||| حصريا ولأول مرة على شبكة الإنترنت مسلسل عاجبني فيك لون عنيكي |||

[محبة الإيمان]

رد: ||| حصريا ولأول مرة على شبكة الإنترنت عاجبني فيك لون عنيكي |||

ما شاء الله ابداع وتميز كما توعدنا منكن
قصة رائعة جدا
فى الانتظار
جزاكم الله خيرا
نسأل الله الهداية لجميع شباب وبنات المسلمين

[*هبة الرحمن*]

رد: ||| حصريا ولأول مرة على شبكة الإنترنت عاجبني فيك لون عنيكي |||

بارك الله فيكم

[ولائى لدينى]

رد: ||| حصريا ولأول مرة على شبكة الإنترنت عاجبني فيك لون عنيكي |||

جزاكن الله خيرا أخواتي

وتابعوا معنا قريبا بإذن الله تشاهدوا الحلقة الثانية
وإحقاقا للحق
فهناك عشرات الأخوات اللاتي شاركن في هذا العمل
سواء في التصميم
أو البحث عن الدروس والمقاطع ورفعها
أو كتابة حلقات المسلسل
وسيتم الإعلان بإذن الله عن فريق العمل كله
في نهاية المسلسل
فقــــــــــــــــــط تابعــــــــــــــــــونا

طبعا طبعا .. نعلم ذلك ونحن نشكر كل من اشترك فى هذا المسلسل الجميل المشوق .. وفى شوق وانتظار للحلقة القادمة ان شاء الله.

[أم ضحى وحفصة]

رد: ||| حصريا ولأول مرة على شبكة الإنترنت عاجبني فيك لون عنيكي |||

جزااااااااكن الله خيرًا
قصة رااااااائعة جداااااااا
منتظرين باقي الحلقات بإذن الله

[حفيدة الصديق]

رد: ||| حصريا ولأول مرة على شبكة الإنترنت عاجبني فيك لون عنيكي |||

يلاااااااااااااااااا بقى
انا هموت واكمل
ما تتأخروش علينا

[moslma lillah]

رد: ||| حصريا ولأول مرة على شبكة الإنترنت عاجبني فيك لون عنيكي |||

رووووووووووووووعه
مستنين الباقي بشغف


عارفين لو كانت فاطمه منتقبه ماكنش ولاحاجه من دي
لانهم مابيتجرؤش يكلموا كلمه وحده مع المنتقبات

صدقتي اختنا
النقاب حصن ومانع للاخت من اي أذي
بوركتي اختي

الحلقة الاولى جميلة

بالنسبة لعصافير هو عايز الكشكشول منها بيتلكك عشان يبدأ معاها حوار وكلام عارفة زي الشيطان لما بيخليكي تعملي المعصية من خلال فتحة بسيطة أوي

مش هيقولك من الاول اعصي ربنا أو متصليش مثلا ً مرة تأخري الصلاة ... مرة تكسلي وبعيدن فجأة تلاقي نفسك معتيش بتصلي وهكذا

وبالنسبة كنز الدعوة والله حتى المنتقبات بيحاولوا يكلموهم وبيتفاخروا ان اخت منتقبة ردت عليه ... فحتى لو أخت منتقبة كلمها ولد الأفضل متردش تماما

عندك حق اختنا
نصيحة غالية من اخت فاضلة
بارك الله فيك ع متابعتك

يلاااااااااااااااااا بقى
انا هموت واكمل
ما تتأخروش علينا

حاااااااااااااااضر بإذن الله تعالي

[moslma lillah]

رد: ||| حصريا ولأول مرة على شبكة الإنترنت عاجبني فيك لون عنيكي |||

بااااااااااارك الله فيكم اخواتي الفاضلات ع متابعتكم الطيبة

نسأل الله أن ينفعكم بهذا المسلسل

ونسأل الله أن يجازي كل اخت شاركت في هذا العمل الطيب كل خيــــــــــــر

اللهم آآآآآآآميـــن



تابعوووووووووووووونا
.
.

