الخاطرة الأولى ஓ♥♡ღ◦˚° صدقوني انا معملتش حاجةஓ♥♡ღ◦˚°

[روضـ الحياة ــة]

السلام عليكم ورحمة الله وبركاته

اخواتي

صدقوني يا اخواتي

انا معملتش حاجة

انا عارفة انكوا هتصدقوني إن شاء الله

تعالوا احكيلكوا الحكاية من الاول

وانتوا احكموا

.

.

.

.

من كااااااام سنة قبل ما اتولد

هو اللي اختارلي ودبرلي كل شيء

وانا ساعتها معملتش حاجة

هو اللي اختار لي أب وأم مسلمين سنيين

مش نصرانين ولا شيعين

حنينين طيبين

واختارلي عائلة جميلة واخوات بيحبوني

ساعتها برده ما عملتش حاجة

وهو الي خلا بابا يسميني اسم جميل اوي وبحبه اوي

بعد ما كان قرر خلاص انه يسميني باسم تاني مابحبوش

ساعتها برده معملتش حاجة

خلاني اتولد وانا صحيحة الحمد لله مش عمياء ولا عندي مرض ولا ناقصة طرف الحمد لله

ساعتها برده معملتش حاجة

من عليا ببيت جميل بحبه جداااا

عشت فيه احلى ايام حياتي مع عائلتي

ساعتها برده معملتش حاجة

من عليا ببلد مسلمة جميلة وبحبها اوي

مش كافرة ولا نصرانية

ساعتها برده معملتش حاجة

من عليا بمدرسة جميلة وطفولة هادئة

ساعتها برده معملتش حاجة

من عليا باصحاب كويسين الحمد لله بيحبوني وبحبهم وبنخاف على بعض اه ممكن يكون فيهم حاجات مش حلوة بس احسن من غيرهم بكتيييييير

ساعتها برده معملتش حاجة

أنعم عليا انه خلاني اشارك في منتدى من احسن المنتديات الموجودة في العالم كله وخلاني اعرف اخوات من افضل الناس على سطح الارض ( نحسبهم كذلك ولا نزكي على الله أحد )

ساعتها برده معملتش حاجة

يااااااااااااااه اقول ايه ولا ايه

لو جبت كل يوم من قبل ما اتولد لحد ما اموت مش هلاقي فيه نعمة واحدة لالالالالا

نِعم كتييييير لو طول حياتي فضلت اقولها مش هقدر اقولها كلها

لحد اللحظة اللي بكلمكوا فيها دي نعمه مغرقاني والله

صوابعي اللي بتتحرك على لوحة المفاتيح دي

مش نعمة ؟

الهواء اللي بيدخل من الانف ويمشي في مساره الصحيح

مش نعمة ؟

انتوا عارفين ان الانف دي اصلا فيها حاجات بتنضف الهوا اللي داخل لنا ده علشان لو كان فيه حاجة وحشة ؟

يااااااااه نعمه كتير اوي واحنا مش حاسين

بس أهم نعمة منها عليا

انا ما اتكلمتش عليها

هي

.

.

.

.

.

نعمة الإسلام والهداية

يااااااااه كتير اوي اتولدوا في نفسي اليوم اللي اتولدت فيه

هما طلعوا كفرة وانا أنعم عليا إني بقيت مسلمة

انا مسلمة مش بشاطرتي ولا بعقلي

لا

بنعمته عليا

وفي غيري كتير برده مسلمين لكن ما يعرفوش الحقيقة

هو اختارني انا علشان يبصرني

علشان يهديني

ياترى كان ممكن يعمل كده غيره ؟

ياااااااااااااااااااه

كل ده

وانا برده معملتش حاجة

اقولكوا بصراحة

انا كذبت عليكوا انا مش معملتش حاجة

انا عملت كتير

عصيته كتير

مشكرتش نعمه عليا كتير

سبت ناس مدلتهومش عليه كتير

وهو برده أمهلني كتير

ياترى عرفتوا مين هو

يااااااااااااااااااااااه

يااااااااااااااااااااااااااااااااااه

يااااااااااااااااااااااااااااااااااااااااااااااااا ه

أد ايه يارب بتحبنا

أد ايه يارب أنعمت علينا

أد ايه يارب قصرنا في حقك

أد ايه يا رب أمهلتنا

أد ايه يارب لسة هتمهلنا

اللهم يا مثبت القلوب ثبت قلوبنا على دينك

.

.

.

.

