معلمات القران

[ايمان رحمة]

السلام عليكم



انا معلمة قران للاطفال

يعنى من سن حضانة حتى 6 ابتدائى

لكن انا مش حازمة خالص

بالله عليكم لو حد عنده افكار فى

كيفية التعامل معهم بحيث اكون

حازمة ومتجددة فى نفس الوقت

ايه طرق العقاب غير الضرب

لا تبخلو على بالله عليكم

[دموع غافلة]

رد: معلمات القران

أختي الكريمة:
أولا:قربي منهم وخليهم يحبوكي ودة طبعا بالكلمة الطيبة والهدايا حتى لو كانت الهدية ملبسة,وكمان لما حد منهم يجتهد ويحفظ اشكري فيه قدام أصحابه وأحيي بينهم روح التنافس الشريف,وكمان حببيهم في ربنا بقصص تناسب سنهم.كدة أنت خلاص ربطيهم بحب ربنا وبحبك.

ثانيا:لو حد فيهم قصر أواتدلع عليكي قوليله ربنا مش هيحبك وأنت كسلان كدة ومش بتحفظ.لو مااستجبش هدديه أنك هتخاصميه وحاولي تغيري معاملتك شوية معاه عشان يحس وإن شاء الله هيرجع عن غلطه.وكمان لما يشوفوكي مع المجتهد بتجازيه بالثناء والحلويات أوأي حاجة هم بيحبوها هيغير(غيرة محمودة طبعا)ويجتهد.
أسأل المولى عز وجل أن يعينك ويهديهم لك ويتقبل منك.
وباقي الأخوات يفدنك إن شاء الله.

[عاشقة الجنةس.س]

رد: معلمات القران

1عليكى بالدعاء ,الهم اعنى على تعليم اطفال المسلمين بالرفق واللين
2حب الاطفال
3اللعب معه
كل هذا يجعل الطفل يتقبل منكى ان شاء الله

["بنت الإسلام"]

رد: معلمات القران

السلام عليكم



انا معلمة قران للاطفال

يعنى من سن حضانة حتى 6 ابتدائى

لكن انا مش حازمة خالص

بالله عليكم لو حد عنده افكار فى

كيفية التعامل معهم بحيث اكون

حازمة ومتجددة فى نفس الوقت

ايه طرق العقاب غير الضرب

لا تبخلو على بالله عليكم

وعليكم السلام ورحمة الله وبركاااااته
-------------
هلا بكِ بيننا أخيتى ، سعدنا بانضمامك لنا
كل عام أنتِ بخير حال ومن الله أقــــــرب
بالنسبة لسؤالكِ أخيتى
1- عليكِ بتجديد النية بإستمرار واحتساب الأجر من الله.
2- الأستعانة بالله والدعاء .
3-أخيتى ما أجمل الرفق واللين ولكن أيضاً لا بد أن يروا أنكِ تغضبين
وخليهم يحبوكِ هيخافوا أووى إنهم يزعلوكِ
وجميل روح التنافس واللى يغلط يتحرم من حاجة بيحبها
ربنا يعينك ويرزقكِ الإخلاص والقبول
جزاكِ الله خيراً
بوركتِ

[أم_الشهيد]

رد: معلمات القران

السلام عليكم ورحمه الله وبركاته
اولا احمدى الله ان اكرمك بهذا المكانممكن تكسبكى من وراه حسنات كتير جدا

وثانيا انا ممكن اقولك على برنامج عملى تعمليه مع الاطفال

ابدئى التحفيظ بمقرءه

يعنى يقرؤا جماعة مع بعض كل الى اخدوه
ولو كانوا اخدوا كتير يقرؤا جز منه
وتكملى الباقى على ايام

دا يكون شىء ثابت يوميا لا توقفيه
بفضل الله دا بركز عندهم الحفظ جداااااا

ثانيا انت اكيد هتلاقى الولد المؤدب والولد الغير مؤدب
حاولى تعتمدى اكتر على المؤدب يعنى: انت لما تعملى المقرءه هتلاقى المؤدب بيقرء والمشاغب مش راضى
اضحكى للمؤدب
كفأيه بهديه
وان كل الاطفال يصقفوا ليه
كده الطفل المشاغب هيغير
دا غير انه كده كده هيحفظ من تكرار السمع
انت لما تقولى ايه كرريها لما تلاقى لسانهم قدر ينطقها قوليلهم يلا قولوها 10 مرات
وسمعيها ليهم بعد كده او لبعضهم
فى تانى ايه هاتى القديم مع الجديد علشان يثبت ويتحفظ تسلسلى
ملحوظه:للعلم نسبه كبير من الاهل بيطنشوا ومبيحفظوش عيالهم
ارسمى ليهم على السبوره ورده واكتبكى اسماء المتميزين فيها والى هجيبى ليه هديه المرة القادمة
اعملى ليهم كل نهايه اسبوع حفل بعد التحفيظ
فى الحفل اقرئى ليهم قصة دينيه من قصص القران
غنى ليهم اغانى دينيه للاطفال
خليهم يلعبوا مع بعض لعبه مثلا الكراسى المتحركة
اديهم حلويات لو متوفر

لو تعبوكى خلال الاسبوع هدديهم انك هتلغى الحفل

ولا تنسى تجديد النيه
حاولى دايما تحسنى من تجويدك دا مهم جدا
استعينى بالله وادعى كتير

ومتخفيش مع الوقت هما هيتغيروا بس حاولى تصحبيهم وتتكلمى معاهم عن حياتهم العاديه علشان يحبوكى ويقربوا ليكى
وهتشوفى انهم بيجوا يحكوا ليكى عن مشاكلهم
وهيكونى مؤدبين
ودايما فيه فى الاطفال الشاطر والخايب فصبرى