[om suhaib]

رد: ||| حصريا ولأول مرة على شبكة الإنترنت عاجبني فيك لون عنيكي |||

مستنين بشغف

جزاك الله خيرا

[شيرين ابراهيم]

رد: ||| حصريا ولأول مرة على شبكة الإنترنت عاجبني فيك لون عنيكي |||

جزا الله خيرا كل من ساهم فى هذا العمل الرائه
ننتظر بشغف الباقى

[moslma lillah]

رد: ||| حصريا ولأول مرة على شبكة الإنترنت عاجبني فيك لون عنيكي |||

جزاكن الله كل خير اخواتي

بوركتم

[*هبة الرحمن*]

رد: ||| حصريا ولأول مرة على شبكة الإنترنت عاجبني فيك لون عنيكي |||

يلا الحلقة التانية فييييين

[فريق صحبة الخير]

رد: ||| حصريا ولأول مرة على شبكة الإنترنت عاجبني فيك لون عنيكي |||

مرحباً بكم من جديد مع

اختكم فاطمة

والحلقة الثانية من :

تذهب فاطمة الجامعة لليوم الثاني

وناوية انها تحاول تتعرف ع بنات جديدة وتكون صحبة حلوة وشلة بس وصلت متأخرة برده

_ودا غلط قلنا يا فاطمة لازم تيجي بدري احتراماً للمواعيد وعشان تلاقي مكان تقعدي فيه بدل ما تتزنقي جمب الشباب زي امبارح _

وللأسف ملقتش مكان طبعا

فمين لمحها وهي داخلة ؟!

الاخ الشهم بتاع الكشكول

فمصدق انها مش لاقية مكان فراح بسرعة نادلها

وقالها انا جمبي مكان اتفضلي ,

قالتله : لا شكرا

قالها : انتي ممكن تقعدي المحاضرة الاولي بس وبعدين تدوري ع مكان تاني عشان الدكتور هيدخل .

فكرت شوية كدة وبرده قعدت جمبه
_ برخصة كلام ماما _

المهم حضرت المحاضرة الاولي

وقامت علطول

حاولت تقعد جمب بنات

وقعدت بالفعل
ولكنها لاحظت حد بيراقبها مين ؟

_طبعا الشاب الشهم _,
وهي ايضا بدئت تراقبه من بعيد , ولكنها تحاول إفاقة نفسها ولمحاضراتها اول باول ,ولا تُلقي له بالاً .

فدردشت شوية مع البنات وتعرفت عليهن معرفة سطحية كدة وقالتلهم ياريت تحجزولي جمبكم لو اتأخرت بكرة إن شاء الله واديتهم رقم موبايلها وهي بتديهم رقم موبايلها ايه اللي حصل ومين كان سامع الحوار ؟؟

طبعا الاخ الشهم

كان قاعد ورا بس قاعد بظهره عشان هي متشفهوش وسمع الرقم وسجله عنده .

وجاء ثالث يوم وحاولت انها تيجي بدري عشان تلحق مكان كويس ويكون جمب صحباتها ,

فدخلت المدرج وراحت للبنات لاقتهم مش حجزولها جمبهم رغم انها وصتهم امبارح والوقت لسه بدري يعني مفيش زحمة ,

فزعلت فاطمة منهم وراحت دورت ع مكان لوحدها , وقعدت لوحدها ,

فمين وصل المدرج ؟
عمو الشهم

فبص كدة لقي الاخت فاطمة قاعدة وجمبها كمان مكان فاضي _ يعني قشطة جداااااااا _

ودار الحوار الآتي :

الشاب: ازيك ؟ عاملة ايه

فاطمة: كويسة الحمد لله
الشاب :جيتي بدري اهو
فاطمة : اه
الشاب : في مكان جمبك اقعد ؟

_ مهي لازم تدفع ثمن عزومة امبارح واول امبارح لما قعدها جمبه _

فاطمة في تردد سلبي: اه في .

