خلاص مش قادرة استحمل ساعدوووووووووونى

[طفلة الامس]

السلام عليكم ورحمه الله وبركاته
انا عندى مشكلة تعبانى اوى بجد انا اولا كنت بحب صحابى اوى وكنت اى حاجة بيطلبوها بعملها وحتى لو عملوا حاجة تزعلنى مكنتش ببين لهم وكل دة والله من غير مقابل لحد السنة اللى فاتت اكتشفت ان اتنين من صحابى مبيحبوليش الخير ودة بان من مواقف ليهم معايا واحدة منهم ادتنى معلومات غلط كانت هتضرنى فى امتحان فى الدرس والتانية بتفرح فيا لما بتحصلى حاجة وحشة وانا من ساعة الموقفين دول وانا تعبانة نفسيا مع انهم لحد دلوقتى ميعرفوش انى زعلانة منهم لانى برضه مش عايزة ابينلهم بجد انا فقدت الثقة فى الناس كلها ومش عارفة اتصرف مع البنتين دول ازاى ياترى ابعد عنهم واخرجهم من حياتى ولا افضل مصاحباهم عادى انا بجد ومحتاجة حد يساعدنى لانى خلاص مش قادرة استحمل انى ابقى قاعدة مع صحابى وانا حاسة انهم مش بيتمنولى الخير

[طفلة الامس]

رد: خلاص مش قادرة استحمل ساعدوووووووووونى

يا جماعة بالله عليكم ساعدونى 8 مشاهدات ومحدش رد عليا بالله عليكم حد يرد يريحنى

[الملاك المجهول]

رد: خلاص مش قادرة استحمل ساعدوووووووووونى

السلام عليكم ورحمة الله وبركاتة


الاول كل سنة وانتى طيبة اختى


انا من راى تقولى لهم المواقف اللى عملوها فيكى وحشة واحتمال يطلع ان انتى فاهمة موقفهم غلط او يطلع لهم مبرر ولو مش عندهم عزر هيعتذروا لكن ما ينفعش تبينى عكس شعورك لهم لان كدة ممكن يكرروا خطاهم تانى

بالاضافة ان مش كل االناس كدة يعنى انتى خلال حياتك هتاقبلى شخصيات كتير فيهم الوحش والحلو ووهتتعلمى من دة ومن دة بدون فقدان الثقة ولكن تتعاملى بشىء من الحذر


ربنا يحفظك اختى

[الملاك المجهول]

رد: خلاص مش قادرة استحمل ساعدوووووووووونى

يا جماعة بالله عليكم ساعدونى 8 مشاهدات ومحدش رد عليا بالله عليكم حد يرد يريحنى

اهدى وواضح من كلامك انك حساسة اوووووى الناس دى ممكن تشوفى منهم كتير بس مش كلهم كدة

واعملى بنصيحة ابن تيمية

" والسعادة في معاملة الخلق : أن تعاملهم لله فترجوا الله فيهم ولا ترجوهم في الله، وتخافه فيهم ولاتخافهم في الله وتُحسن إليهم رجاء ثواب الله لا لمكافئتهم وتكف عن ظلمهم خوفاً من الله لا منهم

[مالي حب سواك يا رب]

رد: خلاص مش قادرة استحمل ساعدوووووووووونى

وعليكم السلام ورحمة الله وبركاته

كل سنة وأنتِ إلي الله أقرب

وتشرفنا بإنضمامك معنا بإذن الله تستفيدي وتفيدي

ولكن أنتِ لازم تخبري أصدقائك وإن كان صحيحاً أنهم يقولون ذلك فأنصحك ألا تُصاحبيهم فإنهم لا

يرجون لكِ الخير أبحثي من يحبون لكِ الخير

ولكن إذا لم تخبريهم بذلك فإنهم سيفعلون فيكِ أكثر من هذا لإنك لم تواجههم في أول الأمر

نسأل الله التيسير

ـــــــــــــــــــــــــــــــــــــــــــــ

سبحان الله وبحمده

[دموع غافلة]

رد: خلاص مش قادرة استحمل ساعدوووووووووونى

أختي الفاضلة:
نصيحتي لك أن تكثري من دعاء المولى عز وجل أن يرزقك الصحبة الصالحة.وهو مجيب الدعاء سبحانه.
أنا عملت كدة وربك كريم رزقني بصحبة ماشاء الله تبارك الله عليهم.
أسأل الله العظيم أن يرزقك الصحبة الصالحة.
والسلام عليكم ورحمة الله وبركاته.