سامحني .. كان لازم اجيلك من زمان

ابكي بندم .. واتمني تغفر للي كان

رفعت ايدي للسما .. قربتلك تاني

ازاي نسيتوا ربنا .. عمره ما ينساني
نفسي اقولك اني بحبك
بس يا قلبي وبطل كدبك
لسا الدنيا بتخدع فيك وبتسرقني
بس مليش غير اني اقولك
سامحني

أسبوع وراه شهر وشهور .. بدأتها بغلطة

يأسوا اللي حوليا وقالوا .. بتدنوا ف مالطة

هفضل أعيش عمري اللي جاي .. أرد ف جميلك

معقبتنيش وأدتني فرصة .. لحد ما اجيلك

سامحني كان لازم اجيلك من زمان ........

يتبع إن شاء الله .....

[روضـ الحياة ــة]

رد: الخاطرة الأولى ஓ♥♡ღ◦˚° صدقوني انا معملتش حاجةஓ♥♡ღ◦˚°

فاكر اليوم الفلاني لما كان عندك مشكلة

وقفت ودعيت وبكيت علشان يحققلك طلبك

او يطلعك من مشكلتك

بعد ما طلعك

خلاص نسيت

ما انا معدتش محتاج منه حاجة

ازااااااااااااااااااااااااااي؟

لو كان الاكسجين اللي بنتنفسه ده بيتباع

ياترى كنت هتشتري بكام في اليوم

ياترى لو كانت كليتك دي تعبانة

كنت هتغسلها كاااام مرة في الشهر

جرب روح المستشفى وشوف الناس هناك عايشة ازاي وانت بصحتك

فكر كده لو كنت أعمى كان مين اعاذكم الله هيوديك الخلاء

فكر كده لو مكنش عندك رجلين كنت هتمشي وتروح وتجي وتخرج وتطلع على سلم ازاي؟

اللهم لك الحمد

يارب لك الحمد كما ينبغي لجلال وجهك وعظيم سلطانك

ياريت بقلبكوا تسمعوا المقطع ده بجد

رااااااااااااااااااااااااااااااااااااااااااااااااا اااااااااااااااااااائع

http://ia700204.us.archive.org/4/ite.../7ob_allah.ram

وده تفريغه

يا حبيبَ القلوب .. يا حبيبَ القلوبِ انت حبيبُ انت أُنسي وأنت مني قريبُ يا طبيباً بذكرهِ يتداوى كلُ ذي علةٍ فنعمَ الطبيبُ .. طلُعت شمسُ حُبهِ في القلوبِ واستنارت فما تَلاها غروبُ

حب الله أقوى علاجك يخليكِ تسيبي أي حب حرام في حياتك انك تحبي ربنا .. أقوى علاج يخليك تسيب أي حب حرام في حياتك انك تحب ربنا .. أعظم حب موجود في الكون كله حب الله سبحانه وتعالى

واللهِ .. واللهِ ما طلُعت شمسٌ ولا غرُبت إلا وحُبُكَ مقرونٌ بأنفاسي وما جلستُ إلى قومٍ أُحدِثَهم إلا وانت حديثي بين جُلاسي

أتيتُكَ أُعلنُ ذُلي وفقري وأسفحُ بين رياضِك زَهري

أتيتُكَ أنت حبيبي وربي وأنت مُحيرُ قلبي وفكري

أسيرُ إليكَ سفينةَ شوقٍ يراقبُها الموجُ في كلِ بحرِ فلي ألفُ نجوي ولي ألفُ شكوى وعِندي ألفُ قصيدةِ شعرِ

عَرفتُ الحياةَ ممراً إليكَ وليست مُنايا ولا مُستقري

مال ِ .. مالِ ومالِ الأغنياء وأنت ياربي الغنيُ ولا يُحدُ غناكَ

مال ِ .. مالِ ومالِ الأقوياء وأنت ياربي عظيمُ الشأنِ ما أقواكَ

إني أويتُ لكلِ مأوىً في الحياةِ فما رأيتُ أعزَ من مأواكَ

ما رأيتُ أحبَ من مأواكَ

.

.

.

.