الشاب :طيب شكرا ,

اخبار المحاضرات ايه ذاكرتيها امبارح ؟

فاطمة مش حابة تتكلم معاه ولكن حرجها اللي هيوديها في داهية منعها من انها تكسفه _ : لا لسه
الشاب: طيب لما تذاكريها واي حاجة وقفت قدامك قوليلي علطول
_ وهو اصلا تلاقيه عايد السنة وفي الطراوة وعامل فيها دكتور بس, لزوم الشغل بقي _
فاطمة: شكرا
الشاب : طيب انا متعرفتش باسمك ؟
فاطمة : اسمي ...... فاطمة
الشاب: الله اسم رائع انا اسمي كذا ...
فاطمة : لا تعليق .
الشاب: هو انتي ساكتة ليه كدة ؟
فاطمة: هقول ايه يعني ؟
الشاب : باين عليكي محترمة اوي متقوليش حاجة خالص اقول انا ,
ساكنة فين بقي ؟ وكنتي مدرسة ايه في الثانوي ؟وبتخدي دروس فين ووووووو
وعمّال يسأل وهي تجاوب
ولا حول ولا قوة إلا بالله

وبدأت تتشد له طبعا وتُعجب به بالفطرة ،

ما هو لازم يحصل جذب بين الجنسين وعلشان كدى ربنا سبحانه حرّم الاختلاط.

وندمت فاطمة انها قعدت تتكلم معاه وتحكي عن نفسها كدة

ولكن شيطانها يرادوها : يا بنتي انتي محترمة معملتيش حاجة غلط وبعدين دا كلام عادي مش حب ولا حاجة , هو انتي تيجي حاجة وسط البنات التانية , دا انتي شيخة يا بنتي ,
استني عليا بس انا هوريكي يا فوفو
_عليك اللعنة يا شيطان وهداكِ الله يا فاطمة _

وروحت البيت سعيدة وزعلانة في نفس الوقت بس السعادة غلبت عليها لانها حست ان حد مهتم بيها بالذات من الجنس الاخر

ويااااا سلاااااااام عمالة تفتكر لما قعّدها جمبه و عمال يراقبها ويقدم مساعدته ليا انا بس وجه يقعد جمبي

وفي ظل السرحان العميق دا ...
ماما تنادي علي حبيبة قصدي علي فاطمة _ الوحشة _
ماما :يا فااااااااااااطمة
ماما : يااااااااااااااا فاطمة
ماما : يا بت فاااااااااطمة
ماما : ماتت دي ولا ايه ؟
فاطمة اخيرا فاقت : ايوة يا ماما
ماما : ايه يا بت انتي مش سامعاني كل دا ؟
فاطمة : انتي ناديتي قبل كدة ؟
ماما : اه يختي ناديت ميت مرة كنتي سرحانة ف ايه إن شاء الله ؟
فاطمة : سرحانة ايه بس يا ماما
ماما : وليه بقيتي تحطي روج وكحل وانتي راحة الكلية ؟
فاطمة : فين دا يا ماما دانا كنت حاطاهم من بالليل ودا اثرهم بس .
ماما : ماشي انا هعمل نفسي مصدقاكي بس بلاش الحاجات دي خالص ولا انتي عايزة تتعاكسي ؟
فاطمة ومش عاجبها الكلام : حاضر يا ماما

وفي اليوم الثاني

الاخ جاي بدري وحاجز للاخت فاطمة جمبه ومترقب باب المدرج اول ما تدخل يصطادها قصدي ينادي عليها و دخلت الفريسة قصدي فاطمة وبالفعل وقعت في المصيدة قصدي وافقت انها تقعد جمبه ولا حول ولا قوة إلا بالله ,

الشاب : اخبارك ايه النهاردة يا فاطمة ؟
فاطمة : كويسة الحمد لله .
الشاب : ايه رأيك حجزتلك عشان عارف انك بتيجي متأخرة ومش هتلاقي مكان .
فاطمة : شكراً

الشاب : بصي ابقي رنيلي علطول اول ما توصلي عشان اعمل حسابي , اه صحيح رقمك كام ؟
فاطمة : مفيش داعي انا هبقي اجي ع المدرج علطول .
الشاب : انتي مش عايزة تديني رقمك صح؟
فاطمة : اصله ملوش لازمة .
الشاب : طيب براحتك وقام زعل وقام كلم صاحبه .
فاطمة حست انه زعل وعلي نيتها ولا تدري ان هذه خطة جديدة _ هداكِ الله يا فاطمة _

