||| حصريا ولأول مرة على شبكة الإنترنت مسلسل عاجبني فيك لون عنيكي |||

[مالي حب سواك يا رب]

رد: ||| حصريا ولأول مرة على شبكة الإنترنت عاجبني فيك لون عنيكي |||

جزاكن الله خيرا أخواتي وأحسن الله إليكن

الأخت الفاضلة/ مالي حب سواك يارب

برجاء الدخول على هذا الرابط
https://forums.way2allah.com/showpost...postcount=1068

بارك الله فيكِ

السلام عليكم ورحمة الله وبركاته

تم بفضل الله الرد

وفيكِ بارك الله

وجزاكِ الله خير الجزاء ومتــابعين بإذن الله

ربنا يوفقكم

[راجية حب الرحمن]

رد: ||| حصريا ولأول مرة على شبكة الإنترنت عاجبني فيك لون عنيكي |||

بجد اكثر من رائع ربنا يبارك فيكم ويزقكم الاخلاص في القول والعمل

[محبة السلف]

رد: ||| حصريا ولأول مرة على شبكة الإنترنت عاجبني فيك لون عنيكي |||

ياريت إحدى الأخوات تضع رقم مشاركة كل حلقة للتيسير علينا فالنت عندنا ضعيف هذه الأيام .. نسأل الله التيسير ..
بارك الله في هذه الوجوه الطيبة ..

[moslma lillah]

رد: ||| حصريا ولأول مرة على شبكة الإنترنت عاجبني فيك لون عنيكي |||

ياريت إحدى الأخوات تضع رقم مشاركة كل حلقة للتيسير علينا فالنت عندنا ضعيف هذه الأيام .. نسأل الله التيسير ..
بارك الله في هذه الوجوه الطيبة ..

هذا ما حدث بالفعل اختنا
ارجعي لاول مشاركة هتلاقي رابط للحلقات التي تم عرضها
بوركتي اختنا وشكر الله لكِ متابعتك

وربنا يبارك في اخواتي المشرفات ومراقبات فضفضة
بارك الله فيكم

[محبة السلف]

رد: ||| حصريا ولأول مرة على شبكة الإنترنت عاجبني فيك لون عنيكي |||

عذرا أختنا
لم أنتبه لذلك فقد كنت أبحث في باقي الصفحات عن الحلقات التالية ..
جزاكِ الله خيرا على تعاونك ..

[فريق صحبة الخير]

رد: ||| حصريا ولأول مرة على شبكة الإنترنت عاجبني فيك لون عنيكي |||

اهلا بكم من جديد والحلقة الثالثة
مع اختكم فاطمة

فاطمة اللي بدئت تتخلي عن مبادئها وتنزل سلم الانحدار شيئاً فشيئاً
فاطمة اللي كانت محترمة جدااا ومتربية في بيت محترم ملتزم إلي حد ما
فاطمة اللي اسمها علي اسم فاطمة الزهراء رضي الله عنها بنت النبي صلي الله عليه وسلم
اين انتِ من اسمك يا فاطمة ؟؟
.................

هيا بنا نُكمل مع فاطمة

و

وكنا توقفنا عند " البحث عن المفقود "
وشربت فاطمة المقلب شرباً بارتواااااااء ,
تعالوا نشوف ازاي
صلوا علي النبي
عليه الصلاة والسلام


توصل فاطمة البيت متسلمش ع حد خالص ولا ع ماما حبيبتها وتقفل الباب ع نفسها
وزعلااااااااانة
ومكتئبة
وسرحانة
وتكلم نفسها : ياريتني كنت رديت عليه ياريتني ..
وماما تنادي عليها عشان تيجي تحضّر معاها الأكل وفاطمة ولا هي هنا في عالم تاني خالص " عالم المفقود "

ماما : بت يا فاطمة مكنتيش بتردي عليا ليه ؟
فاطمة باسلوب جاف جداا: مسمعتش
ماما : ليه دانا الجيران كانت سامعة صوتي وانا بنادي ....
فاطمة : مسمعتش بقي يا ماما اوففففف
ماما : طيب اتكلمي كويس وتعالي كُلي يلا الأكل اتحط وانتي ولا ليكي لازمة .
فاطمة : لا مش عايزة آكل مليش نفس .
ماما : ليه إن شاء الله ؟ انا مش عارفة البت دي مالها مبقاش حد عارف يكلمها ؟
فاطمة : مش عايزة أكل بقي هو غصب ولا ااااااايه اوفففف؟
بابا_كوجه جديد معنا _ : ايه يا بت بتكلمي امك كدة ليه انتي اتجننتي ؟
فاطمة : يا بابا مش عايزة أكل مليش نفس .
بابا : خلاص يلا روحي مع السلامة .