[المنتقبة السعيدة]

رد: خلاص مش قادرة استحمل ساعدوووووووووونى

لو متأكدة من أنهم فعلا ش بيحبوا ليكى الخير
أبعدددددددددددى
لأن من النوع دا لا تستريحى معاهم ابدااااااااا
لأن دى صفات صعب اووى تتغير
لأن فى بنات قلبها أسود
حتى لو ملتزمة
بيبقى فية صفات صعب التخلص منها إلا قليل
دورى على بنات طيبة
لاتحمل الحقد والحسد والقلب الأسود
الذى لايتنمنى الخير
أدعى ربنا كثيييييير بالصحبة الصالحة
ونصيحة
بلاش الحساسية الذائدة
لأن عن نفسى تعبت منها جدااااااااااا
عامليهم لله عز وجل
لا تنتظرى منهم كلمة شكر
أنتى بتتعاملى مع الله عز وجل
لأن فية ناس لاتتعبى دماغك للتفكير فيهم
وأنك تتعبى اووى علشانهم لو زعلوا أو كدة
هتتعبى نفسك وخلاص
وربنا يشح صدرك ويرزقنا صحبة صالحة

[محبة لذكر الله]

رد: خلاص مش قادرة استحمل ساعدوووووووووونى

اولا كل سنة وانتي طيبة true
موضوع الصداقة دة ناس كتير عانت منه وانا والله عانت كتير بسبب اختيار خطأللاصدقاء من الاول
انت حاولي تصارحهم بكدة وشوفي رد فعلهم ايه
ممكن تكوني انتي فهمتيهم غلط
ولو تمادوا في كدة يبقي العيب فيهم هما ولوتقبلو الموقف يبقي ناس كويسة وهما لو بيحبوكي في الله يبقي يبررولك موقفهم وانتي تصدقيهم اذاكانوا علي حق ولو كانو غير كدة فافضل شئ تسيبهم وبسرعة علشان كدا هيتعسو حياتك وتختاري صحاب يعينوك علي طاعة ربنا ويكون حبهم ليكي في الله
وربنا يوفقك ويفرج همك
آميييييييييييييين

[طفلة الامس]

رد: خلاص مش قادرة استحمل ساعدوووووووووونى

السلام عليكم ورحمة الله وبركاتة


الاول كل سنة وانتى طيبة اختى


انا من راى تقولى لهم المواقف اللى عملوها فيكى وحشة واحتمال يطلع ان انتى فاهمة موقفهم غلط او يطلع لهم مبرر ولو مش عندهم عزر هيعتذروا لكن ما ينفعش تبينى عكس شعورك لهم لان كدة ممكن يكرروا خطاهم تانى

بالاضافة ان مش كل االناس كدة يعنى انتى خلال حياتك هتاقبلى شخصيات كتير فيهم الوحش والحلو ووهتتعلمى من دة ومن دة بدون فقدان الثقة ولكن تتعاملى بشىء من الحذر


ربنا يحفظك اختى

وانتى طيبة ربنا يكرمك على ردك والله انا مشكلتى انى بخجل من انى اقول لحد انى زعلانه منه عشان بخاف اجرحه بكدة وعشان كدة انا مروحتش اقولهم باللى حاساه منهم ومع الاسف عشان بسكت بيكرروا مواقفهم الوحشة معايا زى ما حضرتك بتقولى
المشكلة انى من يوم مصاحبت ودول صحابى فى الاول كنا اطفال وكانت الحاجات الوحشة دى مش باينة لكن من اول السنة اللى فاتت لما دخلنا ثانوية عامة بدأت نفوس بعضهم تتغير وبقوا بيعملوا حاجات تبين انهم بتوع مصالحهم وبس بجد حسيت انى اتخدعت فيهم ونفسيتى تعبت بقيت حاسة انى لو بعدت عنهم هرتاح بس متخوفة من عواقب بعدى عنهم دى لانى اكيد هحس بالوحد بجد احترت اوى اسفة طولت عليكى بس انا ارتحت شوية لما اتكلمت ادعيلى ربنا يرزقنى بالصحبة الصالحة اللى تحبنى فى الله