وقامت كلمته وقالته انت زعلت .
ساب صاحبه وفرح ان الخطة نجحت : لا عادي بس حسيت انك مش عايزة تكلميني فسبتك براحتك .
فاطمة : انا بس مش متعودة ادي لحد رقم تليفوني خاصة لو كان ولد .
الشاب : ما شاء الله عليكي احترام عالي جدااا . انا كنت بطلبه منك بس عشان لما المحاضرة تبدأ ارنلك او اتوسطلك عند فراش المدرج
_ عم الجدع بقي _
وعلي فكرة عايز اقولك ان رقمك سهل اوي
فاطمة باستغراب : رقمي سهل !
الشاب:اه سهل حتي مش هو ........01
فاطمة : انت عرفته منين ؟
الشاب : عادي يعني سمعتك وانتي بتديه لصحباتك امبارح .
فاطمة : حاجة غريبة اوي
الشاب : لو مضايقة اوي كدة همسحه متزعليش دا مكنش رقم يعني !!
فاطمة : .........

والمحاضرات كلها حضرتها معاه

وتروّح فاطمة

البيت

" الاخت الولهانة "

مش " التقية النقية " زمان .

وتدخل اوضتها وتقفل عليها الباب وتسمع الاغنية اللي حضرته بعتهلها بالبلوتوث "

وبعدين لقت التليفون يرررررن :
بتبص لقت :
عم الشهم يتصل بك ...
قلبها دددددق جااااااااامد ,
ارد ولا لأ ..ارد ولا لأ ..
لحد ما فصل ومردتش عليه
وعملته صامت .

راحت الجامعة واشترت علبة ميكب " مكياج " زي باقي البنات اشمعنا انا ,

ودخلت المدرج بتدور عليه طبعا وهو عارف انها هدور عليه
قام بصلها بصة عتاب ومورهاش وشه تاني
_ خطة عقاب لها عشان تحرم متردش عليا _
وعمالة تدور عليه في كل المدرج مفيييييش
وتروح الكافتريا مفيييييييييش

كان ناقص تجيب ميكروفون

واحد تايه يا ولاد الحلال محدش شافه ؟؟
وبعدين تتجرأ وتتصل به
لا وكمان بيكنسل عليها

وتروّح البيت مضايقة خااااااالص ولا حضرت محاضرات ولا صلت الظهر والعصر وقضت اليوم في البحث عن المفقود

ولا حول ولا قوة إلا بالله .

ونكمل في الحلقة القادمة إن شاء الله

ونشوف فاطمة هتعمل ايه ؟

& فاكهة الحلقة &

******************

الخلوة والإختلاط للشيخ محمد حسان

مجرد علاقة بريئة للشيخ حازم شومان

والي اللقاء في الحلقة القادمة

و

والسلام عليكم ورحمة الله وبركاته

[حور العين1996]

رد: ||| حصريا ولأول مرة على شبكة الإنترنت عاجبني فيك لون عنيكي |||

وعليكم السلام ورحمة الله وبركاته
جزااااااااااااكم الله خير الجزاء
مسلسل رااااااااائع جدا
بارك الله فيكم
ممكن لو فى مسلسلات تانية تكتبوا الروابط بتاعتها؟؟
وجزاكم الله الفردوس الاعلى

[مستبشرة]

رد: ||| حصريا ولأول مرة على شبكة الإنترنت عاجبني فيك لون عنيكي |||

جزاكم الله خيرا
متشوقين للبقية ..
اللهم نجي أبناءنا و بناتنا من الفتن و من مكائد الشيطان

[tabeba.muslima]

رد: ||| حصريا ولأول مرة على شبكة الإنترنت عاجبني فيك لون عنيكي |||

جزاااااااااااكم الله خيرا
رااائع
وفقكم الله لما يحب ويرضى