اخر بيتين دول انا لونتهم باحمر ليه ؟

لان الواحد حاسس بيهم اوي

فعلا يا جماعة

يا ما حبينا ناس والناس باعونا

يا ما قولنا السعادة في الاغاني في الافلام في الرحلات في المعصية عموما

اه فيها لذة .. مفيش ثواني وبتروح ممكن نبقى بنعملها واحنا اصلا مضايقين

ده حقيقي ولا لا ؟

يتبع إن شاء الله

[روضـ الحياة ــة]

رد: الخاطرة الأولى ஓ♥♡ღ◦˚° صدقوني انا معملتش حاجةஓ♥♡ღ◦˚°

عارفين يا جماعة احنا ليه اصلا بنحب ربنا؟

علشان هو اللي اختارنا الأول

انه حبنا وخلانا نحبه نعمة وانه فكرنا بنعمه علينا دلوقتي نعمة تانية

بس الحب درجات يا جماعة

شوفوا ربنا بيقول ايه لسيدنا محمد ( صلي الله عليه وسلم )

قال تعالى :(وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا وَسَبِّحْ بِحَمْدِ رَبِّكَ حِينَ تَقُومُ (48) ) سورة الطور

يااااااااااااااااااااااااااااااااااااااااه

إنك بأعيننا ؟

هو ممكن حد ربنا يحبه كده ؟

انه يقوله كده ؟

هتقول ده الرسول ( عليه الصلاة والسلام )

لا يا جماعة حب ربنا مش مقتصر على سيدنا محمد بس ( صلى الله عليه وسلم )

هو طبعا اكثر مخلوق ربنا حبه لكن في ناس كمان ربنا حبهم

تعرف ان امنا خديجة ( رضي الله عنها ) ربنا أرسل لها السلام مع سيدنا جبريل

أتاني جبريل فقاليا رسول الله هذه خديجة قد أتتك معها إناء فيها إدام أوطعام أو شراب فإذا هي قد أتتك فاقرأ عليها السلام من ربها ومني وبشرها ببيت في الجنة من قصب لا صخب فيها ولا نصب .

تخريج السيوطي : (م) عن أبي هريرة.

تحقيق الألباني : (صحيح) انظر حديث رقم: 69 في صحيحالجامع.

تعرف ربنا عمل ايه مع سيدنا عبد الله بن حرام ( رضي الله عنه )

حدثنا إبراهيم بن المنذر الحزامي ويحيى بن حبيب بن عربي قالا ثنا موسى بن إبراهيم بن كثير الأنصاري الحزامي قال سمعت طلحة بن خراش قال سمعت جابر بن عبد الله يقول لما قتل عبد الله بن عمرو بن حرام يوم أحد لقيني رسول الله صلى الله عليه وسلم فقال : يا جابر ألا أخبرك ما قال الله لأبيك وقال يحيى في حديثه فقال يا جابر مالي أراك منكسرا قال قلت يا رسول الله استشهد أبي وترك عيالا ودينا قال أفلا أبشرك بما لقي الله به أباك قال بلى يا رسول الله قال ما كلم الله أحدا قط إلا من وراء حجاب وكلم أباك كفاحا فقال ياعبدي تمن علي أعطك قال يا رب تحييني فأقتل فيك ثانية فقال الرب سبحانه إنه سبق مني أنهم إليها لا يرجعون قال يا رب فأبلغ من ورائي قالفأنزل الله تعالى { ولا تحسبن الذين قتلوا في سبيل الله أمواتا بل أحياء عند ربهم يرزقون}

قال الشيخ الألباني : حسن

تعرف ان العرش اهتز لموت احد البشر

وعن جابر قالسمعت النبي صلى الله عليه وسلم يقول اهتز العرش لموت سعد بن معاذ .

وفي رواية اهتز عرش الرحمن لموت سعد بن معاذ . متفق عليه .

( متفق عليه)

يا جماعة دول كلهم بشر من أنبياء ولا ملائكة

والأمثلة كتير جداااااا

في زمن الرسول ( صلى الله عليه وسلم ) وقبله وفي زمننا هذا

بس انا مش عايزة اطول عليكوا

طب انا ايه اللي هيعود عليا اصلا لو ربنا حبني ؟

يااااااه ده سؤال ؟

انت عارف ربنا لو حبك هيعمل لك ايه ؟

عن أبي هريرة قال قال رسول الله صلى الله عليه وسلم إن الله تعالى قال من عادى لي وليا فقد آذنتهبالحرب وما تقرب إلي عبدي بشيء أحب إلي مما افترضت عليه وما يزال عبدي يتقرب إليبالنوافل حتى أحبه فإذا أحببته كنت سمعه الذي يسمع به وبصره الذي يبصر به ويده التي يبطش بها ورجله التي يمشي بها وإن سألني لأعطينه ولئن استعاذني لأعيذنه وما ترددت عن شيء أنا فاعله ترددي عن نفس المؤمن يكره الموت وأنا أكره مساءته ولا بد له منه . رواه البخاري (صحيح)

انت متخيل ؟

متخيل ربنا لو حب حد هيعمل له ايه ؟

ده كفاية اوووووي

كلمة ياااااااااااااااااااااااااااااااااارب

تخيلوا معايا كده لو اتحرمنا منها

تخيلوا كده لو روحت الموقف ولقيت الدنيا زحمة انك متقدرش تقول يارب خليني اوصل في معادي