[طفلة الامس]

رد: خلاص مش قادرة استحمل ساعدوووووووووونى

اهدى وواضح من كلامك انك حساسة اوووووى الناس دى ممكن تشوفى منهم كتير بس مش كلهم كدة

واعملى بنصيحة ابن تيمية

" والسعادة في معاملة الخلق : أن تعاملهم لله فترجوا الله فيهم ولا ترجوهم في الله، وتخافه فيهم ولاتخافهم في الله وتُحسن إليهم رجاء ثواب الله لا لمكافئتهم وتكف عن ظلمهم خوفاً من الله لا منهم

متشكرة اوى لرد حضرتك فعلا انا مشكلتى انى حساسة زيادة عن اللزوم ومع الاسف حساسيتى الزايدة دى هى اللى عاملة فيا كدة والله انا كنت بتقى ربنا فيهم وبحبهم زى اخواتى وكنت بدوس على نفسى كتير عشان مضايقهمش مش معنى كدة انى ملاك لا انا بشر واكيد ليا عيوب بس والله كنت بعمل اللى بقدر عليه عشان عيوبى دى متضايقهمش بس المشكلة ان انا بشر واكيد ببقى نفسى الناس تعاملنى زى ما بعاملهم لكن لما تحسى ان الناس مش بتحبك حب صادق تحسى انهم مصاحبينك مصلحة وبيبينولك انهم بيحبوكى وهما نيتهم من ناحيتك مش خير بجد احساس وحش اوى
ياريت تدعيلى ربنا يرزقنى بصحبة صالحة لانى بجد محتاجاها اوى

[طفلة الامس]

رد: خلاص مش قادرة استحمل ساعدوووووووووونى

وعليكم السلام ورحمة الله وبركاته

كل سنة وأنتِ إلي الله أقرب

وانتى طيبة ربنا يكرمك

وتشرفنا بإنضمامك معنا بإذن الله تستفيدي وتفيدي

انا اللى تشرفت والله

ولكن أنتِ لازم تخبري أصدقائك وإن كان صحيحاً أنهم يقولون ذلك فأنصحك ألا تُصاحبيهم فإنهم لا

والله انا مشكلتى زى ما قلت قبل كدة انى بخااااااااااف اوى ازعل حد واخاف لو روحت قلت كدة اجرحهم وبعدين هما اصلا لو نيتهم من ناحيتى مش خير زى ما انا شايفة اكيد لما اقولهم مش هيعترفوا بده بالعكس اكيد هينكروا ودة اللى يتعب اكتر انهم هيبقوا كدة بيقولوا عكس اللى جواهم وانا متأكدة انى مش هرتاح بدة انا بجد بدعى ربنا يقوينى ابعد عنهم لكن مع الاسف خايفة انى ابقى وحيدة بجد انا تعبت واحترت

يرجون لكِ الخير أبحثي من يحبون لكِ الخير

ولكن إذا لم تخبريهم بذلك فإنهم سيفعلون فيكِ أكثر من هذا لإنك لم تواجههم في أول الأمر

مع الاسف صح لان كتير لما كانت بتحصل منهم مواقف تضايقنى وانا مقولهمش كانوا بيكرروها واوحش منها كمان

نسأل الله التيسير

ـــــــــــــــــــــــــــــــــــــــــــــ

سبحان الله وبحمده

ادعيلى بالله عليكى ان ربنا يرزقنى الصحبة الصالحة اللى تحبنى لشخصى وتتمنالى الخير

[طفلة الامس]

رد: خلاص مش قادرة استحمل ساعدوووووووووونى

أختي الفاضلة:
نصيحتي لك أن تكثري من دعاء المولى عز وجل أن يرزقك الصحبة الصالحة.وهو مجيب الدعاء سبحانه.
أنا عملت كدة وربك كريم رزقني بصحبة ماشاء الله تبارك الله عليهم.
أسأل الله العظيم أن يرزقك الصحبة الصالحة.
والسلام عليكم ورحمة الله وبركاته.