وتدخل اوضتها وهاتك يا عياط

اول مرة تكلمي ماما وبابا بالاسلوب دا يا فاطمة ؟
بتزعئي في وش ماما ؟
ماما حبيبتك ! اللي عمرك مرفعتي صوتك عليها وقليتي ادبك عليها !!
وكمان عشان عايزاكي تيجي تكلي ؟
حرام عليكي يا فاطمة ..
حرام ..

{وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَاناً إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَا أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيماً }الإسراء23

وقالت انا مش هروح الجامعة بكرة وخدت اليوم كله نووووووووووم وضيعت الصلوات ولا حتي صالحت ماما وبابا اللي زعلتهم ,

فصحيت من النوم ع معاد الكلية اليوم التاني
فتبص في الموبايل لقت 15 مسد كول و5 رسائل
من ميــن ؟؟
طبعا من الشاب إياه
والرسائل كلها اعتذار
وانا اسف
وانتي فين ؟
مجتيش ليه النهاردة ؟
انا قعدت مستنيكي طول اليوم ؟
ياريت تيجي بكرة انا هحجزلك في نفس المكان .
وارتسمت البسمة علي وجه فاطمة
وقامت ولبست اشيك اللبس
والطرحة بدئت تقصر عشان الطقم يبقي اشيك ,
وعلبة الميكب في الشنطة مش هتحط في البيت عشان مش عايزة وجع دماغ من ماما .
وراحت الكلية
وقابلته
واتعاتبوا
وبعدين صافي يا لبن .حليب يا ضياع
ومفيش حضور محاضرات
ولا صلوات
وبقت تسمع اغاني
وبقت تحط مكياج
وبقت تقصر الطرحة
واللبس بدء يبقي ضيق
والكذب علي ماما وبابا وع نفسها .
وووووووو

وطبعا رسائل ورنات طول النهار ولكن نوع الرسائل الأولي كانت دينية .... وبالتدريج .... بقت رسائل .... ولا حول ولا قوة إلا بالله ,

وبعدها خد ايميلها وشاتنج :

وبدئت علاقتهم تتوسع شيئاً فشيئاً, لدرجة ان واحدة من صاحبتها اللي كانت قعدت معاهم قالتلها وهي جاية لوحدها :
البنت : ايه دا يا فاطمة امال فين ........؟ وضحكت هي وباقي الشلة .
فاطمة وطبعا مضايقة من الكلام والطريقة: معرفش هو فين !!
البنت : والله ؟ متعرفيش ! ههههههه وهات يا ضحك
قامت فاطمة سايباهم وماشية

( ودي كانت اول رسالة لفاطمة من ربنا )
فهل فقتي يا فاطمة ؟

وافتكرت فاطمة
مبادئها اللي اتخلت عنها

وان كدة حرام فتلتزم تاني

ومتكلموش

ويرجع يحايلها تاني
وترجع تكلمه وتضعف تاني
وتحس بالذنب تاني

وتقول انا لازم اقطع علاقتي به

ولكن أنّا ذلك وهي سايبة نفسها ف هذا المستنقع

* فاطمة حاليا مقصرة جدااااااا في مذاكرتها بتروح الجامعة عشان تقعد مع الشاب دا
* فاطمة مقصرة جدااااااااا عائليا

*وطبعا مقصرة جدااااااااا روحانيا مع الله

واحسااااااس بالذنب رهييييييييييب

ووحدة
وانعزال
وضيق
وبقت قافلة ع نفسها الباب علطول

ويدخل عليها اخوها الصغير
ويقولها فطوم انتي فين ؟ بقالك كتير مسمعتليش قرءان ؟ مش هتسمعيلي بقي ؟

فاطمة بتسمعه بحسرة وندم وخدته في حضنها وعيطت .
_طيب ليه يا فاطمة معذبة نفسك بمعصية ربنا وانتي اصلا كويسة ليه ؟؟! ,ليه تلوثي نفسك وانتي نقية اصلا ؟؟! _

( اخوها دا كان تاني رسالة من ربنا لفاطمة ...)