وده ايه دي مواصلات

امال لو رايح تعمل عملية هتدعي مين ؟

امال لو مامتك تعبانة هتدعي مين يشفيها ؟

امال

امال

امال

طب وايه يعني ما انا كده كده بقول يارب ؟

بس قولة يارب تختلف عن قولة يارب من حد تاني

وبعدين ما هي كل الناس بتدعي

حتى الكفرة بس هل دعواتنا كلنا زي بعض ؟

لا طبعا بتختلف جداااااا

انك تحس ان ربنا سامعك

ان ربنا هيحققلك طلبك

ان ربنا معاااااااااااااك

رايح الشغل معاك .. رايح الجامعة معاك .. مسافر معاك .. قاعد في بيتك معاك .. لو حد ضايقك هتقول يارب فلان ظلمني اهديه او انتقم منه .. لو شوكة دخلت في صبعك هتقول يارب الشوكة دخلت في صبعي وجعتني يارب خليها تتشال او خفف الالم عني

يارب يارب يارب

[روضـ الحياة ــة]

رد: الخاطرة الأولى ஓ♥♡ღ◦˚° صدقوني انا معملتش حاجةஓ♥♡ღ◦˚°

طيب انا ربنا بيحبني اد ايه ؟

في مقولة جميلة اوي بتقول

اذا اردت ان تعرف عند الله مقامك فانظر فيما اقامك

شوف انت فين دلوقتي واعرف ربنا بيحبك اد ايه ؟

دلوقتي .. بعد ما عرفنا اد ايه ربنا بيحبنا واد ايه نعمه علينا مش هنحاول نزود حب ربنا لينا بقى ؟

عايز ؟

طيب ادخل هنا

ঔღঔ ..ঔღঔ علشــــان ربنـــا يحبــــــكـ ঔღঔ...ঔღঔ

المشاركات الهامة فيها

1
15
16
36
37
53
54
73
74
78

وفي االنهاية عايزة اقول

انك لو حبيت حد من البشر هتعمل ايه علشان ترضيه ؟

والبشر دول اللي بيضيقونا وبيخنقونا وبيزعلونا وبيظلمونا

فما بالك باللي مش عايز منك حاجة

طالب ايه خمس فروض في اليوم .. ما تعملش اللي حرمه

تقرأ قراءن ... ؟

ولو جيت تبص هتلاقي اصلا ان الحاجات اللي ربنا حرمها علينا دي لمصلحتنا احنا

هو ربنا لما حرم الربا حرمها ليه ؟

هل ( أستغفر الله ) خايف على فلوسه ؟

ولا علشان احنا منبقاش بنظلم بعض ؟

وناكل حق بعض ؟

هو ربنا لما حرم الزنا حرمها ليه ؟

تخيل كده لو الزنا كانت حلال

كنت تدخل بيتك تلاقي زوجتك مع واحد تاني عادي ؟

سبحان الله ربنا ما حرمش حاجة الا لو كانت فعلا وحشة او بتوصل لحاجة وحشة وربنا ما فرضش علينا حاجة الا لو كنا نقدر نعملها

قال تعالى : (لاَ يُكَلِّفُ اللّهُ نَفْساً إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْراً كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ (286) ) سورة البقرة

حتى الصلاة اللي هي الفريضة اليومية

صحيح صليها واقف

تعبان صليها قاعد

تعبان اوي صليها نايم

مش قادر خالص صليها بعينك

ايه ده ايه الرحمة دي يا رب ؟

هل بعد ده كله اسيبها خاااالص؟

يلا يا جماعة خلاااااص العمر بيهرب من بين ادينا ياترى هنلحق نرضي ربنا ولا لا ؟

وياترى هنلحق نحصل الناس اللي سبقونا ولا لا ؟

وياترى عارفين امتى هتخلص فرصتنا ولا لا ؟

انتظروا الخاطرة القادمة إن شاء الله

وعايزة اطلب منكوا انكوا تدعولي

ربنا يهديني ويصلح حالي ويتوفني وهو راضٍ عني

والسلام عليكم ورحمة الله وبركاته

[روضـ الحياة ــة]