جزاكى الله خيرا على نصيحتك الغالية والله بدعيله ومتيقنة انه هيرزقنى الصحبة الصالحة باذن الله وربنا يبارك لحضرتك فى اصحابك يااااااااااااااااارب
وعليكم السلام ورحمة الله وبركاته

[طفلة الامس]

رد: خلاص مش قادرة استحمل ساعدوووووووووونى

أختي الفاضلة:
نصيحتي لك أن تكثري من دعاء المولى عز وجل أن يرزقك الصحبة الصالحة.وهو مجيب الدعاء سبحانه.
أنا عملت كدة وربك كريم رزقني بصحبة ماشاء الله تبارك الله عليهم.
أسأل الله العظيم أن يرزقك الصحبة الصالحة.
والسلام عليكم ورحمة الله وبركاته.

جزاكى الله خيرا على نصيحتك الغالية والله انا فعلا من وقت اللى حصل بدعى ربنا يرزقنى بالصحبة الصالحة وواثقة انه هيستجيب ان شاء الله ربنا يكرمك ويباركلك فى اصحابك يااااااااااااارب

[طفلة الامس]

رد: خلاص مش قادرة استحمل ساعدوووووووووونى

لو متأكدة من أنهم فعلا ش بيحبوا ليكى الخير
أبعدددددددددددى
لأن من النوع دا لا تستريحى معاهم ابدااااااااا
لأن دى صفات صعب اووى تتغير
لأن فى بنات قلبها أسود
حتى لو ملتزمة
بيبقى فية صفات صعب التخلص منها إلا قليل
دورى على بنات طيبة
لاتحمل الحقد والحسد والقلب الأسود
الذى لايتنمنى الخير
أدعى ربنا كثيييييير بالصحبة الصالحة
ونصيحة
بلاش الحساسية الذائدة
لأن عن نفسى تعبت منها جدااااااااااا
عامليهم لله عز وجل
لا تنتظرى منهم كلمة شكر
أنتى بتتعاملى مع الله عز وجل
لأن فية ناس لاتتعبى دماغك للتفكير فيهم
وأنك تتعبى اووى علشانهم لو زعلوا أو كدة
هتتعبى نفسك وخلاص
وربنا يشح صدرك ويرزقنا صحبة صالحة

والله هما كتييير اوى من تصرفاتهم بتدل على انهم مش بيحبولى الخير واللى بيأكدلى دة انهم بيتكلموا كتيييييييييييييييييير اوى عن الناس دى فيها صفة كذا وحشة ودى بتذاكر ودى جابت مجموع ودى ودى ودى كلامهم كتييييييييير اوى وانا بجد فقدت فيهم الثقة بقيت بحس انهم اكيد زى ما بيتكلموا على الناس بيتكلموا عليا من ورا ضهرى بجد تعبت بس المشكلة انى خايفة لما ابعد عنهم ابقى وحيدة بجد نفسى اوى ربنا يرزقنى صحبة صالحة ادعيلى بالصحبة الصالحة بجد لانى محتاجلها اوى
وجزاكى الله خيرا على انك ادتينى من وقتك ورديتى عليا

[الذليلة لله وحده]

رد: خلاص مش قادرة استحمل ساعدوووووووووونى

بصى الانسان ده عبارة عن مواقف تفهميه منها وما تضايقيش لانك لسة هتشوفى كتير من الناس وماتامنيش لحد وماتديش الامان احد بسهولة واسرارك ماتديهاش لحد نهائى .

واعرفى منهم عملوا كده ليه وادعى ربنا انه يرزقك الصحبة الصالحة