فهل فقتي يا فاطمة ؟

وماما تدخل عليها ويبدأ الحوار الآتي بين فاطمة وماما :

ماما : فاطمة فيه ايه ؟ مالك ؟ اتغيرتي ليه يا بنتي ؟ فيكي ايه ؟ قوليلي ! مبقتيش تقعدي معانا خالص ليه؟

_فاكرين حبيبة كانت منشغلة بايه ؟؟ وفاطمة منشغلة بايه ؟؟ هداكِ الله يا فاطمة_

فاطمة في استنكار لواقع حالها مع غرغرة في العين : مفيش يا ماما انتي عارفة الدراسة بقي والانشغال

ماما : الدراسة برده . ؟

ماما : طيب يا حبيبتي انا عارفة انك متفوقة
وربنا يوفقك يا بنتي عايزاكي تفرحينا بقي زي ما

فاطمة : اه يا ماما صدقيني المحاضرات اتراكمت عليا وانا مش متعودة ع كدة .

فرحتينا في الثانوية كدة وتجيبي تقدير عالي .

فاطمة : يارب يا ماما ادعيلي ربنا يهديني ,

ومش هتحكي حاجة تاني لماما لانها في الاول كانت خام

إنما دلوقت اتلوثت بجو الجامعة اللي فتحتله الباب للاسف

مين بيتصل بيها دلوقت ؟؟

الشاب إياه

وهي كانت عاملة الموبايل "صامت" كما اعتادت من بعد ما عرفت الشاب دا
بس نسيت الموبايل في الصالة ودخلت نامت .

"صامت دا علامة ان في شيء غلط
ملحوظة يا اباء ويا امهات لما تلاقي ابنك او بنتك عامل الموبايل صامت او بكود سري للدخول"
خلي بالك اوي ابنك أو بنتك في خطر
دعبس وراه وشوف وراه ايه ؟؟ عشان لو في حاجة ودا اكيد تلحق تلحقها"
فالشاب عمّال يتصل يتصل , فماما عدت من جمب الموبايل ولقته منور فراحت تمسكه تشوف مين بيتصل لقت ايه ؟؟
(اسم الشاب) يتصل بك ...
ماما بتبص واستغربت ايه دا مين الولد دا وبيتصل في نص الليل كمان ؟؟ فلسه جاية ترد لقته خلص اتصال , فحاولت تفتح الموبايل عشان تكلمه وتعرف هو مين !
لقت فاطمة عاملة الموبايل برقم سري محدش يعرف يفتحه !!!
فدخل الشك قلب الأم اخيـــــراً
فاستنت لمّا فاطمة تصحي وصحيت فاطمة عشان تروح الكلية ودار الحوار الآتي :
ماما : انتي تعرفي واحد اسمه .... (وهنا الام مطعلتش فطنة المفروض كانت توقعها الاول ف الكلام ولكن دا حال معظم امهاتنا لما بيتقهروا وبيتصدموا من ولادهم مش بيعرفوا يحكموا الامور كما ينبغي )
فاطمة في خوف ورعب من سؤال ماما واسلوبها بس طلعت ذكية بقي ف ردها " الشيطان بقي ": اممممممممم اه يا ماما دا زميلي اللي انتي قولتلي انقلي منه المحاضرات ف بداية الدراسة .
ماما مع ندمها انها قاتلها كدة : بس متوصلش بيه انه يتصل بيكي الساعة 3 بالليل اتجنن دا ولا ايه ؟
فاطمة : انا هزعئله يا ماما _ يا بت يا حمشة _.
ماما : لا انتي متكلموش تاني خالص , فاهماني يا فاطمة متكلموش تاااااااني , وبالنسبة المحاضرات منتي بتحضري كل حاجة ليه تنقليها من حد ؟؟ ولو اتزنقتي ابقي شوفي واحدة من زميلاتك .
_ كان فين كلامك دا من الاول يا امنا الفاضلة ؟؟ _

فاطمة : حاضر يا ماما .

فاطمة مش عارفة تعمل ايه ف كلام ماما وتعلقها بالشاب دا ومحايلته ليها !!