رد: الخاطرة الأولى ஓ♥♡ღ◦˚° صدقوني انا معملتش حاجةஓ♥♡ღ◦˚°

معلش يا اخواتي انا عارفة اني اتاخرت عليكوا


بالخاطرة


ومعلش برده انها جت طويلة مع اني مش بحب المواضيع الطويلة


بس انا حاسة انها مش تقيلة صح ؟


اصل موضوع حب الله بالذات بيحتاج كلام كتييير


انا اكتر حاجة اثرت فيا في بداية الالتزام كان شريط عن حب الله


هدى الله صاحبه لما يحبه ويرضاه


فأتمنى انكوا تنقلوا الخاطرة دي منتديات تانية لعل الله يفتح بها قلوب

وإن شاء الله الخاطرة الجاية مش هتأخر عليكوا بيها ومش هتكون طويلة

الخاطرة الجاية إن شاء الله هتكون

ماما مش راضية تاكل معايا اندومي ==> في قسم الشبل

او

نصائح طالب مطحون ==> في الحوار العلمي

لسة ما حددتش

وفي كلا الحالتين إن شاء الله هحط رابطها ليكم في الموضوع الاصلي

ஓ♥♡ღ◦˚° خواطر بنوتة مسلمة .. متجدد إن شاء اللهஓ♥♡ღ◦˚°

فانتظروناااااااا

إنما خاطرة النهاردة دي اهداء مني لاخواتي

الذليلة لله وحده


و


اتمنى رضاالله

[روضـ الحياة ــة]

رد: الخاطرة الأولى ஓ♥♡ღ◦˚° صدقوني انا معملتش حاجةஓ♥♡ღ◦˚°

مكررررررر

[الذليلة لله وحده]

رد: الخاطرة الأولى ஓ♥♡ღ◦˚° صدقوني انا معملتش حاجةஓ♥♡ღ◦˚°



يا روضة وبارك ربى فيكِ

[اسلامي فخري]

رد: الخاطرة الأولى ஓ♥♡ღ◦˚° صدقوني انا معملتش حاجةஓ♥♡ღ◦˚°

جزاكِ الله خير الجزاء على كل كلمة كتبتيها أختى الكريمة
وبارك الله فيكِ
وأجرى الله الحق على لسانك دوما
اللهم ارزقنا حبك وحب من يحبك وحب عمل صالح يقربنا إلى حبك

[الذليلة لله وحده]

رد: الخاطرة الأولى ஓ♥♡ღ◦˚° صدقوني انا معملتش حاجةஓ♥♡ღ◦˚°

انا اسفة أختى اللؤلؤة المكنونة مااخدش بالى

[الذليلة لله وحده]

رد: الخاطرة الأولى ஓ♥♡ღ◦˚° صدقوني انا معملتش حاجةஓ♥♡ღ◦˚°

صدقو نى يااخواتى المراقبات انا اسفة على التجاوزات دى لو سمحتوا اقبلوا اعتذارى

[عبير كيره]

رد: الخاطرة الأولى ஓ♥♡ღ◦˚° صدقوني انا معملتش حاجةஓ♥♡ღ◦˚°

[مالي حب سواك يا رب]

رد: الخاطرة الأولى ஓ♥♡ღ◦˚° صدقوني انا معملتش حاجةஓ♥♡ღ◦˚°

وعليكم السلام ورحمة الله وبركاته

اللهم بارك

بارك الله فيكِ أختي روضة

متابعين بإذن الله تعالي

[روضـ الحياة ــة]

رد: الخاطرة الأولى ஓ♥♡ღ◦˚° صدقوني انا معملتش حاجةஓ♥♡ღ◦˚°

جزاكم الله خيراً اخواتي

[~باغية الجنان العلى~]

رد: الخاطرة الأولى ஓ♥♡ღ◦˚° صدقوني انا معملتش حاجةஓ♥♡ღ◦˚°

جزاك الله كل خير
بالنسبة للتأخير فلعل المانع كان خيرا
وبالنسبة لموضوع الأخت أم أبا جهاد فلي اليه عودة
وبالنسبة للمقطع بتاع الشيخ حازم شومان فزي مقلتي رااااااااااااااااااااااااااااااااااااااائع
رفع الله قدركِ وحفظ شيخنا من كل سوء

[روضـ الحياة ــة]

رد: الخاطرة الأولى ஓ♥♡ღ◦˚° صدقوني انا معملتش حاجةஓ♥♡ღ◦˚°

جزاك الله كل خير
بالنسبة للتأخير فلعل المانع كان خيرا
وبالنسبة لموضوع الأخت أم أبا جهاد فلي اليه عودة
وبالنسبة للمقطع بتاع الشيخ حازم شومان فزي مقلتي رااااااااااااااااااااااااااااااااااااااائع
رفع الله قدركِ وحفظ شيخنا من كل سوء

جزاني وإياكِ يا اختي

وبارك الله فيكِ

فزي مقلتي

؟؟؟؟؟؟؟؟؟