمي على حاجة عملتيها ترضي ربنا.قال رسول الله(صلى الله عليه وسلم)فيما معناه:"من ارضى الله في سخط الناس رضي الله عنه وارضى عنه من اسخطه في رضاه,ومن اسخط الله في رضى الناس سخط الله عليه واسخط عليه من ارضاه في سخطه."
أختي بنت الإسلام :جزاك الله خيرا أنا مش زعلانة وانا اللي متأسفة مأخدتش بالي من الكلمة,وإن شاء الله في انتظارك للمشاركة.
أخواتي الله يجزيكن خير ويفرج كرباتكن وييسر أموركن ويقضي الدين عنكن ويهدي لي ولكن الأسرة ويهدينا ويهد بنا ويجعلنا سببا لمن اهتدي.دعواتكن لي بالهداية والثبات والتفوق في الدراسة الامتحانات قربت.

[ذات الخمار]

رد: answerيا أختى فى الله ؟؟؟؟

وعليكم السلام ورحمة الله وبركاته
اهلا بكى أخيتى جزاكى الله خيرا على كلامك الطيب بوركتى وبورك خطاكى

1)أخت مش ملتزمة بالحجاب الشرعي وقفتك في أي مكان وقالتلك الترحة مظبوطة؟؟شكلي حلو؟؟هتقولي ايه؟؟
الموقف ده بيحصلى كتير أحيانا بقول للاخت انها مظبوطة وأحيانا بقولها على حالة الطرحة وبعدين هكلمها عن الحجاب الشرعى وياحظها لو كان معايا كتاب او مطوية بس ده بيختلف على حسب الاخت اللى أنا بكلمها مش بقدر أنصح اى أخت مقصرة
2)قريبتك لقيتك نازله قالتلك هاتيلي معاك كارت شحن,وانت عارفة انها ممكن تكلم شباب,هتعملي ايه؟وتقولي ايه؟؟
الصراحة هتهرب منها مع ان مجربتش حاجة زى دى بس حاسة ان ده اللى هاعمله
3)واحدة وقفتك في مكان انت عرفاه كويس وقالتلك انا اول مرة آجي هنا وعايزة اروح الحتة الفولانية جوة المكان دة,تصرفك؟؟

الصراحة بشرح لها المكان ولو حسيت انها مفهمتش شرحى بروح اوصلها للمكان وهو ده اللى بيحصل فى معظم الاحيان
4)شخص من غير المحارم مدلك ايده للسلام وهو في سن والدك,تصرفك؟؟وردك؟؟
عموماالكبار من قبل ما ارتدى النقاب ماكنتش بسلم عليهم ولكن الصغار اللى بلغوا من الاقارب كاولاد العمة والخالة فلا افعل فالموقف ده حصلى انى ابن عمتى قدم ايده علشان يسلم فقلت له ماينفعش
فالصراحة كان موقف محرج بس دلوقتى بسلم عليه بالكلام
5)احدى قريباتك من الدرجة الاولى نازلة معاك الشارع بحجاب غير شرعي,التصرف؟؟والرد؟؟
ده برده بيحصل معاياوبكلمها عن الحجاب اصلا قبل ما انزل بس بيكونوا مصصمين على لبسهم واحينا بهديهم كتب واسطوانات ربنا يهدينا ويهديهم
6)ولد عمره 10سنوات فما فوق هتتحجبي(هتنتقبي) قدامه ولا لأ؟؟
الصراحة لو كان طفل قريب من العائلة فصعب عليه شوية بس لو هو غريب بتحجب او اتنقب
7)واحدة عمالة تقول نكت قدامك هتضحكي ولا هتعملي ايه؟؟
ابتسم واحيانا اضحك فقلما تجدين نكتا مضحكة بس قلت حكاية النكت دلوقتى علشان الفتاوى اللى بتتحدث عن عدم جوازها
8)امك طلبت منك طلب اول ما الاذان اذن ومصرة تعمليه,هتتصرفي ازاي؟؟؟
لو كان هيضيع من وقت الصلاة هقولها اصلى الاول ولو كان عمل بسيط مش هياخد وقت هاعمله
9)ركبتي تاكسي وكان مشغل اغاني,كيف تتصرفي؟؟؟
ده بقه كتير وبقت حاجة مقرفة ومستفزة بس غصب عنى بكون مضطرة انى ماتكلمش لانى عارفة ان بعض السواقين متفرقش معاهم اللى بيتكلم ده ولد او بنت وممكن يجرحنى بالكلام
10)زميلتك لابسة حجاب الموضة وطلبت منك تمشي معاك,ردك ايه؟؟؟
بمشى معاها واكلمها عن الحجاب وطبعا مهريين كتيبات ومطويات والادهى انهم عارفين ومتأكدين ان ده مش حجاب أصلا ومنهم من تتمنى والدتها ان ترتدى النقاب وسبحان الله يرفضن
11)تقدم لك شخص ظاهره الالتزام وانت عايزة تعرفي هل هو ملتزم ام لا, ايش التصرف؟؟؟
صعبة دى بس اعتقد مع الايام بنعرف ومن تصرفاته وده حصل لكتير من صديقاتى يكتشفن الحقيقة من تعاملاته وتصرفاته
12)وانت قاعدة احد اهل بيتك شغل اغاني او منكر عالتلفاز ,كيف تتصرفي؟؟

أحيانا بكلمهم انهم يقفلوا التلفاز او يغيروا المحطة وبيستجيبوا واحيانا لا فاترك المكان واذهب لغرفتى او اجلس على الكمبيوتر

معلش طولت عليكم بس حبيت نستفيد من سلوكيات بعض. والسلام عليكم ورحمة الله وبركاته
وعليكم سلام الله ورحمته وبركاته

جزانا الله وإياكم الجنة.

واياكى اخيتى