( وموقف ماما دا كان ثالث رسالة من ربنا لفاطمة )

فهل فقتي يا فاطمة .؟؟

توصل الجامعة وتلاقيه مستنيها ع باب الجامعة ويبدأ الحوار الآتي :

فاطمة : انت بتتصل ليه بيا بالليل كدة وعملتلي مشكلة كبيرة اوي مع ماما وبدئت تشك فيا ؟

الشاب : ايه اللهجة دي يا فاطمة , دا جزائي عشان افتقدتك ؟!
فاطمة : لا بس متتصلش بيا بالليل كدة .
الشاب لما لقاها لسه متنشنة : خلاص انا اسف مش هعمل كدة تاني روّقي بقي ؟
فاطمة : انا عايزة اعرف انت بتكلمني ليه دلوقت وايه سبب علاقتنا دي ؟
الشاب " يا نهار ابيض" دي بينّها هتبقي قاعدة غم النهاردة : عشان انا اتعلقت بيكي وعايز ارتبط بيكي .
فاطمة :ايه اللي يثبت انك عايزني ؟
الشاب : حاجات كتير يا فاطمة في ايه مالك ؟
فاطمة وبتعيط وضعفت تاني : انا مش طايقة نفسي حاسة اني مكروهة من الدنيا كلها .
الشاب + إبليس : ليه يا بنتي فيه ايه ؟ انتي عملتي حاجة غلط لسمح الله ؟ منتي زي باقي البنات ؟ وبعدين بقي اخلاقك دى هى اللى شدتى ليكى وتدينك كمان ؟
ومعاكي حبيبيك اللي بيحبك وف نفس الوقت مبتعمليش حاجة شاذة يعني , انتي مكبرة الموضوع اوي ومأفوراه زيادة عن اللزوم ’ متبقيش خنيقة بقي .
فاطمة والشيطان اثر عليها للاسف : انا مش خنيقة انا عايزة اعرف انا صح ولا غلط
_ جاية تسألي الشيطان يا فاطمة يا ذكية ؟ ما طبعا هيقولك انتي صح ومية مية _
الشاب : انتي زي الفل , ناقصك بس
الضحكة الحلوة
و

ورجعت تاني لنفس الضياع بعد رسائل ربنا الخفيفة لها لعلها تفوووووق ,

ولكنها يظهر من النوع اللي لازم تحصله مصايب عشان يفوق

وإليكي يا فاطمة هذه الأبيات
نفسي تقوليها للشاب دا
اسمعي كدة قصدي... اقري كدة :

إعذرني فأنا إمرأة أخرى

إعذرني فأنا إمرأة أخرى
لا تحبك ولا تهواك
لم تبيت تحلم برؤياك أو لقياك
إمرأة جادة لم تفكر فيك يوما حتى تنساك

إعذرني فأنا إمرأة أخرى
لا تجيد لغة الحب والغرام
إمرأة مختلفة غير نساء هذه الأيام
إمرأة تجيد أشياءًا عديدة
غير الأحلام والهيام
إعذرني فأنا إمرأة أخرى
لا تتكلم بلغة العشاق
الطريق إليها ليس مفروشا بالورود
ولكن بالأشواك
ليس صيدا تصيده أيها الجاهل بالشباك
إعذرني فأنا إمرأة أخرى
إمرأة أبية ليست كالأخريات
لا تهمها إبتسامتك ولا تسحرها أجمل النظرات
لا لن تستجيب لما تقدمه لها من مغريات
فهي ثابتة على قيمها كالجبال الراسيات

إمرأة اخرى

تعرف لخالقها قدره فلا تقع في الموبقات

لم تحلم بالحب يوما الا فيما يقربها للجنات
امراة لا تريد أن تحشر إلا مع الصالحات

لأني
إمرأة أخرى

والي اللقاء مع الحلقة القادمة

ومع رسائل ربنا الجامدة
والمصائب اللي هتتحل ع دماغ فاطمة

تابعونااااااااااااا

عايزين تعرفوا مين الاخت " حبيبة " اللي كل شوية نتكلم عنها ؟ اتفضلوا هنا :

أقوى المسلسلات << حبيبة بابا عايزه ... >>

مش ها تقدر تغمض عنيك ( 123 ... الصفحة الأخيرة)

فاكهة الحلقة

أختاه إحذري (مقطع رائع للشيخ محمد يعقوب)

مقطع لفضيلة الشيخ وجدى غنيم

انشودة يا إبنة الإسلام للشيخ أحمد العجمي

والي اللقاء في الحلقة القادمة

و

والسلام عليكم ورحمة الله وبركاته

[فريق صحبة الخير]

رد: ||| حصريا ولأول مرة على شبكة الإنترنت عاجبني فيك لون عنيكي |||

شكر وتقدير لصاحبة قصيدة
إعذرني فأنا إمرأة أخرى
الأخت / *حوراء*
جزاها الله خيرا

[مستبشرة]

رد: ||| حصريا ولأول مرة على شبكة الإنترنت عاجبني فيك لون عنيكي |||

بارك الله في جهدكن يا أخوات و تقبل منكن
اللهم اهدي بكن

[الانين الصامت]

رد: ||| حصريا ولأول مرة على شبكة الإنترنت عاجبني فيك لون عنيكي |||

وانا مثلك يا اختى رقيه احنا بجد محتاجين المسلسل ده لاننا على وش جامعه ومش عاوزين نعمل زى اختنا فاطمه وجزاكم ربى خيرا

[إبنة الإسلام]

رد: ||| حصريا ولأول مرة على شبكة الإنترنت عاجبني فيك لون عنيكي |||

راااااااااائع اللهم بارك
مسلسل رائع
جزاكم الله خيراً

[طالبة الحب فى الله]

رد: ||| حصريا ولأول مرة على شبكة الإنترنت عاجبني فيك لون عنيكي |||

السلام عليكم ورحمه الله وبركاته
ممكن يوضع كل يوم حلقتين
جزاكم الله خيراً

[مخلصة لرب العالمين]

رد: ||| حصريا ولأول مرة على شبكة الإنترنت عاجبني فيك لون عنيكي |||

بارك الله فيكن أخواتى الفاضلات

[كريمة الاسلام]

رد: ||| حصريا ولأول مرة على شبكة الإنترنت عاجبني فيك لون عنيكي |||

[quote=الانين الصامت;1059674165]وانا مثلك يا اختى رقيه احنا بجد محتاجين المسلسل ده لاننا على وش جامعه ومش عاوزين نعمل زى اختنا فاطمه وجزاكم ربى خيرا[/quote
الحمد لله لقيت اخوات لى مثلكن وان شاء الله نكون فى الجامعه الحاصلات على الامتياز بس يعنى هى الاخت فاطمه ما كانتش لاقيه اخوات صالحات مثلكن يدلونهاعلى الطريق الصحيح؟ممكن بس انا لا اتخيل الجامعه خاليه من صحبه صالحه بما انها ممتلئه بصحبة السوء ولا ايه رأيكن اخواتى؟ برده الحمد لله احنا منتقبات يعنى مفيش حد هيقدر يبصلنا والا هيشوف ايه؟!! وربنا يهديكى يااااافاطمه

[أم أبى بكر]

رد: ||| حصريا ولأول مرة على شبكة الإنترنت عاجبني فيك لون عنيكي |||

سلام عليكم و رحمة الله و بركاته

جزاكم الله خيرًا

اللهم قنا أمثال هذا الشاب و شرور أنفسنا

و الله ما يحدث فى الجامعه له العجب

أدركت أنكم تقولون بأنه صار يحدث بالإبتدائى
لا تتعجبوا أنه صار يحدث فى الحضانه أيضًا

الله المستعان
اللهم جنب أخواتنا الشيطان

[ام عائشة]

رد: ||| حصريا ولأول مرة على شبكة الإنترنت عاجبني فيك لون عنيكي |||

بارك الله فيكن اخواتي
ام ابا جهاد
وام عائشة
نورتم
واختنا المشتاقة لله بارك الله فيكِ ع كلامك الطيب ونصائحك الغالية ...

*********************

اخواتي الفاضلات
طبتم وطاب سعيكم وممشاكم
وبارك الله فيكم جميعاً
اريد فقط تنبيهكن لشيء
رجاء اي اخت قد مرت بأي تجربة شبيهة وتري فيها العظة والعبرة والإفادة لغيرها ان تحتفظ بها لنفسها مؤقتا الآن ولا تحكيها هنا ع العام ايا كانت النية خير فلا تحكيها ابداااااااااا بعضويتك التي تدخلين بها المنتدي وهذا حفاظاً عليكن من اي شيء ونعلم ان من تحكي من الممكن ان تكون تابت لله عن هذا ولكن لا تحكي هنا ابداا بعضويتك المعتادة ,
إن شاء الله هناك فكرة اقترحتها بعض الاخوات لهذا الموضوع
سنوافيكم بها قريباً بإذن الله .

حفظنا الله واياكن من كل سوء
اللهم اميــــــــــن
وتابعوناااااااااا
..............

جزاكِ الله خيرا
وحاضر يا اختى لن تحدث
ولكن بعيدا عن النية انا لم اقل انى فعلت معصية يعنى مجههرتيش بيها
ومحكتيش برضوه بتفاخر ولا بتباهى قصدت الفائدة فقط
معذرة اردت توضيح كلامى
وفى انتظار التكملة بارك الله فيك